خطبها متزوج ؟؟مايتعوض ؟توافق؟

[أم خـــدود]

الصراحه من وجهت نظري ماله داعي تتزوج واحد متزوج

اصلا مراح ترتاح دام عندا زوجه وعيال بعد

 

[om.fhody]

خلها تحط نفسها مكان الزوجه الاولى وزوجها راح يتزوج عليها
شنو بتحس؟؟؟؟؟؟؟؟؟؟؟؟؟؟؟؟؟؟؟
تراهذا احساس زوجته الاوليه بيحترق قلبها
يقول عليه الصلاة والسلام((لا يؤمن احدكم حتى يحب لأخيه مايحب لنفسه))
اذا ترضى زوجها يتزوج عليها عادي خل تاخذ الريال من مرته وعياله
لاتزعلين مني حبيبتي
ونصحيه ترا وايد ياخذون الثانيه نزوه مو اكثر وحرام البنت صغيره

 

[‏ڝڋٸ ٵڸڪٿہـآڻ]

لـــــــــــو زوجتـــــه الأولى مريضـــــة مرض يستدعي انه يتزوج عليها خلاص خلي صديقتكـ توافق أومااا كذا فرااغة بس يبغى يتزوج وزوجته مو ناقصها شئ عااد مدري بس في الأخييير لازم تستخير وماخاب من استخااار الله والله يوفقهااا يااارب

 

[دمرت كياني]

كل شي قسمه ونصيب

بس الاهم
الاستخاره مره مرتين او عشر الاهم اهي شنو قررها

بالتوفيق لها

 

[د.شريفة]

لاتوافق ولا تخرب بيت المرأة
وترده
وتنطر نصيبها
ليش تتزوج وتكون الزوجه الثانيه وهي في بداية حياتها وتوها الدنيا جدامها

 

[الشمعه اللمعه]

اول الشي واجد بنات خذوا على شريجه يعني بعرف العرب شي عادي
بس مومعناته اني اقولها اخذيه اول شي بتهدم بيت وبتدخل نفسها بمشاكل اهي بغنى عنها حتى لو تحاشتها
ثاني شي كافي اول زواجها وبشر عسلها ماراح تحس ان ريلها لها بروحها بيكون في من يشاركها حتى لو كان بجسمه معاها بيكون بعقله مع عياله وبيكون فاقدهم احسها صعبه واايد وبعدين شلون بتأمن انه ماراح ياخذ الثالثه ألي ياخذ ثانيه تحلى بعينه الزواجه الثالثه يعني كما تدين تدان
الله لا يحطنا بمكان زوجته يارب فيها حرت قلب

 

[شطانه طفله]

رد : خطبها متزوج ؟؟مايتعوض ؟توافق؟

راي الاغلبيه ماتوافق وانا معاهم اذا تحت 25 لاتوافق توها شباب

 

[عطر الحروف]

تستخير

 

[اميرة اللافندر]

اذا اهي تبي الاستقرار والاعيال تاخذه اذا كان مايعيبه شي وكونه متزوج موعيب فيه هذا شرع الله موكلام ناس

واذا اهي شايفه ان توها اصغيره وعندها طموحات واحلام على صعيد الدراسه او الوظيفه وماتبي ترتبط فهذا الشي راجع لها

وانا اشوف دام جامعيه واهو جامعي شي حلو تتعرف عليه واتشوف عنه بس كونه متزوج فهذا موعيب فيه

 

[$بنت الأمير$]

رد : خطبها متزوج ؟؟مايتعوض ؟توافق؟

أول شي انا استنكر من سالفة تستخير كم مره!!! الاستخاره مره واحده حبوبه وبعدين لااا توافق اللي ما يصون ود الاولى بيبيع الثانيه برخيص ...... اللي رضى يترك عياله وزوجته وأكيد الحين اهيا حزينه .... ما فيه خيرررر ..... وانا مع المثل اللي يقول عانس نظيفه ولاااا عروس جيفه بعدين انتي وموبس انتي كلنا نتضايق لما نشوف ناس تكرهنا واحنا ما سوينا شي؟؟؟!!!! شلون تدخلين على مجموعه كامله بتكرهج لااااا ولها الحق انها تكرهج .....خليها تستخير وتترك الرجال لزوجته وعياااله واللي ما ترضينه على نفسج لااااا ترضينه على بنات الناس ..... وباذن الله راح يجيها اللي يسواه ......والله اللي يترك الاولى ليتركها وما تسوى عنده شي >>>> سامحوني على الاطاله بس صاير الزواج الثاني هبه ولاااا هم مرضين الاولى ولا مرضين الثانيه

