حملة قراءة سورة البقره كل يوم

[flowers_q8]

الحمد لله قريتها واحس براحه واحس سهاله ماشاء الله الله يتمم علينا كلنا يارب

 

[Cherrrry]

احم احم كملت 30 يوم

ما شاء الله شهر

الله يتمم عليج

شدي حيلج باقي 4 ايام بس:ggdw:

 

[Cherrrry]

الحمد لله قريتها وقريت الرقية ادعو لي ربي يتمم علي عفيه وشجعوني صج اني استمر

الله يتمم عليج حبيبتي و يوفقج و يعطيج كل اللي تبينه

لا توقفين واستمري في القرايه

 

[Cherrrry]

الله يوفقكم كلكم ويتقبل منا ومنكم

اللهم امين

امييين يا رب

تسلمين حبيبتي

 

[Cherrrry]

كلوووووووولووووولوووولوش باركولي يابنات خلصت الاربعين الاولي من سورة البقره والبارحه بديت بالثانيه بس قرررت اقراها في صلاة القيام والبارحه بديت يارب ياحبيبي اتنولني الي فبالي ياررررررب انك علي كل شي قدير وترزق من تشاء بغير حساب

مبروووووك مبرووووووك

ما شاء الله ما شاء الله ما شاء الله

الله يتمم عليج يالله ابدي بالاربعين الثانيه

و احسن شي انه تقرينها بصلاة القيام

والله لها اثر عظيم


الله ينولج مرادج يا رب يا كريم و يريح قلبج اميين

ادعي وانتي تسجدين بالصلاة خصوصا في القيام

لانه الانسان يكون اقرب شي لله في السجود

والله ما يخيب ضن احد ابد

بس احنا اللي مافينا صبر وهذا طبع الانسان

ان شاء الله راح تشوفين كل الخير حبيبتي

تستاهلين

 

[kuwaitya_zoGaa]

الحمدالله اليوم قريتها
باقى لى 9 ايام واكمل ال 40 يوم
الله كريم .

 

[نعومة حدى]

انا صارلي 26 يوم
والحمدلله من يوم قريتهاا تغيرت حياتى
حسيت براحة والرزق واسع والله مبارك بيومى غير قبل كنت انام واقوم جنة اليوم الى 24 ساعه 7 سعات وبس

اللهم نسئلك بركة القراان يارب لى ولكم

 

[Cherrrry]

الله يتمم علينا ان شاء الله
احب اقرا ردودكم بنات ----> اتشجع اكثر

عندي سؤال لcherryشنو الرقيه الشرعيه للعين الي انتي قلتي عنها
انج تقرينها لما تروحين مكان في تجمع او قبل اي طلعه؟؟؟؟

ان شا ءالله دوم متشجعه و البنات مايقصرون ما شاء الله عليهم .. ردودهم تريح القلب


شوفي حبيبتي بالنسبه حق سؤالج ..

قبل لا ادخل اي مكان في تجمع اقول

اعوذ بكلمات الله التامه من كل شيطان وهامه و من كل عين لامه 3 مرات

و اقول باسم الله ارقي نفسي من كل شي يؤذيني ومن كل شيطان او عين ان تشفيني بسم الله ارقي نفسي
اقولها بعد 3 مرات


و اقول الاخلاص 3 مرات
الناس 3 مرات
الفلق 3 مرات


وانفث على ايدي 3 مرات و امسح ويهي و جسمي


و في الرقيه الشرعيه اللي خاصه حق علاج العين والحسد .. قالولي اقراها على الماي اللي اشرب منه ..

