حياتي بدون خادمة .... احلى :_) تجمع بيوت كويتية بدون خادمة

[PuPa^^SWeeT]

اذا الريال مو متعاون


و الخدامة مو زينة


طلبي غيرها



قولي حق ريلج هذي ماتعرف و اليهال يخافون منها

 

[noonaa-thn]

اذا الريال مو متعاون


و الخدامة مو زينة


طلبي غيرها



قولي حق ريلج هذي ماتعرف و اليهال يخافون منها

يضيق الخلق اكثر يبيني اتهاوش وازفها عنده جذي الخدامه بتعدل
ما يشجعج ابد على شي يحر كله ماله خلق

 

[*مطبخ الذواقة*]

الله يعيييينج ..

زوج نموذج مثالي للزوج الكويتي ..

كلهم مالهم خلق ومالهم شغل ...



والخدامه لاتتحملينها اذا مو زينه ..




​

 

[مذهــلــه]

اكره وجودهم بالبيت مراقبتني على كل شي

صحيح مريحتني من المواعين بس باجي الشغل تسالي والله

قطيعه تقطعهم

 

[noonaa-thn]

والله لو الزوج يقدر شغل وتعب المره والله المره ما راح تفكر تجيب خدامه
بس شنقول مهما تتعبين يقول انتي ما تسوين شي
عشان جذي بالبدايه جبت خدامه عشان اصير اسم على مسمى بس هم مو مرتاحه
الله يعين

 

[زبــــــــدة]

واااااي استغفر الله اكرهم

بس مثل مايقولون شر لابد منه


الحمدالله انا للحين ماعندي خدامه ومرتاحه بس ساعات اتعب وافكر اييب خدامه نص دوام بس تنظف وتطلع

شرايكم؟؟

 

[Melazlaza]

زبدة
عين العقل
تييج تكوي الملابس تقط الزبالة تكرمين

ترى الزمن تطور بس إحنا ندور الربادة
الديش ووشر تينن وتعقم المواعين
الغسالة فول اوتوماتك حتى مايحتاي تنشرينهم أهيا تجففهم
كل شئ يساعد الإنسان إلا مجتمعنا يحبط ويتعب

 

[mrs.abk]

هلا بناتات

أنا ما عندي شغالة وساكنة بروحي

في بداية الايام كان جسمي يتكسر من الشغل وأحس عمري أركض بمراثون ..

الحين صرت خبرة في اختصار الوقت والترتيب السريع


مشكلتي بسالفة السهر .. ما نرقد قبل الساعة 2 وبالتالي نقوم متأخرين فما يمدي اسوي ريوق وقلبي يتم يعورني على زوجي إنه موب متريق

الشيء الثاني البيت عود وماشاء 5 حمامات .. نستعمل منهم 4 تقريبا .. حمام غرفتنا وحمام غرفة الملابس وحمام الميلس وحمام الضيوف .. أغسلهم بالدورية كل يومين حمام وخاصة إن ما عليهم ضغط إلا إذا جونا ضيوف وحمام غرفة الملابس نستعمل الشاور فيه بس

الحين حامل في شهوري الاولى وافكر أييب شغالة بالساعة مرة كل اسبوع تنظف وتغسل

 

[noonaa-thn]

الله يعينج ياقلبي حامل الله يتمم عليج ويسهل لج
والله لو عيالي كبار جان ذلفتها وبقلب قوي بس عيالي بعدهم صغار الكبيره عمرها سنه وتسع شهور
لا اقدر اطلع ولا اتسوق لازم هالخدامه بس ان شالله الله يقوينا ونفتك من شرهم

 

[mrs.abk]

الله يعينج ياقلبي حامل الله يتمم عليج ويسهل لج
والله لو عيالي كبار جان ذلفتها وبقلب قوي بس عيالي بعدهم صغار الكبيره عمرها سنه وتسع شهور
لا اقدر اطلع ولا اتسوق لازم هالخدامه بس ان شالله الله يقوينا ونفتك من شرهم

ولو عيالج كبار لا تذلفينها .. خليها تعينج .. نحن زوجات بالدرجة الاولى موب خدامات ورانا بعد أزواج يبون يشوف بيوتنا مرتبة وثيابنا مكوية ونستقبلهم بنفس زينة

عقب لوية العيال وين فيج حيل تستقبلينه بنفس زينة بالله ؟.

 

[بكيزة هانم]

الله المستعان

 

[Australia girl]

انا من تزوجت ماعندي خدامه لمدة خمس سنين وعندي بنت بس توظفت ضروري الخدامه تساعدني وتكون مع بنتي لولا الوظيفه ماحتاجها احنا نقدر عاللبيت بس المتوظفات صعب خصوصا اللي عندهم اطفال مو عمر مدراس

 

[*مطبخ الذواقة*]

انا اشجع اللي تستغني عن الخدامه ..



