حياتي بدون خادمة .... احلى :_) تجمع بيوت كويتية بدون خادمة

[الباسمه]

الموضوع يونس
أنا عندي ولدين وعندي خدامتي احلا ما يكون
وفجأأأأأأأأأه قامت تبجي تقول أبي أشوف أبوي بيسوي عمليه
يمين .............. يساااااار ............. يمين رقصتني
أحاول فيها أزيدها أغريها بعروووض؟؟؟؟
......... أصرت وألحت
قالتلي شهرين وبرد
توكلت على الله وسفرتها وقصيت تذكرتها للعوده ( أبي أعيش بألم الأنتظار وليس ألم الحرمان) هههههههههه
وتمرمطت مو من الشغل لأ من عيالي الله يحفظهم
الشغل كله من مسح وتنظيف حمام عزكم الله وتلميع أرضيات وكوي كله اذا نامو بالليل تخيلووووو
يعني أنام وأنا صججججج تعبانه
واذا قعدو بس أسوي ريوقهم وغداهم العشا العاده أطلب أو نواشف
والحمدلله ارجعت خدامتي وعادت المياه لمجاريها
بس تبون الصج؟؟؟؟؟؟؟
والله يابنات ان عيالي تغيرو بهالشهرين ولدي الكبير 4 سنوات صار ما يقط شي ويبدل ملابسه بنفسه وأكله بروحه وجوتيه اذا ردينا من اي طلعه يحطها بدرج الجواتي
.................. صج تعبت معاه بس بسرعه تبرمج
وأبو العيال حاله حال اي كويتي يمشي ويقط
لا ومشكلته يقول شوفو الأجانب لا خدامه ولا هم يحزنون
أرد وأقوله الزوج يطبخ ويغسل هدومه ويكويهم ويشيل ملابسه وينزل أغراض الجمعيه ويحطهم بدرج الماجله مو نفسكم
لا وبعد حتى عياله يقعد معاهم مو أقل من 6 ساعات ليما ترد زوجته من الدوام
اذا صرتو نفسهم خير
طولت عليكم
الله يعطينا خيرهم ويكفينا شرهم وأنا أحيي الحريم اللي ما عندهم خدم بس عني بصراحه ما أقدر والناس قدرات وكلن عنده ظرفه الخاص​

 

[|كفاح|]

بالنسبه لتجربتي تختلف عنكم , من تزوجت ما شفت الخادمه
لان زوجي ما يدانيهم ومجبوره أتحمل ولي أكثر من 15 سنه من غيرهم
ودي تعبت , بس شسوي مجبوره
الله يعين بس الصراحه نفسيا من خلال اللي اسمعه من مشاكل الخدم
أقول ألف حمد لله علي الراحه النفسيه

 

[بنت السليل]

بنات ابي اعرف مواعين السفري من وين يشترونها بنت خالتي شاطره
بالحلو والفطاير والمعجنات بس ماتسوق وتبيني اشتري مواعين سفري
حق مشروعها بالمعجنات والحلو وورق السولفان والشرايط الربط
ومشكووووورين

 

[غـلاوي تش]

بنت سليل لؤول
تلاقينهم باسعار زمان شكثررر اشكال والووان واحجام بعد واسعار رخيصه وعندج التوفير بعد وامممممممم والشرايط قشي بو 100 عندهم الشرايط الخام وفي البلاستك واذا بتسوي اسمها ورقمها تحطه ع الشرريط يسوون لها بواره محلات الكلف عرفتيهم عندهم الشرييط وهم يسوون وبعد شنو امممم بس
الله يووفقها ان شاء الله فكرره حلوه لاتنسووني بصحن فطاير خخخخخخخخخخخخخخ<< اتغشمر

 

[يارب احفظ عيالي]

انا صار لي 6سنوات متزوجه وعندي بنت وولد الله يحفظهم وشغل البيت من الالف الى الياء كله علي وانا ريلي مايحب الخدم وانا ماتخيل احد يوكل عيالي ويسبحهم ويلبسهم غيرررررررررررري صج احيانا من التعب الواحد يتمنى لو عنده خدامه بس ارد واقول راااااااااحه البال تنشرى ،،،،،،،الحمدلله

