خاني مع 250 بنت و مالجه صارلي 3 اسابيع بس @@

[ريتااجي]

واجهيه باللي شفتيه وعرفتيه

ولاتسكتي عن شي وكلميه بهدوء وبرود اعصاب لاتصارخين ولاتعصبين

ووقتها اكيد هوه بيكون خايف فإنتي حطي شروطج ​

 

[انصاريه قمره]

اذا ما منه رجا وانتوا عالبر واذا سيئاته اكثر من حسناته نصيحه لوحه الله طلعي

 

[شذا الياسمين]

حبيبتي انا ماراح أقول لج تركيه لكن راح أقول لج قصة صديقتي
من أيام الملجة أعترف لها زوجها انه يعرف بنات وانه يطلع معاهم وجذي وكلنا توقعنا انها راح تتركه بس اهي قالت بالعكس انا احترمته عشان صراحته >>> أي صراحه وأي بطيخ المهم قالت انها ماراح تتركه وانها راح تساعده عشان يهد طريق الحرام ..
وبعد كم سنه :
ياقلبي عليها تطلقت وعندها بنت وحامل لأن بعد الزواج ماترك خياناته وتمادى أكثر الله يعوضها باللي احسن منه ان شاء الله ..
الله يصلحه واستخيري يكون أحسن..

 

[وحيدة خالد]

صارحيه ولا تسكتين وعلى قول المثل اذا هذا اوله ينعاف تاليه

والله يكتب لك الخير

 

[غاآيتي مــرادكـ]

الله يكون بعونكـ
انا لو بمكانك كان كل تليفوناته قاطتهم بمويا او كاسرتهم >> ابرد حرتي
واتعذر بااي شي اهو يفهمها اني قريت مسجاته
او قوليله تصدق ان زوج صديقتي مسوي كذاا وكذا وقولي بلاويه لايعرف انك تعرفين ولا تصارحينه كلشش

انا لو انا مكان صديقتي كان سوويت وسوييييت خوفيه انك مو سهله


بســ ليش انتي طيوبه مره .... وقفتك معه بالمستشفى مايستاهلها وربي والله يعوضك كل خييير

 

[عبير-الشرق]

حياتي بقولج راي من الي شفته من تجارب ناس وايد ماكو ريال بالزمن هذا مايخون الا اذا متدين ومتمسك بدينه صح رياييل عندهم عيال ومايحشمون ولايحترمون حالهم اذا الريال زين ومافيه عيوب طنشي ولاتواجهينه بس لا تنبشين لان هالطريقه متعبه لانج ماتقدرين تسكتين وماتتحملين اللي شفتيه

 

[Tutti-Frutti]

بعد كل هذا وعاجبج وتبينه؟
على شنو عاجبج مادري

شلون ليلحين واثقه فيه !!

وحبيبتي ترى شي مو سهل انج تغيرين اطباع انسان تغيير جذري

على قولتج قبل لا يدش العمليات داز حق وحده مسج وانتي كنتي معاه!! يعني ما احترم وجودج ولا عنوتج حقه للمستشفى

وانتو توكم معاريس

لو انا منج انفصل عنه .. لانه خلااص الثقه بــــح بتطير ولا يمكن ترجع
واذا الثقه انعدمت الحياه بتصير مستحيله مع هالريال وكلها شك بـ شك
مو عيشه هذي

 

[دلوعه حبييبها]

حسبي الله علي كل زوج يخون زوجته واهي المسكينه ماتشوف غيره
الم الخيانه صعب أنا حاسه فيك لأني مريت تقريبا بنفس الموقف بعد الزواج بفترة شهر العسل صعب انك تشوفين الانسان اللي قدمتيله نفسك وقلبك وعمرك الجاي كله يخونك مع بنات زباله صايعات ماتربوا وماخافوا من ربهم ولا صانوا ثقت اهلهم وبعد يكلمونهم ويكلمون غيرهم عشره *

 

[غير كل الناس]

اغلب الشباب كذا بكره يتزوج وتكونون مع بعض ويعقل بس هذا لا يغني انك تواجهينه بكل هدوء

 

[ميشو المالكي]

يمكن طيحته بالمستشفى خلتك تكتشفين أخلاقه وأذا تبغين نصيحتي دامك على البر واجهيه بهدؤ وخليه يطلقكي لأن الرجال أذا تعود على شي مستحيل يتركه وصلي الأستخاره وأسالي مشايخ على شان تطمنين أكثر على قرارك والله يوفقك ألى مايحب ويرضى وترى الدعاء أفضل شي وقادر ربي يغير من حال ألى حال

 

[$$king moon$$]

حبيبتي دامج دوج بالبر حطي حد ودخلي طرف
لان مو شي هين كل هذا شوفي الحل ياتستمرين
معاه او تنفصلون وهذا يعتمد عليه شنو ردت فعله
واتعرفين شاريج ولا لأ

