|| حسـيت إنـي كبـرت بسـرعـه أبي افضفض تكفـون:( وإنتـي متـى حسيتـي بهالشـي ؟ .. ! ||

[اخت خالتهم]

السـلام عليـكم ورحمـة الله وبركـاته


شلـونكم بنوتـات ..

أولـ شي .. وقفـة لأهـل سـوريا

" يـارب فـرج همهـم و اصلـح لهم شأنهـم بمـا تحب وترضـى آآميـن وارحم شهدائـهـم وانصرهم يـاكريم وصلي اللهم وسلم على سيدنا محمد وعلى آله و صحبـه أجمعيـن ~ "

.
.


نبـلـش :eh_s(22):


بنـات متـى حسيـتوا إنكم كبـرتـوا بسـرعـه ؟!


آنـا ببلـش ,,
لمـا تزوجـت كـنـت مـا أحس إنـي كبـرت وبالعكـس كنت أحـس اني للحيـن عزوبيـه
حتى لما اروح الجـامعـه والا بيت اهلـي أحـس زوجي " مو زوجي بس حبيبي اروح وارد معـاه واهلي راضين ههههههههههه "
و الحمـدلله على كـل حـال .. ولما حملـت مرتيـن ورا بعـض وطـاح البيبـي .. أحس شلت هم كبييييير
و حسيت اني كبـرت بسـرعه

بنـات آآنـا ما اتكلـم و مـا أحـب أقـول حـق أحـد شفينـي
و لكـن أعكس اللي فيني بتصـرفـاتـي و اكتئابـي البـايخ

انـا دمي خفيـف و أحـب الضحـك بس مريت بفتـره حتى بالمنتـدى صرت مليقـه
و مـا أضحك

استغفـر الله كنت أقـول اشمعنـى آنـا ؟ و قمـت اتهاوش مع ريلـي على اشيـاء تافهـا
و أطلـع فيـه عيوب مو موجـوده فيـه ..
و اهـو مصدوم يقـولي انتي شفيـج ؟ فيـج شي كـان يهزززززني يقـول اخت خالتهم انتي شفييييج
و لا اتحـجى
اقـوله منك من تصرفـاتك
واهـو مسكين مو مسوي شي

ولا أرضـى أروح انام في بيت اهلي لان أمـي تعـرف

بنـات مره وصلت حـدي قلتله واحنـا طالعين ودني عند أمي اللحين
" قاعد اكتب وابجي والله "
قلتله اللحين ودنـي قالي شفيج جـان اقوله ابي ألمهـا
والله يا بنات حسيت بس بطلع اللي فيني
و اروح بيتنا والله يا بنات اني اصعد وانا اركض ادووورها وماكانت موجوده
واروح غرفة اختي وكـانت تصلي و انا كان صارلي 4 ايام من طاح البيبي و علي الدورة كان ودي انـا مـكانها " ما كنت ادري ان اقدر اصلي " شفتها تصلي
بنات طحت على الارض أبجي جني الياااهل أبجي أبجي أبجي أشااااااهق
ما بجيت هالبجي الا بوفاة بابا جابر الله يرحمه و وفاة أمي العوده
والله يا بناااات احس كبررررررررررررررت هم هم كبييير علي

مـا كنت أدري انااا ويني ادور نفسي والله ما ألقـااااني
أبي ارتااااااااح أبي افرررررررررح
بنات انا حتى القرآآن صرت ما أقدر أقرى نفس قبل بصوت حلو

تغيييررررت والله

انـا اموت على اليهـاااال .. انا ادري صغيره و عمري 20 بس أحس كبرت
لان كنت تعب و ورا بعض و ما اتحجى ولا اتكلم
عند الناس اسوي روحي طبيعية و اقولهم خيييره و انا مبتسمة

والله بنات اختي لما خلصت قامت تبجي مع انها ما تدري شفيني
تبجي عشان انا ابجي ..

وهديت وقعدت لما سمعت امي رحت ركض
قالت هلاااا اليوم عندنا والله بنااات ألمها وابجي
واهي تقولي شفيييج !!!
قلتلها يمـاا تعببببببببببببت يما انا تعبااااانه انا احس اني بروحي بهمي
محد حاس فيني

هدتنـي والحمدلله عقبها احس ارتحـت .. و اقنعتني اني اخلي الحمل عقب فتره مدام اني تعبانه

بـس بهالتجربـة حسيت اني كبيييره ومو نفس البنات اللي بعمري
الحمدلله مو ناقصني شي
زوج يحبني واحبه
وامي وابوي بخير ويحبوني ويسئلون عني قبل لا اسأل عنهم
و اخواني مو مقصرين معـاي

بس أحس ودي افضفض لان وحده كتووووووووووووومـه ..

ادعـولي الله يخليلي امي وابـوي

.
.

