|| حسـيت إنـي كبـرت بسـرعـه أبي افضفض تكفـون:( وإنتـي متـى حسيتـي بهالشـي ؟ .. ! ||

[ضحكة]

ياحيـــــــــــــــــــــاتي

الله يعوض عليج انتي كنت بتجمعنا للحوامل مانسيتج

هذا اكتئاب مابعد الأجهاض بس شيلي فكرة الحمل فترة ريحي والله يعوض عليج

واذا متى حسيت اني كبرت

آه بس جاسؤالج على الجرح

حسيت اني كبرت يوم كان عمري 19 سنة وعندي بنتين

وزوجي حبيبي تزوج علي شي لاعلى البال ولا على الخاطر

وانا حتى دراستي خليتها من متوسط

ومراهقة وقفت في وجه هلي عشانه

خلي الي بالقلب بالقلب يجرح ولا يطلع ويفضح

وضليت فترة حالتي النفسية من سيئة لأسواء

بس الحمدلله ماشي يستاهل
وكلنا بنصير تحت التراب
​

 

[زين ودلال]

الله يعوضج ان شاء الله..واهم شي الفضفضه لا تخشين بقلبج

انا حسيت اني كبرت من ولدت بنتي حسييييييييت اني حيييييييييييييييييييييل كبرت وكل شي تغير فيني

 

[عسل مرت قيمر]

مادري ليش دمعت عيني







الحمدلله لك ياارب

 

[مترجمه]

يحبيبتي خيييييييره الله اعلم صدقيني وكلي مصيرج لربج عن نفسي من تزوجت كبرررررت ونفسيتي تعبت من مشاكل ورا بعض لافرحه ولاهنا خليها ع الله ومسكين الي ابطني مافرحت بحمالي هذا البجر كاسر خاطري كله مشاكل ونجرة ايييييه ضيم شنسوي الله كريم ان شالله ماضاقت الا لتفرج ياخيتي

 

[د.باريس]

انا طموشة ..
عمري داخله 24..درست طب اول ثلاث سنين كانت متعبة جداً ولكني كنت عايشة الحياة الحمدلله
حسيت اني كبرت السنة هذي بس ..لما شفت نفسي اضعف قدام كثير من المواقف و افقد اعصابي و اتوتر بسرعة ..
ولما حسيت ان فيه فاصل بيني وبين البنات نشئ بسبب فارق العمر لأن دفعتي اصغر مني بالعمر ..
و عالجتها بالتوكل على الله ثم المشي الاسبوعي لحالي لمدة ساعتين ..هنا بدت ترجع لي الحياة و ازيدها تطنيش لا ضايقتني
: )
وحالياً بديت اخطط اكمل بعض الدورات اللي كنت متعودة استغل بها وقتي

اخت خالتهم ..
احنا نكبر باليوم اللي ما نفرغ فيه طاقتنا السلبية و نسمح للهم انه ياكلنا

ما يضر كوب قهوة قدام البحر لمدة نص ساعه كل اسبوع مره .. : )

والله يبعد الاحزان و الضيقة عن قلب كل مسلم

 

[طعنـــة غـــدر]

الله يفرج همومكم وهمي والله لو اكتب لصير فلم هندي قاتل من البجي >>>>>>>>> قلبها متروسا
الله يعلم بالحال ربي فرج همي وغمي ::*_*::

 

[MzOoOn 22]

تزوجت من سنيتن وكنت مو حاسه اني متزوجه عبالي ليلحين دلوعه اهلها محد يرفض لها طلب .. انصدمت اول الزواج بقوانين وربي ماكانت صارمه مثل ما اسمع من البنات لكن لاني مدلعه عند اهلي وكلشي عندي ومتوفر وما اقول أبي الا اهو عندي وما اقول لابوي فديت عمره ابي فلوس الا دايركت ما يتعذرر ولو تعذر يعطيني واحلا مبلغ بعد عسى الله يعطيه طوله العمر يارب
انصدمت بالزواج ان مو تجين اخر الشهر تقولين ابي فلوس ... اقتصدي مو كل شي تخمينه وجذي يعني اشياء عاديه المفروض قبل الزواج متحملتها وطول هالسنين كنت عادي ماحسيت اني كبرت وتزوجت ...

