خدعه كبيره اسمها ماليزيا

[برج العرب !]

صح لسانج ديرة رطوبه وخيسه وحرامية وغالية عالفاضي
أنا بعد ماشفت ماليزيا أعتبرتها ديرة الفقارة اللي ماعنده فلوس ويقص على روحه يروح ماليزيا

حبيبتي ثمني كلامج ماليزيا قطينا فيها اكثر من اوربا و حسني اسلوبج لو سمحتي انا كاني فلوسي ماشاء الله اللهم زد و بارك و رحت ماليزيا و عجبتني يممكن لانج ما عشتي الجو فلو سمحححتي الفقارة اللي تتكلمين عنهم ترا فلوسهم تغطي عين الشمس :rgewrg:

 

[om MaRyooM]

انا رحتلها .. استانست شوي فيها بس مو كثر تايلند


والمدح اللي عليها مايسوى صراحة

ديرة ناشفة وناسها يلوعون الجبد محد يعطيج ويه
احلى شي عندهم المجمعات وبس

 

[HoOoney]

انا رحت ماليزيا شهر ٤
الديره مو كلش حلوه
بس بييننج واي فوماسا اهم الحلوين والطبيعه الحلوه
بس كوالومبور لللللوعه جبد رطوبه موت وريحه تبط الراس وحشرات
مجمعاتهم كبار بس بظاعتهم عاديه شورتات وبديات لانه كل لبسهم جذي
والاكل مو حلو بس ماكدونلدز
بس التغييير حلو الطبيعه حلوه بس كولومبور لا لا لا ياحلو دبي عندها جنه

 

[نور عيني]

شششخبآري مآليزيآ أيآم الطفوله :eh_s(3):
بس صح في سلبيآت الجنوس و ..الخ
بس الـآيجآبيآت تطغي ع سلبيآت لـآني استمتعت ض1
بس صج سسآلفة الآطفآل صح كلـآمج :rerrerek:
صآر لنآ موقف يخخرع لول *-*

 

["*آآآنؤؤؤقهـ*"]

ماشفت من اللي قلتيه شي
ماليزيا رحت لهاا سنه 2008 و2009

كلمة روووعه عليها شويه
عجيبه بكل مافيهاا جوها صج رطب بس حيااااه

بالعكس ناس محترمين ولا شفت احد يخز العرب هم اللي يخزوون


صج ظلمتي الديره حراام عليج
والوسخين فيها هم اللي ماسكينها الصينيون مستحلين حته حته فيها

ولا ماليزيا دوله نظييفه واخلاقيه ومحترمييين بتعاملهم ...........



ان لان ماطب كوالا لمبور الا يومين ..
لان ايامي كلها بالجزر ببينانغ ولنكاااوي ...........






وان شاء الله لي لها عوده ماليزيا جنة الارض .........

 

[سر الهوى]

امبييه ماخليتي شي عنها
بالعكسسسسس حلووه ورواق
وبرد اروحها بعد جم من شهر ان شاء الله

 

[VET-Nour]

اشدعوا عليج كل هذا ذم ؟

والله تهببل اصلا اول مره استانس بدوله ججذي

بس اكلهم ريحته زفررره و ماكو غير كنتاكي و ماك و ماك صمونتهم صغغيره ,
و حلوه الدييره والله تستاهل ,

 

[أم حمني المزيون]

بصرااااحه غريبة !! انا رايحه لها بالعكس ايجابياتها اكثررررر من سلبياتها ، ونفس ماقالوا البنات احنا ما قعدنا بفندق بشارع العرب قعدنا بفندق حييييل راقي وهااااادي ويبعد عن شارع العرب بس 5 دقايق تقريبا اسمه باسيفيك ريجينسي ...امممممم مادري شقولج بس هذا رايج فيها :eh_s(17): احب هالدوله امووووت عليها :eh_s(15):

 

[السيده الأنيقه]

يسلمو والناس اذواق

 

[ثريا الكون]

