حملة قراءة سورة البقره كل يوم

[Cherrrry]

الحمد لله قريتها وقريت الرقية
جزاكم الله خير خواتي على التشجيع

ما شاء الله اشتمري حبيبتي

 

[Cherrrry]

انا أبي أحد يزفني من اكملت اول اربعين فترت وصار لي 3 أياام ما قريت

أرجووكم زفوني وحفزوني خل ارد اتشجع

تعاااااااااااااالي وانا ازفج :dddds:


ليشششششششش وقفتي هااا ليشششش ليشششششششش

تبين الشيطان يغلبج و يضحك عليج و علينا انه ماقدرنا نشجعج :eh_s(14):


يالله قومي امسكي المصحف و اقريها الحين 10 مرات عقابا لج :tomato2:



لااا والله صج صج اقريها اول ماتقرين الرد عشان تضمنين ان اليوم قريتيها

وحراااام تخربين على نفسج الحين استانستي بأول 40 يوم وبعدها وقفتي ليش

حرام تحرمين نفسج من اجرها

اكييد في اشياء وايد في بالج تبينها تتعدل و بحياتج


حطي في بالج مافي شي يتعدل بدون لا انتي تعدلين في نفسج

و اكيد كل انسان مهما كانت مكانته عند الله ماراح يخلوا من الذنوب حتى وان كانت بسيطه

لانه انسان

ولا جان مانزلنا الارض وتمينه بالجنه صح او لأ


فعشان جذي تذكري هالشي عدل انه الذنوب اهيا اللي تخلي استجابة الدعاء بطيئه

شتسوين عشان توخرينها؟

اقري قرآن و شوفي كل حرف شكثر تاخذين عليه حسنات مضاعفه

لانه الله كريم بعطاءه



ويغفر الذنوب ..


و تذكري راحة بالج شلون يوم بديتي تقرينها بانتظام

وفرحتج بأول 40 يوم مستمره فيها كنتي

والله كفايه الانسان يحس انه قاعد يتقرب حق الله

و قاعد يمحي ذنوبه

يعني لا تقولون ماصارلي شي ولا تحققت امنيتي

احنى نقرا و نجتهد بالتقرب حق الله مو بس عشان يحقق امنيه

احنى ما نتشرط على الله

بس مالنا غيره نلجأله

عشان جذي نسوي اي شي نقدر عليه عشان نوخر ذنوبنا و نخلي راضي عنه

واذا صار هالشي راح نرتاح و راح تتحقق كل امانينا

مو احنا عايشين في هالدنيا يعني هم العقل ما يقول انه بس نفكر بالاخره

ونعيش حياة مو زينه بالدنيا

ولا جان ليش الله قالنا ادعوني استجب لكم؟؟


قال ادعوني عشان يعدل حياتنا اللي احنا عايشين فيها

و هالاشياء كلها اللي نسويها اكيد فيها خير لنا بحياتنه و اخرتنا بعد عمر طويل لكم


يالله تعوذي من ابليس و لا تخلينه يقص عليج

شوفي ما شاء الله البنات شلون قامو يقرون و مايطوفون


تشجعي والوقت اللي تضيعينه في قراية القرآن صدقيني الله يباركلج في باجي وقتج كله

 

[Cherrrry]

جزاكم الله كل خير

وياج حبيبتي

 

[Cherrrry]

شيخه مشكورة على دعوتج ياربي أجمعين وكل البنات ..
الهنوف العفو حبيبتي .. وانا معاج بسالفه التجزيء مو لشي بس لاني جربت اجزء وضيعت صرت اقرا بدون تركيز ويروح الوقت واحس بشي غلط .. ولما اخلص ماحس نفس الراحة اللي احسها لما اقعد واقراها كامله .. غير والله
وماقمت اجزئها اقراها كامله .. الحمدلله اليوم كملت اسبوع والله ماني مصدقه .. الحمدلله
تشيري مشكورة على ردج ..

اليوم قريتها متأخر بس ولي نصها كنت اقرا معاها التفسير .. باجر ان شاءالله اقراها واكمل باجي التفسير ..
في قصص حلوة انا مادري شلون كنت اقرا وبس قبل ..

