حياتي بدون خادمة .... احلى :_) تجمع بيوت كويتية بدون خادمة

[قماشه]

آنا بالدور الثالث وما عندي اصنصير

آخ معاناه هالدورالثالث والله وايد صارت مشاكل والسبة اني بالدور الثالث

المهم على طاري الزباله

احنا حلنا حق هالمشكله مضحكة جدا

لان زوجي اهو اللي يطلع الزباله فـ يتعب مسيكين من هالدري

قام ياخذ الزباله يربطها بحبل وينزلها من الدريشه لي الحوش اللي تحت

و بيت حمولتي يقطونها مع زبالتهم ههههه

والله شنسوي تعب الله يعين

والله فكرت بهالفكره بس احنا ساكنين عند ناس اخاف تطيح علي راسهم

 

[om al ghaleen]

الموضوع يبرد القلب والله "
انا مابي خدامه لاني مااشتغل بالاساس وابي شي اشغل نفسي فيه غير مجابل الايفون واللاب
احب اسوي شغل بيتي بنفسي صج ماشاءالله عيال ومدراس وتدريس بس بعد في وقت والله يومي من غير خدامه يمر ساعه ومع الخدامه كأنه اسبوع غير التعليم والغباء والتجسس والوصاخه

ريلي يبي خدامه علشان اهتم فيه مع اني مو مقصره معاه ابدا بس بنظره اني بهمله
انا ولدت ويايب لي خدامه سنه ونص وسافرت وبعدها قعدت اربع شهور من غير خدامه الحين بسوي عمليه وياب لي مؤقته والا اثيوبيه واعفست بيتي كله حسبي الله عليها تتعمد تخرب من غير سبب والله

 

[Alias]

الحياه من غير خدامه جحيم

 

[*kim*]

ودي استغني عنها

تعبت من مشاكلهم

 

[mrs.abk]

الحياه من غير خدامه جحيم

موب لها الدرجة عاد .. صح شوية تعب بس موب جحيم :eh_s(2):

 

[mrs.abk]

بخبركم أنا بسبب الوحام وارهاق بداية الحمل صرت أهمل شوي .. والصراحة زعلت وايد إن زوجي علق بأن الميلس فيع غبار على الطاولات مع العلم كنت منظفتنه من 3 أيام وما اييونا زوار بس جامة الميلس تدخل غبرة شوي

المهم قررت أشمر عن ساعدي وأرجع لهمتي وقمت نظفت البيت كله

بأخذ الوبيس المبلل وااااااااااايد ينفع للمسح السريع والتنظيف


شو بعد استويت حماة نفسي .. أتفحص وأتدقق وأركز أكثر


والريوق بالذات ركزت عليه صار لنا فترة ما تريقنا بالبيت لأن أنا أرقد لين قبل دوامي بنص ساعة أقوم ألبس بسرعة ويا دوب نطلع ونروح دواماتنا


وما هان علي من يومين يرمسني الظهر قال لي أنا يوعان على لحم بطني من البارحة .. وايد تلومت فيه ..


بس رجعت الحمد لله لهمتي وعدلت ضبط المنبه وقمت أحرص إني اقوم قبل الدوام بساعة وشوي يكون أسوي له ريوق وأجهز له العود ونقعد نسولف قبل لا نروح دواماتنا



قال بييب شغالة وأنا رفضت هالفترة لسبب ..

ما أريده يقول هي مهملة ولولا الشغالة ما تسنعت .. أريد يشوفني سنعة ومرتبة ونظيفة ويعرف طبيعتي عدل قبل لا اتيي الشغالة ..

تراها شر لابد منه وبييبيها بييبها .. فليش أستعيل الحين .. خلينا نفرين نتونس ببعض ..

 

[لمساتـي]

انا بتروح خدامتي بعد
وحدي متوهقه
بس استفدت من الموضوع
يسلموو

 

[القطه توتو]

والله من بعد ماراحت خدامتي حسيت براحه نفسيه صح تعب جسسسسسدي بس انا مرتاحه اللبس ببيتي الي ابي كانت مثل العسكري فوق راسي اوووف الحمدلله

 

[فكرة]

انا ربة بيت اتشرف بخدمة خمسة افراد الي هم زوجي واولادي الله يخليهم ويحفظهم من كل سوء ..

الان احنا ساكنين بشقة صغيرونة حييل المطبخ متر في متر ونص .. وغرفتين فقط مابينهم فاصل غير الباب وبلكونة عيالي في غرفة واحنا في غرفة مافي صالة ولا مجلس ولا حتى ممر .. والمطبخ في غرفة نومنا والحمام في المطبخ >> خلبصتكم صح هههه

فما فيمكان للخادمة اصلاً ..

بس اذا انتقلنا لبيتنا الجديد الكبيير .. فيه 8 غرف والصالة كبيييرة حييل .. فشكلي بضطر اني اجيب خدامة .. بس بجرب اول شي بدونها وبحاول اني مااحتاجها وبعدين بقرر اجيب ولا لأ ..

تحياتي .

 

[فـراوله]

خدم مؤقت 99641048 نظام 4 ساعات بـ 5 دنانير
يعني 8 ساعات بـ 10 دنانير طبعا تطلع وايد أرخص من الشركات للي 5 ساعات بـ 10 دنانير


صرت أجيب منهم مره كل 10 أو 15 يوم حسب الحاجه


شركة تنظيف 5 ساعات بـ 7 دنانير 97725669


شركة تنظيف 7 ساعات بـ 10 دنانير 94011390



هذيلا للي معتمدتهم عندي ألحين


وقاطعوا الشركات اللي 5 ساعات بـ 10 دنانير وين قاعدين نصب
لين ما يتعدلون
​

 

[وحيدة امى]

جزاج الله خير فراوله

 

[قلب زوجي وولدي]

خدامه رابي 97684484

خدامه راني 97506929

خدامه كوماري 65913721

خدامه ليسا 55957236

خدامه لجمي 66515065 بالشهر 110 دينار


هذيلا اللي عندي
​

 

[نووووونا]

خدامه رابي 97684484​

خدامه راني 97506929​

خدامه كوماري 65913721​

خدامه ليسا 55957236​

خدامه لجمي 66515065 بالشهر 110 دينار ​

هذيلا اللي عندي ​

مشكوره وايد شنو جنسياتهم وشنو طريقتهم ينامون عندى ولا يشتغلون بالساعات

ومشكوره