حمولتج شافو تجهيزج من وراج قبل عرسج بيوم ؟؟

[ابتدي يا حب]

رد : حمولتج شافو تجهيزج من وراج قبل عرسج بيوم ؟؟

اغراضي اهلي يودونهم ويرتبونهم

اغراض مرت اخوي اهلها حطوهم

وما اهتمينا نشوفهم

لاحقين تلبسهم ونشوفهم

 

[عالمي المجنون]

انا اغراضي امس رتبتهم بشقتي يعني قبل العرس باسبوع

ان وامي واخذت الخدامة حتى اغراض ريلي عدلتها

وغيرنا ورتبنا وعطرنا الشقة لانها كانت لويه

اما عن يشوفون اغراضي ماتوقع؟؟

لان المفتاح عندي وعند ريلي بس

وخالتي اهي الي ماثثة الشقة مع ريلي شكو تشوفها بعد

غير انها تعبانة الله يشفيها ان شاءالله

وعمرنا ماشفنا اغراض حريم اخواني لانها خصوصياتهم

 

[cheese cake 84]

انا واااااااااايد سمعت ان قمصااانهم النووم ياخذونها معاهم بنفس الوقت وباجي البدل قبلها بيوم واحسن خل يشووفوون سنعج وكشختج بس قمصاان النوم لا والله خصوصيات مالهم شغل

 

[Cristal$$ l$$]

سمعت سالفة وحدة
اهي ماخذة ولد عمها
والشقة مفتتتوحة مو راضين يعطونها المفتاح
وخالتها اتدرعم عليها واهي عروس توها لابسه اللي خبركم
واذا راحت لاهلها حموانها يدشون شقتها وياخذون من اغراضها ويطلعون وعقب ماياخذون اللي يبون يدقون عليها
فلانه ترى خذينا جذي وجذي
اشككرررا
وانا مرت اخوي بنت خالتي ومعطتنا الاوكي
خواتي رتبوا اغراضها وضبطوها
على حسب الوضع
وفي ناس واجد سوت هالحركة هذي ولاهامهم

 

[ربي يفرج لي]

رد : حمولتج شافو تجهيزج من وراج قبل عرسج بيوم ؟؟

انا عن نفسي اكيد انهم شافو تجهيزي مادري حاسه جذي كيفهم شافو ولا قعدوا قلة حيا منهم

 

[D@LoOoL]

أمبي بنات لي هالدرجه في ناس جذي لقافه :s

 

[بنتي بنت ابوها]

انا لما ودوا جهازي قبل العرس بيوم ورتبوا كل شي بمكانه وطلعوا قبل لا يتعدون الشارع اتصلت خالتي على امي وقالت لها ارجعوا نسيتوا شغله ولما رجعوا والا تدز المفتاح مال الشقه قالت دام اغراض البنت دشتها مالنا حاجه بالمفتاح لما تجي البنت اهيا تفتح شقتها

اما مرت اخوي فهي بنت خالي كل يوم داقه علي شرايج نروح للمشغل الفلاني ويوم امشي بشتري قمصان امشي بشتري عطور بس انا وياها من عمر رفيجات ونمون على بعض فاعرف تجهيزها من الاف الى الياء

 

[njoom1]

رد : حمولتج شافو تجهيزج من وراج قبل عرسج بيوم ؟؟

مادري احس عادي حتى لو طالين باغراضي ماعندي مشكله بس نظره مو ان يفتشووون ويقلبون الاولي والتالي
عادي يعني امي واختي يوم ودوا اغراضي قالولي حمواتي بس طلوا على العطور .... عادي ما تضايقت

 

[آنا من دونك أندمر]

رد : حمولتج شافو تجهيزج من وراج قبل عرسج بيوم ؟؟

بصراحه احس انه وقاحه يوم أحد يبي يشوف أغراضج

يعني اذا كلش بيلقون نظرة على شقة ولدهم خل يلقون نظره عليها قبل ما تحط العروسه اغراضها

مو حبكت يعني

 

[اسأل ضميركـ]

احنا مانفتش بس حموووله بنت خااالتي تدري انهم يفتشوون ..



ما احب هالحركه ..






وسألت زوجي قااالي اي انا بروحي شفت كل شي بالليل قبل لا انام والمصيبه اول يووم يدليني يقووولي هني الاغراض اللي تبينهم

 

[ايمان 24]

ذكرتوني
انا فتشوووو كل شي من اغراضي حتى وحده من حمواتي تحط من اللوشن مالي ..
وحتى الدراريع فجوو الجياااس منها وصار فووضه
صج عيب ..
ولا جنهم امسوين شي وانا سويت نفسي ما ادري عنهم .. بس دريت عقب ..

 

[شوكلاطه]

رد : حمولتج شافو تجهيزج من وراج قبل عرسج بيوم ؟؟

انا ليله العرسسس نمت بفندق وجنطتي وياي من باجر سافرت مريت بيتنا سلمت اخذت اجناط السفر وع امريكاااا

يوم رديت يت امي فديتها واختي ورتبناا الاغراض

فتره شهر العسل شقتي تصفررررررررر ماكو ولاشي لي : )

وع العموم حمولتي يهبلووون وخلوقييين ماعندهم هالسوالف تتفتيششش والقافه الله يتمم عليهم ولاينقلبون لول

 

[اشواق2010]

رد : حمولتج شافو تجهيزج من وراج قبل عرسج بيوم ؟؟

معضمهم ما يفتشووون لكن يلقووون نظررره سريعه

 

[Tulips]

رد : حمولتج شافو تجهيزج من وراج قبل عرسج بيوم ؟؟

اي حركه مو حلوه صح

بس واللي يعافيج منو اللي ماشاف تجهيز العروسه من اهل الزوج !!

الفضووووووووول و الطماشه اهما اكبر سببين

 

[cherry67]

الحمدالله ما عندنا هالسوالف وين قاعدين مطار لوووول هذي خصوصيات لا نفتش ولا احد يفتشنا

 

[بندريه]

رد : حمولتج شافو تجهيزج من وراج قبل عرسج بيوم ؟؟


وبعد بنات ,. قولووو تجاربكم ومواقفكم ..

 

[eman12]

والله مادري ان سوها من وراي

 

[3sho0o8a]

رد : رد: حمولتج شافو تجهيزج من وراج قبل عرسج بيوم ؟؟

اذا شوفه القاء نظره عادي بس تفتيش ماعتقد في

 

[الاهله]

رد : حمولتج شافو تجهيزج من وراج قبل عرسج بيوم ؟؟

انا خوانى حريمهم سكنو لوحدهم بشقه مستقله ومارحنا الشقه ابدا لما جابت اغراضها


واغراضي انا وديتها كلها بيت زوجى

والي صفف اغراضي انا لوحدى

 

[q8y-moon]

تصدقون ما اذكرك