حمولتج شافو تجهيزج من وراج قبل عرسج بيوم ؟؟

[أحـلآم . *]

رد : حمولتج شافو تجهيزج من وراج قبل عرسج بيوم ؟؟

الله يعين

 

[لـك وحـشـه~~~]

رد : حمولتج شافو تجهيزج من وراج قبل عرسج بيوم ؟؟

وقاحـه وماله داعــي


آشيـاء خاصـه

 

[بندريه]

رد : حمولتج شافو تجهيزج من وراج قبل عرسج بيوم ؟؟

مشكوووورييين بنات :eh_s(8):​

طيب انتي حطيتي اغراضج ولا اهلج صففوها عنج ؟؟​

 

[girl k.s.a]

لا ماصارت لي
ولا للحين اخواني ماتزوجو

 

[~mmm~]

ويي فشله وعيب اصلاً
احنا مره اخوي يوو خالتها وعمتها بيسوون اغراضها ونادتني انا وبنت اخوي قالت تعالو ساعدونا واستأذنت من امي وقالت اذا اهم يبون ميخالف ورتبنا معاهم لأنهم مستعيلين

 

[فـدوه]

رد : حمولتج شافو تجهيزج من وراج قبل عرسج بيوم ؟؟

لا أمبي فشلة.... اللي ماترضينه على نفسج لا ترضينه على الناس

 

[أميره الدوسري]

رد : حمولتج شافو تجهيزج من وراج قبل عرسج بيوم ؟؟

عآآتي مآ مآ وخآلآتي لم رآحوآ بجهآز آختي دخلوآ أمه وعمآته شوي وطلعوآ عآآتي بس أهم شي مآ ينبشون يعني بس نظره سطحيه والأهل موجودين لأنه كآنت فيه ميآنه بس إذآ مآ فيه ميآنه أكيد لأ ,,

 

[جيهانو]

لا اصلا عيب مو من الذوق اصلا نفتش ونشوف
مثل ماانا ماارضى لنفسي ماارضاها لغيري
يوم تزوج اخوي جات امها وصفت اغراضها ولا حتى دخلنا الغرفه اصلا مالنا شغل
بس يمكن في ناس مايستحون ويفتشون فيهم قواية عين
وانا نفس الشي اهل زوجي الحمد لله ماعندهم هلطبع حتى اذا زاروني مايتجرئون يدخلون مكان مسكرمن غير اذن

 

[اريج الجوري]

رد : حمولتج شافو تجهيزج من وراج قبل عرسج بيوم ؟؟

بالنسبه لي انا اهلي ودوا اغراضي قبل العرس بيوم ,,,


وتصدقون ما ادري اذا احد شافهم او لأ ,,,


لأنه محد قالي شي ,,,


بس مرت حماي شاطره جابت اغراضها معاها يعني كان عندنا صباحيه لعرسها ودشت اختها معاها جناطها وامها جابت باجي الاغراض


من ثاني يوم ,,,


ويوم عرس اخوي ماخذ بنت عمتي ,,, عمتي جت قبل العرس بيوم وحطت اغراضها وقفلت الدار واالله ما شفنا اغراضها ,,,


ويوم عرس اختي الصغيره انا واختي ودينا اغراضها قبل العرس بيوم وخلينا الجناط مقفوله بقفل وما حطينا الاغراض بالكبت ,,,


وحمواتها صعدوا معانا وقالوا ليش ما تحطون اغراضها بالكبت ؟؟؟؟؟؟؟؟؟


قلنا لأ اختي ما تحب احد يرتب اغراضها لأنه لها نظامها الخاص ,,,


وعقب عرفنا ان حموات اختي حييييييل عوب وحارات شهوه فظيعه يعني 100% كانوا بيشوفون اغراضها لو كنا حاطينهم ,,,



عاد انا افضل بالنسبه للعروس يا انها تجيب اغراضها معاها أو تخلي جناطها مقفوله بقفل ولما تروح شقتها اهيا تسنعهم ,,,


وسلامتكم ...

