حملة قراءة سورة البقره كل يوم

[ام الخير]

خواتي و الاخت شيري بلييييييز قولو لي الطرقة الي تقرون بها صج بليييييز

هل تقرون البقرة بصوت عالي لا ناقص <<<<<<<يعني هل اللي معاك بالبيت يسمعونك و انتي تقرين البقرة


و اللي بيصولون بها القيام كيف يعني هل تمسكين القران بيدك و انتي تصلي

بليز ردو علي لاني عايزة اقراها معاكم ورح ابتدي بكرة ان شاء

 

[pink-rose]

الحمدلله قريتها اليوم وكملت 34 يوم

بنات انا اقرها بنية الحمل وبنية تحصين نفسي بس ريلي يقول لي ما يجوز تقرينها بنية الحمل
لان الله قال ادعوني استجب لكم ---->يعني ادعي الله ان يرزقنا الذرية الصالحة

والله انا محتاره والصراحه ما ودي اوقف قراية---> انتوا اشرايكم؟؟

(( لا تنسون تدعون لي بالذرية الصالحة ))

 

[ام الخير]

تكفوووون ردو على سؤالي

 

[ام الخير]

الحمدلله قريتها اليوم وكملت 34 يوم

بنات انا اقرها بنية الحمل وبنية تحصين نفسي بس ريلي يقول لي ما يجوز تقرينها بنية الحمل
لان الله قال ادعوني استجب لكم ---->يعني ادعي الله ان يرزقنا الذرية الصالحة

والله انا محتاره والصراحه ما ودي اوقف قراية---> انتوا اشرايكم؟؟

(( لا تنسون تدعون لي بالذرية الصالحة ))

ربي يرزقك الدرية الصالحة و ارجوك ادعي معي بالزوج الصالح


وحبيبتي انتي قريها بنية التقرب الى الله

 

[Cherrrry]

انا يتني فتره تعبت فيها بدون سبب ووحدها الله يجزاها خير قالتلي اقري سورة البقره كل يوم كامله بصراحه اول ايام

حسيتها طويله بعدين مع الايام تعودت اني لازم كل يوم اقراها من كثر ما ريحتني والحمدالله استمريت فتره طويله

اقراها ووااايد تغيرت ونفسيتي صارت احسن والله انها تهدي النفس وتريح البال


الحين رديت اقراها صارلي 10 أيام أصلي القيام واقراها الحمدالله

وانا اكيد معاكم بالحمله لانها بتساعدني وتشجعني اكثر

مشكـــوره جيري ويزاج الله خير

وياج حبيبتي تسلمين

اي خليج معانا و كتبي كل يوم شتسوين و ان شاء الله كلنا نشجع بعض و مانقطع القرآن ابد

 

[Cherrrry]

الحمد لله امس قريتها ان شاء الله اليوم باقراها

ما شاء الله عليج


الله يتمم حبيبتي

 

[Cherrrry]

خواتي و الاخت شيري بلييييييز قولو لي الطرقة الي تقرون بها صج بليييييز

هل تقرون البقرة بصوت عالي لا ناقص <<<<<<<يعني هل اللي معاك بالبيت يسمعونك و انتي تقرين البقرة


و اللي بيصولون بها القيام كيف يعني هل تمسكين القران بيدك و انتي تصلي

بليز ردو علي لاني عايزة اقراها معاكم ورح ابتدي بكرة ان شاء

هلا حبيبتي ..

شوف يانا بقولج الطريقه


اول شي تقرينها بالطريقه اللي تريحج انا ما اقراها بصوت عالي احب اقراها بصوت واطي


و اذا بتصلينها بقيام الليل قسميها على الاجزاء على راحتج

يعني مسكي المصحف و اقري منه مثلا قسمي الصفحات بالتساوي على عدد الركعات اللي بتصلينها



و لي تعبتي تقدرين تقعدين حطي كرسي وراج

بس احنا نفضل وحنا واقفين نصليها لانه الرسول عليه الصلاة والسلام كانت تتفطر قدماه يعني تتعب من كثر ما يطول في قرايته بس ماكان يقعد


واي سؤال ثاني انا حاضره

 

[Cherrrry]

ونا بعد وياكم الجمعة الجايه يصير ثلاث جمع


جزاكم الله خير وفي ميزان اعمالكم

ما شاء الله ..


