خالد و جمانه ( السعودي الذي عشق بنت الكويت )

[zedjalia]

waiting sweety

 

[Mazyoona]

؛



.


لا يوقف لا يوقف

روووووعه

يلاآ يا عروسه كملي

 

[Mazyoona]

؛



.


Waiting

4

ur

Ebdaa3

 

[miss 3yara]

كملي بليييز

 

[~ MhMh ~]

نااااااااااااااااااااااااااااااطرين

 

[واثقة بجمالها]

بصراحه قمه و رفوق الروعه بس عاد عروس كمليها
وماشاء الله قصتج (نهايه المطاف) حدها روعه وحلوة حيل
تسلم ايدج ..... وناطرتج ع احر من الجمر

 

[المشتاقة للجنة]

كمـــــلي

 

[واثقة بجمالها]

القصه حدها رووووعه وقمه
وقصتج ( نهايه المطاف) بعد رووعه ماشاء الله عليج
فديتج كملي القصه ناطرينج

 

[كويتية و النعم]

بلييييز كمليها
قصتج تينن
بلييييييز بلييييز كمليها حبيبتي

 

[D!aM0nD]

بليييز كملي

 

[عروس الدنيا]

جمانه توقعت انه خالد ... بس انحرجت تشوفه .. اشبيقول يعني و اهي اشتبي ترد ؟؟
سكتت .. و رد الطق عل باب ..
جمانه : تفضل
تبطل الباب .. و لا ميري ..
جمانه : ميريو ... شنو اشصاير ؟
ميري : ماما هدا في زوز قول يبي انت تحت
جمانه : قوليله شوي و نازله ..

و نزلت بعد شوي جمانه لقت خالد قاعد و يطقطق اصابعه

خالد اول ما شافها تنزل قام وقف .. و لم قعدت جمانه قعد .
خالد : ج ... جمانه ما كان قصدي يصير جذي اليوم .
جمانه : خلاص طاف ..
خالد : مادري شلون سويت جذي و ما حسيت بنفسي
جمانه : يا ريت تحس بنفسك قبل لا تتكلم و قبل لا تتصرف ...
خالد عصب من ردها ... توقع ان بتاخذ الامور بهداوه اكثر ... بس غرورها منعها و لازم شوي تتكبر عليه
دامه هو الغلطان .
خالد : المهم ... قومي بدلي نطلع نتعشا بره .
جمانه : مابي افتح اسطوانة الضهر
خالد : لبسي اي شي غير هذا ... جذي ما اقدر امشي وياج
جمانه : الله هم صبرج يا روح ...و قامت تبدل جمانه
و بعد شوي نزلت و كانت لابسه بالطو اسود .. و جينز بس قصته عاديه .. و لفه موسكينو ابيض و اسود
و مكياج خفيف جدا ..
نزلت ...
خالد كان ينطرها بالسياره .. و اول ما شافها حمد ربه ان لبسها شوي مستور بالنسبه له .
خالد : ها وين تبينا نروح
جمانه : مو انت الي عازمني قرر
خالد : لو تبيني اقرر و حسب خبرتي بوديج مطعم بالخبر
جمانه : لا لا هههه اش خبره ... خلاص نروح برج الحمام ... اطلع ادليك البحر

و راحوا برج الحمام ... القعده عجبت خالد حيل لان المطعم رومانسي .. و خالد قالها انتي طلبي لان عارفه شنو الحلو عند المطعم ..

كانت القعده حلوه .. و السوالف احلى .. سولفت جمانه عن دراستها و عن بروجكتها الي تشتغل عليه ..لين وصلوا لسؤال خالد

خالد : اقول جمانه ... انتوا الجامعه عندكم خلط ؟؟
جمانه : ايي خلط
خالد : و انتوا بالبروجكت معاج شباب
جمانه : اي معاي 2
خالد : نعم !!! هذا الي ناقص
جمانه : القروبات توزعت .. و انا معاي 2 من اشطر الطلبه بالسيكشن .. و احنا عندنا شغل ما نتيمع نلعب
خالد : و امس كنتي معاهم بمطعم و جدام الناس بعد
جمانه : اكيد جدام الناس ... خالد انا مو قاعد اسوي شي غلط
خالد : الا الغلط بعينه و علمه ... تروحين مع شباب مطاعم و تقعدون بالساعات و مو غلط
جمانه : وليين ... التفاهم معاك صعب جدا ... ما اتوقع بيوم نتفق .. تفكيرك مادري شلون صاير
خالد عصب من كلامها و استهزائها بتفكيره ... و حس انها تقلل من قيمته
و قالها قومي خنمشي مابي يرتفع حسي جدام الناس .

