خدعه كبيره اسمها ماليزيا

[رزه واستايل]

انزين حبيبتي بسال عن السينما الي بافاموسا والعروض اليليه والشو والليتات الساعه جم يبدووون ؟ لان العام رحت الضهر خيسه وماعجبنا العروض ولا السفاري حزة الظهر

 

[أم سيف وسلطان]

بالعكس انا عيبتني وايد

الناس اذواق

ومشكوره

 

[اسيرة زوجها]

بالعكس مرتفعات الكاميرون وجنتج براد وطبيعه والعاب وحديقه الفراش والتسوق للجناط والشحاطات والالعاب وملابس الاطفال وعموما انا سكنت شارع العرب بس مادققت بالاشكال اللي تمرني واشوفها ديره حلوه

 

[المـــــها]

إي و الله صاجه
نفس الكلام اللي ودي أقوله لكل النااااااااااااس
صراحه قالولنا إن الجو رطوبه قلنا عادي نتحمل
لكن طلعت رطوبه مووووو عاديه و حر و خيييييييييييييييييييييييييييسه
و الأكل لووووعه الله يديم النعمه
و ربي حتى ماكدونالز زفر
عشت هناك عالبرد و الشبس اهئ اهئ
و أفاموسا خساره كبيره صراحه و بغى يغمى علي و أرجع من الحر و الخيسه و عرض الكاوبوي الفاشل
و مصنع الشوكولاته قمة المصخرة
قلت الحين بشوف الككاو بالآلات و التصنيع و هالسوالف
ولا بس حاطين شكل الآلة بالمدخل و بعدين يبيعون كيلوات الككاو !!
و صاجه 3 غرف سموهم مصنع !!!
و جزيرة لنكاوي 3 أيام واجد عليها
و رطووووبه مووووت أكثر من كوالالمبور
و البضاعه مووووو شي
بس الجناط 3 ماركات : بونيا \ سمبونيا \ كارلو رينو
و كلهم موجودين بالسعودية !
و جنتنق تروحينلها يوم واحد بس مافيها غير مدينة الألعاب و بس
و ذبحونا براد و برد و مادري شنو
عادية براد عادي و احنا ماخذين لبس شتوي على كلامهم !!!
و كاميرون هايلاند كنت بروح لها لكن التكسي الصغير 40 دينار روحه و 40 ردة
و التكسي الكبير 80 دينار روحه و 80 ردة !!!
و فوق هذا الطريج عالأقل 3 ساعات و لو تشوفون خريطو الطريج تنصدمون كلها لفات و تعرجات
يعني غصب ترجعون و تلوع جبودكم و تكرهونها
و فوق هذا منطقة هادية ماتسوى تقعدين فيها يوم واحد و تملين !!
صح المناظر الطبيعية و البحر و الشلالات ررهيبة بلنكاوي ... لكن ماتسوى علينا الجوع و الحر و الخيسة و المصرف الكبيــر اللي قطيناه
و ربي لو رايحه لندن ماصرفت جذي !​

 

[نارنج الوادي]

يوووووووووووه معليش اختى انا عايشة بماليزيا من 2006 للأن بس انها روووعة انت الي قلتي عليه صحيح بس لانه هالسنة زحمة مش طبيعية لان معظم الخليجيين هنا وماراحو لاسوريا ولا مصر

لكن انت سكنتي بمكان بصراحة مش ولابد اصلا انا مارحت لشارع العرب الا مرتين وزوجي يمنعه عني لانه مكان قدر حشاك بس فيه امكان راقية بجد بجد وكيف مافيه ملابس استغرب الصراحة قسما بالله انه موديلات تهبل نازلة الاسواق يمكن لبس حجاب صدق مافيه بس مناسبات اتجنن كل شي فيها حلو الاكسسورات الشنط والاحذية ووو
بالنسبة للشعب الماليزين المسلمين الصراحة طيبين جدا وكله اعجاب بالعرب لا عاجبينك الاروبيين والفرنسيس الي يعتبرو في العرب حثالة على الاقل تشوفيهم يحبو اطفالنا ويستانسو عليهم
بالنسبة للأكل الصراحة موجود كل شي عربي اوربي صيني بس واضح انت رحت لاماكن مش ولابد
ولو ماليزيا مو حلوة ليش العرب متروسين هنا
على العمو م مشكورة واتمنى لك حظ اوفر في سفرتك الجاية

 

[ورده عنابيه]

يعطيج العافيه مقمش ماقصرتي

 

[جنانـ]

؟؟؟؟؟؟

 

[مقمش لولو]

كل الشكر حبيبات قلبي

مثل ماقلت من البدايه فى وايد اختلاف بالاراء وهذا شي طبيعي

كلامي موجه حق الخوات اللى ماراحوا ويحبون يروحون..... فى خوات يقولون انها حلوه فعلا حلوه بس الرطوبه والزحمه

تقث.....اما كتبضع صراحه مثل ماقلت لكم والله اردى سوق شعبي يسوى اسواق ماليزيا ....صحيح انا شريت لكن خل اقول

