|| حسـيت إنـي كبـرت بسـرعـه أبي افضفض تكفـون:( وإنتـي متـى حسيتـي بهالشـي ؟ .. ! ||

[اخت خالتهم]

نـدى فديتج والله يا الغـاليـة ..
انا الحمدلله بسالفة الزواج شوي امنـع نفسي بشغـلات واايد
يعني هالسالفه ما ابيـن حق زوجي اني أبيها ضروري
بس كـان ودي افضفض عند أحـد ..

انا خواتي ما حملو الا وعمرهم 22 و 24
توني صغيره والله .. بس الوحده تتعلـم
وان شاءالله بفرفش و اعيش حياتي هالست شهور
واستمتع

و بخصوص الي انصدمتي منهم لاا تخلينهم يأثرون بحياتج
وخلي فيج ثقة ان طيبة القلب مهما كان لها اثار سلبية
بس اثارها الايجابية اكثر
كافي راحة البال و انج تتمنين الخير لغيرج

 

[حلـم لــم يكتمل]

هلا ياقلبي عسى الله يسعدج بحياتج يارب وتوج صغيره فديتج عيشي حياتج واستانسي مع زوجج واهلج
بالنسبه لي انا من من سنتين تقريبا يعني من ولدت بولدي والجين احس اني عايشه بسن اليأس ههههههههههههه

 

[اخت خالتهم]

حلم لم يكتمل ههههههههه فديتج والله وفديت مرورج
عاد شدعوه سن اليأس ههههههه الله يرزقج من واسع ابوابه

 

[منال $]

كبرتني ياهم

 

[أم عزيـز]

يا بعد قلبي ربي يخليلج امج وابوج ويطول بأعمارهم وعساهم ذخر يارب

شوفي حبيبتي انا حسيت اني كبرت وحسيت بالمسؤوليه يوم يبت عيالي الكبار وره بعض
خاصه دوامي متعب 8 ساعات ياخذ مني وقت وجهد بس الحمدالله تأقلمت مع الوضع ولي يومج عمري ماشكيت لأهلي
حتى امي تعصب علي تقولي ليش عمرج ما استشرتيني او قلتيلي شنو فيج اذا كنتي زعلانه

وكنت اقولها بالعكس لازم تفرحين ان ماعندي مشاكل ولا عندي هموم وهذا دليل اني ولله الحمد قادره ادير بيتي
وامي بروحها بهد عمري مسؤوليتها وايد ولاهيه مع اخواني فما ابي اثقل عليها


المهم انتي توج صغيره لا تحسبين هاللي صار لج هم او كبرج
هذا اختبار من ربج ولاحقه على المسؤوليه يا حياتي

 

[شادن33]

عمرى والله الله يعوضج خييير واتييبين تووم يارب
اكيد هذا اكتئاب الاجهاض تؤجرين عليه باذن الله
وبالنسبه لي انا حسيت اني كبرت لما من اول مااتزوجت وحملت على طووول حسيتها مسؤوليه مااعرف لها
الله ايبارك فيهم انشالله
يلا عاد خلج فرفوشه ولاحقه ع الحمال صغيرة حبيبتي

 

[! بــدويه وآآيــد !]

،​

ياحياااتي فديتج
ربي بيعوضج ان شاءالله وهذي خيـره لج ، وتروحين وتردين بالسلامه حبيبتي راح اشتاق لج :*​

