حمولتج شافو تجهيزج من وراج قبل عرسج بيوم ؟؟

[<<لمار>>]

ماسويناها ولااحد سواها فينا ولله الحمد

 

[الاحساس والطيبة]

رد : حمولتج شافو تجهيزج من وراج قبل عرسج بيوم ؟؟

انا عن نفسي جبت اغراضي معاي وخواتي وخالتي صفوهم لي

 

[دلوعت مودها]

انا لما وديت جهازي
شافوه >>>>شلون عرفت ؟؟؟
لان اخته بعد يومين من العرس قالتلي صعدنا شقة اخوي عشان نتشوفها خالتي <<<<شقة اخوها ها يعني انا مالي داعي
وشفنا اهلج شايلين الديباج وحاطين ديباجج
عيييييييييييييييييييييييييب احنا ماعندنا هالسوالف,,,هذا امي يابته له مستانسه في اصلا معروف ماتستحي اللي تسوي جذي
اصلا لو تصير عند غيرنا بيقولون ليش شحاطه في؟؟؟؟
شفتو الوصااااااااااااااخه
وانا من الحيا مارديت
بس للحين ابي اعرف بس اناواهلي عندنا العروس ماتنام الا على ديباجها,,,؟؟؟؟

 

[miss_jamsheer]

واااي لاتذكروني بالجهاز قطيعه ماجهزت نفس الاوادم رحت مع اختي الكبيره وذوقها غير عني كنت خبله كل شي عادي واخذه بعدين تحسفت حتى قمصان نوم ماخذيت اتقولي مو الا مايحتااي احس اني ببجي ضيقتوا خلقي؛(

 

[مسك وبخور]

رد : حمولتج شافو تجهيزج من وراج قبل عرسج بيوم ؟؟

ما ادري اذا احد سوى هالشي بتجهيزي بس من جهتنا مع حريم اخواني ولا مره شفنا شي

 

[الراقيه 81]

رد : حمولتج شافو تجهيزج من وراج قبل عرسج بيوم ؟؟

انا محد شاف اغراضي والحمدلله لان امي وعمتي ودوهم يوم العرس الصبح

 

[سندريلا 99]

رد : حمولتج شافو تجهيزج من وراج قبل عرسج بيوم ؟؟

انا محد شاف اغراضي والحمدلله لان امي وعمتي ودوهم يوم العرس الصبح

انا اغراضي دخلوا معاي ليلة العرس اختي وخالتي ورانا بسيارتهم ونزلوا جنطه وحده صغيره فيها لوازم حق يومين وعقب العرس بيوم اهلي جابوا كل الجناط الباقيه ورتبتهم بمعرفتي واعتقد هذي افضل طريقه لحفظ الخصوصيات ماله داعي تروح اغراضنا قبلنا ليش شالهدف يعني ما في شي بيطير خل اغراضنا تجي معانا او ورانا اما اني بقط اغراضي قبلي بيوم او يومين واتوقع ان ما فيه احد بيفتشهم بالمشمش الشعب عندنا هنيه فيهم بلاغة شف مو طبيعيه واولهم الزوج بيقعد يفتش ويتوحد فيهم ويعلق بينه وبين نفسه وانا بهالمناسبه اقول حق كل بنت مقبله على الزواج لا تروح اغراضها قبلها يا معاها بنفس اللحظه كميه قليله والباقي ملحوق عليه او كلش كلش يروحون اهلها بنفس يوم العرس الظهر تكون الحموله الكريمه لاهيه بالصالونات والفنادق

 

[سِهام]

انا شقتي بعيده عن بيت اهل زوجي
وديت اغراضي قبل العرس بيومين
وكان مفتاح الشقه عند امي علشان كل يوم تبخر الشقه

بس بعد زواجي بيومين او ثلاثه جاوا خواته وخالاته يشوفون الشقه ويباركون
قامت حماتي قالت بصور الشقه
صورت كل شي حتى فتحت الثلاجه ويوم دخلت غرفتي جات بتفتح الكبت قلت لها لا استحي:tongue22:

 

[حبي حبيبي]

رد : حمولتج شافو تجهيزج من وراج قبل عرسج بيوم ؟؟

لاطبعا خصوصيات مايصي اتليقف بدون اذن

 

[ملكة الهدوؤوؤوء]

رد : حمولتج شافو تجهيزج من وراج قبل عرسج بيوم ؟؟

اختي يوم ودوا اغراضها امي وخواتي تقول وحنا نحط الاغراض دشوا علينا بالغرفه تقول عاد استحينا وخلينا باب الكبت مفتوح وتقول قلتلهم شوفوا اغراض بنتكم

