حملة قراءة سورة البقره كل يوم

[Cherrrry]

مشكووووووووووووورة cherrryعلي الرد وما قصرتي ويارب يجعله بميزان حسناتج
ان شاء الله بسوي الي قلتي عليه وراح استمر علي البقرة واذكار الصباح والمساء

اي نسيت ما قلت لج قريتها اليوم وكملت 26 يوم

العفو حبيبتي

استمري على هالشي و ان شاء الله بتحسين بفرق

الكلام وايد بس ترا لما تسوينه ماياخذ وقت

بس انا اشرح بالتفصيل عشان افهمج


ما شاء الله استمري و لاتوقفين

 

[Cherrrry]

يزااااااج الله خير .. ربي يوفقج ويعطيج على قد نيتج الصافيه يااارب

وانا ببتدي معاكم .. بقراها كل يوم و من باجر بإذن الله

اجمعين حبيبتي


و قوليلنه شلون القرايه معاج ان شاء الله ماتوقفين

 

[Cherrrry]

:dddds:

اكيد سهرانه ولا رادة من الدوام وحده من الثنتين :dddds:


-------------------------------------------------

<< تحط فاصل عشان تشيري ماتحسب الحجي لها :dddds:



ايلاااف :ggdw:

حياج الله معانا ناطرينج حبيبتي




اليوم صارلي 8 ايام ..

اقولكم .. ليش 40 يوم ؟ قصدي شنو الحكمة بالمدة؟

لووول لا والله ما اداوم انا طالبه بالجامعه ومحاظراتي متأخره :dddds:


وكله اسهر يمكن عشان جذي :dddds:



بالسنبه حق سؤالج


احنا اخترنا 40 يوم عشان انتابع نفسنا ونشوف في 40 يوم شكثر نقرا و شكثر نقطع


و عشان اغلب اللي يعالجون العين و السحر والامراض الثانيه ينصحون بقرايتها 40 يوم

و بعد ال40 يوم يردون يزورون الراقي و يشوف اعراضهم و جذي عشان جذي اخترنا 40 يوم

بس اهوه عادي كل وحده تختار اللي تبي مافي شي يجبرنا انه 40 يوم


بس كنا نبي شي ثابت عشان نتابع نفسنا


واحنا اساسا راح نقراها ان شاء الله على طوووول


يعني مو 40 يوم بس :dddds:

 

[Cherrrry]

:0bee2e8d89::0bee2e8d89::0bee2e8d89:

أدري والله بس أعووذ بالله من ابليس

بالعكس آنا واايد تغيرت حيااتي بهالاربعين يوم والله سبحانه رزقني أشيااء

ما كنت أتوقعها بس الحمدلله على كل حاال

ولكن أبشرج صاار لي 3 أياام قاعد أقرى بس هم حفزووني عشان أتشجع أكثر​

ما شاء الله ..

الحمد لله انه رديتي تقرينها

عادي حبيبتي لا تضيقين خلقج لانه كل وحده فينا حاشتها فتره ماقامت تقرا كسل

بس ردينه و قرينا الحمد لله


شدي حليج و ان شاء الله بتشوفين الخير كله

 

[Cherrrry]

تبارك الرحمن
عيني عليكم باردة يا بنات على همتكم وحماسكم في التقرب الى الله بقراءة سورة البقرة يوميا
قولوا آمين
عسى الله يغفر لكم ذنوبكم وويسر لكم أمركم ويرزكم من حيث لاتحتسبون
ويوفقكم جميعا الى مايحبه ويرضاه

امييييييييييييييييييييييييين

مشكوره حبيبتي

اجمعين ان شاء الله

 

[Cherrrry]

الحمدلله اليوم قريتها والحمدالله ... الله دفع عنى البلا

الحمدلله حبيبتي

الله يبعد عنج كل شر ان شاء الله

 

[Cherrrry]

يــاهلا بأحلا بنـــات
الله انشالله يجمعنا كلنا بالجنة قولي اميين ، و يجمعنا على حبه و طاعته