و قالولي بعد اقراها علي زيت زيتون و ادهن جسمي بس انا ما اسوي هالشي لانه ماحب دهن وزيوت :dddds:

بس بقولج كل شي قالولي عشان تسوينه .. و هالشي معروف يعني مو بس خاص حق علاجي انا


اي وحده عليها عين او حسد هذا علاجها ان شاء الله .. و في اكثر من طريقه انا بقولج اللي قالوه حقي


اول شي تيبين ماي تشربين منه

انا ماحب اشرب غير ماي صحه فتلاقين كراتين بطول عندي احطهم جدامي

و كل يوم لما اقرا سورة البقره انفث في مجموعه :dddds:

و لما اخلص اقرا ايات الرقيه مالت العين والحسد راح احطه لج بعد شوي

و قالولي اقري اي ايات ثانيه تحبينها يعني مو شرط بس البقره

طبعا اهم شي قالولي اقرا المعوذات
الاخلاص والناس و الفلق 3 مرات او 7 مرات

و الفاتحه 7 مرات لانها معروفه انها الشافيه

وخل اقولج قصه قريتها عن سورة الفاتحه تدلل على كلامي ..

انا مو ذاكره بالضبط الحجي شنو .. بس القصه فيما معناها

ان الرسول عليه الصلاة والسلام شاف واحد يقراها على مكان في جسمه او يقراها على احد متعور مو ذاكره

فقاله شتسوي

قاله انه اكو عوار و قال بيعالجه بالقرايه و ماعرف شنو يقرا فقال خل اقرا فاتحة الكتاب اكيد لها اثر عظيم

فقال الرسول عليه الصلاة والسلام ارقوا نفسكم فيها لانها الشافيه

عشان جذي معروف عن الفاتحه انها الشافيه من الالم

وانا جربت هالشي اكثر من مره و حطيت من قبل موضوع

عنه

اختي الصغيره كانت بتروح المدرسه الصبح و اهيا واااااااااايد يحوشها عوار بدون سبب في ريلها

فقامن الصبح تبجي
ومادري شسويلها
قلتلها اقري الفاتحه 7 مرات وحطي ايدج على ريلج وانتي تقرين

بعد 5 دقايق يت الخدامه تلبسها

و اهيا لهت معاها

شوي جان تقولي العوااااااار راح :ggdw: و مستااااانسه

كان عوار يذبح

قلتلها شفتيي احسن من الدوا القرآن

اي مكان يعورج اقري

فاهيا تعلمت هالشي لانها صغيره و يصيرلها موقف جذي

حتى قبل فتره هم مادري وين كان يعورها قلتلها تذكري اللي قلتلج

جان تقول اي صح و قعدت تقرا 7 مرات

و تقولي ماصار زين
لقتلها ردي اقري 7 مرات

وبعدها يت تقولي راح واهيا مستانسه لول
تقولي نفس السحر

قلتلها اي القرآن نفس السحر بس سحر الحلال لانه كلام الله و يخلي الناس تصير زينه على طول بدون دوا :dddds:


ادري طولت عليج بالقرقه لوول بس عشان كل شي اقوله احسن يكون في دليل يشجع الواحد انه يسوي


المهم اكملج

بعد ما تقرين هالشغلات كلها

تقرين اي سور تحبينها مثلا انا احب سورة يس احس تريح

و اي شي ثاني تبين قولي
و تكون نيتج في هالشي اللي تسوينه انه مثلا تشفين نفسج من الحسد وتوخرين العين

وادعي اي شي تبينه

و لا تشربين غير من هالماي

و اذا تبين بعد سوي على زيت الزيتون و بالليل كل يوم دهني جسمج فيه


و هم قالولي اسوي شي ثاني بس طبعا ماسويته لانه مالي خلق مادري انا كسوله :tomato2:


قالولي سوي ماي مقري و تسبحي فيه

بعد السباحه كتي على جسمج

و الماي اللي يبقى احنا كنا نسقى في الزرع الداخلي عشان لا ينكت تكرمون الماي بالحمام


بس انا اتعيز بصراحه اسوي جذي


بس وايد مفيده هالشغله

فقمت شسوي بدال هالشي قالولي غسلي
ويهج و اطرافج يعني الايد والريل و رقبتج وصوب الصدر و مسحي على راسج بالماي المقري


