|| حسـيت إنـي كبـرت بسـرعـه أبي افضفض تكفـون:( وإنتـي متـى حسيتـي بهالشـي ؟ .. ! ||

[ماني من الناس]

الحمد لله على كل حال

والله كريم

هذا كل اللي اعرفه

 

[مدّهره !]

الله يعوووضك خير يااارب ....~
بدووويه توقعي أي شيء من أي شخص حتى لو كان قريب والله معااااك ....
الحمد لله ع كل حال ...

 

[ديانا سبنسر]

الله يرزقج بالذرية الصالحة الموقف اللي حسسني اني كبرت وللحين موقادرة انساه خيانة زوجي لي مع ان الموقف صارله سنتين

 

[!الجادل الصعب!]

طول عمري آحس اني اكبر من الي بسني .. !

 

[دلوعتهـ]

حبيبتي اخت خالتهم عسى ربي يرزقج من واسع أبوابه ويخليلج امج وابوج واخوانج ذخر وسند

أنا متى كنت صغيره من ولدتني امي وانا كبيره لاني البجر واحس بمسؤوليه كبيييره لازم احاسب على تصرفاتي لان خواتي يقلدوني بكل شي إذا ولدت امي إذا سافرت انا المسؤوله عن خواتي اختي تقولي انتي مستحيييل مريتي بالمراهقه وحسيت اني كبرت اكثر واكثر من جبت ولدي احس ألحييين صج أنا كبييره وقبل لا لان ألحين متحمله مسؤوليه بيت وزوج وبيبي بروووحي قبل معاي أمي عسى ربي يطوول بعمرها ويرزقها الصحه والعافيه
تدرين ودي ألحين ارجع صغييييره ههههههههه عاد زوجي يقول احسج صغييييره بالشكل بس عقلج كبيير لاني لما تزوجت عمري 19 وحتى الجهال اللي بالعايله يقولون نحس تفكيرج تفكيره وحده كبيره حييل

 

[دلوعة صلوح]

يالله فتحتى جروووح احاول انساها انا حبيبتى سقطت اكثر من اربع مرات كنت اضايق واكرة
الدنيا ومافيها وكنت انعزل عن الناس بس بعدين تعودت انى احمد ربى بكل مصيبة تصير
فينى وعودت نفسى انى اقراء قران كل يوم والله العظيم عقب هذا كلة حسيت انى قوية
وكل ماصار فينى شئ اتشجع اكثر والكل حاسدنى يقولى انتى ماتفكرين ولا هامج ان ماعندج
عيال لا يقولون لى يشوفج يقول توج عروس مو خمس سنين متزوجة الحمد الله على
كل حال وربج بيرزقنا الذرية الصالحة عاجلا غير اجلا يارب العالمين.

 

[Heart.LesS !!]

قلبتي علي المووواااااااااااااااجع من تزوجت احس صار عمري 40 - 50 من الضيم الي شفته
الله كريم انشااااااالله

 

[Judy . abbot]

اخييه وااي موضوعج يبجي
ما اقدر اقول الا
الحمدالله علي كل حال
والله يفرج همكم خواتي
وصدقوني دايما خلو املكم برب العالمين كبير
وصدقوني الله بيفرجها عليكم

 

[عالمي المجنون]

متى حسيت اني كبرت؟

امبييييييييييييه سؤالج يشلع القلب

بعد زواجي باربع او خمس شهور و كنت حامل وقتها بولدي اصعب فترة عشتها بحياتي واكتشفت اشياء تشيب الراس

ريلي الي عرفته طلع انسان ثاني طبعا بتقولين غالبية الرياييل يتغيرون بس الي صار لي مو تغير عادي يعني الموضوع

كان فيه تحضير جن و مس وسحر و خواتم و زيران اشياء عمري ما شفتها ولا عرفتها الا بهالفترة ما احب اتذكر هالفترة لان كل الي

اتذكره دموعي ع المخدة كل يوم و اني اتمنى ان البيبي يموت و افتك من هالزواج استغفر الله يارب الله لايعيد هالايام

ريلي كرهني وكرهته و يبت البيبي وريلي كان ما يشتهي لا يشوفني ولا يشوفه اهملنا و اهمل نفسه و ترك الدوام وصلنا لي الطلاق

كبرت مليون سنة المسوولية تشيب الراس ريل اعتفس 360 درجة و عندج بيبي محتاجج وغير المصرف و نفسيتج بعد الولادة كل هذا وعمري 22 سنة

بس الحمدالله ع كل حال وضعنا احسن الحين بس ندمت ليش دخلت اهلنا بالموضوع من ان وجودهم بذيج الفترة كان ضروري لان المسالة فيها سحر و ضرر لي


يارب رد كيد من اراد بنا السوء

 

[..<< ندى الورد >>..]

