خدعه كبيره اسمها ماليزيا

[فله]

انت يمكن عشان العاصمه لكن ضواحي ماليزيا حلوة بالعكس
انا دوم عواصم الدول ماحبها

 

[اماراااتية]

معقوله كل هذا طلع بماليزيا

عيل انا وزوجي ناويين نسير لها بعد العيد ان شاء الله


وزوجي عنده ربو مايتحمل الرطوبه بس قالولي ان الجو عندهم الحينه براد ؟؟؟

 

[جارة القمر]

أغلب اللي ارجعوا هالسنة من ماليزيا قالوا مو حلوه وصايره غاليه


أنا رايحه 2004



وما اعجبتني وما انصح فيه

 

[غزلان الشماليه]

صح انا معاج الرطوبه والخياس كرهتني عيشتي واعوذ بالله صارلنا موقف خايس بايعات الهوا بالشوارع تخيلو وانا اتمشى مع زوجي يخزونه وياشروله مت من القهر واااي لهدرجه عاد زوجي يمشي ويحظني وهو ماشي يقول هذه الحركة معناتها اني ماخونج يعني خل تفهمها فديتو بس صج يمكن لو رايحه اروبا اشرفلنا

 

[انوثه طاغيه]

سبحااان الله الناس اذواق تونا رادين منها حلوه وسوقهم يهبببل والطبيعه حلوه صج فيها رطوبه بس عادي
والاشكال القذرة بكل مكاااااااااااااان تحصلينها وكل دوله فيها سلبياتهاااااا وماليزيا حيل استانسنا فيها الحمدالله

 

[مقمش لولو]

كل الشكر للتفاعل

حبيبتى اماراتيه انا سمعت ان جوهم طول السنه مايتغير كل رطوبه لكن فى مناطق بارده اذا ناوين جربوا المناطق البارده

غزلان فى اوروبا هذيل الحريم الموزينين لهم شارع محدد مسموح لهم الخرابيط ولهم تفتيش كل شهر يروحون يفحصون وتكون معاهم رخص استغفر اللخ يعنى تجاره وان زادوها ومصخوها حطوارقام تلفوناتهم وصورهم فى كباين التلفونات العموميه
اما ماليزيا مثل ماشفتى بالشوارع ومعاهم هالورقه مالت المساج يعنى كفر حق الموضوع استغفر الله واشكالهم مقززه
والكريه بهالموضوع ان هالدوله اسلاميه

انوثه طاغيه شكرا لمرورج ومدام انج استانستى عليج بالعافيه

 

[رزه واستايل]

مقمش لولووووووووووو انا سالتج كذا سؤال ومارديتي ( عن محل الجاي الزنجبيل والنفيش والشوربه) بس الحين انا زعلت راضينيييييييييييييييييييييييييييييييييييييييييييييييييييييييييييييييييييييييييييييييييي
:eh_s(2):

 

[المـــــها]

وييييييه بنات
أنا رديت ع الوضوع كذا رد و كل شويي ادش عليه اقرا الآراء
بالنسبة لي ماعانيت من بائعات الهوا عادي بكيفهم زوجي معاي و هم يقولون مساج
بس صراحه ماينعد عيب بماليزيا
أنه موجود بس بكوالالمبور و بأماكن معينة


لكن اللي صج ينعد عيب و اللي كرهني عيشتي هناك و لي الحين لما أتذكرها أحس بلوعه
الحر و الخيسة و الأكل الله يديم النعمة
صحيح المناظر خلابة لكن خادعه ههههههههه
يعني حتى ماكدونالز زفررررررر
و المطاعم العربية أكلها بااااايخ الحمدلله الله يديم النعمة
اللي بتروح ماتزيد عن أسبوع
حتى لنكاوي صوب الشلالات و بالنهر خنقة كرهت نفسي
و لااااا عاد اللي خربتها رحلة افاموسا افففففف خيااااااااس و ربي بقيت أرجع من الحر و الشمس
و رجاء اللي تقول الضواحي حلوووة و كاميرون هايلاند و جنتنق باردة
ياربي جنتنق برادها عادي و يوم واحد يخب عليها
و كاميرون هايلاند طريجها خطر و يخرع و ماتسوى التعب يومين واجد عليها
صراحه صج عنوان الموضوع ماليزيا بالنسبة لي خدعه كبييييرة

 

[$حبيبة عبودي$]

الله يجزاج خير على هالموضوع
على الاقل طفيتي ناري كنت ميييته عليها
الحين اقرى موضوعج وجبدي قلبت
لايبه اكسسس ماليزيا ...
عسى الله يحفظ عيااالج وزوجج من كل شر*

 

[Miss Unique]

عيل انا مقرره اروحلها فالعيد...