 

[what's up]

لا من قلب ما اوافق
اولا ليش يبي يتزوج على مرته ؟؟
ثانيا محد يرضى يتزوج نص ريال
و ثالثا خلي تحط روحها مكان زوجته
و رابعا و اخيرا اهيا مو ناقصها شي على كلامج الي خلقه خلق غيره و احسن منه

 

[Tutti-Frutti]

لا توافق
ماله داعي تخرب حياه غيرها
خل تحط نفسها بمكان الزوجه الاولى .. هل راح ترضى ريلها يتزوج عليها؟

وبعدين توها صغيره بعدها
اييلها اللي احسن منه

شلها بعوار الراس والاذيه والمشاكل

ابعد عن الشر وغنيله

 

[Diva-Q8]

رد : رد: خطبها متزوج ؟؟مايتعوض ؟توافق؟

اذا الريال قادر يفتح بيتين وشاريها وراظي على شروطها خل اتوكل على الله

اشفيه المتزوج في جرب؟ هذا الشرع وحلله الله سبحانه لا انا ولا غيري بيصير عندنا راي احسن من كلام رب العالمين

هم الستر حلو

يمكن ترفضه ومايلها احسن منه يقولون النصيب يطق الباب مره وحده

خل تستخير واتوكل على الله وانشالله ربي يوفقها

 

[Stylista_Q8]

مدآمهآ صغيرة ليش مستعيلة ؟

وتهدم بيت غيرها ! ترضآهآ على روحهآ ؟

 

[الزيــALZAINــن]

رد : خطبها متزوج ؟؟مايتعوض ؟توافق؟

عن تجربه رفيجتي :

خطبها شخص اسم و عايله و ولد حسب و نسب و كان مطلق و عنده ولد و بنت بصراحه بالوقت كانت محتاره وااايد و كانت نفس صفات صديقتج متخرجه و توها تشتغل و لرؤيتها بعض التجارب القريبه منها و قالت اذا تزوجته راح اظلم اعياله ..

والحمدالله الله عوضها بشخص افضل منه ..


و الله يرزقها الزوج الصالح ..

 

[[[ عيون جابر ]]]

توها صغيره وبيونها الي احسن منه اهو متزوج والمشكله مو مطلق وعنده عيال بعد ليش اهي شناقصها اذا على قولتج جميله وجامعيه خل تصبر وربي بيرزقها الي احسن منه انشالله

 

[دلوعة أبوهآ]

ليه تاخذ متزوج دامها توها صغيره ..
صحيح الشرع محلل 4 ..
بس هي متخيله كيف راح تكون حياتها ..!
راح تعيش سعيده وهو متزوج وعند زوجه واطفال .!!!


خليها تفكر واكيد العمر لسه قدامها ..

 

[غداً القاك]

قبل كل شي تستخير
وبعدين بصراحه حنا كـ حريم
فينا الغيره شلون تقتحمين حياة رجل متزوج له زوجه ثانيه
يقسم بينكم يعدل بينكم يقارن بينكم
ليله هنا وليله هناك
صعبه يابنت لو ماينطوف تصبر وربي بيعوظها خير منه ان شاء الله
هي بنت وصغيره ليش ماتاخذ ولد حياته كلها لها
مهتم فيها بروحها
بكره من تدخل حياتها الزوجيه بتحس بالفرق
بيبدأ يعدل ليله هنا وليله هناك
ويبدأ يقارن ........الخ
انا اقول قبل كل شي تستخير تستخير تستخير
وبعدين تسوي اللي ترتاح له

 

[شتتني غيابك]

عالاقل تعرف السبب ليش بتزوج عليها
اذا الاولى موافقة عاديا
او ابعد عن الشر و غنيله

 

[اشتاق الى ربي]

والله بقول كلمة لا تبني سعادتها على تعاسة وحدة غيرها اولها سعاده وبعدها عوار راس وغيره ومشاكل .. خل تستخير والله يجدم اللي فيه الخير