نـدى فديتج والله يا الغـاليـة ..
انا الحمدلله بسالفة الزواج شوي امنـع نفسي بشغـلات واايد
يعني هالسالفه ما ابيـن حق زوجي اني أبيها ضروري
بس كـان ودي افضفض عند أحـد ..

انا خواتي ما حملو الا وعمرهم 22 و 24
توني صغيره والله .. بس الوحده تتعلـم
وان شاءالله بفرفش و اعيش حياتي هالست شهور
واستمتع

و بخصوص الي انصدمتي منهم لاا تخلينهم يأثرون بحياتج
وخلي فيج ثقة ان طيبة القلب مهما كان لها اثار سلبية
بس اثارها الايجابية اكثر
كافي راحة البال و انج تتمنين الخير لغيرج

اي هاذي اخت خالتهم اللي اعرفهاا :rerrerek:

فضفضي فضفضي ولا يهمج احنا خواتج ونحبج ونبي مصلحتج الوحده اذا ما فضفضت تنفجر >> خخخخ انا


بالنسبه لي لي يومج هذا صدمتي قوويه بس شسوي لازم اتعايش والحمدلله قدر اتجاوز هالمحنه والحياه مستمره بس ما اقول الا حسبي الله ونعم الوكيل على اللي كان السبب :eh_s(2):

 

[makhroosha]

الحمد الله علي كل حال

 

[om batool]

الله يفرج همومكم وهمي والله لو اكتب لصير فلم هندي قاتل من البجي >>>>>>>>> قلبها متروسا
الله يعلم بالحال ربي فرج همي وغمي ::*_*::

معاها :eh_s(11):

 

[انا لحبيبي .]

حبيبتي الحمدلله على كل حال ، وهاد خير الك واتأكدي انه هالشي من رب العالمين وخير الك ،

لا تزعلي ولا تحطي ببالك اعرفي انه اي شي بصير معك بهالدنيا من رب العالمين وانه ربنا اله حكمه بهالشي

الله يناولك الذريه الصالحه يارب العالمين عن قريب ،

 

[خلطات المذهله]

لاحول ولاقوة الا بالله
اختي عليج بهذا الدعاء وباذن الله تتغير امورج والزمي الاستغفار


http://www.youtube.com/watch?v=1pZtq4P56Io&feature=related

 

[حسن الخاتمة]

خلي امرك لله وادعيه يرزقك بالذريه الصالحه الهم الي كبرني وفاة الوالد الله يرحمه ويرحمنااجمعين

 

[عهد الغرام]

مو سهل إلي. مريتي فيه الله يعينج بس لاتهملين زوجج ترا بيمل

 

[Vous jamais]

حسيت اني كبرت لما شفت رفيجاتي كلهم تزوجوا وعيلوا الله يهنيهم

وانا للحين ما تزوجت

عسى ربي يرزقني ..

 

[وآحشنــي زمآنـك]

حبيبتي عسى الله يعووضج ،،

 

[يالبيه 17]

ياحياتي الله يعوضج ويثبت حمالج هالمره
انا عمري 18 سنه وتوني متزوجه والحمدلله على كل حاااال
احس اني للحين صغيررره وماعرف اتصرف عدل دايم اغلط اصلا
بس الدنيا تعلمنااا ان شاء الله

 

[آجمل نسآء آلدنيآ]

انتـي اللي بجيتينـي جد .. الله يسـامحج

..

انا عمري 24 و حسيـيت اني كبرت فوقهم 40 سنه

يوم ما ولدي اللي عمره 6 شهور مات جدام عيني ..!

والله اني اكتب وابجي .. ياااا الله بكل يوم اشتاقله اكثر وما اشوفه اكبر سنه ..!!

وكل يوم اتمنى اشم ريحته اكبر سنه ..!!!

وكل يوم احسب فيه عمره لو كان عايش اكبر سنه ..!!!!!

وكل يوم اشتاق اضمه ع صدري .. اكبر سنين ..!!!!!!!

اسمحولي بنات بس شلون كتبت اللي كتبته .. مادري ...