 

[laymona]

صارلي تقريبا سنتين بدون خدامة وانا في قمة وروعة سعادتي الله لا يغير علي والله لا يعيد ايام الخدم ذوقوني المر لاانام نفس الناس ولا اطلع ولا اكل كل شي مراقبة فيه اعسيها ستيييين دينار عشان تعيشني بسجن


شسوي اخذت قرار نهائي بالتخلي عن الخدم واشتريت ديش ووشر وغسالة فول اوتوماتك وقلاية سريعة واوتي بخار وكل مايسهل الحياة

الي ما احتاجه وديته للجنة الخيرية ونظفت البيت من قلب مع ان عندي بيبي واسم الله عليه مايعرف يقعد بس نظمت امووووووري ومااخلي الشغل يتراكم وقبل النوم اسبح 33مرة واحمد ربي33واكبر34 ورسولنا ما ينطق عن الهوى عليه افضل الصلاة والسلام

كافي الراحة النفسية وتعب ريوووووولك ولا تتعب قلبك


لا للخدم لا للخدم لا للخدم

ماشاءالله عليج نفس توجهي

 

[laymona]

انا لي قصص و روايات معاهم .. ما صارلي وايد متزوجه يبتلي خدامه و كانت عند خالتي عطتني ياها مؤقتا .. والله مافي ارتب و اسنع و انظف منها و فوق هذا عيونها نظيفه اساسا اهي متزوجه و عيالها رياييل
المهم من دخلت بيتي و خلصت شغلها ,, و راحت تنام قعد اقول حق ريلي والله مو عارفه ليش احس بضيق و البيت ثقيل ، قلتله مابيها خلاص انا مستعده اتعب ليل نهار ولا خدامه تنام عندي بعد
فعلا من طلعت ارتحت سبحان الله و عشان اثبت صحه احاسيسي يبت خدامه نص يوم وكل ما قلتلها اكلي اي شي تبينه ،اهني العصاير و اهني الاكل و اذا تبين ترتاحين ارتاحي واستخدمي مكنسبه لا تجندسين ( حشى بالنفاس مو يايه تشتغل ) ,, تقعد تتمقل فيني و تبتسم تقول انتي اطيب وحده مريت عليها كلهم يطقون .. و من طلعت ما ترقعت الدفايه انقزت علي من الشورت الي ضرب علينا .. و الدهن الحار طشر بويهي

انا من هاللحظه رفعت شعاري
( اخدم نفسك بنفسك )

 

[AVE.NJ]

مااحب احط نفسي مكانكم كلش
والله يعينكم
ويسخر لكم خدم يريحونكم
اللهم امين

 

[manoooram]

ما شالله عليكم
والله يعطيكم الصحه والعافيه
قواكم الله .

 

[Mrs_s3doun]

انا ما عندي خدامه وصارلي 3 سنين متزوجه وعندي بنت عمرها 6 شهووور صج تعب وااايد طلعت من دوامي لانه ارد ما الحق اجابل بنتي ولااغسل ملابسي ولا ملابس بنتي ولا الماعيين ولا الحمامات ارهااتق ارهااق بس ساعات افكر اقول احس الخدامه جنها سنسر ولا كاميرا مراقبه ايشي اسويه الا تطلع من مادري وين لووووووول يعني احسماخذ راحتي بس هم والله تعب شقتي كبيره ولازم يوميا امسح الارضياات
الله يعيين طالبهسيلانيه صارلها 3 اشهر ما وصلت والمكت كل يوم يقول اي الاسبوع الياي انشالله ماخذينا على قد عقلنا

 

[احاسيس مدفونه..]

