خطيبي مفهي ومايعرف اي شي عن البنات ، شوروا علي

[انثى عاشقة]

هذا معدنه ذهب لا تطيرينه من ايدج
يختي لا يجيج واحد مغازلجي وراعي بنات يطلع عيونج ​

 

[اميره1980]

الريال ما يتطوف حرام صراحة تهدينه
اشتبين بواحد زير نساء و عارف كل شي عن البنات هذا اللي تخافين منه

بس اذا انتي مو متقبلته كيفج انتي اللي بتعيشين وياه مو احنا
اذا مو متقبلته من الحين خليه يشوف نصيبه مع وحدة ثانية و انتي بعد احسن
لا بعدين تنفصلين و تصيرين مطلقة شوفي اللي يصلحلج و سويه

 

[♥ SWeeRa ♥]

لو انا منج اتمسسسسسسك فيه بايديني واسناني بعد
قولي الحمدلله
وكل شي يجي بالفطره
يمكن يستحي ومو متعود على الكلام هذا

 

[A_M_A]

الله يوفقج معااه

 

[''☆ ṦỂỄĐŘД ★ '']

اذا جاءكم من ترضون دينه وخلقه فزوجوه

 

[رقـة الاحسـآس]

بالعكس
ماشاءالله مبين كل شي فيه حلو
و اذا عالكلام الحلو بيتعلم منج
ليش لا؟
و مب معناتها ما يعرف عن البنات يعني طلعتي تعرفين اكثر عنه فالحياه؟
يمكن هو عنده جوانب ثانيه انتي ما تعرفينها

 

[باربي برونزيه]

كسر خاطري

 

[bnoota-kw]

حرااااااام عليج كسر خاطري الريال احسن يالخبله واحد مايعرف شي عشان انتي تشكلينه على كيفج بعدين انتي تقولين صغير عااادي مع الوقت بيصير اكبر صاااايع خخخخخخخخ
بعدين الله يهنيج وويفقج انتي صيري امه ورفيجه واخت وحبيبته وكل شي بدنيته الله يخليكم حق بعض

 

[روح مغليها]

زوجي بصك الثلاثين واحسه جاهل
حبيبتي الرياجيل كلمهم جهاال بهيئه رجل
هذا باجر يدلعج

 

[ام حمنـــي]

اختي نصيحتي احمدي ربج على هالزوج لانه انسان نظيف وصدقيني الرجال اللي لسانه دايم معسول هذا ينخاف منه ومو كل شي اتصدقينه منه لكن خطيبج انسان صادق ويخاف ربه والكلام الحلو صدقيني راح يطلع مع العشره يعني مو معقوله من اول مره بيقولج كلام غزل ولما كان يرسل وشكي انا متأكده ان ماكان هدفه الشكوى بس كان يبي يفتح معاج موضوع للحوار بس مو عارف شلون لكن انتي ردج كان سلبي المفروض تسالينه ليش عسى ماشر ومن هالامور ..
واحس المشكله مو فيه المشكله انج انتي مو متقبلته لانج اتقولين حتى لو يرسل كلام حلو مايرضيج المفروض يكون العكس
والله يسعدكم ان شاءالله ويسخركم لبعض

 

[+دلوعه عطيه+]

مبرررررررررروك ماجاك

وربي احسن لك ترى الحب والكلام الحلو يجيك بعد الزواج

جدددد ربي يسسعدك معه

وش تبن بواحد كل حياته مع نسوان و24 ساعه يقول كلام الحب لهن

خليك عاااقله وانتبهي له

 

[منجامور]

اب

اب

 

[فطيم الامارات]

كملي ياحبيبتي ...