و قالولي يفضل ماي زمزم

بس ماعندي فاستخدم ماي عادي مافي مشكله


و في ناس يقولون احسن الماي المقري يسويه لكن واحد رجل دين

هالحجي مو منطقي لانه كل شي على نية الواحد

يعني انتي تبين تشفين نفسج فلما تقرين وتدعين راح يكون الشي طالع من قلبج و صج بضمير تدعين و تقرين ونيتج انه تشافين نفسج
فأحسن شي انه الانسان اهوه يرقي نفسه بنفسه لانه مافي احد تكون نيته شفائج اكثر من نفسج

والشي لما تسوينه بروحج هذا اجتهاد و الله مايضيع تعبج


بس عادي لو وحده خذت ماي مقري من ناس معينه مافيها شي

بس قالولي احسن انه انتي اللي تسوينه بنفسج

وهم عشان انا اقرا قرآن و احصن نفسي


و قالولي اقري سورة البقره كل يوم والحمد لله انا اسوي هالشي

و قالولي بعد الاذكار اهم شي مال الصبح و المساء

الصبح يكون وقته بعد اذان الفير

والمساء يكون وقته بعد العصر وقبل المغرب

هذا احسن وقت لهم



يبقى الحين اعطيج الرقيه مالت العين والحسد هم تقرينها عالماي

و تقرينها على نفسج و تنفثين و تمسحين جسمج

انا حاتها في ملف برفعها في موقع و انزلها

 

[Cherrrry]

pink-rose

هذي ايات العين تقرينهم عالماي بعد و على نفسج


- وَدَّ كَثِيرٌ مِّنْ أَهْلِ الْكِتَابِ لَوْ يَرُدُّونَكُم مِّن بَعْدِ إِيمَانِكُمْ كُفَّاراً حَسَداً مِّنْ عِندِ أَنفُسِهِم مِّن بَعْدِ مَا تَبَيَّنَ لَهُمُ الْحَقُّ فَاعْفُواْ وَاصْفَحُواْ حَتَّى يَأْتِيَ اللّهُ بِأَمْرِهِ إِنَّ اللّهَ عَلَى كُلِّ شَيْءٍ قَدِيرٌ (109) البقرة.
- أَمْ يَحْسُدُونَ النَّاسَ عَلَى مَا آتَاهُمُ اللّهُ مِن فَضْلِهِ فَقَدْ آتَيْنَا آلَ إِبْرَاهِيمَ الْكِتَابَ وَالْحِكْمَةَ وَآتَيْنَاهُم مُّلْكاً عَظِيماً (54) النساء.
- وَلَا تَمُدَّنَّ عَيْنَيْكَ إِلَى مَا مَتَّعْنَا بِهِ أَزْوَاجاً مِّنْهُمْ زَهْرَةَ الْحَيَاةِ الدُّنيَا لِنَفْتِنَهُمْ فِيهِ وَرِزْقُ رَبِّكَ خَيْرٌ وَأَبْقَى (131) طه.
- وَلَوْلَا إِذْ دَخَلْتَ جَنَّتَكَ قُلْتَ مَا شَاء اللَّهُ لَا قُوَّةَ إِلَّا بِاللَّهِ إِن تُرَنِ أَنَا أَقَلَّ مِنكَ مَالاً وَوَلَداً (39) الكهف.
- وَإِن يَكَادُ الَّذِينَ كَفَرُوا لَيُزْلِقُونَكَ بِأَبْصَارِهِمْ لَمَّا سَمِعُوا الذِّكْرَ وَيَقُولُونَ إِنَّهُ لَمَجْنُونٌ (51) وَمَا هُوَ إِلَّا ذِكْرٌ لِّلْعَالَمِينَ (52) القلم.