ومرت اخوي لما جابت اغراضها نادتنا امها بس محد راح الا امي وليومكم هذا مادشيت غرفتهم الا مرتين وحده كانت نفاس واخوي يرتب اغراضه ناداني اسعاده والثانيه لما ولدت ووصتني اجيب لها اغراضها

ولو تزوجة ويبون يجون يشوفون اغراضي كيفهم انا واثقه ان شغلي كله ان شاءالله يبيض الوجه

 

[حبيبه بدر]

اهلي صفوها باليله العرس

وحتى اختي وقفلو باب الغرفه قالو لهم انه فيها ذهب

 

[بنت.المطيري]

انا ماودي يشوفون اغراضي :\

امي تقول بتوديهم وترتبهم بنفسها مع الخدامه ويكوونهم بس ماااااااااابي ابي كل شي البسه اول مره يشوفونه سواء اهو او اهله

 

[عانيت بسكااات]

لووووووووول بصراحة ايه شفناه بس ما فتشنا عيب هع

نبي نشوفها كشخة ولا :krkrkr:

 

[بندريه]

رد : رد: حمولتج شافو تجهيزج من وراج قبل عرسج بيوم ؟؟

امممممم
مشكورين . بانت وجهات نظركم وتجاربكم المؤلمه :cxxxp:​

بس للحين ابي اعرف بس اناواهلي عندنا العروس ماتنام الا على ديباجها,,,؟؟؟؟

حبوبه عادي في ناس جذي وناس جذي
عمامي مايعترفون بالعروس اللي تجيب كمبلها معاها :/
وخوالي العروس ماتنام على غير كفرها :ch12:​

جيكي ​

http://www.q8yat.net/showthread.php?t=718226​

 

[الله يجمعنا]

اكون صريحه وياكم لووووووووووووووووول اي فتشت اغراض مرت اخوي كنت سهرانه بليل بروحي لين ماطلعو اهلها عادي اهما اهلنا بعد ومن القلقه شفت الشقه مفتوحه والكل نام قلت خدش اشوف الشقه بعدين غرفة النوم مفتوحه دخلت شفت الكفر الي حطوه والعطورات ويم افج الكبت انصدمت صدمت حييييييييييييييييييييييييييييييييييييياتي انها مو مجهزه شي حتي قمصان نوم قليل ماجنها عروس مع العلم كانو مدخلين جنااااااااااط وايد جان يدش اخوي علي كبسه :s141: انا استحييييييييييييييييييييييييييت يوم شاف الكبتات فاضيه قال من صجها ترى الريال يحب يشوف شنو شرت مرته بالمهر يعني ماكنت متجهزه وضاع مهرها على على سفره ويابت فنانه (طقاقه) تزفها
بعدين امي زفتني الصبح لووووووووووول:eh_s(16):

انا مو متزوجه بـــــــــــــــــــــــــــــــــــــــــــــــــــــــــــــــــس

عن نفسي مو مشكله لو خالتي ام ريلي فتشت اغراضي وحتى ريلي عشان يشوف السنع المسنع

اما عن الذهب وهالسوالف لا يكون عند امي بعدين ايب تجوري احطهم فيه

 

[ام زاكي]

والله انا حمياتي فتشو اغراضي في وجه اهلي بس امي استحت تتكلم
ويوم جاو يعرسون بنتهم ماسألتهم عن اي شي خذوه وتجي خالتي تقولي جهاز بنتي عند اختها
عل شان لاتلبسه ماتتحمل تشوف اغراض جديده قهرتني جني قايله لها ابي اشوفهم
بس بعدها عرست بنتين وشنطه الجهاز جدامي بغرفة البنات ماشالوها عرفو انتي مو مفجوعه مثلهم
مايفوتهم شي

 

[اشتياق]

خيشوفون عليهم بالعافيه لووووووووول

 

[[[ عيون جابر ]]]

والله احنا مافتشنا بأغراض مرت اخوي فشله اصلا شي مايخصنا ليش نشوفه مهرها وتجهيزها وكيفها

 

[لمسه حزن]

رد : حمولتج شافو تجهيزج من وراج قبل عرسج بيوم ؟؟

لا حده مو شي

 

[Mrs_Orchidia]

احسها حركة مو حلوة انهم يفتشون

بس هذه فكرة ان شااءلله تنفع العرايس


وحدة نعرفها ام ريلها و خالته دشوا الدار بعد ما يابوا اغراضها .. و لما فتحوا الكبت بيشوفون .... و للا ماكو اللا شوية قمصان و بجامات!! لووووول

و بعد العرس يابت اغراضها و لي يومكم محد شاف و لااا شي!! لووول