و فعلا حاسب خالد و طلعوا .. و ردوا البيت و طول الطريج بالسياره كانوا ساكتيين
جمانه مستغربه من خالد .. الي شوي يكون هادي و فجأه يثور مثل اقوى بركان .

و خالد كان يفكر بجمانه الي بيتعب على ما يعلمها طبايعه و عادات اهله ... و بقلبه يقول الله يعيني
ياهل و تتدلع و مادري شلون بعلمها ..
دخلت جمانه البيت و ركض على غرفتها ...
خالد ضل يشوف التلفزيون شوي .. و تالي دخل الغرفه ينام ..

ثاني يوم الصبح قعدت جمانه و نزلت تبي تطلع و لا تشوف خالد مبدل و لابس جينز و قميص ..
و كانت اول مره تشوفه بهل شكل ... عجبها حيل .. خالد رياضي .. و عضلاته واضحه بجتفه و صدره .. بس بالدشداشه ما تبين .. لكن بالقميص مبينه واضحه .

نزلت جمانه ...
جمانه : عن اذنك خالد عندي شغل للبروجكت
خالد : لحظه ... انا بي معاج
جمانه : ها !! تي معاي ؟؟ خالد بنروح نقعد بستار بكس .. و كلنا طلبة القروب
خالد : احسن بعد .. اقعد بستار بكس و اشرب لي قهوه و اتصفح الجرايد على ما تخلصيين
جمانه : خالد من صجك ... اشبيقولون عني .. يايبه وياها واحد يحرسها
خالد : جمانه لا تطولينها .. بي معج .. و ما راح اضايقك لا تخافيين
استسلمت جمانه للامر الواقع .. و ما عرفت شلون بتعرف عنه لربعها .. محد يدري انها متزوجه غير مي .
وصلت جمانه ستار بكس مع خالد ... مي اول ما شافت خالد شرقت بالماي الي كانت تشربه
من كثر ما هو وسيم و جذاب و يلفت الانتباه بطوله و جسمه .
وصلت عندهم جمانه ... و سلمت
و سلم خالد و سكتت ...
مي : ما عرفتينا .
جمانه : خالد خطيبي
مد خالد ايده يسلم على احمد و عبدالله الي وياهم بالقروب .. و اهو يمد ايده قال : تقصد زوجي
انصفق ويه عبدالله .. الي كان يشعر بمليان لجمانه و ما توقع انها متزوجه و خاشه عنهم الخبر .
مي : ايا العياره .. و ليش خاشه ريلج عنا .. تخافين من العين ؟؟
خالد : ههه لا مو خايفه من العين بس انا من السعوديه و نادر اجي الكويت
استغربوا احمد و عبدالله و هيام الي كانت وياهم بالقروب .. شلون تزوجت جمانه و من واحد سعودي
و بهل سرعه ...
قعدت جمانه وياهم الي كانت بقمة الاحراج .. و خالد استاذن و قعد على طاوله بروحه يقرا جرايد و يشرب
مو كا ..
مي كانت طول الوقت عينها على خالد و كل شوي تقول لجمانه ... هبله انتي .. هذا ما يتطوف
واي جمون يهبل .. ما تبينه عطيني ياه .. و كانت جمانه تسكتها باي طريقه ...

بعد 3 ساعات خلصوا جمانه و القروب الشغل .. و سلموا على بعض لان ما راح يشوفون بعض الى بعد انتهاء عطلة العيد الوطني .
قامت جمانه منهم و خذاها خالد و مشوا .. و بالسياره
خالد : خلاص يعني .. ما عاد تجتمعون دام خلصتوا
جمانه : لا خلاص
خالد : طيب ... وين بنتغدا الحين
جمانه : خالد مصدعه .. نرد البيت نتغدى مافيني حيل اقعد بمكان بعد
خالد : على راحتك ...

وصلوا البيت و تغدوا بدون ما تنطق جمانه بكلمه ... و صعدت غرفتها تنام و راح خالد ينسدح شوي
و حس بملل .. لان الي بينه و بين جمانه علاقه رتيبه مافيها اي شغف او حب الي عادة يكون بين اي اثنين منخطبين ..