الله يتمم عليج حبيبتي


استمري الله يوفقج ان شاء الله

 

[[ . . Jee Jee . . ]]

الحمدلله قريتها اليوم وكملت 34 يوم

بنات انا اقرها بنية الحمل وبنية تحصين نفسي بس ريلي يقول لي ما يجوز تقرينها بنية الحمل
لان الله قال ادعوني استجب لكم ---->يعني ادعي الله ان يرزقنا الذرية الصالحة

والله انا محتاره والصراحه ما ودي اوقف قراية---> انتوا اشرايكم؟؟

(( لا تنسون تدعون لي بالذرية الصالحة ))

منو قال مايجوز تقرينها بنيه الحمل ؟
انا اعرف وحده قرتها وحملت ماشاءالله تبارك الرحمن ..
كملي لا توقفين والله يرزقج ببنت مثل القمر وتقر عيونج بشوفتها حافظه القرآن
وصبي حنوووون عليج ترفعين راسج فيه قولي آمين

خواتي و الاخت شيري بلييييييز قولو لي الطرقة الي تقرون بها صج بليييييز

هل تقرون البقرة بصوت عالي لا ناقص <<<<<<<يعني هل اللي معاك بالبيت يسمعونك و انتي تقرين البقرة


و اللي بيصولون بها القيام كيف يعني هل تمسكين القران بيدك و انتي تصلي

بليز ردو علي لاني عايزة اقراها معاكم ورح ابتدي بكرة ان شاء

انا اقرا بصوت اسمعه .. مو عالي يادوب انا اسمعه ومرات اقراه بصوت اعلى شوي
اهم شي تقرينه عدل .. في ايات توقفين عندها شوي وفي ايات تقرينها على بعض ..

والبنات اللي يقومون الليل ويقرونها على خبري فيهم انهم يمسكون القرآن واهمه يصلون..
وانا كنت اسوي جذي برمضان وكنت اركع وانا ماسكته ولي سجدت حطيته يمي ولما اقوم ارد امسكه..

jee jee
حبيبتى تونى اقرا ردج بعد قلبى لاتزعلين ولاتضيقين خلقج ..
دام ضاق خلقج معناته القران ياب نتيجه معاج .
خليج واثقه بربج وخلية بين عيونج وكل ماضاق خلقج قولى لاحول ولاقوة الا بالله العلى العظيم .
انا امورى كلها تعدلت ولله الحمد
لكن فى موضوع شاغل بالى وميته منه بس سبحان الله حاسه انه بيتعدل حاسه بهالشى .
والله كريم ومراح يردنى .
والحمدالله انى ريحتج ... بعد قلبى خليج على الاستغفار وادعى ربج بالليل ولاتستعيليين بالاجابه .

ان شاءالله هذا اللي بيصير .. خلاص والله ماراح احرم نفسي واوقف ..
ويارب تردين تقولين انه اللي شاغل بالج امره انحل قريب وتفرحينا ..
الله يوفقج ياارب :*
:tek:

 

[Cherrrry]

الله يجزاج خير

وياج حبيبتي

 

[Cherrrry]

الحمدلله قريتها اليوم وكملت 34 يوم

بنات انا اقرها بنية الحمل وبنية تحصين نفسي بس ريلي يقول لي ما يجوز تقرينها بنية الحمل
لان الله قال ادعوني استجب لكم ---->يعني ادعي الله ان يرزقنا الذرية الصالحة

والله انا محتاره والصراحه ما ودي اوقف قراية---> انتوا اشرايكم؟؟

(( لا تنسون تدعون لي بالذرية الصالحة ))

لا لا لا لا مو توقفيييين قرايه

احنا دايما نقول لما نبي نقراها نقراها عشان نتقرب حق الله ..

و بنفس الوقت نقراها عشان لو وحده مثلا حاسدينها و مو عارفه سبب تأخر حملها او زواجها او شفاءها الخ ... من الامور هذي كلها

لما تقرا سورة البقره الله يعطيها اللي تبي و ينور بصيرتها و تعرف منو حاسدها و منو كايد لها و هالشي وايد بنات عرفو بعد القرايه

ليش؟؟

لانه تقربوا من الله .. و الله عطاهم اللي يبونه


و دايما بعد القرايه تدعين اللي تبينه ..

و الله ما يخيب دعاء احد



و انتي لما تقرينها مو بس عشان يرزقج الذريه الصالحه عشان يشفيج لو فيج اي شي انتي مو عارفته مأخر الحمل

وكل شي حبيبتي على نية الواحد

انما الاعمال بالنيات

احنا مانقدر نفتي نول الله متقبل نيتج او لأ

بس في شغلات نعرفها و واضحه انه احنا لو تقربنا من الله راح يرزقنا على قد نيتنا


و الله يرزقج بالذريه الصالحه و كثري من الاستغفار

قولي استغفر الله و اتوب اليه

لانه وايد الاستغفار زين


في موقف قريته من قبل بقوله لج عن الاستغفار


كان في 2 مايبون يهال و مافيهم اي شي

بس من الله ما يابو ياهل


قرروا انه يستغفرون قبل صلاة الفير اهيا مع زوجها نص ساعه او ساعه مو ذاكره القصه بالضبط

