خطبها متزوج ؟؟مايتعوض ؟توافق؟

[ستانلي]

لـــــــــــو زوجتـــــه الأولى مريضـــــة مرض يستدعي انه يتزوج عليها خلاص خلي صديقتكـ توافق أومااا كذا فرااغة بس يبغى يتزوج وزوجته مو ناقصها شئ عااد مدري بس في الأخييير لازم تستخير وماخاب من استخااار الله والله يوفقهااا يااارب

معاااها

 

[أعشقه]

عاد وش له تغث روحها من البدايه وليله لها وليله لغيرها
توها صغيره ..
خل تنتظر ربي بيرزقها ان شاء الله الاحسن ..
خل تخليه لزوجته وعياله ..

 

[نورعيونك]

دام صغيره تنطر لاحقه علي العرس حرام تخرب بيت غيرها
اهي ماترضاها علي نفسها

 

[حمامة مكه]

الاستخاره

يابنات لازم منها

 

[-Bello-]

أكييد لا لاتوافق

 

[المكسيكيه]

ما ادري

 

[al3sooola]

تستخير

 

[blue lady]

انا رايي لا تدش بالمشاكل

 

[! بــدويه وآآيــد !]

،

ليش تاخذ متزوج وتبني سعادتها على تعاسة غيرها ؟
بعدين توها حتى وظيفه ماتوظفت يعني العمر جــدامها
وما اشوف له عذر جابت له ولد يشيل اسمه ومو واحد اثنين
والله اعرف وحده عمرها 36 داخله 37 الي يخطبونها كلهم متزوجين ولا حتى تفكر مجرد تفكير تاخذ واحد منهم لانها حطت نفسها بمكان المره وماتبي تهدم بيت غيرها عشان تبني هي بيتها
وخطبها مطلق بس ماتبي تاخذه لان فيه عيوب ماتقدر تتغاضى عنها وعندها ثقه بالله تعالى ان خاش لها الزين عسى الله يرزقها
وبعدين ياكثر الي ياخذون على حريمهم يا انه يطنش مرته الاولى ويركض ورى الثانيه يا انه مايبي الحرام ويوعد الاولى انها تظل راعية البيت والامره الناهيه والثانيه تنقرد وتكره عيشتها شنو لها بوجع الراس هذا كله
انا اقول ترفض والله يعوضها


​

 

[خُزام]

توافق أو ترفض هالشي راجع لها
أول شي ضروري تعرف السبب
يعني اهو متزوج وعنده ولدين ليش يبي يتزوج مرة ثانية !؟
فيه سبب مقنع !؟ والا أسباب تافهه مالها معنى !؟
ثاني شي هل هي راضية ومتقبله انها تتزوج شخص متزوج عنده عيال
تقبل بريال تشاركهها فيه حرمه ثانية تقبل بشخص مو كل وقته راح يكون لها
لأنه شي طبيعي مرته الأولى وعياله أبدى بوقته واهتمامه
راح تكون مرتاحة وراضية جذي !؟
ثالث شي جم عمرها !؟ اذا توها صغيرة فالعمر جدامها
ومحد يدري المستقبل شنو خاش لها وربي شنو كاتب
يعني مو انه كبرت ووصلت الثلاثينات مثلا عشان نقول
والله فرصتها بالزواج قلت ولازم تتغاضى عن بعض الأمور باللي متقدم لها
خلها تفكر عدل عدل وتستخير ربها كذا مرة

 

[الزين 85]

دام كل المواصفات الزينه فيه؟؟ وصغيره شحقه مستعجله عالزواج؟؟؟ لا وزواج مشترك بعد؟؟ يعني بيكون لها نص رجل

اختي نصيبج بيلج ليش العجله عالزواج انا استغرب عالبنت من يعدي عمرها 24 قالت انا عانس؟؟؟

اعرف بنات ملكات زواج تزوجواااا با 27 و26 عادي الناس تفكيرها تطور مو نفس قبل والخيره في مايختاره الله
وبصراحه مادري شنو اللي جابرها تاخذ متزوج؟؟؟؟ ماراح ترتاح فيه


واللي تقول التعدد الله شرعه

اي الله شرعه بس للناس اللي تفهم مو للناس اللي ماتعدل واعتقد قلوا الحين

 

[Miss Cherry]

الله يعينج على الهجوووووم هههههههههههههههههههههه


انا اقول هالقرار شخصي .. اذا هي تقدر تتقبل وجود شريكة وتشوف الرجال صج زين وتبيه اهم شي تحط ببالها انه فيه وحده بتشاركها زوجها اذا متقبله تتزوجه والشرع حلل اربع

طالما انه الرجال بباله العرس مثل ما خطبها بيخطب غيرها لا تحط ببالها انه زواجها من متزوج غلط وهدمت بيت وشرعا حلال