وبالنسبه لسؤالج متى حسيت اني كبرت !​

بعد عرسي بـ3 شهور تهاوشت مع زوجي ابيه يعطيني مبلغ معين لعرس وهو بيعطيني اقل وزعلت ورحت بيت اهلي وكبرت المشكله
تدخل اخوي من ابوي بالموضوع وصار الوسيط بيني وبين زوجي وجا اخوي وقال لي تطلقي منه قال عنج انج خدامه ومذله وبيردج وانتي مذلوله غصبن عنج وقلت يخسي وقال اخوي ارفعي عليه قضية طلاق لان بيطلبج لبيت الطاعه وقلت له روح قول له يطلقني وراح اخوي قال له يطلقني ورد اخوي قال اكسري خطج لاتردين عليه كلش ولاتحاجينه روحي المحكمه باجر ارفعي قضيه ترى راعي مشاكل ناوي على شر يقول خل تجي تنظف البيت وترد تذلف عندكم !! انصدمت قلت معقوله طلع وجهه الصجي !
وحطيت راسي ع المخده وانا ناويه اقعد الصبح اروح المحكمه ودش علي ابوي الفجر وقعد يكلمني ان تفاهمي مع زوجج وجذي ودق زوجي الظهر على ابوي قال بجي اتفاهم معاها
جاني العصر وقعد يترجاني نرد بيتنا مايبي يحاجيني في بيت اهلي وانا زفيته زف وقلت له صج ماعندك كرامه وهو يقول اوكي بس امشي معاي ! المهم رديت بيتي ودشيت داري ولقيت ادويه للراس بالصاله ودشيت غرفة النوم 3 ايام بروحي فيها وهو بس يبطل الباب يدش الحمام ويطلع وطاح غشيان وخليته ماشلته وقعد قال جيبي لي ماي قلت له رجولك عندك كنت بكرهه فيني ابيه يطلقني بدون محاكم وسكت وبعد اليوم الثالث قال لي اذا بتروحين بيت اهلج لبسي قلت مااطلع الا لما تطلقني واغراضي معاي لانك مورجال حقير نعال وصخ خــ×× وكلام وسب واجد وهو يصرخ بس سكتي ولاكلمه وانا اسب اسب اسب واقوله لو انك رجال طقني يلا بشوف رجولتك ويمسكني ويدخلني الغرفه يصرخ يقول سكتي لاتحجين لاتطلعين بس وانا اصرخ لو انك رجال رد علي !! والا ادق على اخوي قال دقي عليه خل يجي دقيت عليه وقلت له تعال لي بيتي قال ليش رديتي؟؟ انا مالي شغل فيج وسكره بوجهي وزوجي ابتسم قال قلت لج ماراح يجي قلت لا بيجي وادق عليه يسكره بوجهي ودق على امي يصرخ ليش تروح معاه ليش ؟؟ قال زوجي تدرين اخوج لما جاني هني شنو قال لي ؟؟ قال يقول طلقها ترى هذي اختي من ابوي سحاره وامها سحاره ووصخه رايحه فيها باجر تسحرك تخليك تمشي مجنون وترى عندها سوالف طلقها ترى انا ما جبت عيال من سحرهم انت رجال خوش واحد ماشفت منك شي ومعتبرك مثل اخوي لان مابيني وبينك شي والله ابي لك الخير ومابيك تشربك معاها وتعال ازوجك بنت اختي من امي وابوي !! قال زوجي ماكنت بقولج عشان لاتنصدمين بس جبرتيني بعد كلامج اقولج وكسرتي خاطري حيل شاده الظهر فيه ! متخيله الطعنــــه والصدمـــه ؟؟ متخيله شنو سويت بزوجي عشان كلام جذب ماقاله وماله ذنب فيه قلت له تدري اهو شنو قال لي قال انك قلت اني مذله واني خدامه و.. و.. و.. والا يمسك المصحف وقعد يحلف ان ماقال هالحجي وان مستعد يواجهه في بيتي او بيتنا وجدام اهلي ودزيت مسج لاخوي قال مابي اواجهه اذا شفته بذبحه انا من الصدمه دشيت الحمام قعد اصرخ وابجي بجي واطق راسي بالطوفه ابي كل الي صار ما صار وزوجي يطق الباب حيل يقول لاتبجين بس بتموتين من البجي انا من الصدمه ابجي وامجع شعري واصرخ وهو يبجي برا الحمام والا يكسر الباب ويسكتني وانا اطق راسي بصدره حيل وابجي بجي ويحطني عالسرير وابجي ومن كثر ما اصرخ اعض الكنبل واصرخ وابجي بجي وهو يهديني ويحط ايده على راسه بس لاتسوين بروحج جذي من اليوم ورايح انا اخوج انا ابوج انا ظهرج وعزوتج وسندج بهالدنيا قعدت اترجاه يسامحني على كل كلمه قلتها له قال انتي حييييل جرحتيني قلت له سامحني بس والله آسفه يقولي انا من الحره بس ابجي عمري مابجيت من الحره طحت 3 مرات اول ماقالو تبي الطلاق واول ماطحت جدامج وطحت اليوم بالدوام عليهم ! وفيني حراره 3 ايام من القهر الي يصير ومن باجر انا من الصدمه طحت على زوجي حراره يومين وعساه يذوق براد الجنه ماقصر معاي شالني شيل ،
اخوي يطعني ! اخوي بيهدم بيتي ! اخوي الي وقف بخطبتي وبملجتي والي حطيته عصبة راسي جدام الله وخلقه اخوي الي من اول المشكله اخذ رأيه وابجي عنده واشكي له وامشي ورا رآيه يسوي فيني جذي ؟؟ وجدام منو زوجي !! وليش بيهدم بيتي ؟ وليش بياخذ زوجي وليش يتكلم علي جدامه ؟؟ حتى لو كنت انا وصخه مايقول جذي ليش قال جذي ليش طعني ما ادري ؟؟
قال زوجي اصلا لما قال لي هالحجي عنج وعن امج طردته من البيت قلت له ما يشرفني استقبل واحد يتكلم بشرف اخته جدامي يقول طردته من البيت وهو يقول والله ما اخليها ترد لك !​