و بعد شهر او شهرين صارت اعراض الحمل على الزوجه


و ترا في وايد قصص عن الاستغفار و من مصادر موثوقه يعني ريايل الدين واللي يعالجون هالحالات بالقرأن و الرقيه وايد اذكرو مواقف عن فضل الاستغفار و سورة البقره

يمكن احنا قبل لا نعرف هالاشياء كنا نسمع عن فضلهم بس ماجربنا


مادري ليش بس كسل او مافي شي خلانه نعرف قيمتهم الا ليما جربنا


فانتي كثري من الاستغفار و لا تقطعين سورة البقره و خلي نيتج انه تتقربين حق الله و انه يشفيج من اي شي خافي ماتعرفينه مأخر حملج سواء انتي او زوجج

و ادعي خصوصا في اوقات الاستجابه لانه الله يحب العبد اللي يتحرى اوقات استجابة الدعاء عشان يدعي فيها

طبعا الله يستجيب للعبد في كل وقت .. لكن في اوقات معينه معروفه انه الدعاء فيها مستجاب ان شاء الله مثل:


وقت نزول المطر

بين الاذان و الاقامه

الثلث الاخير من الليل تقريبا بعد الساعه 12 لو حسبناه و اهوه الوقت اللي يكون قبل صلاة الفير
يسمونها سهام الليل يعني الدعاء فيها وحده بوحده ان شاء الله

و اخر ساعه من نهار يوم اليمعه اللي تكون قبل اذان المغرب بساعه


و بعد الصلوات المفروضه


و اثناء السجود في الصلاة لانه يكون العبد اقرب شي حق الله في السجود فلازم نكثر الدعاء



و مثل ما قلت اي وقت تتوجهين في حق الله و تصلينلج ركعتين و تدعين فيها الله ما يخيب ضن احد

وصدقيني كاتبلج الخير في كل الاحوال


بس الصبر حلو و ان شاء الله اخرت الصبر شي يفرح قلبج يا رب



و لا تفكرين انه توقفين قرايه .. لانه انتي قاعده تقرين البقره عشان تحصنين نفسج و تعالجين نفسج من اي شي مانع حملج

مافي احسن من هالدوا القرآن

و البقره معروفه في انها تعالج من شغلات وايد


والقرآن كله بشكل عام فيه خير و بركه و شفاء لكل داء

وانتي تبين تيبين البركه لبيتج و يرزقج الذريه الصالحه و يبعد عنج كل شر و كل شي مأخر حملج

مالج الا البقره و الاستغفار و الدعاء

و نسيت اقولج عن الاستغفار في ايه تدلل على انه الاستغفار يخلي الله يرزقج الذريه الصالحه

في سورة نوح

بسم الله الرحمن الرحيم

"فقلت استغفروا ربكم انه كان غفارا..يرسل السماء عليكم مدرارا..
ويــــمـــددكـــــــم بأموال و بــــــنـــــيــــــن ويجعل لكم جنات ويجعل لكم انهارا.. "



بعد هالكلام مافي اي شك في اللي قلته

توكلي على الله .. و استمري في البقره والله اعلم بنيتج ومايخيب ضن عبد لجأله وتقربله

و لازمي الاستغفار


و ان شاء الله يا رب يفرح قلبج بحملج بتووم بعد مو واحد قولي امين

 

[Cherrrry]

[ . . Jee Jee . . ]


شلوونج حبيبتي و شلوون النفسيه هالايام ؟؟

 

[[ . . Jee Jee . . ]]

و سوريي ادري قرقت وايد بس والله حاسه فيج و بكل كلمه كتبتيها و عارفه شنو تفكريج و شكثر متضايقه و منقمته و ودج انه كل شي يصير بسرعه
بس انتي وثقي من الله و استمري في القرايه و لا تقاطعين و قولي خلاص من اليوم وكلتي امري حق ربي و اللي راح يصيرلي انا راضيه فيه مهما كان
و شوفي شلون ترتاحين و الله يكتبلج كل خير ان شاء الله

<< ردج هذا كله .......


ماتصورين شكثر تأثرت بكلامج .. والله قريته مرتين وعيوني غورقت بالدموع..
انا صج احاول اكون طبيعية وصج تغيرت عن قبل وماتخيلت صار معاج هالكثر اشياء ..
بعد ماكتبت ردي ماقريتها يومين ورا بعض .. بس امس واليوم قريته الحمدلله
ولو اقولج عن شي راح اذكره لج طول عمري ماراح انساه بتستانسين..
اليوم حفظت الايتين الي ورا اية الكرسي ..
وحفظت آخر آيتين بالسورة ..

