MalSoOoNa
New member
- إنضم
- 10 يوليو 2008
- المشاركات
- 964
- مستوى التفاعل
- 0
- النقاط
- 0
تركتها وراحت غرفتها فكرت بالمصيبه اللي طاحت على روسهم ما تبي حياه اختها تنهدم بسبب عصبيه ابوها وقراره الغلط..
ردت على نوف: وش صار
في بطفش: سكرت الغرفه وما تبي تفتح لأحد
نوف: حتى لك
في: اولهم انا انا بنام الحين وبخليها ترتاح وبكرا لكل حادث حديث
نوف: حسبي الله عليها اللي كانت السبب
في: الله يهديها بس ليش وش سوينا لها تسوي كذا
نوف: مدري عنها وحده حقوده ونجسه وما قد شفت اسود من قلبها ليش ما طلعت مثل مها
في: اه بس الله يهدي ابوي
نوف:امييييييييين اشوفك بكرا
في: انشاء الله مع السلامه
نوف: مع السلامه..
جلست تفكر صدق من شاف هموم الناس هانت عليه همومه بس همها اكبر من انه احد يتحمله حبه الاول والاخير ضاع منها بكلمه غلطت بس ما حست انها ندمانه كثير لانها اكتشفته على حقيقته مع انها مو مصدقه كل اللي صاراحمد ما يحب يجرح احد وشلون يجرحني انا وشلون...
&&&&اليوم الثاني الساعه خمس&&&&
بيت ابو احمد صججه والكل مشغول بنفسه لان العزيمه كبيره وابو نواف اول المعازيم على سلامه زياد اللي صارت حديث العايله وكيف كان ربي حافظ زياد وبمعجزه نجى..
ابو احمد لازال يفكر بقراره ولازال معند وعند كلمته وراح يوصل موافقه البنت اليوم لأبونواف
ام احمد دخلت على مي اللي كانت لسى مو لابسه وتوها صاحيه
رحمتها وحست انهم ظلموها بس حكم القوي على الضعيف : ها اشوفك ما لبستي؟!
مي من دون ما تناظرها: ماابي اروح
ام احمد: اقول ما نبي مشاكل مع ابوك روحه وبتروحين مافي جلسه في البيت لحالك
مي مدمعه عيونها: ما يكفي بتغصبوني على زواج ما ابيه وبعد تبوني اروح اقابل ناس ما ابيهم ودوني عند خالتي نوره
ام احمد حن قلبها وراحت حضنتها: يا بنتي تكفين ابوك معصب اكسري الشر والبسي تكفين وانا بحاول مع ابوك مره ثانيه
مي وكلها امل: بتحاولين اكيد
ام احمد تبتسم: اكيدين يله البسي
مي فرحت: انشاء الله
راحت فتحت دولابها تدور شي جديد تلبسه لقت تنوره اوف وايت قصيره من جهه تنسحب بخيط على فوق وترتفع مخصره جسمها وبدي بيج وعليه بلوزه قصيره لونها بيج بقبعه
رفعت شعرها ذيل حصان بطريقه حلوه وميك ناعم لونه بينك..
^^^^^^^^^^^^^^^^^^^اما في كانت لابسه على غير العاده فستان ابيض غجري قصير مع اكسسوار ذهبي مبين نعومتها وتاركه شعرها كيرلي على طبيعته مع اكسسوار ذهبي فيه..
مشو للمزرعه اللي كانت في الخرج كبيره وفيها من الخضار اللي تشتهيه وفيها احصنه للبنات لانهم يحبون الفروسيه..
وصل الكل ....