لكم شنو شريت

اصباغ اضافر 200 فلس
عدسات لاصقه 3دينار والعدسات عندهم روعه البوم وفيه الصور عند محل الاكسسوارات
شريت اكسسوارات فعلا اكسسواراتهم رخيصه


لكن بدل واحذيه وجناط وملابس داخليه.................مافى

هم انا قلت ان جنتنج حلوه وبارده بس يبيلها بس 3 ايام مواكثر وهى بعيده عن البلد

هذي جنتنج

 

[مقمش لولو]

هذي الاضباغ اللى شريتها يطلعون على 200 فلس وفى محل عندهم نفس بضاعه المنصور مال المكياج كل شي فيه رخيص


فى اخت تقول ليش منكبين عليها الناس اقولج حبيبتي الرخص البلد رخيصه وهالسنه بالذات اغلب البلدان محد يقدر يروح لها والسبب الاوضاع السياسيه فكان
الضغط على ماليزيا وتركيا

 

[مقمش لولو]

هذي الخريطه مالت ليجون(سنواى ليجون)موجوده عند المدخل طبعا سنواى ليجون عباره عن مدينه ملاهى والعاب مائيه
بره فى محل يبيع المايوهات والشورتات...الخ والجزء الثاني عباره عن مجمع او عدة مجمعات يم بعض محلات متنوعه
ومطاعم وفندق كبييير وفخم وهم داخل فى مدينه العاب حق الصغار يعنى شي حلو ومرتب

 

[مقمش لولو]

كل يوم امر محل الفاكهه واطلب مانجا وفراوله
على فكره عندهم فاكهه غريبه ولذيذه لونها بنفسجي وفيها حبوب سود صغار جربوها

 

[مقمش لولو]

هذا كورنر حق اللى يحب هالسوالف موجود فى السن واى يكتبون على الصخر تختارون الصخره ويكتبون عليها اللي تبون

 

[مقمش لولو]

سن واي ليجون

 

[مقمش لولو]

 

[مقمش لولو]

 

[المـــــها]

مقمش أنا كارهه ماليزيا خلاص لاحد يقنعني فيها
كلش كلش موووو جوي
حروره و خيسه و جوووع
الأكل الله يديم النعمه مووووو شي حتى المطاعم العربية ياااا ربي مايترقعون

بس الشي الوحيد اللي عجبني الرقي ههههه

 

[مقمش لولو]

اذا تبين رقي جربي سنغافوره ووااااي موطبيعين هالبشر
رقي ونظافه يعنى بلد ماتشوفين ورقة الكلنكس فى الارض لان فى غرامه فوريه وعقوبه شعب مثقف ومجتهد قاموا فى بلدهم
سنغافوره الحين من الدول اللى تجاهد للوصول للقمه ((دوله ناميه)) وعندهم السفارى مالهم صج صج موطبيعي كأنج عايشه فى الادغال وايد استانسوا عيالى وانا بعد غير اللى بماليزيا لوع جبدنا حتى السياره اللى ركبونا فيها خضضتنا لين قلنا بس ههههه

للاخت اللى سألت عن افا موسا هذيل الاختيارات اللى ممكن يفيدونها 3انواع حق الاختيارات​

كل واحد بالتفصيل شنو فيه


الباكيج الاول لونه ازرق مبينه الاسعار حق الاطفال173رنجه والكبار208 رنجه
من العروض اللى تشمله الكرنفال-السينما-عرض الفيله
القارب....الخ​

هذا مطعم مروش حق الاكلات اللبنانيه طبعا صاحبه سوري دايما مشغل الدي جي والاغانى العربيه والخليجيه خاصه بصوت مرتفع مسوي لجه بالشارع​

 

[مقمش لولو]

هذا مطعم ستايل امريكي داخل شارع العرب طبعا كنا يواعه طلبت حق بنتى طبعا ماكلت الا البطاط لان الطعم كان جدا موحلو
الحمدلله على النعمه

هذا برووشور حق محل عنده اشياء كلها طبيعيه انواع الجاى اللى بالزنجبيل
وسوالف وايد حلوه حق اللى عنده السكر والقلب انا اخذت جاى وايد حلو
عباره عن كور صغيره تنحط بالقوري وتالى تنشرب بس صج حلو وزين اقصد هلثى

واخذت منهم بعد شكر طبيعي مخلوط بالزنجبيل مع الحليب طلع روعه وطعمه حلو
على فكره المحل جزء حق هالسوالف والجزء الثانى يبيع سوالف غير لوحات وانتيكات
​

 

[رزه واستايل]

حبيبتي مشكوووووووووووووووووووووووووووووورة واااااااااااااااايد بس بسالج المحل هذا وين صاير ؟ محل الجاي والزنجبيل؟ وشنو في اشياء غريبه تسوى؟

 

[المـــــها]

ههههههههه مقمش حبيبتي قصدي الرقي الفاكهه مو الحضارة هههه