وانا عمري مانسى الشخص اللي كان سبب بحفظي للقرآن
ولد عمي اللي ماشفته من 8 سنين او اكثر
خلاني احفظ الكرسي وانا كنت مو حافظتها ..
عمري مانسيتله هالشي, وبنت بنت خالتي حفظت بسبتها الكوثر ومانسيت لها هالشي.

وانتي سبب بدايتي بهالحمله خليتيني احب ارد اقرا مثل مابديت بنفس الحماس وبنفس الايمان
وحفظتهم بسبتج .. ولو اغيب عن المنتدى وتفرقنا الدنيا ماراح يكون في شي له قيمة اني أذكره كثر ما انه في بنيه اهي اللي خلتني احفظ آيات من القرآن اقراهم بصلاتي.

ان شاءالله يكون لج اجر في قرايتي كلها .. ولج اجر بقرايتي للايات اللي حفظتهم بكل صلاة اصليها بإذن الله .. وانتي تستاهلين..

و .. الله يخليلج اختج اللي كانت تسمعلج دايماً.. انتي محظوظة باخت مثلها الله يخليها لج ويخليج لها ويطول اعماركم بطاعته يارب ..

في اشياء بالدنيا مالها ثمن ولا تنشرى بفلوس .. منها جتف الاخت اللي تحتاجين تبجين عليه مرات وماتلقينه واهو موجود ..

والله اني لما قريت ردج حسيت انه لو كنتي تقولينه جدامي جان لميتج مثل ماودي الم اي وحده من خواتي لانها فهمتني ماكنتي تحتاجين تقولين حتى ربع ردج اللي كتبتيه .. مشكورة
جزاج الله خير تشيري ..

 

[أم منصور]

جزاج الله خير

ويابنات لا توقفون حسب قدرتكم وربي يعينا على الطاعة

 

[pink-rose]

مشكورة اخت cherrryعلي الرد وعلي النصائح
وان شاء الله ما راح اوقف قراية وراح استمر عليها والله يعيني علي ذكرة وشكره وحسن عبادة

وان شاء الله راح الح بالدعاء واكثر من الاستغفار

 

[flowers_q8]

الحمد لله قريتها امس وان شاء الله اليوم بقراها
جزاج الله خير شيري قريت ردودج كلها بصراحة كفيتي وفيتي وشجعتينا كلنا ربي يرزقج كل ماتتمنين يارب صج ردودج تشرح الصدر
ماني عارفه شادعي لج
ربي يعطيج كل الخير وينصرج ويسعدج ويرزقج الفردوس الاعلى يارب يارب يارب

 

[[ . . Jee Jee . . ]]

ماشاءالله الموضوع وصل 100 صفحة وفي تفاعل حلو ماشاءالله الله يزيد ويبارك ..
على جذي المشرفة بتوفي بوعدها وتثبت الموضوع

 

[فيفي محمد]

السلام عليكم خواتي معععععععجزه بعد ماصليت يوم الخميس القيام وخلصت حوالي الساعه 2 وكنت اقرء البقره اتصل فيني اخوي وبشرني فيه عدنا مشكله متعلقه من سنه انيبها يمين نيبها شمال والله مب قادرين انحلها قالي اخوي فرجت والله من الفرحه قلت فبالي انحلت بفضل الله سبحانه وبفضل البقره ونمت وحلمت حلم اني يالسه في الحرم المكي وخلصنا من صلاة الفجر وننتضر صلاة العيد ومرو جدامي ثلاث اواربع ريايل لابسين بشوت خضر حتي قلت في نفس لون البشوت غريب وحلو وقمت من النوم الله يخليكم بنات الي تعرف اتفسر وثقه اتفسرلي اياه وعادي خله اتخليه علي العام موب لازم الخاص

 

[kuwaitya_zoGaa]

باركولى اليوم كملت ال 40 حدى مستانسه
والحمدالله اليوم يانى خبر حلو وكان مضايقنى من شهر تقريبا وانفرجت بس موضوعى اللى متعبنى لحد الحين الله كريم .

 

[[ . . Jee Jee . . ]]

فيفي البشوت الخضر لونهم حلو انا لو مكانج اذكر ان الاخضر يلبسونه اهل الجنة اطير على مفسر يفسرلي اياه

شوفي المنتدى سوي سيرج في اكثر من موضوع في ارقام مفسرين ...


كويتيه الله ينولج على قد نيتج حبيبتي وتنحل ان شاءالله