وانتـي متى حسيتي انـج كبرتي بسرعـه أكبـر من سنج ! :eh_s(17):

انتظر ردودكم :eh_s(15):​

 

[بتبوتااا]

كل واحد معه همه على قده .. مافي أحد مرتاح
حتى أنا يا صاح هم القلب عندي قد بلغ حده
لكنني صابر.. وصبري في الهوا أقوى سلاح

 

[كويتية222]

تعوذي من ابليس

ترى الاجهاااض يسبب الاكتئاااب وتغير النفسية هرمونات تلعب لعب بنفسية الوحدة بجي وضيقة على اتفه شي ودج تبجين ومن

غير سبب وربي يرزقج بالذرية الصالة عاجلا غير آجل يارب

 

[اخت خالتهم]

كل واحد معه همه على قده .. مافي أحد مرتاح
حتى أنا يا صاح هم القلب عندي قد بلغ حده
لكنني صابر.. وصبري في الهوا أقوى سلاح

تبين تبجيني
حيـاج الله يا الغاليـه على الجررررررررح على قولتهم

تعوذي من ابليس

ترى الاجهاااض يسبب الاكتئاااب وتغير النفسية هرمونات تلعب لعب بنفسية الوحدة بجي وضيقة على اتفه شي ودج تبجين ومن

غير سبب وربي يرزقج بالذرية الصالة عاجلا غير آجل يارب

حبيبتي صـاجه و انا الحمدلله اللحين احسن من اول بوااايد
بس حبيت افضفض .. :eh_s(4): عشـان أرتـاح

 

[مستحيل اخونك]

فعلا حبيبتي تاكدي ملييوووون بلميه ان ربي كاتب لك الخيره

ولا تفكرين ياقلبي كتييير خلاص الي راح راح

وان شالله ربي يرزقك الي احسن منهم ويرزقك برهم

بس لا تقولين كبرتي لا بلعكس عيشي حياتك واحسن من اول كمان

اللله يكتب لك الخير بكل امورك
​

 

[بطوووطة$بيضة]

الحمدالله حبيبتي عندج امج وابوج يمج وزوجج يحبج الله يخليهم لج..الله يرزقنابلي يجبر خاطرنا

 

[قموشه21]

انا تزوجت وانا 18 سسنه .. والحين عمري 21 سسنه..

مااستانست بمراهقتي وماحسيت بهالششي .. تزوجت بسرعه بسسرعه وحتي لما تزوجت حسبالج عقلت ..

كنت والله اناقز واركض جدام ريلي هههههه .. واعاند بكل شي جني ياهـل ام 8 سنين..

بعدين حملت بسرعه وماكنت ادري ان في احبوب تمنع الحمــل وماكو احد ذكرني او نبهني وحملت وحتي بالحمال ماحسيت اني كبرت .. بس متي حسيت لما ولدت وقربت ولادتي بغيت اموت وتذكرت امي حبيبتي شكثر تعبت وعانت ..

من ولدت وانا ششايله همي وهم ياهل برقبتي واي غفله مني راح يضيع اسم الله عليه .. باختصصار الدنيا تكبرنا غصصب..
العمر مايجبرنا انحدد شبابنا وصغر سسنا الدنيا اهي اللي بتحدد والظروف اهي اللي بتكبرنا وتصغرنا

اخت خالتهم.. ياحلات مواضيعـج عسي ربي يرزقني ويرزقج بالذذريه الصصالحه قولو اميــن

 

[q8 83]

وااااضح هرمونات بس حطي سورة البقره و علي عليها بالبيت تهدي النفس و تريحها

وريلج مسكين ما يستاهل لازم تعوضينه عن الخبال الي سويتيه فيه مسكين

 

[غلاي رورو]

اححححيه موضوعك ع الجرح

انا للحين مو مستوعبه اني كبرت لسه احس امس كنت اتمشى مع بابا بالسوبر

مع ان عمري الحين 22 ومخطوبه وكل ماتذكر مسئوليه وهم جاي اتنكد

بس احس الدنيا تخوف ومافي شي يظل على حاله ايام الهم يكبر الانسان اكبر من عمررره

يارب صبرنا انا الدنيا ماتفرق عندي بعد ماشفت صديقتي بلحظه اختفت من الدنيا ومافي شي يستاهل اتضايق ولا ابكي ع شانه

واذا تضايقت حطيت سجادتي ورفعت يدي للي خلقني وشكيت حالي والله والله مافي ارحم منه فينا

مدري بصراحه انا ايش كتبت بس احس كتبت كثير وموضوعك جا بوقته وكنت محتاجه افضفض

يارب ترحمنا وتغفر لنا وتفرج هم كل مهموم يارب ياقدير

 

[رقـة الاحسـآس]