الرجال في المجلس والشباب راحو الخيمه اللي برا
اما البنات منتشرين في كل مكان اللي تكلم بجوالها من جهه واللي تسولف من جهه
واللي منعزله لحالها بجهه واكيد عرفتوها
جلست تدور تفكر بطريقه تتخلص فيها من هالزواج بس بدت تفقد الامل لما شافت ابوها وكلامه
مها جلست جمبها: وش في الحلو متضايق
مش ابتسمت لذوقها : سلامتك بس اتوقع عارفه
تنهدت: المشكله عارفه عندي اخت اللي يهديها بس
مي: حرام انا وش سويت لها وش سويت
مها : ماعليك ما اتوقع خالي ينفذ كلامه
مي ضخكت: اجل انتي ما تعرفين ابوي لو حط براسه شي حط براسه شي
مها: انشاء الله هالمره غير هذي فيها زواج مو لعبه
مي بيأس: مدري والله
نوف كانت تمشي مع في.....
نوف تحاول تكون طبيعيه: وش صار مع اخوك راح يشوفها
في: ايه راح وعجبته
وقفت في مكانها : عجبته
في وصلت عند مي اللي كانت لحالها وجلست جمبها : ايه عجبته ليش انتي مهتمه
نوف نزلت على ركبها وبدت تصيح بشكل جنوني: تكفوووون تكفون قولو انكم تكذبون علي تكفون
مي وفي خافو من رده فعلها
كملت صياح وترجي فيهم:تكفون اذبحوني اقتلوني بس قولو انكم تكذبون الله يخليكم قولو انكم تكذبون ارحموني الله يخليكم تعبت
رجعت مها وشافت نوف وشلون تصيح كانت رايحه تجيب كوفي لمي عشان تهدى وتروق شوي
نوف قامت بسرعه تمسح دموعها وراحت تمشي تبي تبعد على قد ما تقدرمن الكل وصلت عن جهه الاسطبل تمشي لحالها خافت من المكان وظلمته ضمت يديها ببعض
وصارت تدور طريق الرجعه سمعت صوت شخص يتكلم بالجوال
: هههههههههههههههههه ايه نشوفك بكرا في الاستراحه ههههه انشاء الله مع السلامه
راحت تركض تدور مصدر الصوت لانها عارف صاحبه
احمد : نوف
نوف بخوف: هذا انت
احمد:ههههههههههههه ما ودك تشوفيني اجل
نوف بدت تبكي: وليش اشوفك وانت رايح تخطب وشايفها امس
&&&&&&&&&&&&&
جالسه بغرفتها رجعت تقرى الورقه للمره المليون كاتب فيها
((انا قررت اتوب لرب العالمين في شي شفته فيك خلاني اتغير وراح تكون بدايه توبتي اني اطلعك من جحيم وليد واتمنى انك تسامحيني
ابراهيم((
*ايش راح يكون رد احمد على كلام نوف؟؟!
*وكيف راح تحل المشكله الصعبه اللي طاحت فيها مها مع خالد واللي ممكن تنهي علاقتهم؟؟
*وهل ابو احمد بيظل معند على موضوع زواج مي من نواف؟؟
وصارت تدور طريق الرجعه سمعت صوت شخص يتكلم بالجوال
: هههههههههههههههههه ايه نشوفك بكرا في الاستراحه ههههه انشاء الله مع السلامه
راحت تركض تدور مصدر الصوت لانها عارف صاحبه
احمد : نوف
نوف بخوف: هذا انت
احمد:ههههههههههههه ما ودك تشوفيني اجل
نوف بدت تبكي: وليش اشوفك وانت رايح تخطب وشايفها امس
احمد مو مستوعب اللي تقوله: ايش تخطب وايش شايفها
نوف بدت تطلع عن طورها: انت تستهبل معاي
وراحت تركض وتحاول تجمع اشلاء كرامتها اللي حست انها ضاعت باللي سواه معاها احمد
راح يركض وراها: استني
لفت عليه كانت نظراتها كلها حقد: اتركني واشوفك مره ثانيه مكلمني فاهم
تركته مصدوم عن ايش تتكلم أي خطبه واي بنت وش السالفه حس ان وحده من خواته يمكن يكون لها يد بالموضوع...