لمن صار الاجهاض اللعام وعيت ع نفسي اني كنت بصير ام واربيه ... اني كنت راح اكون اسره ... حسيت باننكسار ليش طاح بجيبت بجي بجي جدام اهلي لدرجه ابجي واهلي يبجون معاي كنت اقولهم هالحمل انا نطرته من سنتن ولما جا طاح استغفرالله ياربي كنت غلطانه ..

عقب الاجهاض كبرررررررررررررررت وعيييييييييييييييييييييييت صرت اقعد مع المتزوجات والحريم الكبار خليت السخافات الي كنت فيها ..!

قمت اراعي زوجي واهتم فيه ..

والحمدلله ماخليت الدعاء والصدقه ورحت مكه ودعيت انا وزوجي والله عوضنا خير ..

ادعيلي الله يتمم علي حملي ويفرحني بشوفه ضناي بين ايديني يارب ..

وعسى الله لا يحرم احد من الضنا الصالح يارب

 

[عرق الطيب]

الله يفرج عن كل محزون

 

[روشآنه]

الله يعوضكـ خير عن اللي طآحوآ ..
ومآتدرين يمكن خيره لكـ .. ويمكن لو إنولدوآ وكبروآ صآروآ عآقين بكـ .. أو يمكن لو إنولدوآ وتعلقتي فيهم صآر لهم شي ومآتوآ ..
حطي كذآ إحتمآل شين في بآلكـ وإنهم لو إنولدوآ صآر كذآ .. بتحمدين ربكـ على النعمه ..
ولآ تيأسين من رحمة بكـ ..
​

 

[ام خدود ورديه]

حبيبتي الله يرزقج ان شاءالله
وهذي كلها هرمونات انا يوم حملت اول 3 اشهر يوميا ابجي بجي لين راسي يعورني وانام بدون سبب
اول غلطه غلطتيها انج خشيتي عن ريلج حرام هذا حبيبج وسندج المفروض اول واحد اتقولينله عالاقل عشان يتفهم موقفج ومايصير بينكم حاجز
والله يسهل امرج يارب :*

 

[VET-Nour]

انتبهو للدجاج ..
علشان تعرفون من وين تآكلون الهرمون .. ‏​في هذا المقال الخفيف نشخص الداء ونصف الدواء بحول الله تعالى

كثير منا يغفل عن (الدجاج) ومايسببه من أمراض:

• إنتشار السرطانات حمانا الله وأياكم
• ضعف الخصوبه الشديدة لدى الرجال
• سقوط الحمل
• أمراض كلى
• لخبطة هرمونات الجسم كله
• أورام هنا وهناك
ونغفل عن اهم سبب
الا وهو ((( الدجاج )))
الذي لا يخلو منه منزل
والسبب طبعا الهرمونات التي يعطونها للدجاجة عشان تنتفخ بسرعة في 30يوم
> هذه الهرمونات تنتشر في جسد الدجاجة إلى بطوننا
لدي صديق اشترى صوص صغير لابنائة --جلس
> عندهم شهرين ياكل من اكلهم ومما لذ وطاب
بعد شهرين اصبح وزنه لايتجاوز 300 جرام بحجم قبضة الكف
> ماتفسير ذلك ؟ وهل تتوقعون إن التاجر يغذي الدجاج أربع اشهر لكي يصبح 600 جرام
لااااا طبعا
إنها الهرمونات
علما بان الطبخ ((( لا يخلص ))) جسم الدجاجه منها