فديتج عسى الله يعوضج خير
وكلمي ريلج فضفضيله
وفهميه احاسيسج هذي لا تخلينه جذي مب فاهم مسكين

وعن سؤالج
والله حسيت اني كبرت بدري
ما تهنيت فحياتي من هم لهم
بس الحمدلله ع كل حال
يارب لا تحرمني انا وخواتي الفرحه فالدارين الدنيا و الاخره يارب

 

[*E.B.D.A.3*]

وييييييه ياخت خالتهم شتحجيين شتحجييييين اخييييييه خلي الي بالقلب يمعود
شتقولين عني اناااااا .. تطلقت وعمري 21!!! وكان اتعس زواج! اتعس تجربه بحياتي كلها
وقطعت الكليه سنة ، وبعدها رديت!!
امبيه ! لا اوصفلج شعوري !!
اطالع البنات .. مو مثل ماكنت اطالعهم
اطالع الحياة، ياربي مو مثل ماكنت اطالعها
كل شي بعيوني تغير !!
لا الناس اهمه الناس، ولا الدنيا اهيه الدنيا !!
حسيت هالتجربه جدمتني 10 سنين لي جدام ...

اشوف هاذي تضحك .. وهاذي تسولف
وانا بقلبي اقول، معقوله الدنيا بتخلي هالبنية الي تضحك، في يوم من الايام تبجي بجي!!!
معقول الزمن ليهدرجة ماله امان ؟؟؟؟

انعزلت عن العالم، وانطويت على ذاتي !
خصوصا كلما يسالوني، اووف انتي مطلقه ليششش؟؟ توج صغيره !!
هالجمله كانت تقتلنيييييي !! بالاول ايام كنت اجامل، وبعدها قمت اسكت وانزل عيوني بالارض، ومااعلق!!
صرت اتحاشى الناس عشان لا اسمع هالجمله بسسسس!!!

اخيه اخيه بس ، انتي وين فتحتي هالجرح !!
الحين الحمدلله .. ربي عوضني بزواج احسن من الي طاف بوايد،
بديت احب الحياة وصار فيني نشاط واقبال على الحياة بشكل موطبيعي!!
وصرت نشيطه الي ليدرجة اني ماخليت شي ماشتركت فيه ماخليت جميعه نفع عام وماطقيتلي كرت عضوية
وسخرت حياتي للناس .. للمساعدات ، والاهم لزوجي وبيتي ..

كلمن يشوفني ويكلمني مايحط علي 24 سنه !!
مو مني والله، من تجارب الحياة الي طمرتني على عمري شي 10 سنين ..

صرت وايد احرص انه محد يكرر غلطتي انا !!
وايد انصح، وقد ماقدر اوعي البنات .. اساعد كل ابنية محتاجه واوقف معاها ..

الشي الي شفته مو سهل !! وعسى الله يبعد كل بنية عنه :*

اما انتي ياعمري :****
ميخالف .. الدنيا على قد ماتخذ منا، تعطينا !!
تورينا الويل شوي، بعدين تذوقنا حلاوتها !!
وكل تجربه نمر فيها ، تعطينا درس من نوع يديد !!
عمري ماندمت على شي، لان كل تجربه امر فيها ، ماتخيل نفسي لو مامريت فيها !!
ماتخيل نفسي لو ماتطلقت، وتعلمت من غلطتي !!
هالشي عطاني خبرة بالحياة اقدر انقلها للي بعدي .. واقدر انقلها لبناتي ،
والف حمدلله على كل حال


فديتج وفديت موضوعج :*

 

[مترفة هوآزن ~]

سلامتج حبيبتي ..

هذا واضح انه شغل هرمونات وانتي شكلج انسانه حساسه ..

تعوذي من بليس وشغلي سورة البقره وحمليها في اي بودج او فونج وخليها تردد في اذنج دايم

والله مريحه عن تجربه ..

اذا تقدرين تسافرين تطلعين مكان بعيد وبروحج انتي وزوجج .. طلعي وجددي نفسيتج

غيري نيو لوكج .. غيري ترتيب غرفتج ..

اطلعي تقهوي استانسي بالذات هالفتره ..

انسي انسي الحمال .. اصلا .. خالتي ثلاث مرات تسقط البيبي واللحين ماشاء الله معها ولدين وبنت

لاتضغطين على نفسج .. توج صغيره على شنو مستعجله ؟

الخيره فما اختاره الله لنا .. لا تيآسين ولا تقنطين من رحمته .. خلق الارض بما فيها والسماء بما رحبت

مو عجزان يرزقج بالحمل التام والضنى السليم .. كل شئ بوقته حلو خلي هالكلمه حلقه باذنج ...

العجله من الشيطان ياعمري ..