اتصل على في اللي كانت جالسه مع مي بعد ما هدت شوي ..
في: هلا حموود
احمد بنبره جديه: وش قايلين انتو لنوف
في ببرائه: ولا شي
احمد مو فاضي لمزحها: اقول بتتكلمين والا وشلون تراني مالي خلقك
في خافت من طريقه كلامه: طيب طيب بقولك
جلست تقوله لقصه كلها وشلون خطرت الفكره في بالها احمد من صدم من تفكير اخته الجهنمي كذا ماراح تقدر نوف تنكر حبها لأحمد وخوفها من خسارته لانها انهارت وقدام مي وفي يعني ماراح تقدر تنكر أي كلمه او فعل قالته لما سمعت كلام مجرد كلام ان احمد ممكن يخطب بنت غيرها فرح من قلبه على رده فعلها دليل حبها الكبير له وزاده اصرار انه ما يستغنى عنها ولا عن حياته وسعادته معاها...
احمد والفرحه مو شايلته: يقطع بليسك بنت من وين طلعتي هالفكره الجهنميه.
في بعصبيه مصطنعه: وانت تو تبي تصفقني هااا
احمد يتميلح: انا انا اصفقك نور عيني بس مشاء الله عليك عمري ما فكرت انك ذكيه وراعيه خطط وافكار كذا
في بغرور: عشان تعرف قميتي وقيمه افكاري
انتبهت لنوف اللي جايه من بعيد باين انها لازالت منهاره وتحت ضغط الصدمه
في بعجله: يله يله هذي نوف جت باي
احمد بحماس: لاا تكفين استني خلي السماعه مرفوعه ابي اسمع كلامها
في بطفش: ياشين اللي يعطي العلل وجه
احمد: علل في خشتك اقول خليها مفتوحه وانتي حرمه
في تنزل الجوال: طيب طيب وما ابي اسمع نفسك جوالي صوته عالي ترا ننفضح
حطت الجوال بينها وبين مي اللي كانت معاها جسد بلا روح تفكر حل لمصيبتها اللي طيحتها فيها مشاعل يمكن كان في امل ابوها يهون او يحن عليها قبل ما تألف الكذبه اللي راح تدمر حياتها من دون ذنب راح تعيش نواف تعيس وتعيش اهي تعيسه معاه
في التفت على مي: اقول خلي موضوعك لبعدين خلينا نخلص موضوعك اخوك وهالخبله نووفوه
مي ببرود: طيب
جتهم بعد ما مشت مسافه طويله بين الاسطبل والمكان اللي جالسين فيه البنات مثل مكان مغلق من فوق بمثل المظله الكبيره ويتخللها انواع الشجر والأعشاب المتسلقه والورد اللي معطي جمال للمكان
راحت تركض لحد ما طاحت عند ركب في بترجي كانت تتمنى الخبر يطلع كذب بكذب عرفت ان حياتها من دونه ولاشي لا معنى ولا هدف طول عمرها كانت له وطول عمرها راح تكون له
فكره صعب عليها تتقبلها الا مستحيل تفكر فيها حتى انها تشوفه في الكوشه مع وحده غيرها
بكت ودموعها مثل انهار وسيول على خدودها اختلط فيها لون الكحل الاسود : تكفين يا في الله يخليك ريحيني وقولي ان السالفه كذب انا ما اقدر استغنى عنه اهو حياتي اهو عمري كله قد شفتي شخص يستغنى عن قلبه وكل ما يملك في ما اقدر اتخيله مع وحده ثانيه والله امووت اموووت اذبحه واذبحها وبعدها اذبح نفسي لان الحياه من دون راح تكون مالها طعم ولا لون بعيني
كان يسمع منصدم من درجه حبها كان باين انها تحبه بأخلاص حب طفولي امتد مع الوقت لحب عذري طاهر تمنى تكون نهايته النهايه الصحيحه لأي علاقه ولأي حب هي الزواج يسمع كلماتها الطاهره ويبتسم
احمد" لها الدرجه تحبيني يا نوف ما اكنت اتوقع انك تحبيني اكثر من ما انا احبك بس بعد اللي سمعته انتي ما راح تكون لأحد غيري لو اضطريت احارب هالدنيا كلها فدى عيونك ولا اشوف فيها دمعه من دموعك الغاليه
كملت بصوت يختنق من الصياح: خلاص انا موافقه بس لا يخطبها لا يشوفها تكفووون تكفين
