خطبها متزوج ؟؟مايتعوض ؟توافق؟

[تكييف]

رد : رد: خطبها متزوج ؟؟مايتعوض ؟توافق؟

ماكو بهالبلد
الا المتزوج !!!!!!!!!!
وااااااااااي انا انقهرت

ايه تقريبا مافيه الا هالعريس ..بعدين انتوا ليش كله بس تحاتون الاولى ,, واهي بعد تبي انسان يستاهل؟؟؟:bbbiu:

 

[LuLiTa]

توها المستقبل جدامها ,,, اهي لما تاخذه راح تتزوج نص ريال ,, لا بيت حكومة يطلع لها و الاولوية بتصير لـ للمرة الاولى و عيالها ,,لا تفكر بمنصبه و يغرها شكله ,, محد خسران بهـ الزواجة الا اهي ,,,

 

[Nanoosa]

لا توافق لا توافق لا توافق

لو منو يكون لو شنو صفاته

و الله العظيم دايما الزوجة الثانية تتعذب و كل ما الزوجة الثانية يصير فيها شي ولا تصير لها مشكله يقولون مو صارت زوجة ثانية خل تتحمل

انا خالي تزوج على مرته و شوفيها زوجته اليديدة محد مواطنها كلنا مو حابينها لأنها دشت بيت و خربته

انا عندي الوحدة تاخذ لها مطلق أحسن ما انها تاخذ واحد من مرته و تخرب بيتهم

توها مخلصة جامعة العمر جدامها ليش تضيع عمرها مع واحد متزوج عنده مرا ثانية غيرها؟؟

انا هذا رايي و ياليت توصلين لها كلامي ياليت تقراه .. و الرأي لا يفسد للود قضية .. و اهي حرة

 

[Nanoosa]

رد: رد : رد: خطبها متزوج ؟؟مايتعوض ؟توافق؟

ايه تقريبا مافيه الا هالعريس ..بعدين انتوا ليش كله بس تحاتون الاولى ,, واهي بعد تبي انسان يستاهل؟؟؟:bbbiu:

شنو ليش كله نحاتي الاولى؟؟

مهي انسان؟؟ ما عندها مشاعر و احساس؟؟

شوفي حبيبتي الرياييل ما خلصو

و انتو شكلكم مصرين على هالريال جنه ماكو غيره

قولي لها كلامي و الله مو طنازة بس قولي لها

اذا تقدرين تتحملين غثى و ضيم و مشاكل ما تخلص و ماكو سعادة بحياتها الزوجية الا قليل و ينعدون على الاصابع و تخليها تكره الساعة اللي وافقت على هالريال خليها توافق

 

[butter~fly]

وشنو اللي يعيب مرته الاولى عشان ياخذ غيرها باجر ياخذ ثلاث واربع ورياييل الحين مو نفس اول وحده ويالله يقدرون على مصاريفها .. واذا كانت الزوجة الاولى كاملة مكملة مافيها شي يعني ابشرج الريال عينه زايغه ويحب الحريم
اللي ياب هالريال بييب غيره واللي الله كاتبه لها بيصير اشلها بالطلايب وعوار الراس

 

[dla3_princess]

خلصووو الريايييل تااخذ متزووج ؟؟

خل تقص الحق من نفسها تخرررب بيت ريال و مرته

و تقهررر وحده عايشه مع ريلها و عيالها

لوو اهيا مكان الاولى جان ماتت من القهررررر لو يتزوج عليها ريلها

الدنياااا دوااااااااااارة .... لا تفكرر بس بنفسها

 

[معلمة شيسمونه]

انا بعد اقول الوضع كله حلو

اول شي خل تفكر انها بتاخذ شخص مشروك
وكل مشروك مبروك الااااااااااااااااااا الريــــــــــــــــــــــــــــــــــــــــــل

تحط ببالها مشاكل الشرايج
مشاكل العيال
مشاكلها مع ريلها
شنو بتحس فيه انا ياب لفلانه ولا ودى لها ولا عطى اهلها ويمكن يكون تصرفه طبيعي مو بقصده

بس هي بتحترق وتووووووووووووووولع بمكانها

يكفي مشاكلها ببيتها ومع زوجها يالله هالدور حاطه لها شريجه

دامها حلوه وجامعيه ومحترمه
خل تنطر نصيبها
وان كانت كبيررررررررررررررررره حيل
خل تستخير واللي ربج كاتبه بيصير

 

[فرح@@الكويت]

صراااحه ااذا تزوجت اول شى راح تكوون واايد مستانسه وانه زوجها طاير فيها لانها توها عروس
بس شلون لها قلب تفرح وتستانس واهى حارقه قلب وحده وتدعى عليها بكل لحظه ودقيقه لانه المره مره مهما كانت مثقفه او ملتزمه الغيره بقلبها وخصوصا على زوجها

 

[غلا مشعل]

رايي من راي الاخوات شلي حادها وبعدين شنهوذنب مرته

 

[عاشقة هواك]

انا انصحها ماتوافق دام صغيرة ومواصفاتها كاملة ليش تقط نفسها في دوامة المتزوجين ...

