خدعه كبيره اسمها ماليزيا

[أحلى همبه كويتية]

الحمدالله عالسلامه

انا رحت شهر 6 للصن واي لاقون كانت حر وخيسة قضيت اغلب وقتي ببريمايد مول

شلون الجوو كان ؟

هلا حبيبتي
يسلمك ربي ويخليك

ما تصدقين الجو كان ايهبل وطق علينا مطر العصر رشنا رش
وصار برررررررررررد
حيل استمتعنا فيها ما ودنا نطلع

انا كنت حاجزة بالبراميد ليلتين
الصبح بصن واي والعصر بالمول
واليوم الثاني رحنا اماكن ثانية

كنا بنمدد لها يوم بعد بس محكورين بحجز فنادق ثانية في بيننانغ


كل ديرة يبيلها تخطيط
واحنا صارلنا شهور ندور ونجمع ونسأل
طبعنا كل المعلومات والحمد لله توفقنا

ولنا عودة قريبببببببببببببببا ان شاء الله :eh_s(7)::eh_s(7)::eh_s(7)::eh_s(7)::eh_s(7):

 

[بنت النوخذا]

صح كلامج وايد خبونا في ماليزيا

واحلي ما فيها البرجين الطوووووال





مشكوره يا الغاليه

 

[مستقبلي احلى]

مادري انا من رايج ما اعجبتني

 

[شموخ داري]

مششكووورة حياااااتي على طرح الموضوع يسلموو

 

[cute lovly girl]

غريب اول مره اسمع ها الشي عن ماليزيا الكل يمدح فيها ..


مشكوره ياختي

 

[برنسيسة2007]

حليبتي انا سمعت ان كوالامبور مو شي يعني حدج يوم تستريحون من السفره بعده روحوا للجزر بينق
بس للامانه انا مارحت هذا كلام اهلنا اللي راحوا وانصحوني لاني بروح

 

[برنسيسة2007]

بنات انا بروح لها عطلة الربيع
بليز قولولي عن الجو؟خيسه مثل ماتقولون؟انابروحلها نهاية شهر واحد على بداية اثنين
بليز بشنو تنصحوني وين اروح وين اسكن

 

[ريومه المزيونه]

سبحان الله الناس اذواق


انا رحت لها مرتين ،اول مره استانست فيها ورحنا كل مكان

رحنا بيينغ وكوالا وجنتنغ وصن لاجون وفندق الاحصنه

حتا افا موسى رحنالها وماعجبتنا حيل كان خيييسه بس ماخربت الرحله


بس المره الثانية وما أدراك مالمره الثانيه

رحت سنغافوره خمس ايام وبعدها طلعنا لماليزيا لجزيره لنكاوي وجنتنغ وكوالا

طبعا فرق السما عن الارض بين سنغافوره وماليزيا


سنغافوره كانت نظييييييفه ورااااااقيه وعجبتني حيل

وطاحت ماليزيا من عيني

ههههههههههههههههههه

مع اني سكنت بفندق ويستن بلنكاوي كان راااقي جدا


بس صج كرهت ماليزيا من بعد سنغافوره

ولاحظت ان شهر سبعه وثمانيه يكون امطار بماليزيا

عكس شهر سته وبدايه سبعه


واي استفسار انا حاضره

 

[ريومه المزيونه]

واذكر كنت محذره وحده من افا موسا قلت تلووووع الجبد وحسافه مشوارها

لان صج كانت مقلب بالنسبه لنا

بس هي راحت واستااااانست حيل فيها


سبحان الله كل وحده تستمتع بطريقتها

 

[MELANO]

ماليزيا سنه 2010 سافرت لها بشهر 9 انطباعاتى عنها

الشعب متفتح بشوش لغتهم الانجليزيه ممتازه التفاهم كله بالانجليزي هناك


السواق الهنود ابعدوا عنهم يبالغون بالسعر وايد الصينيين افضل


كوالالمبور حق التسوق مافيها شي يعنى جديد علينا
وبالعكس بضاعتهم ممتازه انا خذيت شوزعزكم الله بعشره رينجت ( تنزيلات) من مجمع تايم سكوير كرفته كرف والله للحين عندى ما اقولج كانه يديد لا لكن نوعيه جلده ممتازه

انصح بهالمجمع فتحوه سنه 2010 حضرت الافتتاح البضاعه
وفي محل شنط واااايد روعه ماركه Carlo Rino هذا موقعهم


شارع العرب بتشوفين فيه كل الاجناس... وبكل ديره هالاشكال موجوده
بس زحمته تلوع الجبد صاجه

وعلى خبرى فيهم اغلبهم صينيين يوقفون يبيعون
بضاعتهم او بخور وفى اثنين صينيين كل ليله يوقفون يقدمون عروض "البانتوميم"
وتصورين معاهم عقب العرض

فالافضل اللى بيسافر ماليزيا مايروح شارع العرب بليل



المطاعم العربيه بماليزيا ما انصح فيها نهائي
انصح باثنين بس فقط لا غيرمطعمNAAB الايرانى و مطعم المتحف الاسلامى

اول مطعم عربي جربناه كان مطعم حضرموت بكوالامبور قريب من السفاره الكويتيه
مو بعيد عن فندق الماريوت انطباعنا كان الله يديم النعمه عن نفسي رفضت اتغدى فيه من اول مادشيته وشفت الاكل تحت الطاولات الوسخه نفسي ما قبلت الاكل