في رحمتها صدمتها درجه حب نوف لأحمد خافت انها تحقد عليها على اللي سوته بس كانت عارفه ان نوف قلبها ابيض مستحيل تشيل بقلبها على احد وخاصه عليها اهي لأنها تعرف معزتها بقلبها
مسكت كتفها ورفعت وجهها : نوف انا اسفه سامحيني
نوف سمعت هالكلام وتغيرت تعابير وجهها كله الحين بتأكد لها ان خطبت احمد حقيقه وواقع اسود لازم تتعامل معاه حست بدمار شل كل عرق نابض فيها سكتت تستنى في تخلص كلامها..
في بنفس نبره الاسف: احمد ما خطب أي بنت
وقفت على حيلها متفاجأه توقعت انها ما تسمع صح كانت تبي تتأكد من اللي سمعته: اييش
في ونبرتها قلبت الى نبره خوف من رده فعلها: احمد ما خطب وكل السالفه كانت مزحه..
نوف عيونها كانت تفضخ مشاعرها مشاعر الغضب من أي احد يلعب فيها او يتهاون بقلبها: في انتي وشلون تسوين فيني كذا
في بأسف: والله اسفه ما كنت متوقعه الموضوع يكبر كذا وانتي يصير فيك كذا
نوف بعتاب: انتي شاكه اني احب اخوك مثلااا وحابه تتاكدين انا مو لعبه يا في ويا مي اللي ساكته من الصبح وكأنك مو في الدنيا زواج وراح تتزوجي ممثل كل البنات لاتسوين فيلم هندي
جرحتها الكلمه جرحها انها كانت طالعه من نوف اعز صديقه لها وبنت عمها اكتفت انها تناظرها نظره حزن وقلب مكسور ومشت وتركتها
اما نوف تضايقت من نفسها مي مالها دخل في اللي سوت كل شي واحط حرتي فيها..
رجعت نظرها لها: بس للأسف يا في ما توقعتها منك ابدا
ومشت وتركتها من دون ما تسمع رد او تبرير كانت فرحانه من نتيجه اللي سوته ومتضايقه انها جرحت اعز الناس لها نوف بس عرفت ان نتايج اللي سوته بتظر قريب ولازم تعتذر من نوف على اللي سوته فيها
تذكرت الجوال اللي على الكرسي رجعت تشوف اذا الخط ما انقطع
في بترقب: الووو الووو الوووو
احمد بهدوء: هلا
في: سمعت كل شي
احمد بنفس الهدوء: كل حرف وين راحت
في: راحت من نفس ما جت
احمد: يله باااي
في: باي
&&&&&& في جلسه الحريم**
كانو جالسين يسولفون وكل وحده وجمبها اللي تسولف معاها
ام فهد: يعني خلاص ابو احمد مصر
ام احمد بحزن على حظ بنتها ماكانت تبيها تتزوج مغصوبه تبيها تكون موافقه واراغبه بهاالزواج: مو انتي كنتي تبين كذا افرحي صار اللي تبينه والرجال معند ولا في أي امل انه يغير رايه
ام فهد: اانا ابي لمي شخص اخلاق وادب ومال وجمال وكله بنواف هذا جزاتي يعني
ام احمد: انتي ما قصرتي بس بنتي ما تبيه والزواج مو غصب بس بعد اللي سوته بنت اللذين اللي ما تتسمى ابراهيم عند راسه وشكله صدق الكلام عن بنته او يمكن انه كان مستنيها تجي من ربه وجته بارده مبرده وللي قاهرني الوقحه جايه اليوم وكأنها ما سوت ولا كانها امس افترت على بنات الناس لولا اني محترمه امها كان شافت مني شي عمرها ما شافته
ام فهد تبي تهديها: ماعليك منها انتي لوتدرين ان حصه كانت مخططه على الولد لواحد من بناتها بس حامض على بوزها
ام احمد بستغراب: وانتي وش دراك
ام فهد: ادري وبس انا افهمها على الطاير بس الحين قولي بدت تجهز نفسها للملكه راح تكون كبيره في المزرعه هنا المكان خطير ومعارف ابو نواف كثار والكل بيجي لازم تطلع قمر
ام احمد تتنهد: خليها تستوعب الموضوع وبعدها بمسكها وبوديها السوق تفصل فستان مع اني ما اتوقع الوقت يكفي انتي اخبر لازم قبل شهر واحنا ما قدامنا الا اقل من اسبوعين..
