خطيبي مفهي ومايعرف اي شي عن البنات ، شوروا علي

[انسانه بلا حدود]

نفس كلام البنات


لا تضيعينه من ايدك

والله يوفقك ان شاء الله

 

[ماكواسم#4]

مادري ليش تذكرت موضوع وحده اللي عنوانه ان الحظ ما يقوم الا للشلغه والبلقه

واحد بهذي المواصفات يستاهل وحده تعوضه حنان امه مو اتنكد عليه لانها تبي واحد تركض وراه وهو يركض ورا البنات ........ الحمدلله والشكر

 

[Qatar girl]

مو تقولين مافي بينكم اي رابط شرعي؟؟

مو اهو رجال وسيد الرجاجيل؟
مو اهو انسان بار بابوه وملتزم دينيا؟؟؟

اكيد يا قلبي يحاول يبعد نفسه عن الفتنه

شلون تبينه يغازلك وهو حرام عليك وانتي حرام عليه؟؟

ترا هالنوعيه من الرجاجيل تطلع قمة في الرومانسيه بس يبي يبعد نفسه لانه عفيف وطاهر وقلبه نظيف
مو تقولين اختك ماخذه اخوه؟ اسألي اختك عن زوجها وبتعرفين الجواب اذا الاخ الكبير رومانسي ويعرف يدلع زوجته تاكدي اخوه نفسه بس من عفته مايبي يبين لك اي شي

وانتي تعرفين اكثر منه لانك مفتحه عيونك على النت وتقرين بالمواقع وتسمعين كلام الرفيجات اكيد بتعرفين كل شي

 

[أسطورة الجمال]

بالعكس مافي شي دام بار بالابوه وله مكانه بين الرياجيل خلاص احمدي ربج اما كلام الحب هم احمدي ربج هذا دليل ان انتي اول وحده بحياته وماعنده علاقات اما بالنسبه للشكاوي فحرام يمكن يبي يلفت انتباهج له او يحبج ومن حبه قاع يشتكيلج وانتي لازم تستخسرين والله يوفقج.

 

[كات 511]

أولا أسمحيلي علي صراحتي
وانا من سجلت بالمنتدي عمري لاجاملت ولا نافقت واذا شفت غلط أيدي تحكني وسيده على الكي بورد
شلون ياقلبي مافيه رابط شرعي وقاعده تكلمينه بالتلفون ماتخافين من الله شلون تبين تحسين بالسعاده وأنت تغضبين الله
طيب من باب ثاني ماتعتقدين قاعد يختبرج ويشوف انتي شنو من بنت
ثاني شي ياقلبي شلون تطلبين كلام حلو وغزل مافكرتي بردة فعله
أنتي طلبتي نصيحه وأنا هذا كلامي وعديني أخت اللي يحب يطق الباب
والحب مثل ماقالو البنات يجي بعد الزواج واذا هو مثل ماقلتي فأنتي قاعده توصفين واحد فل أبشن مايتطوف ماشوف سبب لردة فعلج والامور هذي الواحد يصلي أستخاره أبرك من راي البشر لأن الله يعلم مابالأنفس ولاتعتقدين أن الحياه الزوجيه مسلسل تركي أنسي ياروحي الزواج يوم حلو ويوم مر
وأسمحيلي علي صراحتي .

 

[وجع قلبي]

طبييييييييييييعي يكون جااهل بذا الكلاااام
لان مااله تجااارب
و اصبررري عليييه الكلام الحلو مو كل شي
لا تسوين اي حركككه تنفرينه منك ب فضاضتك

 

[يَ ربححه فيني]

زوجك فلته لأأ يآخذه غيرج وبكره تتندمين :rerrerek:

 

[بنت بنتها]

حبيت اقولج انج حدج سخيفه وماتستحين تدورين كلام الحب وهو ما ملج عليج

والولد على قولتج محترم وحبوب وبار ببوه وكل الرجال تعرفه رجال ومن جامعه للبيت للبر للبيت ومايعرف يكلم بنات وولد خالتج من لحمج ودمج مايخون فيج ولايقص عليج ولابعد مناسبينهم شتبين اكثر من جذي