اول شئ انا راح اقول تجربتي انا طالبة في ماليزياااا وراح اتكلم عن خبرتي
1- اول شئ ماليزيا بلد متعددة الثقافات يعني فيها ماليزييين الاصليين وهنود ماليزيين وصينيين ماليزيين.
2- استغربت تقول ما يعرفون انغليزي انا ادرس بالانغليزي واتكلم معاهم انغليزي يعني بفهم شلون انا عايشة حياتي كلها انغليزي.
3- يخزنووووووووووون مستحيل اصلا الشعب ماليزي ماله شغل خير شر ان شاءالله مفصخه مالهم شغل فيج واهي دولة علمانيه.
4- شارع العرب وسموه بهل الاسم لان كلا فيه عرب وعلى طاري المساجات اصلا محد يعبرهم لان من الداخل تصير سوالف.
5- شعب الماليزي واتكلم عن الاصليين اغلبهم متحجبيين يعني الصينيات اهما المفاصيخ .
6- في وايد مطاعم عربيه متروسه ومعروف اكل شرق اسيا يلوع الجبد مو شئ يديد.
7- بالعكس سوقهم روعه حق الي يعرفله واغراضهم بالنسبه لي ميه ميه.
8- التذاكر حق الرحلات رخيصه اتحدى منتجع ولا مكان ترفيهي بلكويت مثل ماليزياا.
9- انا ساكنه بمنطقه بعيده عن العاصمه والحمدالله مرتاحه.
10- بالنهاية ماليزيا مو محتاجه مدح مني لانها دوله مطوره بدون نفط.

انا هذا كل الي قلته عن تجربه شخصيه وبما اني مقيمه مو سايحه.​

 

[أمانيQ8]

واي دوووم اقول
أكبر غلط ان الواحد يمشي على وصف وكلام الناس
انا مره وحده وصفت لي ديره سووتها واااااااااااااي شقولج بس رحت اهناك صكتني السليمه وضاقت خلوقنا...منها عرفت مااخذ بكلام احد ..ولما رجعت الكويت تصادفت وياها بالزواره قلت لها البلد اللي رحت لها تلوع الجبد عكس وصفج تدرون اشردت علي؟؟؟؟اصلا انا مو من صجي لما مدحتها لج @@ اصلا انا قاعده اتطنز...قلت لها تتطنزين وانتي ذبحتيني توصفين اماكن وتعطيني عناوين...؟؟وفوق هذا جم وحده من العايله راحت هالديره والسبه وصفج العجيب لها قالت واهي تضحك وقلب بارد والله اذا انتوا مساكين كل شي اتصدقون انا شسوي لكم....(طبعا لاتعليق) المهم انا عقبها حررررمت اخذ بكلام احد يمكن اصدقهم لي ذموا الشي لكن المدح قمت اوخر مااصدق لما اشوف بعيني ابحث وادور واشوف
بالنسبه لماليزيا انا استانست فيها وحرصت على اني ماامر بأماكن شبهه واتحاشى كل شي مسيئ لان اعيالي يلاحظوون وكنت احاتي
فكنت حريصه على اني اعرف عن الشارع اللي بمر فيه هذا سواء بكوالا لمبور او بالجزر والحمدلله ماحاشني شي
بالنسبه للفنادق اخترت اغلى الفنادق اللي عليها دوس خفيف علشان اوخر عن زحمة العرب
وفعلا بكوالا لمبور قعدنا بماكدونالدز انتابني شعور اني جني بدوله خليجيه من كثر الخليجيين اللي قاعدين

وماقصرتي على الموضوع حبيبتي

 

[أمانيQ8]

شكو ديرة الفقارى...ههههههههههههه ضحكتيني
وقتها كنت رايحه استراليا شهر وعقبها طلعنا منها ومرينا سنغافوره واخذنا كروز لمدة اسبوع تجول فينا بدول شرق اسيا وعقبها نزلنا تايلاند5ايام وعقبها رحنا ماليزيا20 اتهقين جم قطينا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ تذاكر الطياره وتذاكر الكروز والفنادق والرحلات والطيران الداخلي بكل هالدول غير السووق؟؟؟ انا وزوجي وبناتي 3 وعليج عاد انتي الحساب...
هل هذا معناه موقادرين عشان رحنا ماليزيا ؟؟
بالعكس الديره سياحيه بس يبيلها واحد يعرف لها يمكن انتوا اختياركم للأماكن ماكان صح
ولو زوجي يرضى يروح شرق اسيا بعد ولو جوها يساعد ابرد اشوي والله اروح لها بدل امريكا واوربا... ديره اسلاميه وتنحب بس مثل ماقلت جوها موشي بالصيف
ورايج ..وجهة نظر..

 

[هيوونه@]

بالعكس انا حبيتها لانها عائليه واستانسنا وايد
لاني كنت مسويه برنامج وعارفين وين بنروح
والسوق ممتع
والفندق وايد نظيف وحلو

 

[أحلى همبه كويتية]

انا توني رادة من يومين
الديرة عجيبة وحلوة وايد يازتلي
حيل استانسنا
ولو ما المدارس مددنا بعد اسبوع او 10 ايام


والحمد لله توفقنا حيل

ربي يديمها نعمة ويحفظها من الزوال



بعدين ماليزيا مو رخيصة ،شنو يعني ديرة الفقارة ؟!!!!!!

