خالد و جمانه ( السعودي الذي عشق بنت الكويت )

[princess besho]

بليييز كملي





ناااطريينج

 

[عاشقة^زوجها]

حدهااااا روعه مثل ما عودتينا دايماااااااااا

ونااااطره التكمله


و جمانه بطت جبدي ياهل حسيتها حراكتها طفوليه مو مره متزوجه الله يهديها

 

[MiSs Roma]

عجيـــــــــــــــــــــــــــــــــــــــــــبة القصة

كملي عفيـــــة ناطرة التكملة بشوووووق

لا يوقف لا يوقف

 

[princess besho]

ناااطرينج

 

[ام الفهد712]

رووووعه رووووعه

عروووووس الصرااحه قصصج تينن ومبدعه فييييييييييييييييييييييييييييييييييهم

لا لا لايوقف لايوقف لايوقف لايوقف

 

[عروس الدنيا]

تسلمون حبايبي عل تشجيع ... اليوم اعذروني ما اقدر اكتب وراي حوسة القرقيعان ... اخلص و انشالله باجر الليل اضى و انزل

 

[ام الفهد712]

اوكي مسمووحه يااقلبي

بس موو طولين عليييييييييييييييييييييييييييييينااااااااااااااااااااااا

 

[princess besho]

اووووكي مسموووحه




لا طوليين عليناااا




نااطرينج

 

[OM FHD]

eTynin el Qe9aa,,
Waiting For u
w plz ma naBy shay TaQLeDy 5lehum yeTRa'9on Qbel el 3eRs ;pPp

 

[Om-Yassofy]

امبيييييه القصه اتينن مشالله ..

كمليها عفيه حدي اندمجت فيها :ggdw::ggdw:

 

[* Na3oMa *]

ناااااااطره ..

 

[miss~cool]

مشكووره على القصه .. شكلها حلوه ...

ناطره التكمله حبيبتي

 

[عروس الدنيا]

بعد فتره لا تتعدى الشهر

السعوديه
ام خالد : اقول يا بو خالد
بو خالد : سمي
ام خالد .: سم الله عدوك ... اقول اشرايك نعزم اخوك يجي هو و اهله عندنا كم يوم
بو خالد : خوش راي ... هو صار له فتره ما جا السعوديه .. و فرصه نرد لهم الواجب الي سوه فينا
ام خالد : اي والله .. و انا قلت هم فرصه خالد يشوف خطيبته .. مثلك عارف البعيد عن العين بعيد عن القلب
بو خالد : صاجه يا ام خالد ... ما اشوف فيه لهفة للعرس و لا يطريه حتى
ام خالد : خلاص انا اكلم ام عماد و اسألها عن اقرب عطله لهم و اعزمها هي و بو عماد و العيال
بو خالد : تم

و فعلا كلمت ام خالد ام عماد الي رحبت بالفكره بس استاذنتها تاخذ راي بو عماد و ترد لها خبر بوقت روحتهم
بو عماد استانس حيل من مبادرة اخوه و فرح اكثر لان في بداخله حنين للمكان الي تربى و كبر فيه
و كانت عطلة العيد الوطني الاسبوع الجاي .. و قال لرولا قوليلهم انشالله الاسبوع الجاي بنزورهم .


رو لا جهزت روحها .. و خبرت عيالها الي رحبوا بالفكره باستثناء جمانه
جمانه : يما اقول لج والله عندي شغل البروجكت .. و انا ضمن قروب .ماقدر
رولا : و شو بدن يقولوا عنك الجماعه .. ما راحت على بيت خطيبها
جمانه : انتي ما شاورتيني قبل .. و بعدين هم عازمينكم كلكم مو بس انا
رولا : ايي بس هيدا بيت خطيبك ما بيصير نروح و انتي لا
جمانه : والله يمه ما اقدر .. عندي ديد لاين لازم التزم فيه و كلش مافي مجال أأجل الموضوع
رولا : دخيلك يا الله صبرني على هل بنت ..

و مشت عنها و شافوا ما باليد حيله .. و فعلا حجز الدكتور سالم 4 تذاكر له و لرولا و الاء و عماد

و قبل العيد الوطني بيوم سافروا عايلة الدكتور سالم و ضلت جمانه اهي و الخدم بالبيت

و بمطار السعوديه

راح خالد اهو و اخوه عبدالعزيز يستقبلون عمه و عياله ...