حبيبتي اللي تبي برنامج القرآن حق اريكسون شنو نوع جهازج؟ بدوره لج وان شاءالله القاه
واذا تبين برنامج حق لاب توبج نزليه من هني
http://www.quranflash.com/download/QuranflashA.zip


تشيري << زين اكتبه ماقوله جذي لول يتعب
المهم .. بسألج فيني فضول .. شنو كنتي تحسين في وانتي تقرين ؟ وبعد ماخلصتي الـ 40 راح ؟
او .. شلون عرفتي انج محسودة؟ وشنو التغيرات اللي حسيتيها صارت بعدين؟

لووول شفيكم مو بالعين الاسم يعني كرز بالانجلش :dddds:

سهل سهل قولي 10 مرات تحفظينه _03BA:


اوكي خليني ارد على اسئلتج


اول شي لما كنت اقرا كنت وايد اتثاوب و احس انه عيوني تدمع بس شنو دموع مو طبيعيه يعني وايد جني قاعده ابجي او جنه فاركين بصل بعيوني


اول شي ماكان في بالي كلش

بعدها سألت واحد و قالي بعطيج ايات اقريهم
و قوليلي شنو تحسين فيهم


عطاني 3 مجموعات

يعني جم اياه هذي مجموعه و جم ايه ثانيه هذي مجموعه

و مجموعه ثالثه

ماقالي شنو سالفتهم بس قالي اقريهم


قريتهم و في مجموعه منهم كانت تصير فيني نفس اللي قلته عيوني تحرقني و اتثاوب احس بنام
شي غريب والله


فقالي هذا حسد قوي

وقالي اقرا البقره كل يوم و اشرب ماي مقري و اقول الاذكار كل يوم اقرا المعوذات قبل لا اطلع اي مكان و احصن نفسي بالرقيه مالت العين والحسد قبل لا اطلع اي مكان خصوصا اللي يكون في تجمع ناس وايد


و قمت اقرا و مع الوقت يقل الشي .. بس ليلحيين يعني احس انه في شي بس خفييف .. بس الحمد لله فرق وايد يعني مو نفس اول و ما اتأذى وانا اقرا ..


و انا صايرلي الحين تقريبا سنه و سبع شهور وانا اقرا البقره بس ماكنت اقراها كل يوم

يعني احاول انه كل يوم بس كنت ساعات اطوف يوم او يومين بالاسبوع ما اقراها


وكنت اقراها قبل لا اعرف انه في عيين ..

لانه مريت بظروف حيل قويه و ماكنت اسوي شي غير اني اقرا قرآن و اصلي قيام كل يوم تقريبا


وبعدها عرفت سالفة العين ..

الحين اقولج التغيرات اللي صارت في حياتي


شوفي كانت عندي مشاكل من كل صوب تطلع ..

يعني اول شي مشاكل شخصيه من ناحية الدراسه كنت شاطره وايد بس ظروف اللي صارتلي خربت علي كل شي

ونزل مستواي صرت ما اتحمل امسك كتاب انقمت وابجي بدون سبب

وكانت نفسيتي تعبانه شوي وكله مكتأبه


و صار مشاكل بالعايله بعد بسبب الحسد وكل مالها تكبر و تتراكم شي على شي وصلت مستوى كبير

غير الشغلات الخفيفه مني و مناك ليما تتراكم على بعض و كل شي يصير بوقت واحد الانسان بس ما يتحمل

و انظلمت ظلم كبير خرب حياتي كلها .. وكنت اقدر اني افضح الدنيا و ابين منو الصاج و منو الجذاب .. بس ماحبيت اسوي هالشي لانه حسيت اني راح انزل مستوى هالاشخاص و اقعد احط راسي براسهم عشان اثبت براءتي .. فقلت احسن شي اسكت والايام راح تبين كل شي و مايضيع شي عند الله و الله مايرضى بالظلم



وانا من النوع اللي وايد اصبر

فتخيلي كل هالضغط و اصبر بعدها شيصير؟

انهيار .. تعبت وايد .. و الحمد لله انه من بداية المشاكل لجأت حق الله يعني مو بعد ما زادت ..

لا من البدايه الحمد لله


و تميت اقرا و اصلي وايد ..

خلال هالسنه و 7 اشهر المشاكل بدت تنحل شوي شوي و بطريقه ماكنت اتوقعها ..

دراستي الحمدلله تعدلت وايد و ان شاء الله هالكورس اتخرج

والمشاكل الي صارت بالعايله الحمدلله تعدلت واااااااااااايد

يعني في شغلات بسيطه حيل بالنسبه حق اللي كانت ..