ما تتصوروون شكثر انا مستانسة من هالحملة ، لان صج ردتني مثل اول لان يتني فترة كنت بعيدة وااااااايد عن الله
و تمر الشهوور وانا ما امسك القران (استغفر الله ) و بس كنت اصلي الفرض مع ان اول كنت اقوم الليل و لازم اقرا قران او وجه واحد بس بالفترة الاخيرة انقلب حالي مادري شلي كان مصددني
و حتى المنتدى من دشيته عمري ما قربت صووب اسلاميات ، بس مرة مادري ليش دشيت وصج كانت نقطة التحول
حسيت لحظتها شكثر انا بعيدة عن الله و شكثر انا مقصرة بحق ربي
وبفضل الله و فضل تشجيعاتكم و الحملة هذي
بديت اقرا البقرة كل يوم وصارلي 11 يوم ، و رديت اقووووم الليل
واااي بنات ما تتصورون وناستي وانا اقووم الليل و ادعي و اقرا قران لين اصلي الفجر
متعة ولا بعدها متعة
وحاليا انا شسوي :: اقرا سورة البقرة وقت صلاة العصر يعني 3 و كنت اطول فيها بس الحين لا الحمدالله و اليوم خلتصها بقعده حده و الي راحتي اني اقوم اصلي العصر (عشان اضمن اني قريتها اليوم )

و بالليل يعني على 3 اصلي قيام الليل و سويت لي ختمة حق قيام الليل و استغفر واسبح و ادعي و اصلي الفجر و انااااام نومة هنيه

وانشالله انا ناويه عقب ما اخلص ال 40 الاولى اسوي العكس بال 40 الثانية اقوم الليل بالبقرة و اقرا القران بوقت العصر

ويارب يعيني و يعينكم على ذكره و شكره و حسن عبادتك
يارب زدنا قربا اليك
يارب زدنا قربا اليك
يارب زدنا قربا اليك

اميييييييييييييييييييين يا رب


ما شاء الله عليج تعالي معانا بحملة قيام الليل

و ان شاء الله كلنا نتشجع


http://www.q8yat.net/showthread.php?t=146083

 

[Cherrrry]

هلا بنات
الله يثبتكم يارب وييسر لكم قراتها
انا اليوم واصله 23
حتى اختي خليتها تقراها وهي واصله 20 سبقتها بيومين
ورفيجتي معنا وواصله 22
الحين الساعه 3 الفجر بروح اصلي واقراها
ربي يثبتنا وييسر لنا يارب

ما شاء الله


الله يثبتكم استمروا والله يعطيكم اللي في بالكم يا رب

 

[Cherrrry]

السلام عليكم و رحمة الله و بركاته
انا من امس بديت و ان شاء الله استمر معاكم، لان اول كنت اقراها ووقفت بس الحين ان شاء الله بستمر معاكم.

عليكم السلام ورحمة الله وبركاته


ما شاء الله الله يثبتج حبيبتي

استمري وكلنا معاج

 

[Cherrrry]

تم قرائتها والحمد لله رب العالمين

ما شاء الله


الله يتمم عليج حبيبتي

 

[Cherrrry]

تونى خالصه قرايه
وصلت 33 يوم الحمد لله والمنه
ادعولى انه ربى ينولنى اللى فى بالى .

ما شاء الله ..


الله ينولج مرادج يا قادر يا كريم


و ان شاء الله مايخيب رجائج ولا يرد دعائج امين

 

[Cherrrry]

الحمد لله قريتها ادعو لي ربي يرزقني مااتمنى

ما شاء الله ..


الله يرزقج كل اللي تتمنينه و ييسر الامر اللي في بالج يا رب

 

[Cherrrry]

ماشاء الله عسى الله يتمم عليكم
بالنسبة لي انا من بديت انتظم في قراءتها الحمدلله اموري وايد تحسنت عن الاول وتسخرت لي اشياء كثيرة وهالشي صار واضح للقريب مني ، حتى صرت اشوف الحسد في عيون بعض الناس اللي هم بالاساس مرضى بالحقد .
عسى الله يكافينا شرهم وشر حقدهم وحسدهم ، ويجعل كيدهم في نحرهم.