بالعكس انا شفتها عن تجربة مصرفها وكل شي دبل عن تايلند



ولاحظت حتى سكانها ما يدفعون كاش كله ببطاقات البنك

اقول عنها
فله .... شمعة .... منورة

واكيد لي عودة لها قريبااااااااااااااااا ان شاء الله


هذه صن واي لاقون

 

[قفشـه]

بالعكس ماليزيا اتينن وتشوووق خصوصا الجزر

كوالالمبور ماحبيتها حيل مع اني ماسكنت بشارع العرب

بس شارع العرب يصلح حق التشري فقط

بس حدج ظلمتي ماليزيا

انا رايحتلها بنص السنه ان شالله وراح اسكن بشارع العرب

لاني تندمت سكنت باغلى فندق بكوالالمبور بس بعيد عن شارع العرب

والله كل ساعه اروح لشارع العرب اينن وحيوي وفي شغلات روعه

مثل ماقالوا البنات انتي ماسويتي جدول او ماعرفتي وين تروحين
وعلى طاري اسواقهم انا خميت اكسسوارات وعدسات وحركات فنتوقيه وغريبه عندهم
بس ملابس ماشريت لاني مااشتري الا من الكويت واروبا
بس عن جد ماليزيا لها طعم وماني قادره اصبر ودي اطيرلها من باجر
كافي نظافتها وترتيب الشوارع والخضار والطبيعيه ..خصوصا لانكاوي ينينا عليها ماتمنينا نخليها
ضروري تمرين الجزر لان كل جزيره لها ميزه

 

[قفشـه]

اي وعلى طاري الاكل بالعكس اكلهم حلوووو وخصوصا بوفيهات الريوق اتينن

وكليت بفرايديز كوالالمبور اينن بس عيبهم مايكثرون الملح والفلفل

وكنتاكي اول مره اكل منهم ويعجبني اينن دياييهم

والشعب تعاملهم حلوووو والتكاسي يتكلمون عربي شوي

ويعرفون انجليزي السيئين عندهم بس الهنود نفسيات مايواطنون العرب

 

[قفشـه]

انا توني رادة من يومين

الديرة عجيبة وحلوة وايد يازتلي
حيل استانسنا
ولو ما المدارس مددنا بعد اسبوع او 10 ايام


والحمد لله توفقنا حيل

ربي يديمها نعمة ويحفظها من الزوال



بعدين ماليزيا مو رخيصة ،شنو يعني ديرة الفقارة ؟!!!!!!

بالعكس انا شفتها عن تجربة مصرفها وكل شي دبل عن تايلند



ولاحظت حتى سكانها ما يدفعون كاش كله ببطاقات البنك

اقول عنها
فله .... شمعة .... منورة

واكيد لي عودة لها قريبااااااااااااااااا ان شاء الله


هذه صن واي لاقون

الحمدالله عالسلامه

انا رحت شهر 6 للصن واي لاقون كانت حر وخيسة قضيت اغلب وقتي ببريمايد مول

شلون الجوو كان ؟

 

[دانه الهيرات]

اي والله صاجه بكل اللي قلتي انا وصلوها السما بالمدح بس يوم رحت لها ولا وييع ماتسوى وحتى سوقها كله خلاجين و ما ينشرا شي منهم و رحت البافليون ولا الماركات كوكلكشنهم قديم .
بصراحه اللي راح اوروبا او امريكا ما تعجبه هالديره بس اللي متعود على دول اسيا يمكن تعجبه .

 

[كويتية 112]

كـل ديره فيها الزين والشين وعلى حسب الوقت اللي تروحين له

انا ماحب اروح لها الا بعطلة الربيع او وقت الدوامات مافيها احد فاضية

بس امريكين واسترالين سياح ومو بكل مكان بعد .. وبالنسبه حق الجنوس

انا مره وحده شفت ثلاثا بشارع العرب بليل الساعه 2 كنا نتمشى وماكلمونا حتى

وبالنسبة حق السوق يعني عادي زين بس اللي يدورها عدل يحصل اشياا غريبة

انا افضل الجزر وتغيير جوو انا عن نفسي استانست فيها .. وانتوا سوو خطه حلوا واقروو وايد

عشان تستفيدون من تجارب غيركم ^_^​

 

[راعية الطويلة]

السياحة حظوظ و أذواق

ممكن ناس تستمتع و تشوف كل شي حلو
و ناس كل سفرتها سلبيات و تذمر

و مثل ما قلتِ

ماليزيا ناس تمدح و ناس تذم

عموما ما خربها إلا البوذ الصينيين
و لا الشعب الماليزي جدا متدين و طيب



أتمنى لج حبيبتي رحلات ممتعة في المستقبل