شوو الاماكن اللي حسيتي انها حلووه وتستحق الروحه ؟؟؟

والاماكن اللي ما تستحق الروحه ؟؟

نحنا تقريبا بنيلس اسبوع او 10 ايااام

وشكرااا

 

[عواششه]

السلام عليكم ورحمة الله وبركاته​

شلونكم حبيبات قلبي​

خاصة للي بيروحون ماليزيا تنى راجعه من السفر ومادرى شقول ماليزيا بلد فيه الايجابيات وفيه السلبيات لكن السلبيات اكثر​

عموما سكنت بفندق اسمه رويال بنج تانج وهو فندق نقدر نقول فور ستار شي غريب عجيب الكويتيين والسعودين مترسين تترس
طبعا الفندق يقع فى شارع العرب​

هالشارع معروف بالزحمه على اليمين وعلى اليسار محلات عباره عن بقالات ومطاعم عربيه مطعم ايرانى لبنانيه محلات ​

لبيع العصاير والفاكهه مثل الكافيه يعنى وبعض الكافيهات بعد نشوف المجمعات والفنادق على نفس الشارعين​

عموما هالشارعم فيه الزحمه موطبيعيه كويتين سعوديين​

جنوس بائعات الهوى من جميع الاجناس فلبينيات مغربيات افريقيات واشكره تشوفونهم قلبي متروس اخ بس اخ
بعد ينتشر على الطريق محلات عباره عن محلات للتدليك والمساج ينادون الواحد ويصيدون الزبون تصيد حريم ورياييل بيدهم بروشون للمساج وتعالو شوفوا الناس اللي تسوي ​

المساج والله شي مؤرف ووووع اجانب وخليجيين مسدحين على هالكراسي وووع والله شي يلوع الجبد الحريم اللى يشتغلون كل وحده لابسه شورت اصلا اشكالهم تلوع الجبد(رايحين فيها) ​

نسيت لاقول لكم هالشارع تكثر فيه السرقات من اصحاب السياكل يخمطون الجناط وينحاشون وصارت حق عوايل كويتيه​

عموما هالبلد يمتاز بشعبه الغبي والدفش ابدا مافي ذرابه كلش
ولامعرفه باللغه الانجليزيه القليل طبعا يتكلم الانجليزي
شعب يخز ويطاعلون اليهال اذا عندكم عيال دايما ارقوهم لان ممكن يوقفونكم علشان يسولفون مع عيالكم لان عيونا غير عن عيونهم وخشمونا مميزه بالنسبه لهم انا صار ت لي مواقف شكثر لاتعد ولاتحصى بس يسالونى عن بناتى عن شعورهم وعيونهم​

بالنسبه للسوقه طبعا مافى شي يفتح النفس صحيح المجمعات كبيره كبيره وعالم لكن البضايع اغلبهاعباره عن شورتات وتى شيرتات كل محلاتهم تي شيرتات يعنى الرياييل يستانسون
لبس الحريم كلش موحلو لان اهم اصلا لبسهم موحلو لا انسي عندهم ماركتين حق الجناط حلوين وحده غاليه وحده حلوه ((بونيا)) هالجناط وايد حلوين والاسعار من 200 رنجه وفوق
يعنىمن العشرين دينار الى فوق الاميه​

نفس الشي بالمجمعات نحصل ممكن 30 مطعم لكن الاكل استغفر الله موحلو كلش ولا احد يجرب ياكل لان اكلهم يلوع الجبد لاريحه ولاطعم اللهم ماكدونالد حتى كنتاكي نشم الزفره من بره وقبل لاناكل نسال حلال والا لا والشي الزين ان اذا كانت
المنتجات حلال يحطون عليها كلمة حلال​

طبعا الشي الزين عندهم الرحلات
والمناطق السياحيه لكن اللى يضيق الخلق رطوبة الجو اللى تقتل​

هذا بروشور للاماكن السياحيه

طبعا مره شفت وحده من الخوات حاطه تقرير تقول انها راحت لمصنع الكاكاو​

لما شفته صج ضاق خلقي شنو مصنع؟؟؟؟؟؟؟؟؟؟ اهو دور ارضي عباره عن 3غرف اول غرفه عباره عن موضات يسون الكاكو بعد مويسوونه لا يزينونه والغرفه الثانيه عرض للكاكاويعنى تمشون ويذوقونكم والغرفه الثالث المنتجات للبيع وياليت كاكاو مميز كل موجود عندنا يعنى لامصنع ولابطيخ
ككاو جاهز للبيع​