 

[vanilla-D]

بنااااااات اهوا انحاش من المستشفى و يالي بيتنا و قام يبجي و يتاسف و يبوس ريلي خذيته و رحتا قعدنا عالبحر و قالي خطي بعطيج إياه خلي عندج و بشتري واحد يديد و ايميلاتي انتي بنفسج الغيهم و كان حده منهار من ابجي و خالته اتصلت علي هم تبجي و تقولي عطي اخر فرصه قتله لك اخر فرصه و سامحته بس كلش مو راضيه عن نفسي لاني سامحته احس تضايقت اكثر عقب ما سامحته شسوي فيه تعبت والله والله انه زين و أخلاقه معاي و مع الناس حلوه و طيب و مدلعني و مو مقصر معاي بشي بس راسي بينفجر من التفكير أخاف ما يتوب

 

[مليت من الاسامي]

من صجج تسكتين لو وحده قلعه سكتي
بس شكثر بنات يكلمهم ويقابل لالا لازم تعلمين واحد من اهلج متفهم ويكلمه ع صوب
لان لكلمتيه انتي ماينفع بيستقل ضعفج ويمكن يهددج ولا يقولج لا هذولا بس كذا ولا بيصرفج اما واحد كبير ومتفهم غير عنج

 

[G!RLooNa]

شلون درا انج طحتي عليه؟؟؟

 

[سويت فانيلا]

شلون عرف حبوبه انك طحتي عليه

 

[جلكسيه اس 3]

يالله الله يهديه

لوو صار العكس جان اعلوم

 

[vanilla-D]

نسيت اقولكم لووول
أنا رحتله المستشفى ثاني يوم وديتله ورد مالت عليه
و قعدنا نسولف و نضحك بس بنفس الوقت حسسته أني تعبانه و متضاايقه حيل يبتله ورد ابيض و احمر و ازرق لان يحب اللون الأزرق قتله تعرف معاني ألوان الورد قال لا بس الأحمر حب قتله و الابيض صفاء القلب و الأزرق ثقه طلبتك يا فلان لا تخلي الورد الأزرق يذبل لان علي اساسه راح يكبر حبنا لبعض اهوا مو فاهم شي
بعدين مسك ايدي قالي امس و أنا متخدر شنو صار ( خذيتها فرصه) قتله ااااخ بس لا تذكرني جان يقول شنو قتله اول شي قتلي مشتاقلج و رديت نمت بعدين فزيت و ضحكت قتلك ليش تضحك جان تقولي فلانه تغار منج و تقول شفيك طاير فيها ( طبعا اهو ما قال جذي بس هذا مسج أنا قريته الجلبه دازتله إياه) اهو انصدم قالي منو فلانه قتله والله مادري انت قول منو فلانه قام يحلف ان ماكو احد بحياته قتله لا تحلف خلاق سكر الموضوع و عطيته ظهري جان يمسك ايدي وخرت عنه جان يقولي خلاص يبا أنا بقولج السالفه
جان يقول أنا كنت ادور مره بتزوج و تعرفت علي وحده و يوم قتلها بخطبج قالت لا تيي اهلي يذبحوني انت خطوب و أنا بدويه و هديتها و انتها الموضوع
قتله بس انت لي الحين تدز لها مسجات قام يحلف ان لا قتله امس وانت بالعمليه تلفوني كان ما في رصيد خذيت تلفونك بدز مسج حق أبوي و قريت النسجات اللي أنا دازلها اياهم جان ينزل رأسه بالأرض و يقعد يتاسف جان اقوله و منو فلانه ( اسم البنت الثانيه) المهم قتله بكل اللي شفته و قلب الدنيا يصارخ عالدكاتره بيطلع و قاعد يتاسف و أنا حدي كنت هاااااااااديه حتي مابجيت بكل برود اكلمه دش الحمام جان أخذ جنطتي وارد بيتنا بدون لا يدري دق علي رديت قتله ما ابي اشوف رقمك بتلفوني و صكيته بويها و دقيت علي خالته و قتلها السالفه و راحتله الطبيب مسحت فيه الارض قتله اهو وخالته أني ما ابيه خلاااص( بس جذي بخوفهم أنا ابي)
المهم و الباقي كتبتله لكم فوق يوم انحاش من المستشفى

 

[بنت شرق]

اشلون عرف جليل الحيا انه عرفتى سوالفه البطاليه انا مستغربه من هالريايل عندهم حريم ذهبه واخلاق وسنع يركضون ورا بنات الشوارع الوصخات

 

[vanilla-D]

قولووولي شرايكم باللي صار الحين و شنو الخطوه الثانيه اللي لازم اسويهاااا ؟؟؟؟؟

 

[بنت الاحلام]

ما تنلامين بس انتي شكلج تحبينه حاولي تغيرنه احسن ولا تستعجلين ع خراب بيتج