المغرب قعدت جمانه من النوم .و لبست جينز سكيني و بودي بيبي بلو . و رفعت شعرها بمشبك و نزلت
كان خالد توه خالص من صلاة المغرب بالمسيد القريب منهم و راجع البيت

جمانه : تقبل الله
خالد : منا و منكم
خالد : ها شلون راسك الحيين ؟؟ راح الصداع
جمانه : الحمدالله احسن و اهي تقعد و تمسك الريموت بكل برود
خالد : جمانه ممكن اسألك سؤال صريح
جمانه : تفضل
خالد : انتي ليش وافقتي على الزواج من واحد ما تعرفين عنه شي
جمانه : توقعت كل الاسئله الا السؤال هذا ... و انرسم الحزن على ويها .. تذكرت الايام السوده الي عاشتها بحيره قبل الملجه : نصيب
خالد : انا عارف انه نصيب ... بس بعرف كيف رضيتي ؟
جمانه : انا ما ارد ابوي بشي خالد
خالد : افهم من كلامك ابوك غصبك ؟
جمانه : لا مو بالضبط ... بس اهو شرح لي الموقف ... و شلون وده يرجع علاقته باخوه و ان مافي طريقه ثانيه
خالد حس ان الكلام مسه ... هي موافقه مغصوبه من ابوها .. و هذا سبب جفافها معي ... لا قط ابتسمت و لا سولفت و لا تعبت نفسها و دقت علي بيوم من الايام مثل ما كل البنات تسوي ... هين يا جمانه .. انا بعرف
شلون اعلمك مقدارك زين
خالد : الحال من بعضه .. و انا انغصبت اكثر منك .. و ما كان في جدامي حل
جمانه انقهرت ... مهما يكون اهي زوجته .. و كان يقدر يلقى كلمات انعم من جذي او حتى طريقه ثانيه
جمانه :مو مشكله .. نقدر نصلح الغلطه
خالد : شلون ؟؟
جمانه : بعد الزواج نقول لهم ما ارتحنا و ننفصل ..
خالد : و عادي عندك تكونين مطلقه
جمانه : اكيد .... ما بتكون جايسني .. يعني ما ججني مطلقه ... و بعدين اخذ اسم مطلقه احسن ما اعيش
حياتي كلها مع واحد مابيه و لا يبيني ...
خالد الي حس كلماتها اسهم نار تدخل بصدره و تشعل جسمه كله ما عرف يرد عليها ...
و كل الي قاله : مثل ما تبين ...
و عرف ان قلب جمانه بعيد حيل عنه .
مروا ال 3 ايام الي ضالين من العطله على جمانه و خالد مثل ال 3 سنين ... كلامهم مع بعض قل و صار ما يتعدى السلام ... ما كانوا يطلعون من البيت نهائيا .. و اذا قعدوا عل سفره الهدوء بينهم ما يكسره الا صوت القفشه لي انحطت بالصحن ...
كان السكوت سيد الموقف بينهم ... و بعد 3 ايام ودعها خالد .. و رجع السعوديه و بنفس اليوم ردوا اهل جمانه

 

[digital]

اوووف جمانه كريهه وسخيفه



ناااطره

 

[~ MhMh ~]

أي و الله كريهه و مغروره بعد

 

[كويتية و النعم]

حلووو البارت و الشخصيات عجييبة
مشكوورة حياتي و ناطرين بارت ثاني

 

[rawona]

كملي حبوبه ناطرينج..


أنا ما أشوف جمانه كريهه بالعكس تصرفها جداً طبيعي ونفس الشي تصرف خالد يعني اهي من بيئة و اهوا من بيئة .. وزواجهم صار على قولة امها خبط لصق! ومافي قبول من الطرفين من البداية ولا هي تقدر تفهم أطباعه ولا اهو يقدر يعرف اطباعها..

ولا تنسون فارق السن .. انا اشوف اللي صار بينهم طبيعي و متوقع اصلاً

​

 

[Mazyoona]

؛




.


أنا أتفق مع Rawona

ردت فعل طبيعيه من جمانه

البنت الكويتيه حره بكل شي و أنها تتقيد و بهالطريقه شي حيل صعب بالتأكيد

لول حطيت روحي مكان جمانه

طلعتلي بمليوون فكره أني اتطلق

تسلم أييدج يا عرووسه ...

اسلووب حلو و مشوق


نااااطرينج على أحر من الجمر

 

[Sara.M]

نااطرينج

 

[دااانوه]

واااااي مغرووووره تنرفز

حرااام خالد كسر خاطري

ناطرينج حبيبتي كملي

 

[الاحاسيس المبهمه]

الباارت عجيييييييييييييييييييييييييب حده يشوق ناطرين البارت اليديد

 

[miss disaster]

جاري الانتظار............