وهذا موضوع كامل من قبل كنت حاطته وايد استفدت منه

http://www.q8yat.net/showthread.php?t=132518


الله يشفي الجميع ان شاء الله

 

[Cherrrry]

انا صارلي 26 يوم
والحمدلله من يوم قريتهاا تغيرت حياتى
حسيت براحة والرزق واسع والله مبارك بيومى غير قبل كنت انام واقوم جنة اليوم الى 24 ساعه 7 سعات وبس

اللهم نسئلك بركة القراان يارب لى ولكم

ما شاء الله عليج حبيبتي

الله يباركلج ان شاء الله بحياتج و رزقج و يومج و كل شي

و لا يحرمج الاجر ان شاء الله

استمري حبيبتي لا تقاطعين و شاركي معانا خل نشجع بعض كلنا

 

[Cherrrry]

ما شاء الله عليكم بنات


الله يتمم ان شاء الله و يبعد عنكم العيون


استمروا و الله يوفقكم

 

[pink-rose]

مشكووووووووووووورة cherrryعلي الرد وما قصرتي ويارب يجعله بميزان حسناتج
ان شاء الله بسوي الي قلتي عليه وراح استمر علي البقرة واذكار الصباح والمساء

اي نسيت ما قلت لج قريتها اليوم وكملت 26 يوم

 

[<> إيلاف الكويت <>]

يزااااااج الله خير .. ربي يوفقج ويعطيج على قد نيتج الصافيه يااارب

وانا ببتدي معاكم .. بقراها كل يوم و من باجر بإذن الله

 

[[ . . Jee Jee . . ]]

تصدقين اول شي عبالي تسأليني انا لو اماراتيه .. شكيت بنفسي قلت لايكون وايد قاطه بدليات لوول

بعدين استوعبت انه مو عني :dddds:

واي مخي مضيع اليوم

:dddds:

اكيد سهرانه ولا رادة من الدوام وحده من الثنتين :dddds:


-------------------------------------------------

<< تحط فاصل عشان تشيري ماتحسب الحجي لها :dddds:



ايلاااف :ggdw:

حياج الله معانا ناطرينج حبيبتي




اليوم صارلي 8 ايام ..

اقولكم .. ليش 40 يوم ؟ قصدي شنو الحكمة بالمدة؟

 

[قلب راشد]

تعاااااااااااااالي وانا ازفج :dddds:


ليشششششششش وقفتي هااا ليشششش ليشششششششش

تبين الشيطان يغلبج و يضحك عليج و علينا انه ماقدرنا نشجعج :eh_s(14):


يالله قومي امسكي المصحف و اقريها الحين 10 مرات عقابا لج :tomato2:



لااا والله صج صج اقريها اول ماتقرين الرد عشان تضمنين ان اليوم قريتيها

وحراااام تخربين على نفسج الحين استانستي بأول 40 يوم وبعدها وقفتي ليش

حرام تحرمين نفسج من اجرها

اكييد في اشياء وايد في بالج تبينها تتعدل و بحياتج


حطي في بالج مافي شي يتعدل بدون لا انتي تعدلين في نفسج

و اكيد كل انسان مهما كانت مكانته عند الله ماراح يخلوا من الذنوب حتى وان كانت بسيطه

لانه انسان

ولا جان مانزلنا الارض وتمينه بالجنه صح او لأ


فعشان جذي تذكري هالشي عدل انه الذنوب اهيا اللي تخلي استجابة الدعاء بطيئه

شتسوين عشان توخرينها؟

اقري قرآن و شوفي كل حرف شكثر تاخذين عليه حسنات مضاعفه

لانه الله كريم بعطاءه



ويغفر الذنوب ..


و تذكري راحة بالج شلون يوم بديتي تقرينها بانتظام

وفرحتج بأول 40 يوم مستمره فيها كنتي

والله كفايه الانسان يحس انه قاعد يتقرب حق الله

و قاعد يمحي ذنوبه

يعني لا تقولون ماصارلي شي ولا تحققت امنيتي

احنى نقرا و نجتهد بالتقرب حق الله مو بس عشان يحقق امنيه

احنى ما نتشرط على الله

بس مالنا غيره نلجأله

عشان جذي نسوي اي شي نقدر عليه عشان نوخر ذنوبنا و نخلي راضي عنه

واذا صار هالشي راح نرتاح و راح تتحقق كل امانينا

مو احنا عايشين في هالدنيا يعني هم العقل ما يقول انه بس نفكر بالاخره

ونعيش حياة مو زينه بالدنيا

ولا جان ليش الله قالنا ادعوني استجب لكم؟؟


قال ادعوني عشان يعدل حياتنا اللي احنا عايشين فيها

و هالاشياء كلها اللي نسويها اكيد فيها خير لنا بحياتنه و اخرتنا بعد عمر طويل لكم


يالله تعوذي من ابليس و لا تخلينه يقص عليج

شوفي ما شاء الله البنات شلون قامو يقرون و مايطوفون


تشجعي والوقت اللي تضيعينه في قراية القرآن صدقيني الله يباركلج في باجي وقتج كله

:0bee2e8d89::0bee2e8d89::0bee2e8d89:

