خنت ريلي مع2 والحين درا... واختفى :(

[$حبيبة عبودي$]

الله يستر عليييج ..

 

[mshmosha]

واتمنى تدعولي دعوه وحده ما ابي غيرها اني اتم وياه وما انحرم منه ويسامحني والله يعطيكم اللي في بالكم ان شاء الله ولا يقرب بينكم وبين المشاكل

يارب يارب ينسى اللي فات وترجعون علاقتكم من احسن العلاقات ويسامحج ..
شوفي حبيبتي اهو مبين انه يحبج ومايبي يخرب بيته وزوجج ماشاء الله انسان حكيم يعني ماتصرف بلحظة غضب ولا سوى شي يندم عليه
بالعكس يمكن اهو شايف ان الانسان مو معصوم من الغلط ويبي يعطيج درس علشان ماتعيدين اللي صار انا برأي انتي رجعي بيتج وبشرووطه مهما كانت وحاولي انتي بطريقتج عقب ماترجعين تتقربين منه حتى لو يصدج بس حاولي <<<<<<<< كثر الدق يفك اللحام

والله يستر عليج وعلينا
والحمدلله على كل حال

 

[sara999]

ربي يعينج واااي حسيت عظامي تعورني الله يهديج بس
واااي سالفتج تعور القلب

 

[روعة خيال]

انا كتبت رد شطوله شعرضه
بعدين سويت تعديل لان خطئي ان انا ما قريت من البداية لي النهاية تسرعت

المهم

مالج الا رب العالمين

لو مكانج طواااااااااااالي ارد البيت بشروطه ما يخالف اصير صنم بس اسمه ان انا ندمانة

ان شاء الله ماكو الا الخير و اسفة اللي تسرعت بالرد

ديري بالج على بنتج

و يا ريت تبطلين حجي عن ديرتنا و اهلها شكثر من دول الخليج قالوا حجي اخس منا

موفقة

 

[@@jwan@@]

ردي بيتج واول الايام يمكن اتكون صعبه ونفسيتج تتعب فيها يمكن من المعامله بس ان شاء الله يتغير ويردلج

 

[أم راما السعودي]

أعوذ بالله وش هالردود ياخوات........حرام عليكم كل ابن آدم خطاي

وفي حديث قدسي لله عزوجل في مامعناه موحافظه الحديث صح
لوجائني ابن آدم وخطاياه تملء الارض مثل زبد البحر يريد المغففره بصدق لغفرت له

وانتم وش هالردود ..؟؟؟
بصراحه تغثون الواحد زود..

حبيبتي ادعي رب العالمين يفرج كربتك
ولاتفكرين بالطلاق صدقيني فتره بيعاملك بجفاء ثم ينسى...
وطنشي ..حتى لوعايرك لاتجادلين وحطي نفسك مكانه...

والله يهديكم ويصلح بالكم يارب

بس ترى مانتهت الدنيا عند هالغلطه ناس تغلط افضع منها ورب العباد يسامحهم

ولاتكررينها...اذ ربي ستر مره لاعصيتيه زياده بيفضحك

وبالتوفيق..

 

[plsdontgo]

حبيبتي يشهد ربي ان قلبي منعصر عليج وكل اللي بقوله لج لازمي الدعاء والاستغفار ولا تحاولين تكلمينه او تشوفينه حاليا بتكون ردت فعلية عنيفه اتجاهج عطيه فرصه وعطي نفسج فرصه والله يكتبلج اللي في الخير ويسخره لج يارب انه قادر على كل شي

 

[Dandona]

السلام عليكم...

اختي ريلج ليما الحين متمسك فيج وأكبر دليل عقلانيته وحكمته في تصريف الامــور ..اهو فكر ببنته واهلج وجزاه الله خير ذاكر الطيب.. وهذا ان دل يدل على اصله الطيب...

ونصيحتي لج اذا تحبينه ليما الحين وودج انه يسامحج .. ارجعي لــه وبشرروطه ..بالبداية بتكون صعبه عليج بس مع الايام شوي شوي يحن عليــج وترجع لج بعض الامور وتمشي حيــاتج بس لاتخسرين الريال لأنه ليما الحين متمسك فيـج...


كملي قرائة سورة البقره واكثري من الاستغفار.. ورددي دعاء(لاإله الا الله سبحانك اني كنت من الظالميــن ))

والله يهديكم لبعض ان شاءالله .. وطمنيني عليــج ومحد معصوم من الخطــأ ولايهمج الكلام اللي ينقال لان في بنــات متهورات بالردوود.

وبالنسبه لأخوج الصغير قوليله هذا مشاكل وتصير بين كل الازواج ومايجوز اني اتكلم فيها لانها خاصه بيني وبين زوجي...

وقوليله انه مايتدخل بالموضوع قبل لايروح من وراج ويزيد الطين بلــه ..

وحاولي انج لما تكونين متضايقه لاتبينين هالشي جدام اهلــج لانهم يتضايقون علشانج ..