واظبوا يا بنات على قراءتها وبتشوفون الخير باذن الله
يارب توفقنا وتيسر أمورنا
وتعينا على طاعتك
آميين

مشكوره عالتشجيع حبيبتي


وكلامج عدل

اللي تواضب على قرايتها بتشوف الخير والبركه كلها في حياتها

و تشوف شغلات صج ماكانت تشوفها بس الله ينور بصيرتها

الله يبعد عنكم كل شر و مكروه و يكافينا شر عيون الحساد اللي ماعندهم شغل غير هالشي

 

[Cherrrry]

وانا بعد معاكم اليوم وصلت لليوم 54 وان شاء الله استمر عليها

ما شاء الله


الله يتمم عليج حبيبتي


لا توقفييييييييييين

 

[Cherrrry]

باركولى بنات صارلى 53 يوم ومستمره عليها



ادعولى الله يرزقنى اللى في بالى

ما شاء الله


مبووورك حبيبتي


الله يرزقج اللي في بالج يا رب

 

[ناعمه الكويت]

يعطيج العافية على هالموضوع والله ياجرك عليه،بصراحة انا بكلمج شوي عن تجربه سابقة لي في نفس الموضوع وهو اني اقرأ سورة البقرة كل يوم لأن فوائدها كثيرة ، وقلت أحمي نفسي وعيالي وبيتي من شرور الإنس والجن ، وفعلا بديت وكانت صعبه بالاول وبعدين صارت قراءتها مثل قراءة سورة الفاتحة وكنت ارتاح وايد لما أقراها ، وأحس بالرضا عن نفسي ، بس توقفت للأسف بعد عشرين يوم ، لأن ابليس ما خلى أبونا آدم يتهنى في الجنة ،،، لكن إن شاء الله إني بشد حيلي وإبي أبدي من اليوم قبل باجر،،،

وخلونا نتعاون على الخير،،،​

اللهم أعنا على ذكرك وشكرك وحسن عبادتك​

 

[Cherrrry]

اقولكم شي بنات ؟ يمكن لانه محد جاوبني على سؤالي ..

انا بديت احس بتكاسل !

احس انه مافي فايدة اقراها 40 يوم لاني ماحس بشي " الضيقه اللي كنت احسها لما قلت حق رفيجتي عنها اول يومين قالت لي يتهيألج, انتي بس مو متعودة تقرين قرآن الا برمضان " وانا كنت اقول بقلبي معقوله هذا السبب يعني انا مو محسودة ولا شي وضيقه الخلق والكآبة وكارهة الدنيا ومقاطعه الكل وماني متوفقه بحياتي ولا دراستي ولا توظيفي هذول كلهم لهم اسباب عادية ..

ورجعت اقول .. يووه بقعد افكر بكل شي مسببلي هموم وافكر شنو ممكن يكون السبب الطبيعي الواقعي له
واحله ؟ انا بصراحة تعبت مابي افكر بشي خلاص بخلي كل شي مثل ماهو .. !

الضياع الي حاسة فيه مضيق خلقي .. يعني تخيلوا .. اقعد بالصاله افكر تكون عيوني عالتلفزيون بس بالي مو معه اي شي بالدنيا .. اقول ليش مو مستانسه انه تخرجت وتوظفت وبداوم بعد شهرين ؟ بالعكس مابي اداوم ودي ماطلع من البيت !
ليش ضايق خلقي ؟ انزين اطلع؟ بعدين احس انه اسوي اي شي بس مابي اطلع كارهه اني اطلع مابي اسعى بأي شي مع انه يمكن يكون حل كل شي !

فيني بجيه امسك دموعي اي شي بيني وبين خواتي اي كلمه يقولونها ابجي منها حتى لو ماتبجي ماحب اقعد بروحي تسود الدنيا لي قعدت بروحي .. وماحط راسي عالمخده مرتاحة اخاف على امي معه انها مو قاعده بروحها بس اخاف احد يزعلها او شي .. انا مو شايلة مسؤوليه شي بس احس انه كل شي مسؤوليتي !