خالد يوم سمع انه جمانه بتي صار بقلبه نوع خفيف من الحنين لها .. صج يكره لسانها و تعجرفها
بس شوفتها تسر اي انسان .

انصدم خالد يوم شافهم طالعين من البوابه 4 مو 5 مثل ما متوقع .. و الي ناقصه اهي جمانه

خالد بعد ما سلم عليهم
خالد : عمي وين جمانه ؟ ما اشوفها معكم
الدكتور سالم : اي و انا عمك ما جت معانا ... تقول عنها بروجكت و ما تقدر تاجله
خالد : طب من معاه جلست ؟
سالم : لحالها اهي و الخدم ...

اهني فار دم خالد ... شلون يخلون بنت بعمر جمانه بروحها و مع الخدم و يسافرون
و ما حب يبين ضيقته لعمه لا يحس فيه ..
خذوهم البيت و رحبوا فيهم ترحيب حار ...

و خالد تالي نادى امه بيكلمها

خالد : يما ... عاجبج تصرف جمانه .... يصير كذا يعني
ام خالد : لا والله يا يمه مهي بحلوه تضل لحالها
خالد : يمه هم بيجلسون عندنا اسبوع ... و هي بتقعد لحالها اسبوع ببيت مافيه غيرها ... مهي عدله مهي عدله
ام خالد : اي والله يا يمه بس ما بيدي شي
خالد : انا نويت اروح اجلس معها .. بس بستأذن من معي بالاول
ام خالد : تروح لحالك يا يمه ... ما يصير و اش يقول عنا عمك
خالد : الحين اروح اقعد عند حرمتي الي بروحها عيب .. و خلوها لحالها مهو بعيب ؟؟؟؟؟؟
ام خالد : الا عيب بعد ... بس شلون بتقول لعمك بتروح لبنته و اهي هناك بريحاتها
خالد : يمه ما اضن عمي بيرفض ... عمي يعرف اخلاقي و بحلف له اني ما راح اجيسها .
ام خالد : مادري و انا امك ... اشوفها صعبه ..
خالد : لا مهي صعبه ... ما اقدر اخليها اسبوع بروحها بالبيت مع الخدم .. انا معزم و باجر انشالله انا بالكويت

و نفس الليله كلم خالد عمه و شرح له موقفه انه موحاب يخلي زوجته بروحها و خايف يصير لها شي او تحتاج شي
و خصوصا ان كل اهلها بالسعوديه .. و عمه ما عارض ابد الفكره و رحب فيها
و برر موقفه انه حاولوا فيها وايد بس اهي عيت
و خالد وعد عمه انه رايح بس عشان لا تكون بروحها و ما راح يجيسها
و عمه قاله ماله داعي هل كلام اهو واثق بولد اخوه

بعد ساعتين من كلامه لعمه ... حرك خالد من الخبر
و تقريبا على الساعه 6 الصبح كان بالكويت و بيت عمه ..

جمانه الي كانت نايمه .. و استغربت من صوت الباب بس ضنت انه يمكن الي يوصل الحليب

بعد شوي
الخادمه : ماما جومانه ... قومي سوفي هاذا زوز
جمانه : افتحت عينها بالغصب ... افف اشتبيييييين ؟ بنااااااام
الخادمه : انا مافي يبي .. هذا زوز قول نادي جمانه
جمانه : اي زوز انتي تستهبلين .. بنام ذلفي يالله
الخادمه : اوووووه والله ماما في زوز خالد تهت
جمانه اسمعت اسم خالد فزت ... معقوله !! و اشيابه هل حزه !! لا يكون صار بأهلي شي
و خرت الفراش .. و ركضت تحت ..

كانت لابسه بيجامه قطن على بيتي بوب من اويشو ... البيجامه خفيفه حيل و جمها جبنيز ... و غولة البيجامه واسعه حيل ..
و شعرها الناعم كان صاير فيه جم رده من النوم ...
و نزلت ركض عل سلم .