الحل كما وصلني من (طبيب)
يقول:
>لاتشتري دجاجه وزنها 700 او 800 أو 900
> لكن اشتري 1000جرام او 1200او 1400
لأن 700 او 800
> هذه جسمها لم يتخلص من الهرمون
> لكن 1000 او 1200
> هذه استفاد جسمها من الهرمون واستنفذه
على شكل لحم وشحم
كل وانت مطمئن لكن من وزن الف جرام وانت طالع
هذا ما احببت ان اوصله لكم
مع ملاحظة ان جوانح الدجاج يتركز فيها
الهرمون بشكل رهيب
فتجنبوها لانها مكان الحقن

عافانا الله من جميع الأمراض
​

<<< يمكن انتي تآكلين دجاج
عشان جذي يطيح البيبي ؟؟
جربي مآتأكلين دجاج و شوفي النتيجه :/
و بعد سوي سيرج ع الاشيا الي اطيّح آلبيبي ؟

[مو متزوجه ]

 

[miss.unique]

وعليااااا

حبيبتي توج عمرج 20 سنة الحيااااااااااااااه جدااااااامج

والي حاسة فيه عشان توج طالعة من هالتجربة القاسية

بعدين بييه ياما حريم اجهضو مرات بعد مو مرة ولا مرتين .. و ردو احملو .. مو نهاية العالم
وقولي الحمدالله وحمدي ربج وخل تكون عندج ثقة فيه

عيل المساكين الي ولامرة حملو شيقولون .. الي فيهم امراض اسم الله علينا وعليج شيقولون ؟ انتي عشان اجهضتي تقولين جذي .. لا يا عمري لا تفكرين جذي

و انصحجج مثل ما امج قالت هالفترة اخذيلج نقاهة و ريحي روحج ومخج عشان الحملة الياية ان شاللله تكون نفسيتج 100 بال 100 مثل ما يقولون

 

[Nmnoum]

أخيه

الله يسامحج بجيتيني والله

يا حياتي ان شاء الله الله يخليلج أمج و ابوج واخوانج وزوجج و يرزقج بالذرية الصالحة الكاملة الللي لا زايدة ولا ناقصة يااا رب و لايحرمج منهم




مابي اجاوب متى كبرت لاني موودري أحس نفسي كبرت شوية يمكن بعدين لمن اتزوج و أتخرج و جذي أحس اني أكبر و أتحسف ان قلت اني كبرت << عاد تعــآلي فججي لوووول

 

[فتون777]

حبيبتي انا كنت معك بتجمع مواليد اغسطس لو تذكرتيني
وانا بعد اجهضت
وبكييت كثير بس وحدي
ولين الحين باقي بقلبي حزن لاني ماشكيت لاحد
وامي مررره ضعيفه اخاف تتأثر
احيانا ودي المها بس امنع نفسي
اخاف تفكر اني حزينه
وصدق كلامك حسيت اني كبرت
وقلت بقلبي
خلاص انا مريت بكل شي
مابقى شي ماجربته
الحمدلله على كل حال

 

[شتات أنثى]

الله يعوضج انشاء الله وانتي صغيره العمره قدامج
وبالنسبه لسؤالج حسيت اني كبرت يوم تركت دراستي لظروف خارجه عن ارادتي
ويوم يسألوني الناس وش شهادتج الله يعوضنا خير
ولكن لازال فيني روح المرح والضحك والمنافر
الحياه حلوه بس نعرف كيف نعيشها

 

[A_M_A]

الله ما يبلي الا الانسان الي يحبه

صدقيني الله يحبج لو مايحبج جاان خلااج

تستانسين بدنيتج وتسوين كل شئ تبينه

بس الله خاش لج هالاشياء الحلوة عنده فووق

والانسان الي مايحبه يخلييه يلهى بدنيته

(( اعلموا ان الحياة الدنيا لعب ولهو وزينة وتفاخر بينكم وتكاثر في الاموال والاولاد
كمثل غيث اعجب الكفار نباته ثم يهيج فتراه مصفرا ثم يكون حطاما وفي الاخرة عذاب شديد
ومغفرة من الله ورضوان وما الحياة الدنيا الا متاع الغرور ))