عاد طحنا على ناب الايراني بشارع العرب للامانه كان نظيف والاكل طمعه لذيذ افضل مطعم بماليزيا على الاطلاق اللي يروح لازم يجربه


بالنسبه للمطاعم الفاست فود ماجربنا اللا اللى نعرفهم هنى شيليز بجزيرهPenang
طلبنا منهم لحم مستوى يابوا لنا لحم نص مستوى رجعناه لهم وما حاسبونا عليه
المطاعم العربيه بهالجزيره لوجه الله اقولكم لحد يطلب منهم اكلوا بالفنادق احسن

كوالامبور بمجمع البافالين الدور الارضي كله مطاعم طبي وتخيرى
بس احنا كان اختيارنا بيتزا هت لانه حلال كنتاكى قالوا لنا نستخدم واين
بالاكل عموما كل مطعم تلقون محطوط عليه ستيكر عند المدخل اذا كان حلال اول لا
اغلب المطاعم بهالمجمع صينيه .

الحدائق مثل حديقه الفراشات والطيور نفس ما قالت الاخت محميات صغيره اللى مايحب هالسوالف ماتستاهل صراحه التذاكر ( عن نفسي حبيتها)اهلي لا ماحبوها

مدينة ألعاب جنتينغ اللى ماعنده يهال ولا يحب الالعاب وجذي لا يروح
احنا رحنا لها عن طريق التلفريك كانت تجربه ممتعه


على العموم اى مكان تروحين لازم فيه سلبيات وايجابيات مافى شي كامل
وانتى بس اللى تخلين رحلتج ممتعه او لا .

 

[مغليك قلبي]

ماليزيا حلو التسوق فيها ياني قشيت جنزات قمصان نوم
بس الجو كان سالفه موت رطوبه وحر تمنيت اني رايحه بوقت ثاني يصير ازين

 

[أحلى همبه كويتية]

وي حسافة ليش رطوبة

عليج بالعافية الجنزات والقمصان

متى رحتي انتي ؟؟؟

 

[عزاااه]

بصراحه خساره الفلوس فيها رطوبه موت خيسه انا رحت شهر 5 ندمت كرهت حياتي صج مرات جو زين بس اقلب الجو حتي لو مطر رطوبه اناس تدور البراد حنا ندور الحر انا مستحيل اروحلها مره ثانيه

 

[Hello_kitty]

بالعكس انه رحتلها مرتين وحبيتها كل شي تبينه فيها كل مقومات السياحه متوفره طبيعه امان مسلمين بكل مكان منتشره المصليات

وتسمعين الأذان..تبني اسواق جزر بحر سوالف مساجات واسترخاء تبين ملاهي والعاب كل شي فيها حلوه وونيسه

الشعب طيوب وخدووم وما منهم شرررر

حتى لو صادفكم رطوبه ترى كلها جم يوم وعاديه مو اللي تخنق اشدعوه احنا متعودين على جونا نار وشرار وباجي الأيام تلقينها

غيم وامطار انه حبيت لنكاوي وبيننغ وصن واي لاقون اكثر من كوالالمبور

 

[bint_looda]

الي بيسافر يروح ضواحي المدينيه الي لي مشيتي بشوارعها ماتشوفين الا اهلها جو ومناظر ونظافه ربي لك الحمد

 

[dubai girl]

لاتبالغين عاد
وهاللوث الي تكلمتي عنهم انا ماشفتهم
وانا ماليزيا ماسرت لها مره ولامرتين
سايرتلها كذا مره واللوث ماشفتهم
ماليزيا من احلى الدول السياحيه تناسب كل الاعمار
وماينمل منها خاصه جزرها انتي الظاهر ماعرفتي وين اتسيرين
وييتي ذميتي البلاد .. ^^

 

[بنت ًَالأدآريهً]

شارع العرب شارع الايـــــــــــــدز

اعوذ بالله منهم

بس والله ضيقتي خلقي

الله يخلي الكويييييييييييييت الله يحفظ الكوييييييييت والله كل شي فيها نظييف وحلال

الحين عرفتو ليش العين على الكوييييييييييييييييييييت

 

[جوري!]

أنا معاج تماما ومع المها وكل وحده ذمت ماليزيا وماعجبتها


ديره تلوع الجبد
ولا تقولون شارع العرب هو السبه او اللي متعوده على اوربا ماراح تعجبها
انا ماكنت بشارع العرب ولا طبيت اوربا والديره لووووعت جبدي


اللي رافع ضغطي انهم يعتبرونها ديرة معاريس !!
على شنو بالله شهالمعاريس اللي يتمشون ويمسحون عرق علابيهم

 

[القصيدة]

السلام عليكم و رحمة الله و بركاته

أنا ما حبيت ماليزيا أبد و ما أعجبتني .. جنوب شرق أسيا كلها ما تعجبني إلا سنغافورا و أتمنى أزور اليابان

ثانكيو الغاليـــــــــة :eh_s(17):​

 

[الوصايف^^]

بالعكس ماليزيا وايد حلووه

بس انتو مااستانستوا لان ساكنين بشارع العرب .. وشارع العرب معرووف ان زحمه وروايح والمنطقه خرابه

وعموما كل دولة فيها الزين والشين

تحياتي : الوصايف^^