( الله يسامحج والله كتبت هالــرد كله وانا ابجــي والله دموعي تغووورق وصوتي راح ) ​

اكره اتذكر هالسالفه ودي الي صار هذا ينمسح من ذاكرتي لان ابجي كل ماتذكرت هالموقف وحتى زوجي بعيد زواجنا يقول سبحان الله انا معاج ؟ سبحان الي طوف هذيج السالفه عاد بين فتره وفتره يتذكر هالموقف وانا تخنقني العبره اقوله غير الموضوع ): ​

هذي كانت اقوى واكبر صدمه بحياتي صحتني حيل وعلمتني ما اثق باحد كلش وخلتني اتعلق باخوي الي من امي وابوي واحبه حب واتمنى انه يكبر بسرعه عشان اذا تزوجو خواتي يصير عندهم ظهر صج مو مثلي جدام زوجي مالي ظهر : ( وصرت لما اسمع اغنيه او اقرا توبك عن الاخو وانه سند وظهر بهالدنيا تخنقني العبره كل ما اشوف وحده عندها اخوان اكبر منها من امها وابوها اقول ياحظها وراها ظهر وعزوه تملي عين زوجها وكرهت اخوي من ابوي كره واتمنى اشوف حوبتي فيه اليوم قبل باجر وهالشي حيل خلاني اتقرب لزوجي ومشاكلنا صغيره وبينا وحيل كبر بعيني وحسيت انه شاريني وصار يلبي لي كل شي ويداريني بس السؤال يداريني عطف والا حـُب ؟ واذا صرنا بمشكله اروح اشكي له منه جنه اخوي واشكي له من زوجي وهو يقول زوجج مايستحي وينه بطقه واتفاهم معاه ونتراضى ​

من هالموقف حسيت اني كبرت حيل حيل حيل والحمدلله على كل حال ​

 

[فيلسوفة قلبي]

أشوف الهم بأيامي وحزني للزمان يلووح ..
الأ ياحزني الهالك تحمل مني أعتابي ..​

تحملتك وأنا من ضيقة أيامي عجزت أبووح
تبعتك لين ما ثأر التشاؤم وأنكــسر بــآبي ..!​

تساوينا أنا وبعض الشعور بماضي مطروووح
رضيت بالألم بس الألم ما عاد يرضى بـــيّ!!​

أمل صرنا نعيشه و آلعمر فوق الجرآح ينوووح!!
يموت ويندفن دمعه وأنا أحفرله تـــــــــرآبي ..!!​