انا وياهاا :eh_s(15):

 

[•°أنـــفْــِـاسِ اَلِــــوُرَدِ°•]

حبيبتي مافيها شئ إذا خذته اذاهو رجال دين وأخلاق وبيعدل بينهم خليها توافق وأهم شئ قبل هذا كله خليها تستخير الله والله يكتب لها اللي فيه الخير يارب ويوفقهم اللهم آمين يارب العالمين ,’
لأن مو شرط تاخذ واحد مو متزوج عشان هي توها وقدامها مستقبل يمكن هذا اللي متزوج يكون أخير من اللي مو متزوج وبالواقع شفنا والعلم عند الله أهم شئ خليها تستخير الله ربي وحده العالم باللي فيه خيره لها ,’

 

[الغلا كله لبوي]

لبش تبني سعادتها ع حساب غيره حطي نفسج مكان زوجته الاولى
والله يكتب الي فيه الخير

 

[الغلا كله لبوي]

لبش تبني سعادتها ع حساب غيرها حطي نفسج مكان زوجته الاولى
والله يكتب الي فيه الخير

 

[_ظل الياسمين _]

رد: رد : رد: خطبها متزوج ؟؟مايتعوض ؟توافق؟

ايه تقريبا مافيه الا هالعريس ..بعدين انتوا ليش كله بس تحاتون الاولى ,, واهي بعد تبي انسان يستاهل؟؟؟:bbbiu:

وليش جايه تطلبين نصيحه خلاص انتى ورفيجتج مقتنعين ...................
بس ابيج تسالين رفيجتج سؤال واحد .............ان تزوجت هالريال
وبعد سنه ولا سنتين جا وقال لها شفت بنيه حلوة وصغيره وجامعيه
وابى اتزوجها شنو بيكون رايها................ولا اقولج خلى تحط نفسها
بمكان هالادميه اللى تبى تحرها وتاخذ ريلها منها واهى عندها يهال
اثنين.............شنو بيكون رايلها ترى الرياال مايترس عينه الا التراب
وباجر بدور الدايره على رفيجتج وتذكر .

 

[شوشو الشقيه]

يسلمو اختي
اولا
مدام حلوه وصغيره ليش تاخذ متزوج
تاخذ واحد مثلها لم يسبق لها الزواج

ليش تاخذ من الاساس واحد متزوج ليش توجع قلبهااااااامعاه
وتبدا حياتها نكد بالنكد
تاخذ واحد عازب احسن لها اثنانيتهم يبدون حياتهم مع بعض

هذه من ناحيه
من ناحيه اخري
ثانيا المتزوج يعني ليس لك نصف وقته مع زوجته الاولي وباقي الوقت معاج
مثل ما لها حقوق فيه انتي لج حقوق فيه
يعني تشاركج في زوجك في النوم وفي الجلوس
لها قلب تستحمل هذا المنظر
اذا لها قلب اقولها بصراحه قلبها من حديد
لا يوجد امراه تستحمل تشوف زوجها مع امراه اخري
صعبه بتموت الف مره

بصراحه لو كان هو اغني الرجال واكثر هم جمال
هذا الي خاطبهاااااا
انا اقول لها راحه البال لا تعوض
اذا تزوجت واحد متزوج راحه البال بتذهب منهاااااااااااااا
لانها بتموت من القهر لان زوجها مع امراه اخري وتشاركها فيه

يا بنت الناس اشتري راحه بالج
اخذي واحد عازب و بيكون ملج لا احد يشاركج فيه
وانت وبس
من القهر بتموت الف مره في اليوم
حتى لو لبسها ذهب من فوقها الي اقدامهاااااااااا
الذهب لا يسوي في نظرها شيء
خلى توزن عقلهاااااااااا
الفلوس والمنصب وغني الرجل
لا يفيد اذا كان في اخري تشاركك فيه