حديقة الفراشات وحديقة الزهور وحديقة الورود عباره عن مساحات مزروعه مغطينها صحيح المكان حلو ويستاهل الواحد يشوفه بس الحر يقتل ويخنق والتذاكر اللى كل شوي دافعين
يعنى حديقة كل حديقه الواحد يفرها بنص ساعه (حسافة التذاكر اللى دفعناها)​

البرجين شكوووووووووووووو مادرى اهم عباره عن مجمعين تجاريين وهم بضايعهم المعتاده اللى مالها طعم ومحلات الماركات العالميه وفى دور حق المطاعم اللى تلوع الجبد استغر الله مافيهم الا ماكدونالد وجي ليز متروسين كويتين وعليه يدورون الاكل الزين​

ومن بره الواحد ممكن يصور مسوين بحيره صناعيه ​

رحنا رحلة حق مكان ينقال له افا موسي​

شوي بعيد لاعت جبودنا والتذاكر غاليه لكن فيه عروض الكوبوي طبعا كلهم جنوس وعروض الفيله وتكرمون الحيوانات
والطيور واخر شي عرض شامل وايد حلو صج غسل جبودنا نقعد على الستيج ونشوف العرض الشامل كاوي بوي...فيله...طيور...سياكل...عروض للهنود الحمر بالنار ...عرض بلبسهم التقليدي الماليزي ..عرض للاعلام ​

اخر شي الالعاب الناريه طبعا هذا كله يتخلله التصوير يعنى يصورونكم مع كل هالعروض وتالي تشترون الصور​

تايم سكوير
طبعا هذا مجمع كبير وله اكثر من بوابه وتقريبا اكثر من سبع ادوار حجمه كبير فيه محلات شكثر لكن مافيه شي مميز والسبب البضاعه المعروضه ماعندهم بضايع مميزه شي يلوع الجبد مثل مانقول بالكويتي خماجير السوقه الشعبيه وايد احلى مع ان المحلات حلوه وطريقة العرض مميزه لكن البضاعه رديئه​

راح اتوقف لانى تعبت لكن لى عوده مع التكمله والصور

صح لسانج ديرة رطوبه وخيسه وحرامية وغالية عالفاضي
أنا بعد ماشفت ماليزيا أعتبرتها ديرة الفقارة اللي ماعنده فلوس ويقص على روحه يروح ماليزيا

 

[رزه واستايل]

عواشه عيب عليج تقولين احنا فقارا ليش نروح ماليزيا والحمدالله احنا فرينا العالم كله من امريكا واستراليا واوروبا وشرق اسيا انا عندي غير والناس اذواق بس ماتقولين نقص علي روحنا والحمدالله احنا نمللك نص الديره بفلوسنا يكون من معلومج الخير شايفينا والحمدالله وثمني كلامج ثاني مره

 

[المـــــها]

صح لسانج ديرة رطوبه وخيسه وحرامية وغالية عالفاضي
أنا بعد ماشفت ماليزيا أعتبرتها ديرة الفقارة اللي ماعنده فلوس ويقص على روحه يروح ماليزيا

بالعكس من صجج
و ربي صرفنا فيها أكثر من اللي نصرفه بلندن !!!
و أصلا كنت أبي لندن بس زوجي مل و قال بغير !!!
و الله يا عمري انتي ماظنتي ماليزيا رخيصة
شفتي سعر التكاسي و الفنادق و المطاعم و الرحلات ؟؟؟
مادري بس الفندق يكفي لحاله ولا تنسين ان حجز فندق بكذا جزيرة!!​

 

[فاقده ابوهاااا]

يمكن انتي ما عرفتي للديره عدل بالنسبه لماليزيا رايحتلها اكثر من 5 مرات وللحين احب اروحلها مع عيالي وبالنسبه للسكن الله يهداج شكو ساكنه بشارع العرب هذا اوصخ شارع من الناحيه البنات والاكل وباجي الشغلات لان العرب يتمركزون اهناك فتلاقين البنات يفترون اهناك وايد واغلبهم مو من الجنسيه الماليزيا اغلبهم عرب انتي المفروض ما تسكنين اهناك اما بالنسبه للرحلات هم ارد واقولج اختيارج ما كان موفق ترى السفر مو سوق وبس وبعدين الله يهداج رايحه مصنع الكاكاو واكيد راعي التاكسي عرض عليج يوديج مصنع الذهب والجلود لانهم ياخذون عموله حق اي زبون يودنه اهناك وبالنسبه لي ماليزيا دوله عائليه وحلوه بس عيبها الرطوبه هذي السلبيه الوحيده الي فيها