ام فهد: ان شاء الله تلحقو تشترون كل شي
حصه لفت على ام احمد: الا اقول خلاص صارت الملكه رسمي بعد اسبوعين
ام احمد ودها تقوم عليها : ايه رسمي يعني فصلي لك فستان
حصه بغرور: لا مايحتاج واللي مالي دولابي ايش اختار أي واحد والبسه كلها حلوه
ام فهد بقرف: تقطعينها بالعافيه
ام فهد حبت تغير السالفه: الا اقول ام سعد
ام سعد: هلا
ام فهد: ما فكرتي تخطبين لسعد من بعد ما توفت زوجته لها سنه خلاص المفروض يتزوج
ام سعد بهم وحزن: انا لو علي زوجته اليوم قبل بكرا بس اهو يرضى اول
ام فهد بلقافه: ليش اهو مو موافق يعني
ام سعد: ايه يقول بعد رحيل ماراح يتزوج انتي عارفه انه اخذها واهو يحبها ويموت فيها وش سوى وتحدى اهلها كلهم لحد ما اخذها وسنه وراحت منه
االكل حزن على حال سعد اللي كان ملاحظ حبه لرحيل لما يكونون حولهم قلوبهم على بعض نظرات حبيبين ما تغيرت حتى بعد زواجهم
ام فهد: انتي اقنعيه وخلي زوجته علي انا اشوف له وحده
ام سعد: خليه يوافق اول وبعدها دوري براحتك
طرفه اللي كانت مشمأزه من الوضع كارهتهم كلهم حاسه انها غريبه بينهم ما انها عاشت معاهم سنين بس عمرهم ما حسسوها بقدرها عندهم والا حتى اهميتها ابو ابراهيم معتبرها زياده عدد بعد زوجته الاولي صالحه كانت له اول زوجه حبه الاول والاخير وتزوجها بعدها بس عشان تربي عياله بس كانت بعيده عنهم واهم صغار وبعدو عنها واهم كبار
دخلت ام احمد المطبخ لقتها سرحانه وماسكه دله القهوه في يدها
ام احمد: محتاجه مساعده
طرفه ابتسمت من دون نفس: لا مشكوره يا بنيتي بس شيلها عني ركبي متعبتني
ام احمد بكل رحابه صدر: من عيوني..
***********************في مجلس الرجال*****
ابو متعب يتكلم مع راش على انفراد في زاويه مجلس الرجال الفخم مساحته كبيره جدا مجهزه ابو ابراهيم لعزايمه الكبيره كل اسبوع ديكوراته البيج مع الذهبي معطيته فخامه والاثاث باللون العنابي والبيج ماليه المجلس بالقطع الاثريه والنادره..