واصلا بداية الزواج يكون احترام وتقدير بعدين يبدى الحب مع العشرة

والحمدلله اخلاقه زينه وطيب .. وان شاء اللله اذا تزوجتوا راح يتعلم ويعرف كل شي فيج .. اهم شي الصبر + تقولين له شنو اللي ف خاطرج من كلمة ولا اي شي

اللي تبينه قوليه @@ عوديه على الاشياء الححلوة اللي تبينها كلمة حلوة شي حلو اللي تحبينه سويه وصدقيني بيتعلم منح اهو

مب تسكتين وتكتمين وبعدين تنفجرين


اللله يوفقج يارب

توكلي على الله دامه خوش ريال

 

[Reham 84]

من ناحية يعرف البنات
يعني تبين واحد مئطع السمكة وديلها مثلاً
واذا من ناحية التشكي أنا حاسة فيج لاني مااحب
الرجال اللي يتشكى بس مسكين حسيته يشتكي لج من باب حبيبته
مسكين لمين بيشتكي ام ماعنده وأبوه مكفيه اللي فيه واخته اللي ربته
أكيد مشغولة بعيالها وحياتها
تحمليه مسكين والله يكسر الخاطر
وبعدين يتعود ع الغزل والكلام الحلو

بس لو مرتاااحة نفسياً وماتبينه ومو متقبلته من الحين لا تظلمينه وتظلمين نفسج

صلي استخارة وتوكلي على الله
ماراح تقل فرص زواجك ياما ناس انفصلوا قبل العرس عادي

 

[لاشي]

انا من رايي تتمسكين فيه
ماشاء الله وين تلاقين واحد بنفس
صفاته
احسن من انك تاخذين مغازلجي
وخبره بالبنات وقتها بتتعبين بحياتك
واهو يشكي لك
لانه يحس انك نصفه الثاني
ولا تخافين الحب والغزل
بيتعلم مع الوقت

 

[ذايبه بغرامك]

بنات .. موضوعي قديم من العام الماضي

أشكر كل وحده ردت علي بأسلوب راقي ومحترم ونصحتني .. واقولكم انا خذت بنصيحتكم
واستهديت بالرحمن ومافشكلت الموضوع
واحنا كلمن بعض اسبوعين عالواتس بس ومكالمتين او ثلاث
وكل كلامن بذوق وأدب ومافي اي شي يخل بالأدب
وبعدها قلت له انو انا مابي اكلمك لأنو احب حتى كلامنا يكون برضى الله

للحين ما احس بشي تجاهه لأنو مافي تواصل ابد .
هو جاب لي هديه وعطاها اخوي الكبير يوصلها لي
وانا اهديته هديه وعطيتها بنت اخته توصلها له

اللي ابي افهمكم يااه اني احااول احبه من داخلي .. وان شالله بعد الزواج يجي الحب

طلبتكم بنات ادعوا لي الله ييسر لي وله .. كلما بغينا نملج يصير حدث يخلينا نأجل
تعبت نفسيتي وتعبت من الوحده

 

[أميرة-]

حبيبتي الله يهدي سرج ويطمن قلبج

الرجال اذا تقولين بار باهله ومصلي ومسمي بعد الحمد لله مو ناقصه شي باقي الامور بسيطة

تقولين مايعرف سوالف البنات ومايعرف يقول كلام حلو هذا عاد انتي وشطارتج عوديه بدون ماتجرحينه وصعب تلقين واحد بيرفكت كلنا فينا عيوب بس اهم شي الاخلاق والتوفيق

ربي يكتب لج اللي فيه خير

 

[متجر جنات عدن]

اللي ماعنده علاقات وخرابيط اكيد بيكون جاهل بعالم البنات وان شاء الله يتعلم ويتعرف على هالعالم بالحلال على ايد شريكة حياته ..

 

[M!SS.LOBY]

الله يوفقج

 

[زهرة اللوتيس]

وعليكم السلام رحمة الله وبركاته

اغلب صفاته كل البنات يتمنوها مسالة انه يشتكي هادا دلالة علي انه يبغاكي تهتمي فيلو وتعطي حنان الي فقده بسبب وفاة امه ربي يرحمها وانه مايفهم هادا دلالة علي انه طاهر ونقي وبرئي وبالعكس شي جميل انك تاخدي واحد اعمى حتى بكرة النهار يفتح عينه عليك و ينبهر وزي ماقالت الاخت الرجال علي ماتعودي عودي عالكلام المعسول يصير يقولك كلام معسول بس انتي اكسبي وهو يبغي هادا الشي من طريقة شكواه [/size]