 

[فاقده ابوهاااا]

صح لسانج ديرة رطوبه وخيسه وحرامية وغالية عالفاضي
أنا بعد ماشفت ماليزيا أعتبرتها ديرة الفقارة اللي ماعنده فلوس ويقص على روحه يروح ماليزيا

كلامج متناقض تقولين عنها ديره غاليه وبعدها محد يروحلها غير الفقاره :eh_s(10): عالعموم هالديره الي مو عاجبتج تعتبر مبانيها وسوقها ومشاريعها من انجح الدول في شرق اسيا

 

[bobo lover]

بالعكس محد قال هالحجي عنها؟؟

 

[sakuralili]

انا سنويا اروح لها لي 10 مرات رايحتلها اهلها طيبين وماعمري تضايقت فيها كفايه انهم مسلمين وبالنسبه لشارع العرب مو لازم تسكنين فيه عندك مندرين اللي جنب البرجين التؤام انا ماأسكن الا فيه من اروع الفنادق في كوالالمبور

 

[الله كرريم]

صح لسانج ديرة رطوبه وخيسه وحرامية وغالية عالفاضي
أنا بعد ماشفت ماليزيا أعتبرتها ديرة الفقارة اللي ماعنده فلوس ويقص على روحه يروح ماليزيا

حبيبتي الفقير فقير الاسلوب والذوق ، يعني اللي يروح ماليزيا صار فقير علا فكرة الفقر مو عيب ، والفقارى تارسين اوروبا الله يخلي القرووض بس !! ثمني كلامج

 

[مقمش لولو]

السلام عليكم ورحمة الله وبركاته للخوات الحبيبات احب اعتذر نيابه عن الاخت او البنوته اللى اسمها عواشه يمكن اسلوبها شوي استفزكم فى البدايه الهدف من

طرح الموضوع تبادل الخبرات وهم انتو حبيباتى طولوا بالكم لان
العضوات اعمارهم مختلفه وبيئاتهم وهم اسلوبهم كل وحده لها اسلوبها وطريقتها خلونا شوي نطوف


ارد واكرر ماليزيا يمكن تعجب البعض وماتعجب الاخر فيها مناظر حلوه وفيها مناظر شفتها الله لايوريكم لا ومناطق رئيسيه تخرع وخرابه

ذكرت لكم المناطق والاماكن الزينه والاماكن اللى مارتحت فيها هم ذكرتها علشان نتفادى الاخطاء

شي طيب ان نستفيد من بعض وانا اشكر كل وحده دخلت وبينت وجهة نظرها
مثل مانا ادخل مواضيع واستفيد منها واشوف وجهات النظر هم احب ان العضوات

يدخلون ويتناقشون

ماليزيادوله فقيره او دوله غنيه موهدفي ولاهي ديرتى علشان احتر عليها لكن علشان احط ميزانيتى لاييت اروح لها لكن ماليزيا دوله موغاليه اسعارها رخيصه

لان منتجاتها صينيه والبضايع اغلبها اذا موكلها من الصين

اكلهم وايد رخيص لكن رحلاتهم اهى اللى ممكن تكون شوي اغلي خاصة للى يكونون عوايل واعدادهم كبيره يعنى الحموله الاسعار موجوده فى البرورشور

وهم الغلى مونفس غلا الكويت مجمعاتها فيها الغالى والمراكات وفيها المنتوجات الصينيه والتقليد كلن على حسب ذوقه


واذا فى خوات راحو يحبون يعرضون بالصور والاسعار هم شي طيب البروشورات اللى عرضتها فيها الاسعار فى ناس تشوفها غاليه وفى ناس تشوفها رخيصه


عموما حياكم الله

 

[برج العرب !]

انا بالنسبة لي الدولة روعة بمعنى الكلمة بس لانج ساكنة بشارع العرب شارع العرب خايس بمعنى الكلمة اما اول فندق كوالالمبور كان حلو و جدا نظيف و كان ع نهر و ريوقهم روعة يعني انا اقيمه 10/10 انصحج للمرات الجاية اما المساج عندهم شي عادي حتى انا لاعتجبدي يوم شفت الناس كراسي و جي يعني شارع العرب اكس خاايس و بينج حلوة بس الحرررر
و آسفة لاني طولت . . . . مع ودي
.
.
.
.
برج العرب !