قبل حتى ماذكر من شكثر هالقبل .. سمعت جمله بالتلفزيون ( فكري بأي شي يبجي وراح تبجين )
كنت اقول مستحيل شلون يقدرون يبجون عمرهم !؟؟
الحين بأي وقت بكل دقيقه ماحتاج ثواني عشان تنزل دمعتي بس تمر ببالي فكرة اني افقد احد من الغالين.


انا اسفه مادري ليش كتبت هذا كله بس تعبت وكان املي بهالموضوع والحين بديت افقد الامل منه
انا ادري انه القرآن يكفر الذنوب بإذن الله بس كانت نيتي اني اتغير وحياتي تتغير وادري اني ماكملت اسبوعين بس محتاجة احد يقولي ليش 40 يوم وليش يكملون بعدها 40؟
وليش اكمل وانا ماحس باللي يحسون فيه الحين ؟

انا رديت على سؤالج بس اعذريني توني اشوف الموضوع لانه صارتلي ظروف و شوي لهيت ماقدرت اشبك في الويك اند



اول اول شي


قولي استغفر الله .. حبيبتي لا تفقدين الثقه في الله و القرآن كلام الله و هذا شي معروووووف انه القرآن احسن علاج للهم والضيقه مو بس سورة البقره القرآن كله ..

فتخيلي شنو عظمة سورة البقره اللي رسولنا الكريم عليه الصلاة والسلام وصانا نقراها و قال


اخذها بركه و تركها حسره ..

ليش حسره ؟ لانه الاسنان اللي ماياخذها خل يتحسف على البركه والخير اللي حرم نفسه منها بسبب تركه لقراءتها ..


شوفي ردود البنات و شوفي شلون حياتهم قاعده تتغير..

وانتي بنفسج تقولين ليش ماصارلي نفسهم ..

انا اقولج ليش


شوفي هالموضوع انا حاطته ممكن يفيدج و يرد عليج ..



http://www.q8yat.net/showthread.php?t=111997




وانا بعد برد عليج و اقولج ليش..


لانه انتي تسوين الشي كتجربه مو واثقه 100% من الشي اللي تسوينه


عيل لو تنطرين نفسي جان شنو سويتي ؟ والله العظيم و ما احلف بربي جذب انه لو تعرفين ادق التفاصيل حق مشاكلي اللي كنت امر فيها .. و طريقة الظلم البشعه اللي انظلمتها تقولين مستحيييييل انتي عايشه ليلحين ما صار فيج شي ينيتي او حتى انتحرتي


انا لما قلتلكم بشكل عام عن الشغلات اللي كانت بحياتي و شلون تغيرت للاحسن ترا هالشي ما صار بيوم وليله ..

الحين قريب سنتين تقريبا سنه و 7 شهوور .

في خلال هالوقت صارت التغيرات هذي


و في شغلات ليلحين قاعده احس انها ما شاء الله قاعده تتعدل..

و في شغلات كنت فاقده الامل انها تتعدل بهالطريقه اللي انا ابيها بس مافقدت الامل في الله

و قلت ادري راح تتعدل بس بالطريقه اللي ربي يشوفها فيها خير لي

و فعلا قاعده تتعدل شغلات وايد وانا ذكرت في ردي اللي قبل مادري رديت عليج او على وحده ثانيه

انه مو كل شي تعدل بس واااايد شغلات تعدلت و شغلات قاعده تتعدل وحاسه بتغير مو طبيعي


و شفتي الحاله اللي قلتيها عن نفسج

انه اي كلمه تبجيج و اي كلمه تضيق خلقج و بسهوله دموعج تنزل

انا هذي حالتي من سنه و 7 اشهر

بس كل يوم اقول الحمد لله مليون مره انه من بداية ضيقتي و مشاكلي لجأت حق الله

في ناس من كثر الصدمات يلجؤون حق شغلات ثانيه و يمشون مشي بطال ومو بيدهم بس من قوة صدمتهم