اما لو كان فقير عنده خبز انتي وياه تاكلون
بس مرتاحه البال هو ملكج وحدج
عندج الخبز يساوي اللحم واشهي الاطباق في نظرج

ثانيا قلب زوجته المحروق
لما تشوفج معاه
تخيلي منظرهااااااااااااا
حطي مكانج مكانهاااااااااااااا
من حرقه قلبها حتى انتي السعادة بتروح منج
لا تظلمين في الارض
هذه انسانه فكري فيها زين
اليوم رضيت على هذه المسكينه باكر انتي بتكوني محلهاااااااااااا
والي يتزوج وحده واثنتين ويتزوج الثالثه والرابعه
اليوم تزوج على زوجته باكر يتزوج عليج
الي ام اعياله لم يفتكر فيهااااااااااااااااااااا
بيفكر فيج انتي يا الجديدة
بعد ما يشبع منج
بسوي لج نفس الحركه بيتزوج عليج
الي يتزوج الثانية يتزوج الثالثة والرابعه


ترد عليه تقوله
مالنا نصيب
والله يوفقك
اذا اراد السبب
قولي له انا لا اقدر اتزوج واحد واعيش سعيده معاه
وزوجته يكون محروق قلبها
ضميري لا يساعدني
والله يوفقك مع بنت اخري
بنات الدنيا كثيرات

 

[توتــه]

كل اللي قالولج خل تتزوجه اكيد مومتزوجات وماجربوا احساس الزوجه بشريكه

عالعموم هي حرة بقرارها

 

[المرتاحة]

نصيحني لها


النحشه النحشه و بعد النحشه اللي تخلي غبرتها تعجل وراها

 

[البسمةالعذبه]

انا بجاوبج ب رد مقنع خليها تستخير ولازم مرته الاولى يكون عندها علم

هذا اول شي

الخطوه الثانيه البنت تبيه والا لا ؟ اذا تبيه تتوكل على الله

وبخصوص اي وحده مب عاجبها الرد انا اقولكم شي انتوا تحرمون شي حلله الله

اعوذ بالله هالشي فيه رضا الرحمن ما يهم الزوجه الثانيه والا الثالثه او الرابعه الشرع والحلال يآمر بهالشي

بس كل نفس واستطاعتها انا عن نفسي لاني فاهمه ومتوقعه ان في آي يوم ان تزوجت ان شاء الله اكيد الرجال يبي يتزوج

سواء مرتاح او مب مرتاح هذي غريزه واحنا اهني بالدوحه صار طبيعي هالشي يمكن عشان هالشكل انا صارت عندي مناعه

وصار عندي وعي يعني انا اذا مب عاجبني الموضوع اقدر اتطلق ومثل ما قلت لا انا ولا اي وحده تقدر تحرم شي حلله رب العالمين

عندنا الحين بالدوحه الزواج وصل ال3 هههه بس احسن من ان الواحد يروح طريق الحرام

خل تفكر وتبدا صح من البدايه

وتتزوج على علم الاولى مب هالشكل ما تدري الاولى عن هوا دارها

خل تقرا ردود البنات واشلون بيكون وضعها اذا خذت واحد ثاني لا تحسب ان بيكون لها

وطبعا الاحتمال الاكبر ان تحلى السالفه بعينه وياخذ ٣ و ٤

خل تدرس الموضوع عدل

ولا تستعجل

 

[جوجو.]

لا راح تدعي عليها زوجته حرام

 

[تكييف]

رد: رد : رد: خطبها متزوج ؟؟مايتعوض ؟توافق؟

شنو ليش كله نحاتي الاولى؟؟

مهي انسان؟؟ ما عندها مشاعر و احساس؟؟

شوفي حبيبتي الرياييل ما خلصو

و انتو شكلكم مصرين على هالريال جنه ماكو غيره

قولي لها كلامي و الله مو طنازة بس قولي لها

اذا تقدرين تتحملين غثى و ضيم و مشاكل ما تخلص و ماكو سعادة بحياتها الزوجية الا قليل و ينعدون على الاصابع و تخليها تكره الساعة اللي وافقت على هالريال خليها توافق

صح كلامج وانا اصلا مو معاها ؟؟ بس مااجبرها ... وراح اوريها ردج.. بس صج يمكن ماكو غيره ؟؟ وبعدين صفاته كامله وتعرفين يعني شنو يبيها ؟؟مصمم ؟؟ عاشقها ؟؟ميت عليها من قبل لا يتزوج؟؟ .. وشكرا على ردج واكيد مافيه زعل ؟؟