رجعتي لي الموآجع =( ​

:eh_s(2):

من وأنا صغيرة عآيشة بهم وكلهم كآنوآ يقولوا لي أنتي أعقل عن عمرج ..​

عشت معاناة من الصغر امي بسبب تغربها عن أهلها صارت عصبية وتقط عليّ سب و ضرب وسآعات تطلعني برآ البيت ​

ولما وصلت الثانوية مرضت ونحل جسمي وآيد تخيلوا كان وزني 54 وصار ل30 وأنا بالثانوية ​

ألكل كان يشهد عليّ أني عاقلة بس الهم كبرني وآآآآآآيد وخلاني أشوف الأمور بمنظور ثاني ..​

وأبوي عايش مع مرته الأولى يعني نادر ماأشوفه , ​

لما خلصت الثانوية رحت أزور رفيجتي كنت ذيك الفترة متعرفة عليها وشآفني أخوها وخطبني كآن لا زال يدرس وأنتظره سنة حتى نتزوج​

بس شووو !! أنسان معقد يكلمني يوم ويزعل مني بدوون سبب شهر وأسبوع ما يرد علي ومطنشني بدون سبب​

ويقعد يتمصخر عليّ ​

وأنا متحملة لأني تعبت من عيشة الضرب والأهانة بس قلت لنفسي ل هنا وبس أنفصلت عن خطيبي رغم أني كنت أحببببببببببببه بس ما حبيت أتزوج ويعاملني بهالأسلوب ​

وتوظفت بعدها وتركت هم الدنيا ورا ظهري كل من شافني يقول لي ليش ددوم الحزن يلمع في عيونج ​

وربي ما أتحمل أبجي بقوووة لآ من أم ولا من أب ولآ من خطييبي السابق ,, والحمدلله تقدم لي شخص ثاني ووافقت عليه وأنا توني بعمر 21 بس شنو يقول لي , أنتي تفكيرج أكبر من عمرج ​

أقوله الدنيا كانت مدرسة قاسية لي وتعلمت منها غصب عني .. وربي أنه ربي عوضني بهالأنسان ,, ​

والحمدلله بنت خالتهم , الدنيا ماشية دآم ما زلنا أحياااء ^^ ​

ولا تكدرين رووحج تذكري أن لنا رب كبير ,, أن ربنا إذا حرمنا من شئ فأكيد يريد يمنحنآ شئ أفضل ​

الله يوفقج حبيبتي ويخليج أمج وأهلج وريلج يرزقج الذرية الصالحة..​

 

[Beyoncee]

حبيبتي صاحبة الموضوع اسمحيلى ارحب برجعة بدويه واااايد
هلا وغلا ويامرحبا فيج بين خواتج
نرجع لموضوعج اخت خالتهم
والله قريت الموضوع وطلعت ما عرفت شرد وموضوعج علق براسي يوم
بداية الله يعوض عليج ويرزقج الذريه الصالحه
يا طويلة العمر
يوم صار الغزو كبرت عشر سنين
يوم توفى ولدي الجعده كبرت عشر سنين
يوم طيحت اول مره كبرت عشر سنين
طيحت ثاني مره كبرت عشر سنين
حملت خارج الرحم ووصلت الموت لو مو رحمة الله سبحانه كبرت عشر سنين
يوم احتجت امى وخواتى بكلمة حق ما قالوها بحقي عشان مصالحهم كبرت عشر سنين
ويوم ويوم ويوم
تكفين موضوعج واااايد عور قلبي

 

[amami al-kuwai]

انا بعد مانزوجت ما حسيت اني كبرت واحس اني لحد الحين بيبي

بس لما حملت وطلح البيبي احس شلت هم كبير << نفسج

بس كان عادي الا اللي يكلمني عن هالموضوع او يسألني ماحملتي هني اطقها بجيه

اما لحد الحين احس نفسي بيبي

 

[اخت خالتهم]

