ما قدرت أطلع من غير ما ارد .....شوفي يا قلبي من حوال ثلاث شهور طحت على تلفون ثاني ابو الشباب خاشه عني ومن الله اكتشفت مكانه صدفه وانا احوس بسيارته ادور على شي ضايع مني ....ما كنت شاكه فيه نهائي , تصرفاته كلها طبيعيه , المهم شفت التلفون وقلبي طاح ببطني (قلب المؤمن) فتحته ولقيت المسجات والارقام ...كلها مسجات غراميات مراهقين وكلام مثل (حياتي انا برقد ) و (حبيبي كنت مع البيت) ومن هالكلام ...خليت التلفون مكانه ودخلت البت ولا كان فيه شي ...
طبعا مو قادره واحترق من داخل وهو ملاحظ التغيير وكل شوي يسال عسا ما شر وشفيج وانا ساكته ودموعي تخر بدون اراداه
انفجرت وواجهته وطبعا نكر وقال التلفون مو له ...بسيطه قلت له تفتح الجهاز وتتصل جدامي باي رقم من الارقام اللي بالمسجات وساعتها بيبان الصدق ...وبعد عراك وكذب اتصل وتم ساكت والبنت تتكلم وتناديه باسمه وهو ساكت من الفشله ...خذت التلفون ولا ادري شقلت لكن حرتي ما بردت ...
طبعا اعترف انها نزوه ومن هالكلام الخايب اللي يقولونه ..زعلت وخاصمته وحلفته بالله انه لو عادها ما بقعد عنده ولا دقيقه ...
والحين حياتي معاه مستمره لكن الثقه ضاعت وصعب وايد انها ترجع ..
نصيحه مني دامج على البر فكري قبل لاتربطين نفسج معاه للابد ..
والشروط اللي تفكرين فيها هل بتضمن لج انه ما يخونج مره ثانيه , هل بترجعه الرجل المتدين اللي كان بعينج ,
الهدايه مو بعيده عن رب العالمين لكن اقولج فكري زين وعطي نفسج فرصه لو حسيتي تقدرين تستمرين معاه وتغيرينه ( وهذا احتمال انه يتغير )توكلي على الله ...بس فكري زين
الله يسخر لج كل اللي تحبين