غيري جو ولا تضايقين صدر امج هي شنو بايدها .. ومافيه هم ولا شئ هذا كله من الشيطان

لا تعطينه مجال يفتح لج ابواب انتي في غناء عنها ..

والله يهديج وريح بالج ويتمم عليج نعمته ...​

 

[دنيا جديدة]

اجل لو تشوفيني تحمدين ربج الف مرة
الحمد الله على كل حال

 

[انصاريه قمره]

انا تزوجت وانا 18 سسنه .. والحين عمري 21 سسنه..

مااستانست بمراهقتي وماحسيت بهالششي .. تزوجت بسرعه بسسرعه وحتي لما تزوجت حسبالج عقلت ..

كنت والله اناقز واركض جدام ريلي هههههه .. واعاند بكل شي جني ياهـل ام 8 سنين..

بعدين حملت بسرعه وماكنت ادري ان في احبوب تمنع الحمــل وماكو احد ذكرني او نبهني وحملت وحتي بالحمال ماحسيت اني كبرت .. بس متي حسيت لما ولدت وقربت ولادتي بغيت اموت وتذكرت امي حبيبتي شكثر تعبت وعانت ..

من ولدت وانا ششايله همي وهم ياهل برقبتي واي غفله مني راح يضيع اسم الله عليه .. باختصصار الدنيا تكبرنا غصصب..
العمر مايجبرنا انحدد شبابنا وصغر سسنا الدنيا اهي اللي بتحدد والظروف اهي اللي بتكبرنا وتصغرنا

اخت خالتهم.. ياحلات مواضيعـج عسي ربي يرزقني ويرزقج بالذذريه الصصالحه قولو اميــن

نفس حالتها بالضبببببببببببببببببببببببببببببببببط وتزوجت 18 وما استانست وايد استعيلت احب زوجي وحامده ربي على بناتي بس شقوووول
المهم اللي ما عشته انشالله اشوف بناتي عايشينه واللي ما سويته انشالله اهم يسونه انا الحين حتى الجامعه مو قادره ادش من كثر ما احبهم اخاف عليهم شايله همهم اخااف اخليهم عند احد حتى لو كانت امي انا توني والده وحاليا بالانفاس ما تدرون شسويت بزوجي والدكاتره توني والده تخيلوو اقولهم يلا بطلع ودوني البيت حق بناتي يقول الدكتور ما يصير لازم تضلين 24 ساعه انتي والبيبي اقوله لا مابي ما فينا شي بروح البيت عفست المستشفااا حاولت اطلع على مسؤوليتي ماكووو ما خلوووني اخر شي يو يأست دقيت ابجي اقول حق اختي يبوهم لي مع انه الزياره كانت ممنوعه ووقتها مخلص بس دخلتهم ما قدرت اتحمل انشالله يكبروووون بخير وسلام وعسى ربي ما يحرق قلبي عليهم
والله يرزقج بالذريه الصالحه ويتمم عليج حملج يا قلبي

 

[ابدا يالغالي مانساك]

وااااااي اخت خالتهم موضووعج
ااااااخ ذكرتيني حسيت اني كبرت بلحضة اجهاضي بجيت بجي
مثل مابجيته بوفاة اخووووووي
والمشكله كنت بروووووووحي بشقتي ماحد وياي زوجي كان توه طالع وررد عالطول لما دقيت عليه ياله الحمدلله علي كل حال حنا مومنين وصبورين بما كتبه الله لنا الحمدلله

 

[Roty]

حيااااتي عورتي قلبي ودمعت عيني
الله كريم وماينسا احد والله بيعوضج ان شالله ويخليلج امج وابوج وخواتج وزوجج
ذكري الله

والله من شفت موضوعج دشيت علا طول لاني متابعتج واحب ردودج
تكفين لاتتضايقين توج صغيره والله يرزقج يااااارب

 

[tbola]

ماعليه اخت خالتهم اكيد كل تاخيره وفيهااا خيرره ونتي توج صغيره الحياه جدامج

 

[رآآحٺ آيآمڪْـ]

،‘

حيآتيَ وسعيَ صدرج َ آلدنيإَ مآتسويَ يـ َ روحـي َ آنتئء َ

طموشهَ ،


،‘

 

[[[ عيون جابر ]]]

والله ليلحين روحي ياهل ماكبرت فيني روح الطفوله واللعب والشطانه حتى ريلي يقولي انتي بيبي بتيب بيبي ههههه
حبيبتي اخت خالتهم الله يمسح على قلبج ويريح بالج وهذي هرموناتج معتفسه وقفي فتره عن موضوع الحمل ترا بعدج عنونه

 

[كربون امها]

ربي يرزقج الذريه الصالحه عاجلا
عني انا وايد شغلات كبرتني عن عمري شقول وشخلي بس خليها على الله
الحمدالله على كل حال اللهم لا اعتراض00