وان شاء الله تتعدل اكثر.. بس يعني مو مأثره وايد لانه فرق فرق كبير الحمدلله تعدلت وايد


نفسيتي الحين احسن من قبل بوايد الحمد لله

و الشغلات الصغيره تعدلت بعد

و سالفة ظلمي .. اللي انظلمت منهم تقريبا فهمو السالفه و متندميين

و باقي اشياء بسيطه كنت اتمنا انها تتعدل لانها راح تعدل شغلات وايد بحياتي

و عند يامل في الله و واثقه انه ماراح يرد دعائي ..

وانا صابره و راح اتم صابره على هالشي .. و ان شاء الله ماراح يخيب ضني



و بس اي سؤال ثاني انا حاضره

 

[Cherrrry]

الحمد لله قريتها اليوم ---> كملت 25 يوم
والله ما ادري اشلون طاااااااارت الايام سبحان الله جني توني باديه فيها!!!
واحلي شئ لما اشوف الجدول والخانات الي حاطه عليهم صح ونااااااااسه صج تشجيع

((( عسي الله يتمم علينا ويثبتنا وينولنا الي في بالنا )))

اميييييييييييييييييييين يا رب


ما شاء الله عليج
استمري لا توقفين

و صح كلامج شعور حلو وانتي تشوفين الخانات قاعده تخلص

والله وناسه تتشجعين اكثر :ggdw:

 

[Cherrrry]

الحمدلله قريتها من الصبح

الحمد لله .. الله يتمم عليج حبيبتي ..

 

[Cherrrry]

الحمدلله انا اليوم 24 ومكملة انشالله

ما شاء الله


خلصتي نص الطريج

مابقى شي وتخلصين ال 40 و تبدين في الثانيه

الله يتمم عليج حبيبتي لا توقفين

 

[Cherrrry]

السلام عليكم ورحمة الله وبركاته

انتو جم ساعه وتخلصون قراة سورة البقرة؟...

استغرب من اللي تقول اخلصها بساعه او نص ساعه
انا قريت نصها بالتمام بساعه واحده وكنت سريعه ولكن بفهم وتشكيل دقيق
قلت لا يمكن احد يقرا اسرع من جذي لا يمكن تخلصونها بساعه ولا تصير قراة مافيها تدبر ولا خشوع

انا في البدايه كنت اطول عن الساعه

بعدها صرت اخلص في اقل من ساعه لانه تقريبا حفظت وايد ايات فيها و اقولهم بدون لا اقراهم


دايما في البدايه الوحده تكون بطيئه لانه في كلمات صعبه

بس بعدين بتشوفين

انا ماكنت اتخيل انه ممكن اخلصها اقل من ساعه لانه قرايتي بالعربي وايد ضعيفه و بطيئه

بس الحين لانه صايرلي وايد اقراها فصارت سهله

 

[flowers_q8]

أسأل الله ياسمه الاعظم الذي اذا سئل به اعطى ان يرزقج كل ماتتمنين ياشيري وانه يوفقج ويسعدج وكل خير يرزقج
صج احبج في الله

 

[ثوانى2]

انا الحمد لله اليوم كملت 32يوم وانشالله اكمل الاربعين و اكمل بعد الاربعين. بس انا من كملت الشهر احس فيني صيحة بدون سبب ابغي اصيح بس ماب عارفه ليش.اخت شيرلى مشكورة على كل شىء والله ينولج مرادج والله يرزقج الخير من كل صوب . ااااااااااااااااااااااااااااااامين يارب العالمين

 

[[ . . Jee Jee . . ]]

الله ينولج اللي ابالج وتتغير اللي باقيه من الشغلات ودج تتغير قولي آمين ..

ماشاءالله عليج ماشاءالله تبارك الرحمن ..

عن النك لااا انا اعرف معناته بس ابي اكتبه نفس نطقه عرفتي لول وتخيلي اقوله نفس ما اكتبه يتعب لول

اي نسيت اقول .. التثاوب والدموع تصير معاي انا قبل كنت افسرها انه نعست عادي ماعرفت انه جذي .. بس مو متأكدة انه كل مرة يتكرر معاي هالشي مو كل مرة قريت صار معاي ..