و اول ما شافها خالد قام ... و صار يطالعها من فوق لي تحت ... شاف فيها طفله بريئه قعدت من النوم مخترعه

جمانه : خالد اهلي فيهم شي .. تكلم .. قول
خالد : بسم الله الرحمن الرحيم ... اش هل فال ... لا مافيهم شي .. بخير كلهم
جمانه : خالد قول الصج .. لا تجذب الله يخليك
خالد : قلت لج مافيهم شي .. و الجذب مو من عاداتي
جمانه حطت ايدها على قلبها و قالت : اشوه ... طمنتني .
استوعبت جمانه انها نازله بالبيجامه من الخرعه ... انحرجت حيل يوم حست خالد بين لحظه و الثانيه
يشوف جسمها ....
و صارت شوي و تبجي ..
استاذنت منه و صعدت دارها تبدل و تغسل .. و لبست لها جينز و تي شيرت جم طويل .. و لفت الشيله على راسها
بشكل عشوائي و نزلت

كان خالد لي الحينه بالصاله و اهو تعبان حيل
جمانه نزلت .
جمانه : خالد ما قلت لي انت ليش ياي
خالد : انا ادري ان حضوري بيضايقك
قاطعته جمانه : لا مو قصدي ... بس استغربت من ييتك خصوصا و ان اهلي زايرينكم
خالد : ادري انها مهي حلوه ... بس انا استاذنت من عمي و اخوك .. و جيت عشان ما اخليك لحالك فالبيت
جمانه : هههههه ... من صجك ... طاق هل درب كله عشان ما تخليني اقعد بروحي
استغرب خالد من ردة فعلها و فج عينه : ليش فيها شي
جمانه : لا بس يعني عادي ... شنو يعني اقعد بروحي بالبيت ... و بعدين الخدم معاي
خالد : و الخدم بيسون لك شي اذا احتجتي مساعده لا سمح الله
جمانه : اشدعوه خالد انا مو بصحرا ... في ناس حواليني
خالد : والله عاد انا ما احب حرمتي تقعد بروحها مع الخدم في بيت اشكبره ...

كانت اول مره تسمع جمانه كلمة حرمتي من خالد ... تذكرت انها زوجة هل انسان .. و له حقوق عليها

خالد : انتي الحين ليه مغطيه شعرك
جمانه : ما تعودت اقعد مع ريال غريب بدون حجاب
خالد : و الغريب هذا انا !!
انحرجت جمانه لانها تقول عن زوجها غريب ... و شالت اللفه و قطتها ..
جمانه : خالد ... تبي تتريق و لا تبي تنام
خالد : لا مابي اكل شي .. ابي بس احط راسي و انام ... من البارحه مو نايم و سايق طول الليل
جمانه : خلاص الحين افتح لك الغرفه الي تحت تريح فيها ...
راحت جمانه اغرفة يدتها الي تنام فيها لي زارتهم من لبنان .. الغرفه صغيره فيها سرير و كمودينه و كبت صغير ..

... دخل خالد و نام على طول بدون تفكير ..
جمانه صعدت غرفتها و بدلت هدومها ... و طلعت تشوف ربعها الي مواعدتهم يتريقون بلينوتر البحر و يتكلمون عن البروجكت مالهم .

و الساعه 12 رن تليفونها ... و شافت الرقم و لا خالد

خالد : السلام
جمانه : اهلا خالد .
خالد : ممكن اعرف وينك فيه
جمانه : انا مع الطلبه الي معاي بالمشروع عندي شوية شغل بخلصه
خالد : و متى بترديين ...
جمانه : كانا خلصنا و راده البيت الحين انشالله .

و صكرت منه جمانه و قاموا جمانه و ربعها كلن بدربه ... الا مي الي كانت جمانه مارتها
مي : ها حبيب القلب جنه ولهان
جمانه : اي ولهان انتي بعد ... اهو ياي عشان يحرسني ...
مي : ايي ما قدر يخاف على حبيبته
جمانه : لا وانتي الصاجه ... الا عنده عيب و عار بنيه بروحها بالبيت
مي : هههه ... يا كرهج بدال لا تستانسيين الريال يخاف عليج
جمانه : و ليش استانس عاد ... اهو مو مسوي هل شي من زود حبه ... هذا من حرصه بس
مي : لو ما يحبج ما خاف عليج
جمانه : و متى امداه يحبني .. شايفني مرتين و بس حتى مكالمات مافي بينا
مي : الحب من اول نظره يا حبيبتي
جمانه : اقول وصلنا بيتكم نزلي و فكينا من حنتج
مي : ههههه الا قولي مستعيله على بو الشباب
جمانه : نزلي نزلي

و راحت جمانه البيت .. و اول ما دخلت شافت خالد قاعد بالصاله يقر الجريده و يشرب استكانة جاي

خالد شافها و عصب لانه تذكر انه زوجته ما تلبس عباة مثل خواته ... لبسها بالنسبه له فاضح .

