خدعه كبيره اسمها ماليزيا

[Queen N]

ماليزيا رحتها مرة وحدة مع هلي ابـ 2004 .. قعدنا اسبوع و لاعت جبدنا اول ما لقينا حجز هجينا رحنا من هناك سيده بانكوك لووول
ويع استغفر الله ديرة تسد النفس :eh_s(11): اولا جوها حاااار مطر و رطوبة و قمته -.-
(نفس جو تايلاند بس تاي تاي حبيبتي سوقها و صالوناتها يشفعون لها :eh_s(22)
اما ماليزيا لا سوق حلو ولا شعب نفس العالم والناس .. نفسهم شينة و ماكو ذرابة كلش :/
ويخرعون :eh_s(16):احسهم مجرمين :/ و سالفة بوق الجناط عندهم نفس السلام عليكم :eh_s(14):
والاكل .. الله يديم النعمة طول ما احنا هناك يا ناكل من ماك يا نشتري توست و هالسوالف و حتى ماك مالهم اكله مو حلو جنه بايت و فيه ريحة !! :bbbiu:

عن الحلال والحرام .. المكان الوحيد الي عجبنا اهو جينتينغ :ggdw:

 

[KSA ROSE]

مثل ما قالوا الخوات كوالا لمبور مو حلوة...وشارع العرب تسوقت فيه انا وفعلا وصخ وريحته كله دخان ..
لكن السكن انا كنت ساكنة بعيد عن شارع العرب وكوالا لمبور متروسة عرب..لدرجة ان الواحد يحس نفسه بالخليج مو بماليزيا..
عندج اماكن الطبيعة مثل حديقة الشاي .. وبيننغ ولنكاوي الطبيعة هناك مرة حلوة وتسوى الواحد يروح يشوفها

 

[KSA ROSE]

وبالنسبة للناس كانوا مرة خلوقين ولطيفين مو مثل ما تقولين

 

[KSA ROSE]

والجو يختلف من ديرة لديرة كوالا لمبور كانت حارة ..أما كاميرون وجنتنغ وبيننغ ولنكاوي لا الجو كان لطيف

 

[غلاي غير]

ماليزيا خربوها الصينين
والا قبل كانت من انظف الدول اللي زرتها انا اقول قبل يمكن 2002 بس وانا هناك كلش مافكرت اعيد السفره لها لان الرطوبه بالجز وبالعاصمع اخنقتناااااااا

بس هم ما انصح احد يروح لدوله رطوبه ولا يفكر يقط فلوسه عليها

 

[الدلال]

شرق اسيا كلش انا مو صوبها

حر ورطووبه ووصاخه

ولا افكر اقط فلوسي هناك

 

[خشف بدو]

ابيه حسستيني انج تكلمين عن الصين شدعوة يبا أنا رائحه لها كذا مرهواسكن بشارع العرب الحمدلله كآثار لنا ولا شفها الي شفتيه وبالعكس سوقتهم تجننووانا ولبسهم حلو وكل الناس تقول بصراحه اول مره اسمع لهدرجه تذم ماليزيا بالعكس شعبهم حبوب ومسالم ومن يشنقون انج متحجبه يقتسمون ويضحكون بوجهج بالعكس دولة حيل مريحه كفائه انها مسلمه

 

[Bedor-al.3taiby]

ما افكر اطب لا تايلند ولا ماليزيا و لا الفلبين و لا اندونيسيا

ان شالله سفرتج اليايه باذن الله بتكون احسن

 

[~ الــــزيــــن ~]

بالعكس توني راده من ماليزيا شهر 10 اللي طاف تهبببل واتمنى اروح لها من جديد

 

[ذات الهمة العالية]

والله انك صاجة
انا كرهتها بواقين حتى فى البضاعة التقليد

وفى المطار دعيت عليهم ليما قلت بس
تخيلى سنغافورة شفت المنقبة يشوفنا بروحها

اما ماليزيا شفت حريم يخلونهم جدام الناس يطابقونهم وحدة مع زوجها مسكينة تخانقوا معاهم قالولهم روحوا ردوا من اللى يتوا منه