وثواني جنج من الامارات؟ " حلاة لهجتكم "
ماشاءالله قربتي تخلصين الاربعين ماشاءالله كملي وقاومي وساوس ابليس اللي تخليج تحسين بضلقه وودج تبجين

 

[kuwaitya_zoGaa]

احم احم كملت 30 يوم

 

[flowers_q8]

الحمد لله قريتها وقريت الرقية ادعو لي ربي يتمم علي عفيه وشجعوني صج اني استمر

 

[حـــــلا]

الله يوفقكم كلكم ويتقبل منا ومنكم

اللهم امين

 

[فيفي محمد]

كلوووووووولووووولوووولوش باركولي يابنات خلصت الاربعين الاولي من سورة البقره والبارحه بديت بالثانيه بس قرررت اقراها في صلاة القيام والبارحه بديت يارب ياحبيبي اتنولني الي فبالي ياررررررب انك علي كل شي قدير وترزق من تشاء بغير حساب

 

[[ . . Jee Jee . . ]]

آمين خليدة .. وانتي بعد وينولج الي ابالج ويكرمج باللي ماتوقعينه ..

امس قريتها متأخر .. بس قريتها.. كنت راح احس باحباط قوي لو طوفت يوم وماقريتها

الحمدلله قريتها
حدي فخورة بنفسي

 

[pink-rose]

الله يتمم علينا ان شاء الله
احب اقرا ردودكم بنات ----> اتشجع اكثر

عندي سؤال لcherryشنو الرقيه الشرعيه للعين الي انتي قلتي عنها
انج تقرينها لما تروحين مكان في تجمع او قبل اي طلعه؟؟؟؟

 

[Cherrrry]

أسأل الله ياسمه الاعظم الذي اذا سئل به اعطى ان يرزقج كل ماتتمنين ياشيري وانه يوفقج ويسعدج وكل خير يرزقج
صج احبج في الله

امييييييييييييييييييييييييييييين و اجمعييييييييييييييين ان شاء الله


والله العظيم تحرجوني بكلامكم الحلوو

تسلميييييييييين حبيبتي والله مادري شقولج انا بعد امووت عليكم والله صج احبكم وايد
خصوصا لما اشوفكم ما شاء الله سباقين في الخير

وردودكم تخلي الواحد يتشجع

ما شاء الله عليكم

الله يتمم ان شاء الله

 

[Cherrrry]

انا الحمد لله اليوم كملت 32يوم وانشالله اكمل الاربعين و اكمل بعد الاربعين. بس انا من كملت الشهر احس فيني صيحة بدون سبب ابغي اصيح بس ماب عارفه ليش.اخت شيرلى مشكورة على كل شىء والله ينولج مرادج والله يرزقج الخير من كل صوب . ااااااااااااااااااااااااااااااامين يارب العالمين

امييين يا رب اجمعين ان شاء الله مشكوره واااايد ماتقصرين والله


ما شاء الله مابقى شي الله يتمم عليج حبيبتي ..

لا توقفين استمري

 

[Cherrrry]

الله ينولج اللي ابالج وتتغير اللي باقيه من الشغلات ودج تتغير قولي آمين ..

ماشاءالله عليج ماشاءالله تبارك الرحمن ..

عن النك لااا انا اعرف معناته بس ابي اكتبه نفس نطقه عرفتي لول وتخيلي اقوله نفس ما اكتبه يتعب لول

اي نسيت اقول .. التثاوب والدموع تصير معاي انا قبل كنت افسرها انه نعست عادي ماعرفت انه جذي .. بس مو متأكدة انه كل مرة يتكرر معاي هالشي مو كل مرة قريت صار معاي ..


وثواني جنج من الامارات؟ " حلاة لهجتكم "
ماشاءالله قربتي تخلصين الاربعين ماشاءالله كملي وقاومي وساوس ابليس اللي تخليج تحسين بضلقه وودج تبجين

لووول اي مشكله :dddds: عادي تتعودين عليه بتقولينه وايد :tomato2:


بالنسبه حق الدموع و الدوخه لا تحطين في بالج لانه ساعات لو تحطين في بالج يصير شي نفسي عرفتي
وتقعدين تركزين في الاعراض وتنسين القرايه لول

بس اهيا تصير بدون لا تحسين و اذا زادت عن حدها راح تستوعبين ..

بس استمري في كل الحالات لا توقفين مهما صار .. و ان شاء الله راح تصيرين اوكي



تصدقين اول شي عبالي تسأليني انا لو اماراتيه .. شكيت بنفسي قلت لايكون وايد قاطه بدليات لوول

بعدين استوعبت انه مو عني :dddds:

واي مخي مضيع اليوم