بس الحمد لله عرفت الجأ حق منو .. و ليلحين على كل اللي صارلي اقول انا متأكده انه ربي خاشلي الشي الزين في حياتي

بس ناطر يشوف صبري

وانا الحمد لله صابره و راح اتم صابره على طول وعندي امل انه كل شي يتعدل و اللي ابيه راح يصير

متى و شلون و بأي طريقه هالشي ماعرفه بس اعرف انه راح يصير بطريقه يمكن ماتخطر على بالي

و كل ظروف اللي مريت فيها و خربت حياتي و خلتني دايما بضيقه راح تتعدل


فكري بهالطريقه

لا تقولين صارلي اسبوعين و مافي شي تغير


انا ما اقولج انه راح تقعدين كثر اللي انا قعدته قريب سنتيين

لانه هالشي بيد ربج و اهوه عارف متى يفرج همج و متى يعدل اوضاعج

وصدقيني بس يكتبلج هالشي راح يصير بيوم وليله بدون لا تحسين يعني مو شرط يطول


وتدرين يمكن انتي فيج شغله حلوه انه تحبين تكونين مع احد وماتحبين تقعدين بروحج ..

هالشي زين لانه دايما الاهل معانا و رفيجاتنا ..

يعني طول ما انتي معاهم مافي مشاكل و ماتحسين بضيقه

تخيلي انه انا ما احب اقعد مع احد

حتى اقرب الناس لي خواتي و رفيجاتي ماحب اقعد مع احد

وكله قاعده بروحي

ومالي خلق شي ولا لي خلق استانس و اطلع

حتى الطلعه احس انها ناقصه و على طول متضايقه

بالغصب اضحك و بالغصب اسولف

مع اني قبل كنت وااايد اسوي جو بالطلعه

وهالشي وايد مضايقني لانه الكل حاس فيني

لو كنت من الاول مالي حس جان عادي

بس انا ويا اهلي وايد اتغشمر و انكت و اتحرش فيهم و اطفرهم كلهم من اكبر واحد لي اصغر واحد

الحين غصب احاول انه اكون طبيعيه بس يبين انه فيني شي..


شفتي انه في ناس حالتهم اخيس من خالتج .. بس مع هذا الحمد لله قاعده اقول ان الله كريم و راح ايي يوم و يريح قلبي و يردني نفس قبل


مابيج تضيقين خلقج و تفقدين الامل

والله لو تشوفين مشاكل الناس همومهم تهون عليج مشاكلج وهمومج


و لا تقطعين الشي الزين اللي قاعده تسوينه

وانتي لو قريتي قرآن سواء سورة البقره او اي سوره ثانيه قاعده تسوينها عشان تتقربين من الله

و عشان ترتاحين


لا تقولين ما ترتاحين لانه القرآن يريح الانسان و لو مو حاسه بهالشي قطعي و شوفي الفرق بين لما تقرين و لما تقطعين


حتى نوم ماراح تنامين عدل

و بتحسين انه شي ناقصج


تعوذي من ابليس و خلي وسواس الشيطان عنج لا تخلينه يقطعج عن القرايه لانه هذا اللي اهوه يبيه


و لا تقارنين نفسج مع اي احد لانه كل وحده غير عن الثانيه

في ناس ما شاء الله من اول اسبوع شافو تغير بحياتهم

في ناس بعد فتره

في ناس من اول ما بلشو قرايه حسوا في شغلات تغيرت

يعني هذا كله يعتمد على ثقتج في الله و الله اكيد له حكمه في كل شي

حتى بتأخير استجابة دعائج ..

