خطيبي مفهي ومايعرف اي شي عن البنات ، شوروا علي

[متفائلة خيرا]

الله يوفقك
عليك بدعاء والاستخاره
يمكن مستحي منك ويحس انك اقوي منه في شخصيتك

 

[ذايبه بغرامك]

تسلموون لي بنات .. ماقصرتوا ع النصيحه
والله يتمم لي على خير بفضل الله ثم بفضل دعائكم
في رد لي بالصفحه 4 .. كتبته علشان اطمنكم

تسلمون لي كويتيات
ما انحرم يارب

 

[Mrs.H]

الحين يايج ريال فل اوبشن.. وماعنده ام تهتم فيه فقاعد يفضفضلج انتي بروحج.. وريال عند الرياييل ومحترم وبار بابوه وملتزم.. ومو عاجبج؟؟ لا والسبب انه مايعرف سوالف الحريم والخرابيط والمعاصي؟؟

بالله هذا شي الوحدة تتمناه؟

اسمحيلي اقولج انج انسانة مو طبيعية وانج ماتستاهلين هالريل يبيلج واحد مغازلجي يفرفر بين الحريم ويطنشج واذا عاتبتيه قص عليج بكلمة حلوة وصدقتيه وعنده وحدة مقربة يشكيلها ويفضفضلها عن مشاعره

الله يهدييييج

 

[حرف المها]

حبيبتي مواصفاته اتينن لا تخسرينه عشان هالوسواس الي ماله داعي .. جددي استخارتج و لا تحاتين الحب صدقيني راح ايي مع الوقت حتى لو بعد سنين .. و انتي ماعاشرتيه صج عشان تعرفين مشاعرج تجاهه .. ذكرتيني بنفسي والله كنت احس بنفور نواعا ما و اذا تكلم تلوع جبدي بالبدايه بس مع العشره صرت اموت فيه و يسوى بعيني الدنيا كلها .. شكلج رومانسيه و حساسه و تحاتين انج ماتحبينه
الشيطان شاطر مستغل هالشي قاعد يحاول يكرهج فيه لا تفكرين وايد بس استخيري و عسى الله يتمم عليكم

 

[Beautiful soul]

من صجج وين تحصلين الحين شاب مصلي و بار ولي الحين برئ بخصوص سوالف البنات والشباب الوصخين

بقولج ترى الزواج مو رومنسيه نصيحة لاتستعجلين يمكن هذا اللي مو عاجبج انتي تقدرين تقنعينه بكل شي تبينه ومايكون عسررر معاج

بعدين من قالج باقي الشباب رومانسيين ترى اغلبهم بياع كلام وله غرض من كل كلمه يقولها

وبس عاد انتي كيفج

 

[سوزي الشرقية]

بنات هالايام مدري ويبون
الحب وغيره والكلام العسل يجي بعدالزواج خصوصا انكم ماتعرفوبعض

 

[انصاريه قمره]

آسفه بس انتي يبيلج واحد سر بوتي راعي بنات وعنده سوالف عشان يعجبج
الناس يتمنون واحد مسكين وما عنده خرابيط هالمصابن وإنتي مؤ عاجبج
مسكين الريال ما يعرف يعبر حمدي ربج على عطيته

 

[جنوني عيونك]

ماشاء الله بالعكس هذا دليل انه مو مع سوالف بنات ومغازل وجديه وعينه مومتفتحه ع جديه بكرا مع الحياه بيتعلم يقولج كلام حلو وجديه وبالعكس دامه جديه انتي حتى تقدرين بسهوله تملكينه
ودامه يشكي لج وجذيه هذا انسان طيب وممكن حساس وماشكالج صدقيني الا لأنه حبج

 

[فيلسوفة قلبي]

أشتبينه يعرف عن البناآت ..!!!

مو صآحية أنتي ..

يمه منكم يالحريم .. لما صار يعرف عن النسوان قومتوآ الدّنيآ ..

ولما ما يعرف هم قومتوآ الدّنيا ..


توج خطيبته يمكن مستحي أو أنه يعرف الأصول أنه ما يجوز يتغزل فيج وأنتوآ للحين بس مخطوبين


مآكو شئ رسمي .. لآ تستعجلين لمآ يتم عقد القرآن والزوآج أنتي علميه خذيه بإيده ..

رآح يتعلم شوي شوي ..

والله أن الرياييل هالزمن ينخآف منهم حتى البزر يعرف ينخاف منه يدرون بكل سوآلف الغزل .

أنتي يمه معج كنز حآآآآآآآآآآآآآآآآآآآآآآآآآآآآآآآآآآفظي عليه ولا تفرطين فيه ..


دآم يحبج ويبيج أنطري ليمآ يتم الزوآج تلاقينه يغرقج بالحب ..بس يمكن لآنه متحفظ لآنكم مخطوبين .


الله يوفقكم يارب ..

 

[فيلسوفة قلبي]

صآجة اللي تقول الزوآج لآ تحسبينه أنه رومانسية في رومانسية ..