اهم شي تتخذ قرارها عن قناعة عشان ما تتحسف بعدين

 

[(كويتيه عسل)]

لا توافق

 

[جنون العشق]

من صجها


متزوج وعنده ولدين


هذي الفرحه الي تنطرها

 

[نكهةالبرتقال]

المتزوج ماراح يشبعها نفسيا و لا عاطفيا و لا ماديا كثر اللي تتزوجه بروحها

بعدين اخاف تكون نزوة من هذ المتزوج و مارده على مرته الاولى وولدينه


و الشغلة الثانية اذا اهي اتييلها فرص و مرغوبة ليش تقط نفسها و المشاكل

ترا الشريجة تحر حتى لو كانت الاولي

خل تستخير و الله يوفقها

بس صج شي يعور القلب ان الريال يتزوج عل مرته

 

[أحب ربي]

انصحيها تصلي استخاره

والله يوفقها يارب

 

[** باربي **]

شتبي يعني بتبوق الريال من مرته يعني!.. قــطــيــعـــة !؟؟

مو حرام عليها تبني سعادتها على تعاسه غيرها ويمكن تهدم بيته ..

لا تصير بومه تصوم تصوم وتفطر على بصله الا هالمتزوج حبكه ..الله ما كثر الارامل والمطلقين

تقعد لها بدون زواج ولا جريجه شلون تقبل بنص ريال و أييلها من عقبها

الحين الوحده اهله وما تحملهم يشاركونها فيه بعد مرة ثانيه وفراش ثاني وعيال ثانين !!

قولي لها اهيا الاولى وبضل الاولى وام العيال الغالية العزيزة واول فرحته وزهوتة واشكرة وشهوته.. على مرا

وعشرة عمر..ولحضات وايام حلوة ما تنسي لانها اول وحده دشت حيانته وعاشرته ونامت يمه طول هالسنين بالفراش

وبلحضه يطلقج عشانها

والي باع العشرة مع الاولى ام اعياله بيبعها مثل الشقول وبيشوتها بره بأي لحضه

وبييب عليها الثالثه حوبة الاولى او يطلقها ويرد للاولى واهيا بضل اسمها مطلقه من ريال متزوج

لا تصير انانية مو شفاحة تاخذ متزوج ومعيل حرام عليها بتقدر تستحمل نار الغيرة لمن يروح حق غيرها!

يعني بدال لا يصير ريلها حقها ملكها ويمها بالفراش كل يوم والناس ما تشوف مرة معاه الا اهيا

تبي يوم عندها ويوم عند الاولى وتقعد تخيل وتعض بنفسها وتتعب نفسيتها وامراض

والناس الي تصادفهم يوم هالريل مع ذيج ويوم غير!!

الي اعرفه المرة فيها فطرة حب الاستملاك لها بروحها وفي شي اسمه غيره حتى عند الحيوانات

وزوجات عشرة عمر اذا خانها ريلها سبه الغيرة تطلق منه !

مو تاخذ ريال عاشر غيرها وياب اعيال وبضل اهيا الاولى العزيزة الغاليه ام العيال وهاذي اقصاها زوجه ثانيه

باجر يقولها ما قبلتي فيني الا لانج بايرة !!

شلي حادها نضره الناس وكلامهم وتحدي الاولى لها وتسوي لها النون ومايعلمون وتصير منبوذه بالمجتمع

ومثل ما نسميها خطافه الرقاله او المشفوحه الو المقحطه او البايرة هدامة البيوت !!

تقولين نصيب سنع النصيب السنع الي يكون لها بروحها وحنانه وقلبه وما يشوف جسم مرة غيرها ويقارن !

الرياييل بدون شي يقارنون من فوق بالملابس بالشارع بعد مرة ثانيه !!

شحادها لو اغنى رجل بالعالم تاخذ فقير بس لي بروحي !!

ولا استكانه شاي كل من يشرب فيها !!

اصرااحة بطت جبدي الزوجة الثانيه دايمن حقيرة بعيون الناس خل تصير واقعية

والريال ما ياخذها بخبه ويطير فيها عاش لحضاته خلاص ويه ذيج وشبع

الا اذا كانت اول زوجة تكون شريكته الاولى ومحد مناشبه وقاعد يحاتي بيت ثاني واعيال ومسؤلية اهم منها .!!

عفية نفس تبي اتقاسم المرة

لا تزعلين هذا رايي بصراحة والزوجة الثانية الكل ينضر لها بنضرة وصخه وحقيرة واستصغار لانه خذت فضله غيرها .!!

 

[bobo lover]

شالله حادها؟؟
صغيرة وجامعية وتاخذ متزوج!!! العمر جدامها والنصيب راح يجيها
حرام توافق