خاني مع 250 بنت و مالجه صارلي 3 اسابيع بس @@

[sweeta77]

حبيبتي كيفك هذا قرارك
بس ترى مو سهل انك تقولين بغيره
لو كل وحده قدرت تغير خيانه ريلها جان محد تطلق

 

[أخت أخواني]

دامج ماتبين تنفصلين حبوبه ، عيل واجيهه لان مايصير تبردين السالفه وواجيهه جدام امه وابوه عشان يعرف ان الله حق والله يحبج وافضحه وانتوا توكم ماصار لكم شهر!!!!!!!
هلون بيتمادى اكثر من قبل ، والله يقويج والله يهدي لج خطيبج

 

[اميره بكلمتي]

الله يعيييينج ياقلبي

ماقول الا الله يهديه

 

[زوجة عزيز]

واااااااااااااي الله يكون بعونج انا اقول اشتشيري ناس متخصصين

 

[ليلو جبريت]

حمدي ربج انج كشفتيه من البداية قبل لاتتورطين هاي دليل ان الله يحبج
تركيه وخليه باجر يعظ اصابعه من الندم

 

[PuPa^^SWeeT]

عفيه عليج بالبركة منه المال ومنج العيال
والله يعينج :eh_s(16):
دام انه عاجبج فليه زعلانة عليه :bbbiu:
وشنو يعني 200 بنت ؟؟ عادي يتعدل أن شاء الله الله يقويج :rgewrg:

صاجة والله قهررر​

​

​

 

[" ام حمود "]

والله ماادري شقولج يالغاليه
مصيبه اذا للحين ريلج مو متعدل حتى بعد ماخطبج
الله يهديه يارب

 

[cacaouette-qa]

هذا راي .... قبل لا يملج عليج واهوا ليل حين مع سوالف المغازل ... وملج عليج وليل حين ... وعلي كلامج داز مسج قبل لايدخل غرفه العمليات ....

تعتقدين ان بوطبيع بيوز عن طبعه ....؟؟؟؟؟؟؟؟؟؟؟؟؟؟؟؟؟؟؟؟؟؟؟؟

واجهيه .... والله يعيييييييييييييييييييييييييينج على بلواج

 

[ام شووووق]

الله يعين قلبج

 

[DooLy88]

حسبي الله ونعم الوكيل

 

[مس لوتس]

انحاشي منه دام هذي اولتها الله لايبلانا. من صجج وانتي تقرين ماكرهتيه؟؟!!متطاح من عينج؟؟!!

 

[G!RLooNa]

بل بل بل شنو هذاااا مو وحده مليون !!

لو انا منج جان دزيت كل شي حق تلفوني و صورت عشان اواجهه فيه و ما يقول جملتهم المشهوره واحد من ربعي كان متعبث بجهازي

بعد مو علاقات عابره و نت و بي بي ام حب و غزل !!!

بعدين حبيبتي مايصير تقولين عن البنت بنت ابليس اهيا تعرفه من قبل لا يتزوجج و مو معطيته ويه الحين و اهوا اللي قاط روحه عليها يعني انتي حكمي منو ابليس !!!!

و الله انا اشوف مدام انتو بعدكم عالبر و ما تدبستي بعيال فكري بالموضوع عدل يستاهل اتمين وياه ؟؟؟

و انا كلش مو مع انج تسكتين و تسوين روحج ماتدرين ليش تسوين روحج ما تدرين تنطرين لما تتزوجون و يدخل عليج و كرشتج تصير جدامج عقب تستوعبين ان لي الحينه على سوالفه البطاله و انتي خلاص تدبستي فيه

انا مادري عن ريلج شنو طبعه لكن من اللي قلتيه كلش ما يبشر بالخير صراحه

 

[ظل الياسميـن]

لا حول ولا قوة الا بالله

هذي اولها ينعاف تاليها
انا اقول واجهيه مادامج توج على البر

 

[a7la_7b]

الله يهديه ويسخره لج افضل شي تواجهينه عشان ترتاحين لان صعب تخلييين كل شي بقلبج راح تتعبين يمكن اذا واجهتيه يحس بالذنب ويتسنع وانتي قلتيها قايل حق اكثر من وحده مشتاقلج يعني مايحب لو داز حق وحده بس جان قلتلج انه يحب وخيولي بس الواضح انه يلعب وبعد الزواج يتعدل الله يهديه. ان شاء الله ويكتبلج السعادة بحياتج ما ألووومج هالشي يذبح بس المواجهة لابد تتم عشان ترتاحين وهو يحس

 

[ام ناصر 2009]

اي عيال تحجين عنهم وانتي مالجه اقل من شهر:eh_s(10):
شوفي بالاول مصبيتج مع 250 وبعدين فكري بلأنجاب
لا حول ولا قوة الا بالله
هذي اولها ينعاف تاليها
انا اقول واجهيه مادامج توج على البر شوفي رده فعله يهتم
والا مو هامه والشي ظروري عشان تعرفين موقفه قبل زواج
قبل ماتورطين