صدقيني ما تنفع الرومآنسية إذا راعي خرابيط ..


قلبه صافي ونيته بعد صافيه لا تضيعينه ..

 

[طيبة83]

الموضوع من 2012

مادري اش صار على البنت؟

 

[فيلسوفة قلبي]

دآم صآحبة الموضوع أهي اللي أرفعت الموضوع ..

فأقولج الله يوفق بينكم .. لآتحكمي عليه وأنتي للحين ما عرفتي شئ عنه ..

مبين عليه أنه معدنه نآدر ..


مو شرط تحسين ألحين .. لآن الحب يجي مع العشرة مو من بعيد ونظرة..

كوني له الأم والزوجة والحبيبة و لا تحاولين تفتحين عينه على هالخرابيط ..

دام عطآج هدية هذه بادرة حلوة .. ^^

وين بتلآقين هالأيام اللي يعرف الأصول=)

الأ القليل

 

[شطانه طفله]

بصراحه انا ماشفت فيه عيب بس اذا انتي كضخص مو متقبلته ومو مرتاحه لازم ما تنجبرين عشان اختج او غيره هذي حياتج مو حياه غيرج

والله يسهل عليج انشالله

 

[مشتاقه لعيونه ~]

لووووووووووووووول


يتعلم مع الوقت ما عليج ..

 

[دانة_ دبي]

بالعكس انتي علميه و انتي بتكونين اول و اخر حب ف حياته

 

[ذايبه بغرامك]

فديتكم بنات تسلم لي ردودكم الطيبه
انا والله مارفعت الموضوع الا علشان اطمنكم واشكر كل من شار علي وهدى خاطري ونفسي
والمشكله بس يابنات اللي منفعلين ومعصبين علي
انكم تفكروني ابي اسمع منه كلام حب
لو ابي كذا ... كان ماقلت له خ نقطع اتصالنا وكلامنا عالواتس
انا بس كنت ابيه يسألني تفاصيل عني عن اهتماماتي وحياتي وشخصيتي مو بس يتشكى
والله العظيم مو بنيتي كلام الحب والرومانسيه لما قلت لكم اني ابيه يتقرب مني
بالعكس .. حتى مكالماتنا الصوتيه اللي هم ثنتين وكلامنا ع الواتس
حتى كلمه حبيبي او حبيبتي ما انقالت بينا
كانت تعارف بس والله يشهد ان مافيها شي يغضب الله وهذا اللي ابيه
انا من البدايه ابي كل شي بنور وحلال الله

انا عارفه انه معدنه نادر وماراح افرط فيه
وبنتظر الحب يجي بعد الزواج
ارتحت يوم بعض البنات قالوا انهم بعد ماحبوا ازواجهم على طوول
يعني حسيت اني طبيعيه

وانا مو صغيره عمري 27 يعني مو اي شي يحرك مشاعري
ومنتظره هالحب بعد الزواج

بنات بليز اقروا ردودي اللي قبل قبل لاتهجمون

وشكرا لكل كلمه طيبه قلتوها لي

 

[الـجـوري]

هذااا هوو المطلوووب ..



هذذااا ولاااا غييره .. يييج واحد كلامه ينقط عسل ويقوووله حق الف وحده غيييرج


ع الاقل هذا ضامنته ماعنده خراابيط ولٱ شي


ۆاللَّہ ماعرفنا لكم ي البنات .. اذا ياكم واحد ذهبه قلتوو مايعرف مغازل !!!!

واذا يااكم واحد لووتي .. قلتووو بس يخووني ؟!!!



اقولج شغله امسكي مينونج لااييج اين منه !!



ۆاللَّہ العظيم مثله مرااح تلاقين لْۆ تلفين الكوون كله ..

احمدي ربج يمْـڱڼ اللَّہ رااحمج .. عطاج جي واحد


ي بنت اذا ع كلام الغزل والحب .. صدقينيـے كل شي رااح يتغير وانتي راح تحبينه اكككثر .!!


نصيححححه من اخت لاخت .. اتركي الخرابيط عن رآآآسج وتوكلي علـّۓ اللَّہ .. لانه مثله ناادر وصعب تلاقين مثله ؟



.،


ۆاللَّہ يهدي بالج ويسعدج وييب لج الخير !

 

[Killer^Girl]

تاخذين واحد مايعرف غيرج وتعلمينه عليج احسن من انه مجرب البنات كلهم وشبعان
صبري عليه وعلميه
هذا مو عيب
باجر ييج واحد ييننج خاين وراعي بنات

 

[اتمنى اصير ام]

والله انه خوش ريال لاتفرطين فيه وفاهمه عليج حبيبتي بس اعذريه بحكم حياته الاجتماعيه وماعنده خوات فأكيد بيصير حياوي وماعنده خبره بسوالف الحريم وهذا احسن شي عشان لايروح وياطالع منيه مناك هههههه
ربي يوفقج معاه ويسعدكم ويتمم لكم على خير يارب

 

[بيبي قيرل]

يعني اشتبين واحد خببره !! امركم غريب يابنات