جمانه الي كانت لابسه قميص فوشي ... عليه جاكيت طويل خامتخ خفيفه و لافه شال صوف على شيلتها
و سكيني جينز .. و نظارتها الشمسيه الكبيره ..قربت منه و فصخت نظارته

خالد : جمانه ما عندك بنطرونات اوسع من هذي ... كل ما شفتك لابسه بنطرون ضيق
جمانه : اهو موديله سكيني
خالد : و انا ما احبج تلبسين جذي ... شلون
جمانه : خالد انا مو ببيتك الحين .. لي صرت عندك تحكم بلبسي .. هذا لبسي من سنين و ابوي راضي عليه
خالد : ابوك قبل ... الحين انا الي المفروض ارضى على لبسك
جمانه : قلت لك لا صرت ببيتك يصير خير ..
ما عجبه ردها الجاف و كمل قراية الجريده ...

جمانه : انا بصعد ابدل و اصلي
خالد سكت و ما رد و حتى ما التفت عليها .
صعدت جمانه و صلت .. و احتارت اشتلبس ... اخر شي قررت انها تلبس تريننق و لمت شعرها عنقوص و نزلت

جمانه : خالد يوعان ؟؟ اقولهم يحطون الغدا الحين .
خالد : يا ريت ... من غداي امس انا
جمانه : انشالله .. و راحت للخدم يزهبون السفره ..
و كان الاكل عباره عن لزانيا ... و فتوش .. و كبب مقليه و شوربة دجاج بالذره
خالد : هذا اهو ... وين العيوش
جمانه : ههههه ... اي عيوش .. احنا نادرا ما نتغدى عيوش
كانت اول مره يشوفها تبتسم من قلب ... و غمازاتها الساحره محفورين حفر بخدودها الورديه ...
حس خالد ان هل ابتسامه قصرت مسافات و مسافات بينهم ... و قربت منهم حيل

خالد : هذا يسمونه عشى .. مو غدا
جمانه : لا حرام عليك .. كل هذا عشا .. العشا دايما خفايف
خالد : اخف من جذي بعد
جمانه : ايي بوايد
خالد : و انا اقول ليه كلكم ضعاف .. اثري من اكل العصافير
جمانه : وين ضعاف .. كلنا ماشالله جسمنا مليان
خالد : والله ما شفت هل مليان من بينكم ...انتي لو امسكك اخاف تنكسرين بيدي
جمانه : يلا عاد ... مو لهل درجه ..
و كلوا اثنينهم ... و كانت جمانه تباشر خالد الي عجبته اللزانيا حيل
جمانه : ايي هذي اكلتي المفضله .. احبها و طريقة امي عجيبه .. علمتها الخدم و صاروا يضبطونها مثل امي
خالد : و انتي طبعا مالك بالمطبخ شي
جمانه : لا والله لي ... بس خفايف .
خالد : الله يعينا ...
جمانه : الله يعينك ليش لأ
و قاموا خالد و جمانه من السفره .. و راحوا غسلوا و قعدوا عل غنفات يشربون جاي
خالد قال لجمانه
خالد : اقول اليوم يقولون انه في كرنفال ... اشرايك نروح نشوف وش فيه
جمانه : والله !! يلا بس البس شيلتي و نروح انا جاهزه
خاالد : نعم ... جاهزه !!!!! وين جاهزه ما تبين تبدلين ثيابك
جمانه : لا خالد ما ببدل .. عادي هذا تريننق يلبسونه للطلعه
خالد : بتطلعين ببيجامه و تقولين عادي
جمانه : مو بيجامه .. صدقني بتشوف جذي وايد .. الكل يلبس جذي .. بعدين انا قميصي طويل
خالد : انا مالي دخل بالكل ... انا لي دخل فيكي .ز طلعه جذي مافي
جمانه : اوهو ... لا تقعد انت تتحكم بلبسي من الحين ...
خالد : والله عاد يحق لي .. و لبسك اصلا مادري شلون صاير
جمانه : خالد احنا بالكويت ... مو بالسعوديه عشان اطلع معاك بعبايه
خالد : ليه و من قال مافي عندكم عبايه .. لي طلعت اشوف بنات كثير لابسين عبي .. و متغطيات بعد
جمانه : وليين هذا الي بيحرني
خالد : قومي بدلي عشان نطلع
جمانه : ما راح ابدل ... و بطلع جذي .. طول عمري اطلف جذي
خالد الي عصب من ردودها له .. و حس انه طول وياها : و بعدين يعني ... انا مالي كلمه عليك .. مو كافي مخليكي على كيفك
جمانه : لا تطول حسك ... و بعدين شنو مخليني على كيفي ... ليش انشالله
قام خالد ووقف : و انا الصاج .. تطلعين تروحين تردين و محد له كلمه عليك
جمانه : اضن ابوي عايش ... و دام ابوي موجود مالي شغل بغيره
خالد : احترمي نفسك جمانه و تكلمي عدل
جمانه الي عصبت ووقفت اهي بعد : و الله عاد انا ما غلطت ... محد له حق علي غير ابوي .. و ابوي و بس
خالد الي حس ان الدم فار بجسمه ... تكلمه ببرود و بثقه و ما كأن له اي اهميه بحياتها
و صار يقرب منها جيل ..
خالد : سمعيني يا بنت الناس .. لا تطلعيني من طوري لا بتشوفين خالد الثاني
جمانه : لا والله .. اشبسوي يعني .. بتطقني مثلا
خالد : جمانه صكري عل موضوع دام النفس عليك طيبه .. و قرب منها اكثر و اكثر
جمانه : ما راح اصكرعليه .. و انا ما تعودت احد يتحكم فيني
خالد الي وصل حده راح لعند ويها قريب حيل حيل ...
خالد : انا مو اي احد فاهمه ... انا زوجك .. و حياتك كلها تمشي بامري .. و بامري انا و بس
جمانه الي ارتبكت من قربه لها ... و خافت من صوته العالي ... و حدته بالكلام .. و صارت هل ربكه واضحه بعيونها .. و توها بترد عليه
خالد الي كان قريب من ويها حيل ... و سامع نفسها و دقات قلبها الي قاعد تزيد ... و صار يطالع بعيونها
عيونها الي تسحر اي اانسان يوقف قبالها ...و شاف جدامه مره انوثتها طاغيه .. و اهو المحروم حتى من لمسة الحريم من عمر ...
لا شعوريا .. خالد حط ايد على خصرها و ايد ورا راسها و صار يبوسها .
جمانه الي ما عرفت شتسوي غير انها ترفع ايدها باستغراب ...