 

[FeShinGoOo]

الله يعينج حبيبتي

سمعي
انتي ياحبيبتي توج عروس
واذا هذي بداية حياتكم
شنو تتوقعين منه
بالايام الياية
هذا انسان ماله امان
وراح تتعبين معاه
لان صاحب العلاقات هذي لايمكن يتوب
اذا على قولتج معاهم كلام وصخ وجذي
اكيد معاج ماراح يسوي جذي ويتصنع جدامج الاحترام
وهذا النوع صدقيني متعب
مراوغ وحيال
ليش تتحملين شنو اللي
يخليج تدخلين حياة كلها صراع من البداية
انا اقول
انج تصدين عنه
وتبلغين ابوج
وماتردين على اتصالاته
وتدزينله مسج بانج عرفتي وقريتي كل شي
وان انتي مو مستعدة تاخذين واحد بهالاخلاق
الوحدة منا
تتزوج لانها تبي الامان والحنان والرومنسية
وهذا قاعد يحسر فيج
ليش؟؟
والله صدقيني لاترخصين نفسج من البداية بتندمين
:bbbiu:
الله يهديه
مااقولج طلبي الطلاق من اولها بس اجلي العرس وخليه يندم لاحسيتي تغير كان بها امااذا هالسوالف بدمه انا اقول الله يوفقج باللي احسن منه

وخليج مع ربج اهو اللي راح يعينج ويدليج عالطريج الصح​

معاهاااا .. الوحده تبي استقرار والزواج مو بس اسمي تزوجت وعلاقة فراااش حبيبتي هالانسان واضح انه الخيانه بدمه ماراح تلحقين عليه مو مخلي شي لا مسجات ولا مكالمات ولا انترنت من كل صوب مقزرهااا هاذا انسان مرييييييييييييييض مو بس خاااين ..!!!!!!
ومدام الله كشفه لج اشتبين فيه ..؟؟؟؟ اذا بالملجه وجذي بعد 10 سنين شراح يسوي اييبهم اشكره عندج البيت ..؟؟؟؟؟؟

 

[عسل سل]

لاااا تستمرييييييين

الي هذي اوووله ينعااف تتاليهاااا
شنااطره تجيبون عياال وتمرمرين وياااه اكثر ولا نااطره شنو بالضبط كل الاطبااع الي الحريم يكرهوونا مووجووده بزووجج تطلقي والله اببررررررررررررك واتعضي من سوالف البناات مرج بتملييييييييييين وهذا الي يحب وحده ترى ماالج امل يحبج ماغيير رااح يمثل علييج وقوولي مااقااالت

هذا شلوون حتى ما توقع عنده وقت يفكر فيج واذا فكر فيج بيفكر فيج وبغيرج
الانفصاااال بهدوووء احسن والله واذا ماتبين شووفي انتي قاادره تتحملين جذي !!
خوووش والله اهو يكلم ويلعب واخر الليل يجي عندج وانتي صاااينه نفسج حق واحد مووو كفوووو اااخ بس اي والله

 

[الكويت حياتي]

صارحيه نصيحتي سوري يعني بس لو اهوا بعيد الشر عنج ماسكت دشي بس باسلوب البجي وطلب الطلاق ان ما تعدل خرعيه وشوفي مايته

 

[malte]

لاتقدمين تنازلات وايد ترى ماراح تخلصين
صارحيه شكله يخاف منج

 

[شــــــــــــــوقــــه]

شوفي لاتدخلين في متاهات إنت في غنى عنها
أول مايطلع ويروح البيت واجهيه وكلميه بالموضوع من غير صراخ
وتنرفز وأول شي تبدين فيه ها يالغالي سلامات وماتشوف شر بسألك سؤال تحبني إذا قال إيه
قوليلة منو هذه وهذه وهذه خليه يدش بغيبوبة من الصدمة وإذا قال شلون عرفتي قوليله وإنت تحت تأثير البنج وتهذري بألف وحدة ووحدة ومنو هذه إللي تحبها غيري
أنا ما أبيك خلاص وإللي بيننا إنتهى وخلها تتهنى فيك وإنت تتهنى معاهم
صدقيني بيلزق فيج زيادة إذا صج يحبج ولاتقوليلة إنج فتحتي
البلاك بيري ديري بالج ..
وقوليله إفتح جهازك قدامي ووريني كل شي شوفي ردة الفعل ..
وإذا راعي حريم بيتعبج وياه وتمرضين منه ومنهم الواطيات ..
الله ياخذهم إن شاءالله هالواطيات ..
فكي عمرج ..

:eh_s(15): هذا انسب عذر تقدرين تواجهينه فيه عشان لا يقول ليش تنبشين و منو سمحلج و يقلب السالفه عليج

وايد ناس يهذون من التخدير

اما انج تسكتين وانا اغيره لا انسي اشتري كرامتج ولا ترخصين نفسج

انا استغرب من هالنوعية ليش يتزوجون دام كل شي متوفر عندهم !!!!