قولي الحمدلله ياربي على بلائك

والله والله والله كل شئ في هالدنيا

حكمــــــــة مايعلمها الا ربج

(( وعسى ان تحبوا شيئا وهو شر لكم والله يعلم وانتم لاتعلمون ))

الحمدلله ربي بلاني بشئ وانظلمت بس والله اني قاااانعه بهالشئ

واحمد ربي ليل ونهار على انه بلاني لاني متاكده مليون بالمية ان ربي يحبني

ويبيني اتقررب منه واززهد الدنيا بمافيها

انتي بس خلي عنج الدنيا وخلي همج اخرتج شنوو سويتي لهاا ؟؟

لاتنسين الصدقة والدعاء وصلاتج لاتطوفينهاا

والله يوفقج ويوفقناا معااج

 

[بحرينيه كوول21]

حيااااتي
لا تتكدرين ولاتحطين بخاطرج ترا الله بعوضج مثل ماعطاج اياهم بيعطيج غيرهم
سافري حبيبتي صدقيني انتي محتاجه سفره تغيرين فيها جو
انه كبرت لما كان عمري ١٨ وامي وابوي توفو وبين كل واحد فيهم شهر بس تخيليييي أمي وابوي راحو بغمضه عين لا على البال ولا على الخاطر
أبوي صادته سكته قلبيه وامي ماتت حزن عليه وبعد سكته قلبيه الله يرحمهم وطبعا أمي توفت في يدي وكنت بروحي معاها فالبيت والمستشفى وبعدين يو الأهل المستشفى
ماكان لي فهالدنيا احد وسكنت عند اختي فردانيه لان ماعندي خلصه ولتهت فيني الدنيا
وتزوجت وأهل زوجي غربلوني ومن شهرين حملت وسقطت لكن ماصحت والله والله ماصحت الا مرتين مره يوم كانت الممرضة تبي تحط لي الدرب اول ما نزل مني الدم والمره الثانيه صحت لان كنت محتاجه أمي تكون معاي وبس وقلت ان الله راح يعوضني
الحمدلله رب العاملين على كل حال

 

[دلوعة أبوهآ]

آلله يفرج همك يَ رب ويعد عنك كل ضيقةة
ويخلي لك أمك وأبوكِ يـارب ..



لآتشيلين هم
خيرة من الله ..
وربي راح يعوضك قريب ان شاءالله

 

[اخت خالتهم]

يـا حلـوكم يـا بنات ودي أرد علـى وحـده وحـده فيـكم والله
بس والله قريت كل رد و في ردود قريته مرتيـن ..

الله يعطيـكم العـافيـة

و فعـلا آنـا محتـاجة أسـافر وان شـاء الله بـروح دبـي والعمـره حـجزت أمس
و انا بديت اغير شوي بديت جني عـروس يديده عنـاية و رجيـم ..

و قـاعد اشد حيلـي بدراستي

وكل تأخيره وفيهـا خيره

 

[..<< ندى الورد >>..]

حبيبتي والله اخت خالتهم ضيقتي صدرري

انتي بعدج عرووس لا تضيقين صدرج وهاذي كتبه رربي سبحانه

انتي خلي ايمانج بربي كبير والحمل لج فرصه فيه باذن الله

اهتمي بنفسج وزوجج ولا تخربين شي في حياتج الزوجيه عشان تصلحين شي ثاني

انتو بعدكم صغار وماصار لكم شهور استانسي في زواجج

حجزو لكم جم يوم العمره او دوله تحبونهااا غيري جوو وغيري من نفسيتج

لا تحسسين زوجج ان هذا الشي مشغل بالج دايما لان راح ينعكس عليه سلبااا

اللي ربي كاتبه بيصيرر

اهم شي رجعي اخت خالتهمالحبوبه الفرفوشه اللي قلبها ابيض ونظيف

انا متابعتج من ايام تجهيزج خخخخخ




^^^^^^^^^^

بالنسبه لي حسيت اني كبرت لمن انطعنت في ظهري من اقررب الناس لي شلون كنت ساذجه واعاملهم بطيبه واخر شي انصددم *