 

[أغلى حبيبه]

رد : حمولتج شافو تجهيزج من وراج قبل عرسج بيوم ؟؟

انا ماادري عنهم شافوا ولا لا

 

[ريتااجي]

رد : حمولتج شافو تجهيزج من وراج قبل عرسج بيوم ؟؟



أكيد ماارضى أحد يفتش بأغراضي فاللي ماأرضاه على نفسي ماأرضاه على غيري


بس أعرف وحدة كانت ساكنة هيه ومرة حماها في شقة وكان في مجلس بينهم مشترك

لما تطلع مرة حماها وتنسى بالغلط إن الباب مفتوح كانت تدخل وتفتش في أغراضها

وحتى المطبخ تدخل تفتش فيه

 

[ياعشيري جعلك السلال]

رد : حمولتج شافو تجهيزج من وراج قبل عرسج بيوم ؟؟

اخوي صارله سنه متزوج وللحين ماشفنا شقته الحمدلله والشكر

 

[ريتااجي]

رد : حمولتج شافو تجهيزج من وراج قبل عرسج بيوم ؟؟

وع الترتيب أنا رتبت أغراضي بنفسي

لإني كنت في شقة مستقلة ووديت أغراضي

ومارتبتهم إلا ثاني يوم بعد العرس

 

[dectora 7elwa]

لا والله حرام بنات الحلال رايتهم بيضا
كانت اختي تيي تصف اغراضي لاني صبحيه العرس سافرت وكان المفتاح عند اهلي يدشون وقت ما يبون ويطلعون وقت ما يبون

 

[سوالف وتراحيب]

رد : حمولتج شافو تجهيزج من وراج قبل عرسج بيوم ؟؟

انا هالموضوع منرفزني حيييييييييييييييييييييييييييييييييييييييييييييييييييييييييييييييييييييييييييييييييل
واكيد رااح اودي جهاازي بس كل شغلي مسكر عدل والجنااط بقفوووووووووول لان اهلي زوجي شفااااايااا وسووا هالحركه بجنااينهم قبلي
صج تخلف زين شفتووا وبعدين شصاار بتدخلين الجته مثلاا
الله يااخذ هالاشكاااااال

 

[ليتل انجل]

رد : حمولتج شافو تجهيزج من وراج قبل عرسج بيوم ؟؟

مادري صارت وألا لأ
ماحط بذمتي
وإذا سووها الله يسامحهم

 

[غرشة عطر]

حركه بايخه وحقيره بعد وفضول استغفرالله
مادري احد فتش او لا امي واختي ودوا اغراضي قبل العرس بيوم بس ماظن انهم يفتشون لانهم ناس محترمين
وزوجي يقول لي اول ماراحوا اهلج فتشت كل اغراضج صج تهبل خخخخخخخخخخخخخخخخ

 

[ورد]

انا فتشو قدامي وقدام خواتي عيني عينك لا حيا ولا مستحى

اول مرة فتشو كنت مودية الدفعة الاولى من الاغراض ومن بينهم الشنط المهم هم جاو عـ الاخير ودخلو وفتحو الكبت بدون استئذان وقاعدين يفتشون في الشنط من داخل !!
المقصد من هـ الحركة كانو يبون يشوفون اصلي والا تقليد ولما تأكدو طلعو
المرة الثانية قبل العرس بيوم خواتي ودو ملابسي وانا ما رحت معاهم ونفس الشي بعد ما صففوهم جاو وفتحو الكبت وطالعو الملابس بس خواتي صرفوهم بطريقة لبقة وطلعو
المرة الثالثة يوم العرس وانا في الكوافير اكتشفت ان الصندل وانتو بكرامة عاطيني اكبر من مقاسي ويوم شفت نفسي ما اعرف امشي فيه اتصلت في زوجي اساله من في البيت الا يقول امي وخواتي هناك قلت ما يخالف خل وحدة تدخل وتفتح كبت الجواتي وفيه واحد شكله كيت وكيت خلهم يودونه معاهم الصاله

المهم بعد العرس جا يوم محتارة البس شنو يعني فستان فخم بدلة شي ناعم واسولف مع حمياتي واخذ برايهم
الا حماتي الصغيرة جاية تقترح اقتراح .. عاد هي هبلة ودايم تفضح حركاتهم وتقوم توصف لي فستان شكله كذا وكذا وانا اقول لها ما عندي تقول الا شكله كذا وكان محطوط في الدرج !!!
طلعت توصف لي قميص نوم !!

وكل يوم ينفضحون وهم يفتشون اغراضي بس شسوي
خاصة الحين الشقة متروكة والمفاتيح عندهم ما اقدر اتصرف دام في بيتهم وتاركينها هـ المدة كلها
خلهم يفتشون لين يشبعون ،، مو انا خاشة الكنز في مكان ثاني :\
مع ان الحركة تقهر بس شسوي

 

[زوووز77]

رد : حمولتج شافو تجهيزج من وراج قبل عرسج بيوم ؟؟

ووع عاد هذا العاده باهلنا بس انا راح اخليها تروح بنفوسهم وماراح اوريهم شي راح اخذ اغراضي وارتبهم بنفسي قطع مشفح

 

[$نسيم الصباح$]

صراحه عييب وقله ذوق وأمانه , شنو هذا .