انا شقتي صغيره و4 سنين بدون خدامه وعندي بنتين
بس الصرااحه
استسلمت
وقدمت ع شغاله
الله ييسر وتجي زينه

 

[PuPa^^SWeeT]

يعطييكم العافية



ماشالله وايد من غير خدم

 

[om.googi]

الحمدلله شحلات العيشة بدون خدامة ,,

موظفة وعندي ولد عمره 3 سنين اب شقة صغيرة وماعندي خدامة من 5 سنين ولا أفكر أحطهم براسي الله لا يعوزني لهم
,, مالهم داعي ,,

الفال للي مو قادر يأقلم العيشة بدونهم..
السالفة مو صعبة يبيلها تكتيك وصبر لين تصير ( عادة ) ​

 

[حبوبة الأطفال]

والله الخدامة شرها اكثرر من خيرها

من تزوجت وللحين مااحتجت خدامة

وان شاااااء الله مااحتاجها

ياربي كلما نظفوا لاازم في ريحه خايسة او ريحة الكلوركس تعجعج وتصك خشمج
واذا كلمتيهم بهالشغلة تهز راسها وتقول زين ماما

واليوم ترد نفس سالفتها وبزيادة

واذا كوت الملابس ريحتها الخايسة لازقة فيها بشكل لااايحتمل

واذا نظفت الحمام تنثر الصابون جنها تملح الاكل .. وتكت الماي يمين ويسار وبس خلاص نظفوا اللحين

وجا وقت الاكل .. اللحين وقت الابداعات ياماسخ يامالح .. ياماكل الماجله كلها وتقول ماما مافي اكل

وااااهم شي والتنازل الكبير الي تسويها المتزوجة انها ماتقدر تاخذ راحتها ببيتها من ناحية اللبس وغيرها

وتقعد الخدامة تخزج خز لج ولزوجج وانتوا قاعد قعده عائلية .. واهيا محرومه من اسرتها وعيالها

...

اخر المتمة
الوحده اذا قدرت انها تدبر أمورها في البيت والعيال ... والله اريح لها الف مرة من الخدامة

...

والله اعرفلي حريم عندهم كود عيال الي بالمدرسة والي بالروضة والي بالحضانة

وبدوامهم ماشاءالله عليهم التزام ويشتغلون بذمة وضمير

وكله كاشخين من لبس ومكياج خفيف والضحكة دوم على وجهم ربي يهنيهم

ويااااارب اكون نفسهم ومااحتاج الخدامة

 

[manoooram]

سوالفكم تونس ونقاشاتكم طيبة
الله لا يغير عليكم

up up up up up up up

 

[manoooram]

up up up up up up up up up ​

 

[c a t w o m a n]

صارلي شهر قاعدة بدون خدم

ما عندي مشكله بالتنظيف و الطباخ بس عندي ياهل اسمالله ع

 

[c a t w o m a n]

صارلي شهر قاعدة بدون خدم

ما عندي مشكله بالتنظيف و الطباخ بس عندي ياهل اسمالله عليها ووايد تعبانة مضغوطة

الله يفرجها علينا

 

[c a t w o m a n]

واي الرد صار مرتين و انا عبالي انمسح

 

[noonaa-thn]

ادري الموضوع صارله زمان موجود بس والله من ضيقه تلخلق جمت ادور بالنت عن ناس عايشين من غير خدامه
تخيلوا توني راده مع زوجي صار لي فتره طويييييله ما طلعت معاه بروحنا
انصدم اليهال بجي بجي صوتهم من بره الشارع اسمعه
وبس دخلت البيت كل شي صار هادي
تخيلوا خدامتي كبيره وعندها عيال وكل اسبوع اخليها تكلمهم ولا يبين بعنها تسوي روحها ما تعرف حق اليهال
ولا تطبخ ولا اخليها تمسك اليهال الا بس اذا بجيل البيت او اذا مشواري نص ساعه ساعه
وشقتي صغيره
لاكن والله السبب زوجي هو مو متعاون ابدا ابدا ما يفكر حتى يروح الجمعيه بدالي ولا يقدر تعبي
واذا بيطلعني ما يرضى ناخذ اليهال
ادعولي الله يعيني واقدر استغني عنها

قرف وخوف ومسؤوليه ومصرف عالفاضي وفوق جذي مو عاجبهم
ولا اذا قلت حق زوجي مابي الخدامه يقولي سكتي سكتي عن السخافه انتي تقدرين تسوين شي
ياربي والله اطبخ واجابله واجابل اليهال
هي بس تنظف وياريت عدل خرطي
اف ياربي والله منقهره