يبي يختبرج راح تصبرين "ان الله مع الصابرين"

او راح تملين و تتركين هالشي و ترجع حياتج مثل ما وصفتيها بالضياع

الله يبعدج عن الضياع و ان شاء الله راح نشجعج وانا دايما ارد عليكم بس والله ظروفي هالويك اند ماقدرت اشبك


و بعدين بقولج شغله احنا خواتج


وكلنا مستعدين نسمعج و نسمع اي وحده حاسه بضيق و قمته

مافيها شي


احنا ليش قاعدين نسوي هالحمله؟؟


عشان نشجع بعض اللي حاسه بضيقه او شي رادها عن القرايه تقولنا شنو فيها و احنا نساعدها بكلامنا و تجاربنا

ونشجعها و نشوف شنو اللي مضيق خلقها

نبي نساعد بعض عشان كل وحده ترتاح ان شاء الله و تعرف شلون تعالج نفسها من اي هم و ضيقه فيها


فأي شي بخاطرج قولي عادي

حتى لو كل يوم تقولينلنا نفس الكلام و كل يوم نرد عليج ماعندنا اي مانع لانه الانسان بطبعه يحتاج على طول تذكري

انا يتلي فتره والله اختي مسكينه شكثر كانت تعاني

كل يوووووووم ابجي و اقعد اقول الشغلات اللي صارتلي و اقولها شسوي وموعارف اتصرف يعني والله مخي كان قافل لي درجه مادري شسوي و شلون اتخطى اللي انا فيه

كنت بس اصلي وادعي هالشي الوحيد اللي تصرفته صح

غيره موعارفه اتصرف بس ابجي


واهيا كلللللللللل يوم والله ما ابالغ كل يوم تعيدلي نفس الكلام واسكت من البجي

ايلها ثاني يوم نفس الشي

ليما شوي شوي خفييت من الصدمه و كله من القران والصلاة والدعاء

كنت انطر وقت اللي معروف يستجاب في الدعاء وكنت ادعي فيه

شوفي هالموضوع في اوقات الدعاء المستجابه



http://www.q8yat.net/showthread.php?t=111995

و كل يوم تقريبا كنت اصلي قيام الليل

ساعات يطوف ايام مو مصليه بس اغلب ايام الاسبوع اصلي قيام الليل

اللي الله يقدرني ساعات اطول و ساعات ما اطول

والله من البجي تعرفين العوار اللي يمسك راسج و لما اسجد ما اقدر اطول بالدعاء احس راحسي راح ينفجر من الضغط اللي عليه


جذي كان يصير فيني

بس استمرييت

والحمد لله الله ماقاعد يخيب ضني و قاعد يعدل حياتي و ان شاء الله كل شي ابي راح يصير انا متأكده بس لازم اصبر



وانتي اذا قدرتي توصلين نفسج لي الثقه 100% في الله

والله والله والله انه ماعمره راح يخيب ضنج ابد

وتلاقين اي شي تتمنينه راح يصير حتى قبل لا ترفعين ايدج و تدعين

يعني شي مجرد انه يكون في خاطرج يصير وبعدها تقولين حق نفسج اي والله انا كنت توني بدعي اقول عن هالشي


اذا صار هالشي عرفي انه الله يحبج و الحمد لله قاعده تكسبين رضاه


ترا والله ربنا رحيييييييييم فوق ما تتصورين

و قال ادعوني استجب لكم

ليش قال جذي لو مايبي يستجيب لنا ؟

اكيد راح يستجيب لنا بس لازم نثق فيه

احنا ما نختبر ربنا

وتقول يالله بنجرب نقرا البقره مثلا و بنشوف راح يستجيب او لأ


بالعكس اهوه اللي يختبرنا

عطانا اسلحه وادويه تفيدنا في حياتنا

عطانا القرآن و الصلاة و قالنا ادعو و علمنا اوقات المستجاب فيها الدعاء ان شاء الله

و طبعا كل وقت الدعاء مستجاب لكن في اوقات معروفه ..و قالنا زكو وعطو الفقراء والمحتاجين عشان ينطفي غضب الرب
وقالنا نستغفر عشان يزيدنا من المال و البنون والرزق وكل النعم والخيرات
وغيرها من الشغلات واللي ماتخلص لو قعدنا نعدها