حبيباتي حيـاكم الله

بدوية وايد صدمتيني وبجيتي والله
يااااحلوج ماتستاهلين اللي صار
صج اللي يشوف مصيبة غيرة تهون عليه مصيبته

حيـاكم الله بنات .. ونورتوني

 

[شادن33]

اخت خالتهم الله يهداج
طلعتي ماااااسي البنات

 

[*E.B.D.A.3*]

حياااااااااااتي ابدوية وايد
يمه فديتج ماتستاهلين الي صار ورب الكعبه
الف حمدلله الي عدت على خير ، وزوجج معاج ويمج
يابعد عمري والله

 

[اخت خالتهم]

شادن
ااي والله عبالي انا مشكلتي اكبر مشكلة بتصير
سبحان الله

 

[سمسمة كويتية]

بدوية وايد الله يسامحج بجيتيني

اخت خالتهم
ترى ماكو أحد مرتاح بالدنيا أنا صارلت لي أشياء بحياتي ما أقدر حتى أفكر فيها أشياء كبرتني و حطمتني
أضحك مع الناس و من داخلي ابجي
صج الطير يرقص مذبوحا من الألم
بس الحمدالله على كل حال الله رزقني بزوج يحبني و أحبه و الحياة عمرها ما تصير كلها سودة لازم يكون فيها شي حلو ، تمسكي بالشي حلو و خليه جدام عينج و انسي كل شي يكدرج

و لا تنسين ان المسلم حتى الشوكة الي يشاكها بقدمه له فيها أجر فما بالج بالاشياء الثانية
الله يسعدج حبيبتي

 

[amami al-kuwai]

امبيييه بدويه وايد يمه شنوعورتي قلبي

الله لا يسامح اخوج

والله يخلي لج زوجج

 

[جولينار]

بصراحه من تزوجت وصارت الناس تعاملني على اني مدام وانا 18 سنه

حسيت اني كبرت كبرت كبرت ..


وغير كذا تأخر حملي وصرت شايله همي بيدي

ماحب اشتكي لا لاب ولا لأم ولا لأخ حتى صديقاتي أكابر أكابر أكابر :eh_s(2):


وهالشي متعبني :eh_s(2):


حتى اهل زوجي ساكنة معاهم بس عمري مافتحت قلبي لهم مع انهم حليوين وحبابين

للأسف حتى زوجي سالفه الحمل اخذها بعبط واضحك واقول تزوجنا بدري انا واياك وهذي الضربية

ومن داخلي مجروووووحه مرررررررررررررررررهـ :eh_s(2)::eh_s(2)::eh_s(2):


وصارت لي مشكلة مع انسان قريب مني مررررره والسبب وحده دخلت بيننا وخربت علاقتنا


حسبي الله ونعم الوكيل


وهالانسان يهمني كثير الحين الوضع تعدل بس جرحي مابراااا:eh_s(2):


حتى بنت خالتي مرره تقولي اسم الله عليك ماعندك مشاكل الله يتمم لك


بس انا بشر واكيد أمر بمشاكل ولأني حساسه تأثر فيني كثير بس اكتم :eh_s(2):


و اواجه كل الناس باٍبتسامه وحمد وشكر وضحك ووناسه


ماحب اشتكي ماااااااااااحب وهالشي مأثر علي:eh_s(2):



وش هالموضوع اللي هيضني

 

[G!RLooNa]

يعور القلب موضوعكم

الله يعوض كل وحده فيكم انشالله احسن من اللي فقدته

 

[))) ساره (((]

الحمد لله على كل حااااااااال اكتفي بهالجمله وووبس

 

[noo7a]

عسى الله يرزقج بالبيبي الي يفرح قلبج

عني انا اممم مريت بوايد شغلات كبرتني
بس اهمها
يوم هديت شقتي و رحنا سكنا ببيت اهل ريلي
و منطقتهم بعيده عن بيت ابوي
اخييييه
حسيت وقتها بقيمه امي
و شكثر كنت حقيره معاها
اخيه يا يمه