لا اللي ترد رد جاسي عاجبتكم, ولا اللي ما ترد من الأساس عاجبتكم. آنا كنت متابعة بصمت, والحين بقول الحمد لله ان ريلج ريال عاجل وحكيم, ونصيحة ارضي بكل اللي يقوله. أتوقع كلها جم شهر ويطخ ويلين قلبه مع دعائج واستغفارج.
بس أهم شي انتي لازم تقدرين النعمة اللي انتي فيها, ريلج ما يتعوض ويستاهل منج كل الخير, وكلمتج بحقه انه ماكو شخصية كلش مو حلوة, وإذا هذي فكرتج عنه فسمحيلي هذا ممكن يشجعج على الغلط أو التقصير بحقه ككل, مو شرط الخيانة, لازم تغيرين هالفكرة بنفسج ولا جذي حياتج عمرها ما راح تتسنع.
تدرين شنو أكبر دليل على اللي أقوله؟ كلمتج القوية ان الكويتيين ما فيهم خير وزاهبين للشماته, شوفي يا بنت الناس, لو تعدين المشاركات ترا المشاركات الزينة أكثر من السيئة, واللي واقفين معاج أكثر من اللي ضدج, الله ستر عليج بدعواتج ودعوات هاللي مو عاجينج, بس بقول شغلة, هالديرة لووو تلفين الكوووووون ما تلقين لها مثيل لطيبة شعبها والخير اللي فيها.
تعلمي تحمدين ربج قول وفعل, وتدعين ان ربج ما يسلمج لنفسج الأمارة بالسوء لأن اهيا اللي ودرتج الحين وراح تودرج أكثر ان طاوعتيها.
وحافظي على بيتج وبنتج وريلج, وتعلمي تقدرين الناس وما تنزلين من قدرهم, لأن الناس مو ملائكة ولا آنا ملاك ولا انتي. وبالنسبة لدوامج اخذي إجازة بدون راتب مدتها طويلة 6 أشهر أو سنة, ولما ان شاء الله تتعدل الأوضاع ردي للدوام وطبعا نقلي, وان ما تعدلت (الله لا يقوله) استقيلي بعد شتسوين, والله يعوضج.
ما عليه حبيبتي ردي جاسي شوي, بس كلمتج بحق الكويتيين مو شوية ونرفزتني..للعلم اللي ترد عليج كويتية وتبي مصلحتج, مو تبي تطبطب عليج بكلمتين عشان تطخين والسلام, المهم ينصلح حالج وتردين لبيتج, والله يوفقج