حدج سخيفه تبين واحد يقولج احبججج وعنده خرابيط عشان تستانسين

ولمه يتعب مايجي الا انتي لانه معروووف الي يتعب مايكلم الا الي يحبه يعني بالله عليج راسي يعورني بقعد اسولف مع وحده ماحبها اكيد لا

تدرين احسن انج عطيتيه بلوك لانج ماتستاهلينه

يمكن خيره من الله يرزقه بوحده احسن منج عاقله وتحب الرجال العاقل لانه العاقل مايطلع رومانسيته قبل العرس



سووري على كلامي بس جد طفررتيني عشان تحسين مادري شتبون يالبنات​

 

[حبوبة الأطفال]

ماشاءالله تبارك الرحمن عليه
بار بأبوه ومصلي ومسمي ومعروف بالمرجله بين الرياجيل
وقالج انه ناوي يتغير ويحبج وشاريج

وفقطططططط

مشكلتج معاه انه مايعرف كلام الحب

ويييييه حبيبتي

ما احط بذمتي لكن الرجال الي خبرررررة بكلام الحب والغزل احتمااال كبير انه عنده سوابق

اما الي ماعنده ولا اي نوع خبره (صفر عالشمال) سوالف خرابيط زيرووووو

...

فأقول توكلي على الله قلبو

وتمسكي فيه ... وسوالف الحب راح يتعلمها منج مع الوقت

ربي يوفقج ويسعدج دوم

 

[~mmm~]

والله ماعرفنا لكم
اللي عنده خرابيط ماتبونه
واللي مايعرف بهالسوالف ماتبونه
!!!!

 

[غنج اهلها]

شوفي اذا انتي مرتاحه له بس هالجانب اهوا اللي يبعدج عنه

لاتحاتين صدقيني راح يبدع وتنبهرين بعد

هالناحيه شي سهل وماتبي له ممارسه

 

[عشقك وطن]

والله ماشوف بالرجال أي عيب !


اول شي انتي قلتي ماتبين تردين عليه ومابينكم اي ارتباط رسمي


بعدين هبيتي بوجهه تهزأئين وتبين كلام حب


!!



ثاني شي مايعرف بعالم البنات يعني انسان ماعنده خرابيط وغير كذا انتي تقدرين تعودينه ع الشغلات اللي تبينها


وتنقلين له الصوره بالمفهوم اللي تحبينه


خليه يتعلم ع ايدك وبطريقه غير مباشره بدون ماتقولين انت ماتعرف وانت ماتسوي و و و الخ


وبعدين هو يشتكي يعني يفضفض يشتكي معتبرك صديقه وهالشي حلو لما تبين تبنين علاقه قويه بشريك حياتك



وبعدين صفاته جميله ومايتعيب ويكفي بار بأهله







بيدك انتي تخلينه يحبك ويصير احلى من اللي تبين بعد



موفقه

 

[Dalo0o3a Cute]

آهم شي حنون ومصلي ويخاف الله


نصيحتي لج حافظي عليه

 

[طالبة1990]

الله يهنييج يااارب

رايي ماراح يختلف عن راي البنات

 

[نسايم الليل]

احمدي ربك حبيبتي وتمسكي فيه بيدينك ورجوولك احسن مايجيك شايف بنااات لين عاايف
وترا عادي بادري انتي بالكلام الحلو وصدقيني شوي شوي وبيغرقك بكلام الحب والغزل

 

[رآآحٺ آيآمڪْـ]

،‘

معَ منآلِ

،‘

 

[سفيره الكويت]

انسان ذهب تتركين لمن يتعسل بكلامه ثم يغدر فيج ولا من لا يجيد صياغه الكلام الرومانسي لكنه بالافعال تشهد له انه رجل ..!

والكلام الرومانسي يأتي مع الوقت وانتي تقولين انه يشتكي لك وهذا دليل انج الوحيده بقلبه وانه يحبج

 

[Laidy n3ooma]

علمييييييه

 

[Laidy n3ooma]

وادعي ربج انج تحبينه

لان هل فئه من الشباب نادر

 

[مناير ...!]

دامه بار باابوه وصيته معروف بالمرجله
ويبيج وانتي فرحته لاتخلينه هذا باجر يحطج بعيونه ويسكرهم عليج من غلاج