أدري والله بس أعووذ بالله من ابليس

بالعكس آنا واايد تغيرت حيااتي بهالاربعين يوم والله سبحانه رزقني أشيااء

ما كنت أتوقعها بس الحمدلله على كل حاال

ولكن أبشرج صاار لي 3 أياام قاعد أقرى بس هم حفزووني عشان أتشجع أكثر​

 

[شيخة البلادين]

تبارك الرحمن
عيني عليكم باردة يا بنات على همتكم وحماسكم في التقرب الى الله بقراءة سورة البقرة يوميا
قولوا آمين
عسى الله يغفر لكم ذنوبكم وويسر لكم أمركم ويرزكم من حيث لاتحتسبون
ويوفقكم جميعا الى مايحبه ويرضاه

 

[kuwaitya_zoGaa]

الحمدلله اليوم قريتها والحمدالله ... الله دفع عنى البلا

 

[[ . . Jee Jee . . ]]

انا ناطرة اجابه بنات .. مافيني صبر..

 

[مناير خزنة التاير]

يــاهلا بأحلا بنـــات
الله انشالله يجمعنا كلنا بالجنة قولي اميين ، و يجمعنا على حبه و طاعته

ما تتصوروون شكثر انا مستانسة من هالحملة ، لان صج ردتني مثل اول لان يتني فترة كنت بعيدة وااااااايد عن الله
و تمر الشهوور وانا ما امسك القران (استغفر الله ) و بس كنت اصلي الفرض مع ان اول كنت اقوم الليل و لازم اقرا قران او وجه واحد بس بالفترة الاخيرة انقلب حالي مادري شلي كان مصددني
و حتى المنتدى من دشيته عمري ما قربت صووب اسلاميات ، بس مرة مادري ليش دشيت وصج كانت نقطة التحول
حسيت لحظتها شكثر انا بعيدة عن الله و شكثر انا مقصرة بحق ربي
وبفضل الله و فضل تشجيعاتكم و الحملة هذي
بديت اقرا البقرة كل يوم وصارلي 11 يوم ، و رديت اقووووم الليل
واااي بنات ما تتصورون وناستي وانا اقووم الليل و ادعي و اقرا قران لين اصلي الفجر
متعة ولا بعدها متعة
وحاليا انا شسوي :: اقرا سورة البقرة وقت صلاة العصر يعني 3 و كنت اطول فيها بس الحين لا الحمدالله و اليوم خلتصها بقعده حده و الي راحتي اني اقوم اصلي العصر (عشان اضمن اني قريتها اليوم )

و بالليل يعني على 3 اصلي قيام الليل و سويت لي ختمة حق قيام الليل و استغفر واسبح و ادعي و اصلي الفجر و انااااام نومة هنيه

وانشالله انا ناويه عقب ما اخلص ال 40 الاولى اسوي العكس بال 40 الثانية اقوم الليل بالبقرة و اقرا القران بوقت العصر

ويارب يعيني و يعينكم على ذكره و شكره و حسن عبادتك
يارب زدنا قربا اليك
يارب زدنا قربا اليك
يارب زدنا قربا اليك

 

[لولي**]

هلا بنات
الله يثبتكم يارب وييسر لكم قراتها
انا اليوم واصله 23
حتى اختي خليتها تقراها وهي واصله 20 سبقتها بيومين
ورفيجتي معنا وواصله 22
الحين الساعه 3 الفجر بروح اصلي واقراها
ربي يثبتنا وييسر لنا يارب