مرت لحظه بس ... بس جمانه حستها دهر ... وخر منها خالد و اهو بقمة الاحراج
و جمانه سكتت ما تعرف تتكلم و ركضت على غرفتها ....

و بقلبها ( هذا اشفيه ين !!! بقمة صراخه و هواشه يسوي جذي !!! و بالصاله !! الي ممكن اي احد يمر و يشوفنا !!! اكيد مو صاحي ... و بنفس الوقت حست هل قبله حطت شي من خالد بداخلها .... قربته لها حيل ...
بس ردت تنرفزت اهو شلون يسوي جذي و يفاجأني .. و ردت عصبت عليه و على طريقة كلامه )


خالد الي قعد تحت ... و صار يمسح على شعره لي وره .. و حس انه بقمة الاحراج .. وشلون ما حس بنفسه
و سوا جذي ... و شلون استغل فرصة غياب اهلها و سوا جذي ... عيب الي سويته عيب .
اشبتقول عني الحين ... مو شايف حريم ... ما صدقت على الله لقيت حرمه جدامي .. و بعز الهواش ابوسها
صج اني غبي و مو قادر امسك روحي ...

ضلت جمانه بغرفتها لي المغرب مو عارفه شلون تتصرف او شلون تنزل ... لين سمعت صوت احد يطق بابها

 

[النظره الصعبه]

يعطيج العافيه التكمله
ننتظر الباجي
تقبلوا مروري

 

[كويتية شقراء]

وييييييييييييييييييييييييييييييييييييي

 

[rawona]

نشوق القصة عروس .. يعطيج العافية


بانتظار التكملة

​

 

[Mazyoona]

؛




.


وآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآو

رووعه روووعه رووعه

على قولة رفيجتي ريم

نآآآآآآآر


...


بليز كملي يا أحلى عروس

 

[~ MhMh ~]

ياحلو خالد حبيته

 

[MiSs Roma]

وييي احراااااااج هههههههه مساكين توهقوا ابعض

يلاااااااا ابي التكملة عفيييية

عفية نزلي بارتات أكثر :ggdw:

نااااااااطرتج

 

[^^عاشقة النوتيلا^^]

متاااااااااااااااااابعه عجييييييييييييييب