صج شافوا نفسهم

انا اساسا بقيت اتخانق مع اللى بالجوازات لولا الأهل

ودى على اسلوبها الزبالة معطتها حذفه تصحيها بعد متحجبة الحمد الله الذى عافانا


اكرها ماليزيا كره وكنا بشارع العرب
وصحيح كل اللى وصفتيه

 

[ذات الهمة العالية]

لاتبالغين عاد
وهاللوث الي تكلمتي عنهم انا ماشفتهم
وانا ماليزيا ماسرت لها مره ولامرتين
سايرتلها كذا مره واللوث ماشفتهم
ماليزيا من احلى الدول السياحيه تناسب كل الاعمار
وماينمل منها خاصه جزرها انتي الظاهر ماعرفتي وين اتسيرين
وييتي ذميتي البلاد .. ^^

يعنى إذا عجبتك لازم تعجبنا :bbbiu:
أنا اشوف بردت قلبى بموضوعها لأن كاره ماليزيا

ما حبيبتها :rgewrg:

مو غصب غريب ردك ما بارلغت بس هذا حتى انا احساسى

 

[نعوومة *كيووت]

بالعكس ماليزيا روعه واحنا سكنا كاان خمس نجوم والشارع اللي تقولين مافكرت اروحه ماليزيا غاليه لكن تستأهل الروحه

 

[مس دلال]

اللي زاروا ماليزيا قبل 2009 اوك حلوه بس اللحين لوووووعه كبد
العرب و الصينين هاجروا لها

احلى شيء المطر و الخضره و المناطق الريفيه بس والله ماتسووووى العنوه والخساره لبنان احسن منها

 

[مقمش لولو]

الاختلاف بالراي شي طبيعي ومنطقي ويثري الموضوع

ومثل ماقلت اللى يعجبنى ممكن مايعجب غيري المهم احترام وقبول جميع الاراء ومناقشتها

كل الشكر للجميع

 

[عيون مبارك]

انا رحتها بس يعني ما اشوفها باللي قلتي عنه
وايد دمها خفيف ومابي اقول انج بالغتي كل واحد له راي

 

[أحلى همبه كويتية]

ويه بنات اشفيكم
كل واحد يقول رأيه والسلبيات والأيجابيات

مقمش لولو
حبيبتي لا تزعلين هذا رايك



وانا عكسك شفت كل شي حلو وعجبني
والدليل تقريري بالقسم

والناس اذواق


يعطيكم العافية كلكم

​

 

[مقمش لولو]

ماعتقد ان راي اى احد فيكم يزعل بالعكس اللى اشوفه حلو ممكن يشوفه غيري موحلو والعكس صحيح

وشكرا على التواصل

 

[دبلوووماسيه]

انا توني جايه من ماليزيا من اسبوعين الحمدالله استانست فيها صج مطاعهم وصخه
بس في مطاعم حلوه مثل تشليز بالبرجين وفي كوفي هاردز داخل محل هاردز بعد حلو

 

[BashooRa-7elwa]

أنا لاحظت شي

ان كل اللي يسكنون بشارع العرب ما يحبون ماليزيا ترى صح وييع وصخ و بايخ كله عرب و أجانب بس أنا ماليزيا واااااااايد عجبتني لأني سويت بحث مفصل لها ما رحت لها و اعتمدت على شركات السياحة هناك يودوني على عماي

شغلة ثانية امبييييه أنا كل اللي صادفتهم يعرفون انجليزي و انجليزي fluent مؤ اي شي بس صدقيني سن وأي لاجون و سيلان جور القعدة فيها أحلى من بوكيت بينتانج وايد زحمة ويمدحونهم لنكاوي بس للأسف ما مدانا نروحلها ان شاء الله بالمستقبل يا رب

 

[قلب امه]

صاجه اختي كل كلامج صح
فعلا انا وزوجي انخدعنا بكلام الناس
عطوها اكبر من حجمها
صج الناس اذواق ولا يقولون تصلح للاطفال
من صجكم اوديهم حق شنويشوفون المساج العلني