واحنا بكل هالشغلات لازم نعرف شلون نستخدمها
عشان نتقربله

لانه اهوه اللي قاعد يختبرنا يبي يشوف احنا امنا في و بكلامه و قاعدين نسوي اللي يخلينا نتقربله و نعبده او بس قاعدين نسمع و خلاص ولا جنه سمعنا و بس نقول لش يا ربي مااستجبت لنا ليش ماراحت ضيقتي ليش ما تحققت امنيتي ليش حرمتني من الزواج ليش حرمتني من الحمل ليش سقطتني في دراتي و ليش و ليش وليش اللي كل يوم وايد يقولونها و ما سألو نفسهم انا شنو سويت حق الله عشان اشكره عشان يعطيني كل هذي الشغلات


كفايه انه عطانا عقل نفكر فيه و نعرف نميز بين الصح و الغلط
وعطانا فطره نعرف انه دينا الاسلامي اهوه الدين الصح والحمد لله انولدنا مسلمين

و كفايه عيونا اللي قاعدين نقرا فيها كتابه الكريم و من سبب هالقرايه قاعد يباركلنا في حياتنا الحمد لله

هذي الثلاث الاشياء ولا شي من عدد الشغلات اللي ربنا عطانا بس احنا مو حاسين فيها


الهم .. شنو الهم .. يروح ان شاء الله لو توكلنا على الله في كل شي


وكل مشكله لازم لها حل

مو شرط الحل يرضينا بس لازم نكون واثقين و مقتنعين انه دام سلمنا امرنا حق الله

خلااااااص اهوه يسوي اللي يشوفه احسن لنا

وعسى ان تحبو شيئا و هو شر لكم و عسى ان تكرهو شيئا و هو خير لكم


و سوريي ادري قرقت وايد بس والله حاسه فيج و بكل كلمه كتبتيها و عارفه شنو تفكريج و شكثر متضايقه و منقمته و ودج انه كل شي يصير بسرعه


بس انتي وثقي من الله و استمري في القرايه و لا تقاطعين و قولي خلاص من اليوم وكلتي امري حق ربي و اللي راح يصيرلي انا راضيه فيه مهما كان

و شوفي شلون ترتاحين و الله يكتبلج كل خير ان شاء الله


لا تقاطعييييييين حبيبتي

و اي شي تبينه كلنا خواتج و كلنا نساعدج ان شاء الله

مافي وحده راح تقصر والبنات كلهم فيهم الخير والبركه

 

[Cherrrry]

الحمد لله قريتها امس وان شاء الله بعد شوي باقراها
انا اليوم حاسه بضيقه ودي ابجي بس ماني قادرة ادعو لي ربي يفرج همي وينولني مرادي

اسم الله عليكم شفيكم كلكم متضايقين


الله يبعد عنكم الهم والحزن و يبرد قلوبكم و يعطيكم كل اللي تبونه يا رب

 

[Cherrrry]

حبيبتى بارك الله فيج بس ودى اسال فى ايام محدده مايقدر شخص يقراها ماعندى المصحف اللى فى الموبايل يصير نسمعها فقط

تسلمين حبيبتي


في موقع القرآن وايد حلو بالنت تقدرين تقرينها

لا تقطعينها احسن

و اذا ماقدرتي سمعيها


بس احسن انه تقرينها


من الموقع


http://www.quranflash.com/old/index.html

 

[Cherrrry]

الحمد لله بنات خلصت 55 يوم وان شاء الله يفرج لي ربي احس الدنيا كلها مسكررة في وجهي بس الحمد لله على كل شيئ ومن ثلاث ايام صرت احس بوخز في جسمي عند القراءة وصرت اتثاؤب مدري لاني بدات اييأس ولا توهم ان شاء الله بكمل وكل يوم ادخل الموضوع ابي احد يحمسني والله يصلح لي شئني كله

استمري حبيبتي

و ان شاء الله ربي يفرج همج و يبعد عنج كل شر و مكروه

لا توقفين والله يعطيج كل اللي تتمنينه