ياربي يهدي سركم ان شاءالله ويفرج همج ويصلح بينج وبين زوجج آمين يارب العالمين

 

[روعة خيال]

لو مهما سووا

محد احن عليج و اصدق معاج الا بنات ديرتج بدون قصور بالباجي

 

[_j'aime mon mari_]

الله يسامحج على اللي سويتيه
انا والله العظيم امشي بالسوق ما ارفع عيني من الارض انتي رايحه تكلمين غيره الله يسامحج ..
المهم ما ابي ازيد عليج انا بعد بس فكرت ان يمكن اللي تكلمينه هذا رفيج زوجج وزوجج شاف رقمج عنده او انه يمكن زوجج مطرشه عليج يبي يشوفج انتي قد الثقه والا لا ؟؟؟؟
وثاني شي اسبابج مادشت راسي كلش يعني ريلي مو رومنسي اخونه واخون ربي !!!!!!!!!!!!!!
صج قووووويه ... في حريم رياييلهم خانوهم واللي تزوجوعليهم وماسوو اللي سويتيه
والمشكله انج للحين تقين على هذاك اللي تكلمينه ... يعني شنو تبين تشكيله ويوقف معاك
يا ماما ترى انتي مخليج بس حق التسليه ... يعني بدقين عليه بيسكره بويهج وبيقولج انا شكو
ما اقول الا الله يصلح اموركم ويهديج ...

 

[((shoOoshoOo))]

امبيه والله والله عورني قلبي

الله يعدي هالســــــــالفه على خير

 

[miss mama]

الله يهدي القلوووووووووب ويسترها عليكم يارب

 

[_j'aime mon mari_]

توني اقرا ردج الثاني ... انا اقول خلج قريبه ن ربج وادعي الله يسامحج ويغفرلج
وانا اقول رديله احسنلج ... اهو الريال شاريج ويبيج ومع الايام راح ينسى ... بس اكيد كل شي بايدج
بمعاملتج معاه وبموافقه لشروطه
واهو ماحط عليج هالشروط الا عشان يتاكد انج بس تبتي وماراح تكلمين مره ثانيه
بس اذا طلقتي بتثبتيله انج عاجبج الي سويتيه وللحين ناويه تستمرين عليه وعشان جذي مو قادره على شروطه
والله يصلح بالج ويفرجها عليج

 

[ام سعود ديكسون]

انا اشكرج علي ثقتج وانج كتبتي الموضوع برغم الجراة وطلبتي حل

وبما اني رديت متاخرة والمسالة قربت تنحل ما اقول الا الله يهدي سرج ويجمعكم علشان بنتج هالمسكينة

حبيبتي انتي مربية اجيال وانسانة فاهمة عداج العيب لو تبتعدين عنه شوي يمكن يهدا ويفكر يرجعج وحتي ساعتها يمكن شروطه تقل ويهدا ويلاقي وقت مناسب للنقاش خليه شهرشهرين لا تضغطين عليه

وبالمستقبل خلي لغتج معاه لغة الصراحة والحوار وسكري الموضوع عن طريق المشرفة

الله يستر علي كل البنات والحريم بستره ويشفع لج ادعي لج بالستر

 

[حلا طيبة]

الله يعينج وانشالله ربي يحلها لك

 

[Bionic Girl]

الله يسهل عليج ان شاءاالله يارب .. استمري بالدعاء وان شاءاالله كل شي ينحل .. دام انج تبتي وعرفتي انج غلطتي الله بيكون معاج ويردكم حق بعض ..

 

[^حبيبة الكل^]

رب يارب يفرج همج وغمج ويزيح عنج و الله العظيم قصتج قطعت قلبي
اسال الله العظيم رب العرش العظيم
ان يصلح بينج وبين زوجج و يرجعكم لبعض و ترجع حياتكم احسن من قبل
ادعي ربج وااايد بتضرع و بكاء و ندم
وحاولي انتي تصلحين الامور مع ريلج
بنفسج
بس خليه يهدى
ورب يارب لا يفرقكم

 

[Beautifulgirl]

الله يعينج وانشالله تردين حق ريلج وينسى اللى صار 0 مشكلتنا احنا الحريم بسرعه ننسى ونسامح بس الريايل ما ينسون بسرعه 0
انا انصحج بشغله وحده اذا راح تقدرين تعيشين مع ريلج بشروطه زين واذا ما والله ما ودي اقولها تطلقي 0 بس انشالله يسامحج على اللى سويتيه 0 طمنينه عليج

 

[الغــ مرت ــالي]

امبيه اانا ماادري شقولج بس منصدمه

معقوله في متزوجات يخونون ريايلهم
لييييييييش عندكم ريال حق شنو ريال ثاني

تخيلي نفسج لو اهو خانج وكلم وحده او حتى تطورت علاقتهم ماتموتين قهر

بس عشان تحسين بشعوره حرام عليجج

ماادري شقول بس ترى خدعتيه خديعه كبيره لبستي عبايه وتضاهرتي بالالتزام عشان يثق فيج استغفرالله

الله يسامحج

 

[RaAaRy]

(واتمنى تدعولي دعوه وحده ما ابي غيرها اني اتم وياه وما انحرم منه ويسامحني والله يعطيكم اللي في بالكم ان شاء الله ولا يقرب بينكم وبين المشاكل)
امييييييييييييييييييييييييييييييييييييييييييييييييييييييييييييييييييييييين ياربي يفج عوقج ويفرج همج ويغفرلج ذنوبج وذنوبنا يارب ويصلح احوالج يارب ويهديلج ريلج ويحنن قلبه عليج وترد اموركم مثل اول واحسن ان شالله يارب يا قادر يا كريم :0bee2e8d89: