|| حسـيت إنـي كبـرت بسـرعـه أبي افضفض تكفـون:( وإنتـي متـى حسيتـي بهالشـي ؟ .. ! ||

[..<< ندى الورد >>..]

اجمل نساء العالم عسى ربيِ يعوضچ حبيبتي والله

حبوبه عصفوور بالجنه لاتزعلين ياجعله يشفع لج يوم القيامه

 

[مس عسولة]

كل شي خيره وعسي ربي لايحرم احد لامن بنت ولا ولد
والحمد لله حملتي وسقطتي ع الاقل ان شاءالله انج سليمه وبتحملين وتشوفينهم يناقزون جدامج
قوووووووولووووامممممممممين ولكم مثله متعافين وصالحين
المهم انا لما تزوجت واحد ابوه متوفي وع قد حاله
وانا الحمد لله عندي شهاده وبيتهم بيت ورثه وينباع وخوانه بقسايمهم واخته متزوجه
كنت توني متخرجه والبيت يبون حقهم لما انباع الله يحبنا وعقب شلت هم السكن والبنتين والوظيفه
والحين تشوفيني من الهم تعطيني5 سنوات اكبر من عمري مع اني28
والحمد لله ع كل حال
وكل ع همه سرا وانا ع همي سرييييت
والدنيا اختبار واخرتها ( جنه ونار)

 

[ام اغلى الناس]

ياعمري
الله يرزقج الذريه الصالحه
دام حملتي وطاح فيه امل وقريب باذن الله بتصيرين ام
اجل شتقولين عن اللي عمرهم ماحملوا وجسمهم هلك من الابر والادويه
بنت عمتي عمرها 45 وماحملت ولا مره ولاحين تعالج الله يرزقها
انا بعد علاج 7 سنين الحمدلله حملت والله عوضني بولدي عقب ما قربت اياس
ادعي وصلي والله يرزقج

 

[طلة شيوخ]

ماني قايله اللي كبرنييييي زيييييييييييييييييييييييين :eh_s(11)::eh_s(11)::eh_s(11):
حرام عليج قاعدة اشاهق من البجي
بدون شرح دقيق لو سمحتي مرة ثانية :eh_s(11):

 

[شـيـوخـهـ]

اول شي الله يرزقج بالحمل حبيبتي السليم لي تمامه

توج صغيره والحياه جدامج خيره ان شاء الله عشان دراستج بعد استقلي الوقت بالدراسه والسفر والطلعات مع ريلج عيشي عروس هالفتره
وان شاء الله يرزقج عاجل غير اجل يااارب

متى حسيت اني كبرت لما ولدت ثاني ولاده لي وزوجي تخرج وماعنده وظيفه وانا ماعندي وظيفه
بسبب حل مجلس الامه ونطرنا بحدود 8 شهور من غير راتب حسيت اني اندثرت ماني انا متن ويهال فوق بعد الفرق بينهم سنه ونص
سياره ماعندي لبس مثل الاوادم ماعندي!! من وحده تلبس والفلوس راهيه بيدها بحياتها في بيت اهلها لي اول سنين زواجي بحكم زوجي على البعثه وعايشه بره فمعاش راهي لي ناس مايمشي لهم الا بدل الاجار !!
صررت وحده ثانيه اشوف الي حوالي واهلي بس ما احب اطلب حتى من ريلي ما اطلب وعيال ومسؤليه
ومواجيب وانا وين لا تسآليني خلصت من هالهم والحمدالله مشت امورنا توظفنا ورواتب و كل شي تعدل رديت احسن من اول
من كل النواحي اليهال كبروا والمسؤليه صارت اقل وامورنا بحيل الله بتحسن مستمر بفضل الله

ترى الحياه لازم تعطيج من هالهم ومن هالمواقف عشان نعرف الحياه مو سهله هالشي خلاني اعمل
حساب للايام واعمل حساب للصرف علمتني اعدل في نفسي واغير باسلوب حياتي صدقيني هالتجربه
اكيد اجرحتج بس تاكدي انها تصقل شخصيتج تبين لج الحياه مو دايما حلوه ..

 

[مرامى غرامى]

جبتيها علي الجرح منقهرة ودي ابجي طبعي بايخ مااحب اشكي لاحد بس لمتي الله كريم*
الله يرزقج باللي تمنين

 

[آلمآآآسه]

حيأتي والله

عسى ربي يرزقج بالذريه الصالحه ,, توج صغيرونه ,,

انا وآيد اشياء اثرت فيني وحبطتني من كثرها ماعرف شاقول وشنو أخلي ,, المهم باقولج سالفة اختي حبيبتي عسى ربي يحفظها ويوفقها ,, تقريباً كانت مثلج ,, تحب اليهال وايد ويوم قررت تحمل سقطت تخيلي البيبي 4 شهور في بطنها وفجأه ماقامت تحس بلوعة الحمل والترجيع راحت المستشفي تتأكد قالو لها مات ومحتاجين نسوي لج غسيل ,, مسكينه تضايقت وتوكلت على رب العالمين خذت فتره تقريبا 5 شهور وحملت وقالو لها في حملتها البيبي مريض ، تخيلي تشوفين اختج تصيح وصاكه على روحها وتبجي وهي ماسكه المصحف نبي نقعد معاها ونخفف عليها ماكانت تبيني لانها من النوع الي ماتحب احد يشوفها بضعفها ، تسكر على روحها الحمام وتبجي ,, صج كانت أيام مو حلوه وكئيبه ولكن الحمدلله على كل حال ,, توكلت على الله واحتفظت بالبيبي وقالت حتى لو كان مريض عأدي ,, والحمدلله ربي رزقها بجنين معافى عسى ربي يحفظه


دايما بنات توكلو على رب العالمين في جميع اموركم


اللهم لك الحمد والشكر
​

 

[اخت خالتهم]

ياحبايبي يا كويتيات والله
عسى الله يرزقكم كل اللي تتمنونه يارب
قولو امين

 

[حظ من عنده انا]

،​

ياحياااتي فديتج
ربي بيعوضج ان شاءالله وهذي خيـره لج ، وتروحين وتردين بالسلامه حبيبتي راح اشتاق لج :*​

وبالنسبه لسؤالج متى حسيت اني كبرت !​

بعد عرسي بـ3 شهور تهاوشت مع زوجي ابيه يعطيني مبلغ معين لعرس وهو بيعطيني اقل وزعلت ورحت بيت اهلي وكبرت المشكله
تدخل اخوي من ابوي بالموضوع وصار الوسيط بيني وبين زوجي وجا اخوي وقال لي تطلقي منه قال عنج انج خدامه ومذله وبيردج وانتي مذلوله غصبن عنج وقلت يخسي وقال اخوي ارفعي عليه قضية طلاق لان بيطلبج لبيت الطاعه وقلت له روح قول له يطلقني وراح اخوي قال له يطلقني ورد اخوي قال اكسري خطج لاتردين عليه كلش ولاتحاجينه روحي المحكمه باجر ارفعي قضيه ترى راعي مشاكل ناوي على شر يقول خل تجي تنظف البيت وترد تذلف عندكم !! انصدمت قلت معقوله طلع وجهه الصجي !
وحطيت راسي ع المخده وانا ناويه اقعد الصبح اروح المحكمه ودش علي ابوي الفجر وقعد يكلمني ان تفاهمي مع زوجج وجذي ودق زوجي الظهر على ابوي قال بجي اتفاهم معاها
جاني العصر وقعد يترجاني نرد بيتنا مايبي يحاجيني في بيت اهلي وانا زفيته زف وقلت له صج ماعندك كرامه وهو يقول اوكي بس امشي معاي ! المهم رديت بيتي ودشيت داري ولقيت ادويه للراس بالصاله ودشيت غرفة النوم 3 ايام بروحي فيها وهو بس يبطل الباب يدش الحمام ويطلع وطاح غشيان وخليته ماشلته وقعد قال جيبي لي ماي قلت له رجولك عندك كنت بكرهه فيني ابيه يطلقني بدون محاكم وسكت وبعد اليوم الثالث قال لي اذا بتروحين بيت اهلج لبسي قلت مااطلع الا لما تطلقني واغراضي معاي لانك مورجال حقير نعال وصخ خــ×× وكلام وسب واجد وهو يصرخ بس سكتي ولاكلمه وانا اسب اسب اسب واقوله لو انك رجال طقني يلا بشوف رجولتك ويمسكني ويدخلني الغرفه يصرخ يقول سكتي لاتحجين لاتطلعين بس وانا اصرخ لو انك رجال رد علي !! والا ادق على اخوي قال دقي عليه خل يجي دقيت عليه وقلت له تعال لي بيتي قال ليش رديتي؟؟ انا مالي شغل فيج وسكره بوجهي وزوجي ابتسم قال قلت لج ماراح يجي قلت لا بيجي وادق عليه يسكره بوجهي ودق على امي يصرخ ليش تروح معاه ليش ؟؟ قال زوجي تدرين اخوج لما جاني هني شنو قال لي ؟؟ قال يقول طلقها ترى هذي اختي من ابوي سحاره وامها سحاره ووصخه رايحه فيها باجر تسحرك تخليك تمشي مجنون وترى عندها سوالف طلقها ترى انا ما جبت عيال من سحرهم انت رجال خوش واحد ماشفت منك شي ومعتبرك مثل اخوي لان مابيني وبينك شي والله ابي لك الخير ومابيك تشربك معاها وتعال ازوجك بنت اختي من امي وابوي !! قال زوجي ماكنت بقولج عشان لاتنصدمين بس جبرتيني بعد كلامج اقولج وكسرتي خاطري حيل شاده الظهر فيه ! متخيله الطعنــــه والصدمـــه ؟؟ متخيله شنو سويت بزوجي عشان كلام جذب ماقاله وماله ذنب فيه قلت له تدري اهو شنو قال لي قال انك قلت اني مذله واني خدامه و.. و.. و.. والا يمسك المصحف وقعد يحلف ان ماقال هالحجي وان مستعد يواجهه في بيتي او بيتنا وجدام اهلي ودزيت مسج لاخوي قال مابي اواجهه اذا شفته بذبحه انا من الصدمه دشيت الحمام قعد اصرخ وابجي بجي واطق راسي بالطوفه ابي كل الي صار ما صار وزوجي يطق الباب حيل يقول لاتبجين بس بتموتين من البجي انا من الصدمه ابجي وامجع شعري واصرخ وهو يبجي برا الحمام والا يكسر الباب ويسكتني وانا اطق راسي بصدره حيل وابجي بجي ويحطني عالسرير وابجي ومن كثر ما اصرخ اعض الكنبل واصرخ وابجي بجي وهو يهديني ويحط ايده على راسه بس لاتسوين بروحج جذي من اليوم ورايح انا اخوج انا ابوج انا ظهرج وعزوتج وسندج بهالدنيا قعدت اترجاه يسامحني على كل كلمه قلتها له قال انتي حييييل جرحتيني قلت له سامحني بس والله آسفه يقولي انا من الحره بس ابجي عمري مابجيت من الحره طحت 3 مرات اول ماقالو تبي الطلاق واول ماطحت جدامج وطحت اليوم بالدوام عليهم ! وفيني حراره 3 ايام من القهر الي يصير ومن باجر انا من الصدمه طحت على زوجي حراره يومين وعساه يذوق براد الجنه ماقصر معاي شالني شيل ،
اخوي يطعني ! اخوي بيهدم بيتي ! اخوي الي وقف بخطبتي وبملجتي والي حطيته عصبة راسي جدام الله وخلقه اخوي الي من اول المشكله اخذ رأيه وابجي عنده واشكي له وامشي ورا رآيه يسوي فيني جذي ؟؟ وجدام منو زوجي !! وليش بيهدم بيتي ؟ وليش بياخذ زوجي وليش يتكلم علي جدامه ؟؟ حتى لو كنت انا وصخه مايقول جذي ليش قال جذي ليش طعني ما ادري ؟؟
قال زوجي اصلا لما قال لي هالحجي عنج وعن امج طردته من البيت قلت له ما يشرفني استقبل واحد يتكلم بشرف اخته جدامي يقول طردته من البيت وهو يقول والله ما اخليها ترد لك !​

( الله يسامحج والله كتبت هالــرد كله وانا ابجــي والله دموعي تغووورق وصوتي راح ) ​

اكره اتذكر هالسالفه ودي الي صار هذا ينمسح من ذاكرتي لان ابجي كل ماتذكرت هالموقف وحتى زوجي بعيد زواجنا يقول سبحان الله انا معاج ؟ سبحان الي طوف هذيج السالفه عاد بين فتره وفتره يتذكر هالموقف وانا تخنقني العبره اقوله غير الموضوع ): ​

هذي كانت اقوى واكبر صدمه بحياتي صحتني حيل وعلمتني ما اثق باحد كلش وخلتني اتعلق باخوي الي من امي وابوي واحبه حب واتمنى انه يكبر بسرعه عشان اذا تزوجو خواتي يصير عندهم ظهر صج مو مثلي جدام زوجي مالي ظهر : ( وصرت لما اسمع اغنيه او اقرا توبك عن الاخو وانه سند وظهر بهالدنيا تخنقني العبره كل ما اشوف وحده عندها اخوان اكبر منها من امها وابوها اقول ياحظها وراها ظهر وعزوه تملي عين زوجها وكرهت اخوي من ابوي كره واتمنى اشوف حوبتي فيه اليوم قبل باجر وهالشي حيل خلاني اتقرب لزوجي ومشاكلنا صغيره وبينا وحيل كبر بعيني وحسيت انه شاريني وصار يلبي لي كل شي ويداريني بس السؤال يداريني عطف والا حـُب ؟ واذا صرنا بمشكله اروح اشكي له منه جنه اخوي واشكي له من زوجي وهو يقول زوجج مايستحي وينه بطقه واتفاهم معاه ونتراضى ​

من هالموقف حسيت اني كبرت حيل حيل حيل والحمدلله على كل حال ​

:eh_s(2): ي الله بجييتيييني بسالفتج


وانا مثلج اخووي صغير

ودايم اذا شفت اللي عندها اخوان وسسند اكبر منها اقول ي حظها ماشاء الله


زوج اختي الحقير اذا تهاوش معاها يقولها روحي روحي لبيت اهلج انتي ماعندج عزوه

ولا سند

ابوج رجال كبير عساه يشيل عمرررره :eh_s(2)::eh_s(2)::eh_s(2): حقييييييير حقير حقير

والمشكله اختي قالت كلامه لامي وابوي سمعها لا تشوفين شلون ابوي انصدم بكلام الحقير

 

[مهآآآآآ]

ي عمري اخت خالتهم ..~
شلونج ي قلبي .. لج وحشششه ..~
اسم الله عليج حبيبتي تعوذي من الشيطان
هذا كله من الهرمونات تلعب بالنفسيه لعب ..~
حرام اذا زوجج زين لاتغثينه ترى يتضايقون بسسرعه
اخذي فتره راحه عند اهلج غيري جوو ..~
فضفض لزوجج مافيها شي .. خليه يخفف عنج شكلج حاسه بالمسؤوليه بروحج ي عمري ..~
افا عليج هذا وانتي اسم الله عليج كنتي شزينج بقسم العرايس والله اذكر كل ماييتج متضايقه القاا عندج الفزعه
وساعدتيني بالتجهيز واااايد وكنتي اسم الله عليج محبوبه من الكل بالقسم وبيوم عرسسسج كان الكل متيمع ويدعي لج ..~
فديتج خلي سوره البقره على طول شغاله ومافي الا الخير ..~
عادي الزواج سنة الحياه :eh_s(7):

 

[متوفيه]

السلام عليكم حبيبتي لا تكدرين عادي انا أعرف وحده سقطت 3 مرات وتالي حملة بتوم والحمدلله قامت بالسلامه
لا وماصدقة خبر الحين حامل
بس بسـأل سؤال قصدج اهل سوريه والا يفرج عن سوريا الديره

 

[بيتي بوب بس كويتيه]

حبيبتي والله الله يعوضج انشالله

انا حسيت أني كبرت بها لفتره لما يبت الياهل الثاني
لانه بالأول كان ريلي بكل شي يساعدني وما كان عندي خدامه
الحين من يبت الثاني واهوا قاط المسؤوليه علي كامله
وآهوا بس هياته مع ربعه بالمجمعات
وصلت لمرحله أني ابجي بالليل لانه احس أني كمبيوتر كل شي علي
ولازم أتذكر كل شي حتى لو انه تسجيل الروضة مو شارطين حضور الاب جان خلاني انا اروح

تدرين الحين شنو سويت لما حسيت أني كبرت والمسؤوليه كله علي
اشتركت بنادي شامبيز سنه
لما اروح نفسيتي ترتاح
الي يساعد ساكنه بيت حموله اقدر اخلي عيالي
من دخلت النادي نفسيتي ارتاحت وحسيت أني رديت احب نفسي
والحين بجبر ريلي يتحمل مسؤوليه عياله كامله

 

[OM 9ALO7]

اخيييه الموضوع يعور القلب والله الله يفرج عن كل وحده فيكم كربتها ويهون مصايبها وابتلاءاتها يارب

متى حسيت اني كبرت لمه انخطبت صارت لي وايد مشاكل مع اعز ناسي الي اهمه بنات من عايلتنا سببولي مشاكل وحجي وحش لي الراس ما خلوني اتهنى بفرحتي ولمه تزوجت صارت لي سالفه شوي كدرت اول اشهر زواجنا بس السالفه كانت بيني وبين زوجي والحمدالله عدت بس حسيت من هالتجربتين اني كبرت وقمت افهم الدنيا غير الي كنت شايفتها .. والسالفه الثالثه الي كبرتني يوم امي طاحت مريضه علينا بمرض الشين هالشي الي صارلنا فاجأني وحطمني بس الحمدالله تعافت ياربي لك الشكر .

 

[اخت خالتهم]

مهاا
حبيبتي الله يجبر بخاطرج ياارب قوولي ااامين
هذا من ذووقج حبيبتي

متوفية عن سوريا الديره

 

[روح عبود]

الله يجبر خاطرك مثل ما جبر خاطري
أنا حسيت اني كبرت وشلت الهم من صغري من بعد ما سقطت خصوصا ان الحمل كان عقب خمس سنين حسيت اني شيبت بس ربي رحيم عوضني بأحلى اثنين في هالدنيا وللحين كبيرة وشايلة المسؤلية بس الحمدلله الهم راح وربي يعوضك انشاء الله
كانت نفسيتي دمار أقعد من نومي أبكي ليل نهار أدور حضن أبكي فيه وزوجي الحمدلله نتفهم وما قصر ساعدني بس هم جننته وحطيت اللوم عليه
تعرفين النفسية شلون تلعب دور

 

[watermelon..]

ووواي فتحتي جروووح وذكرتيني بالي مضى انا تطلقت وانا توني بدخل ال ١٧ والزواج كان كله بسبه امي وابوي والطلاق بعد من امي وام ريلي اهلي زوجوني بالغصب ويوم عرست كلش ماسولي قدر عند الناس
والله كنت في الثانويه وطلعوني من المدرسه لاني معرسه واظطريت اعيد السنه مع اني شلطرع وتميت في ثاني كلش غير كل ساكته كلن يسالني شفيج وامشي مفهيه مخي في عالم والناس في عالم احس اني صحت صياح اكبر من عمرري بس الحمدالله تغلبت على هالشعور وفي ثالث جبت نسبه عاليه وسويت رجيم وضعفت من يومها وانا احب عمري و الحياه ولا افكر فالي فات وانطر نصيبي ان شاءالله ربي يعوضني ,,

 

[M!ss Pa!n]

الحمدلله على كل حال وانتي بعد حاسة فيج بس بعد سافري العمرة بتحسين براحة صدقيني ولكن قولي الحمدلله على كل حال عندج اهلج الله يخليهم لج وزوجج اوكيه الله يخليكم لبعض ولايفرقكم جوفي مشاكل الاخرين بعد بتهون عليج مشكلتج لاتفكرين اني اصغر مشكلتج لا بس الحياة جذي ومحد مرتاح الكل عنده هموم حتى لو شي بسيط وتافه بس تختلف النسبة , بالنسبة لي متى حسيت اني كبرت الله كريم من صغري شايلة مسئولياتي بنفسي ومعتمدة على روحي حتى في اصعب الاشياء وكبريائي وكرامتي هم اللي مضيعيني فمااحب اطلب من اي احد شي حتى اقرب الناس امي بس رغم ذلك مازال فيني روح طفلة وخصوصا شكلي يساعدني

 

[شيخة الحلووين]

لا تقل يارب همي كبير ولكن قل يا هم لي رب كبير

 

[om MaRyooM]

وييي اثاري مو بس انا احس بهالشعوووور لووول

حبيبتبي الله يعوضج ويسخرلج زوجج وتتهنووون يارب




شوفي
انا احس اني كبرت لما صارت مشاكل مع اهل زوجي ..
ولما يبت بنتي الزانية تعببببببببت تعبت حييييل وانهد حيلي فعلا احسيت اني ماما عوودة هههه




والله يفرج هم كل مكرووووب

 

[بنوته مقهوره]

يااااااااااا انا كبرت لمن تزوجت هالزوج الفاشل..كل شي سويته وكل شي عطيته والتاليه انا ماسووويت شي تركت روحي تركت صديقاتي عشاااانه وعشان بيتي وعيالي وقابلني بالخياااااااانه ..شفته بعيني يخووون ويكتب كلام حب وغزل وانا اللي محرومه منه..بس تعلمت اعيشش عشان روحي وعشان عيالي بسس واهو اخر ماافكر فييه (كبرررررت الف سنه من اللي شفته )