وممكن تستعين بخدامه نص دوام مو يوم كامل ..

 

[شادن33]

عذاااااااااااااااااااااااب وتعذيييييييييييب بدون خداااامه > مجربه

 

[مذهــلــه]

بنات الموظفات وماعندهم عيال اشلون منظمين وقتكم بالطباخ والتنظيف ومجابل الريال؟؟

 

[امـل لاينتهي]

الله يعيينكم

انا مومتزوجة بس امي مرييضة ماتقدر تقووم ولاتسوي اي شي وانا البنت الوحيدة بالبيت وطبعا الشغل كله ع راسي لان الناس اذا جافو البيت معفس مابيقولون اخوانها بيقولون هي البنية افف شهالمجتمع

المهم كان علي دراسة وضغط امتحانات وبروجكتات وكنت حدي موعارفة شسوي بس شسويت علمت اخواني عالاقل ثيابهم يغسلونهم اوردي الغسالة اوتوماتيك وكل شي تسوي بس الخيابة ماساوية فيهم امي علمتهم الدلع وابتلشت بس حقرتهم ماقمت اغسل ثيابهم لين تراكمو عقب غصبا عنهم قامو يغسلون بروحهم وينشرون وتعلمو كل واحد عليه ثيابه مع ان احيانا اخلي واحد منهم يغسل ثياب امي اذا حدهم متوصخين بحجة ان ويع ماطيق ههه ساعات يعطيني ويه ساعات لا

الاكل اخوي الصغير من قبل يحب اكل برا ويفضله ع اكل البيت فماتغير شي كل وجباته من براا اصلا حتى لوطبخت بيتطنز ومايعجبه

والكبير بالدوام ياكل والعشا من برا وانا اكل خفايف وبالجامعة اكل اكثر شي

تنظيف البيت هني المشكلة لان كل مارتبت يعفسون والصغير ياكل ويقطط قمت اعصب عليهم واقولهم ان ماشلتو وصخكم بوديه حجركم

وبقطه عندكم هناك وتادبوو شوي بس للحين هالعادة الكسيفة الوصخ يتقطط بالارض

بس الماساة كانت ايام الضغط العدل امتحانات وبروجكتات في اسبوع كله لازم اسويه وكنت اتعب ومانام عدل لان اصلا موبس شغل البيت امي ومتطلباتها وتاكيلها ودواها وغييره

وغير دراسة ماحصل وقت ادرس كنت اسهر بالليل ادرس اذا نامو واقعد من الصبح لدوام يعني كنت انام تقريبا 3 ساعات بالكثير 4 لين محظوظة اخر شي ماتحملت لانوم عدل ولااكل عدل ولادراسة بس على تحلطم الناس على شكل البيت وهم مايحسون

حقررتهم وخليت كل شي يولي وقمت ادرس وجبت شركة تنظيف 3 ساعات ورتبت البيت واهي اتحلطم بعد ماجنه بفلووس بس يالله

شوي صار اهون وحمدلله خلصت امتحانات بسلام وقمت اشتغل شوي بالبيت والحين تجبنا خدامة مرة او مرتين بالاسبوع ساعتين والحمدلله اهون بس لازم يعفسون معنهم كبار موصغار واضطر ارتب خصوصا لين بيزورونا ضيوف والله يعين مادري شلون بكمل الدراسة على هالحال

ادعوولي الله يقوم ماما بالسلامة وسووري طولت بس لقيت مكان للفضفضة

 

[امـل لاينتهي]

بس بنات استغرب من شغلة شلون تامنون تخلوون عيالكم بروحهم مع الخدامة !!!

احنا بالبحرين اكثر شي الي يشتغلون تخلي اليهال مع امها ولاام ريلها او اذا مرضى او مايتحملون تودي الخدامة معاهم لبيت امها وتحت نظرهم حتى ماتتجرأ الخدامة تسوي بالياهل شي

اما تخلونهم بروحهم مع ياهل بالبيت شي يخوف صراحة احس ماامن بالمستقبل كلش كلش وديه حضانة اامن احس

 

[فـراوله]

بنات أبي خدامه تساعدني بتنظيف الطوف خلصنا من غبار الصيف وأبي أنظفهم

أنا أخاف أجيب للي نص دوام واهم 4 ساعات بس وتقعد تستعبط وما تنظف الطوف

كلهااا


وأبي شركة تغسل لي السجاد ما أعرف من وين بليز فيدوني هالشغلتين أبيهم ضروري


​

 

[ناتشوو]

فراولة
عام الخدم المؤقتات اللي بالساعات
ينجزون
يعني لما اشوف شغلهم
اقول ليش خدامة البيت الاصلية ماتخلص شغلها بسرعه مثلهم؟
هذا رقم مؤقتات بالفروانية
99641048

 

[فـراوله]

يعطيج العافيه ناتشـو بجربهـم


​