ابو متعب بصوت اقرب للهمس: وش صار على الاوراق
راشد: لو تدري عارف هالصفقه يا ترفعنا فوووق فوووق يا تنزلنا اسفل السافلين بس لو اخذتها من شركه اخواني راح تتدمرهم بس انا عارف عندهم في البنوك اللي يغطي الخساير اما انا مسكين هذي اول صفقاتي وابي اربح
ابو متعب والأبتسامه تشق الوجه: اتخيل اني جالس في مكتبي في الشركه الجديده
راشد : قريب انشاء الله بس اسنتى علي
ابو متعب بحبث: نشوف وش بتسوي يا ولد طرفه
راشد: اقول على تبن لا تجيب طاري امي لأشق حلقك فاهم
ابو متعب بخوف: فاهم
في زاويه اخرى من المجلس ابو ابراهيم كان جالس معصب من اللي سواه ولده لازم يفهم السالفه كلها ..
االجد منصور بهدوءه وحكمته المعتاده : ابراهيم تعال معاي برا ابيك بموضوع
قام واهو عارف ان مرت ابوه ما تخلي شي الا وتقوله له: سم يبه تفضل
جلسو على دكه قريبه من المجلس حولها كله شجر جلس بعد ما سند نفسه على عصاه
الجد منصور: ابي اعرف وش صار ببيتي امس وكل الكلام اللي سمعته صح والا لا
ابو احمد : وش سمعت يبه
الجد منصور: انك تبي تغصب بنتك على الزواج من شحض ما تبيه يبه احنا ماربيناك على هالاسلوب وهالطريقه في التربيه والتعامل وخاصه مع بنتك وفي موضوع مثل الزواج كل شي في الغصب حل الا الزواج
كان يسمع محاضره ابوه بصبر بدى يقل: يبه انا اعرف مصلحه بنتي اكثر من أي احد
الجد منصور عصب: وش قصدك بنتك مو بنتي
ابو احمد يحاول يمتص غضبه: مو قصدي يبه بس انا ماراح اغصبها على شخص ما يستاهلها يبه انت تعرفه
بستغراب: اعرفه
ابو احمد: ايه ولد ناصر نواف
استانس : كفووالله
ابو احمد ارتاح شوي: شفت يبه والبنت معنده دلع بنات انت عارف انشاء الله ما يصير الا اللي تبيه انت وترضى فيه
الجد منصور بنظره غريبه: تبي ترضيني
ابو احمد بترقب: رضاك هدفي يا يبه
الجد منصور: قدم الملكه للأسبوع الجاي
ابواحمد اندهش من كلمته: الاسبوع الجاي
الجد منصور: ايه الاسبوع الجاي والا ودك تعارض
ابو احمد بستسلام: لا ليش اعارض كلمتك اهي اللي تمشي الاسبوع الجاي الاسبوع الجاي
الجد منصور كان عارف ان بنته مي ماراح تتزوج أي شخص هذا نواف اللي الكل يمدح فيه وبأخلاقه وبشهامته يدرس ويساعد ابوه في شغله شايله فوق راسه بار بوالديه وهذا شي واضح .
************************&&
كانو الشباب يلعبون بلوت في الخيمه وحماس
خالد واهو ينطل ورقته:واطللللللللللع
زياد متنرفز: اقول بس ناظر ورقتك اول يا الدلخ
خالد يناظر انه حاط ورقه غلط:هههههههههههههههههههه معليش غلطه مطبعيه خخخخخخ
عبد الله: والله انا من يوم ما شفتك تغمز انت وهالعيون تقول لمبات سياره وانا غاسل يدي
خالد خاف: اقول قل مشاء الله
احمد:هههههههههههههههههه اخوان كل واحد عينه احر من الثانيه
زياد: عاد الكبير عينه مركزه عينه والقبر
الكل:ههههههههههههههههههههههههههههههههههههههه
عبد الله: اشوى انك عارف اجل اسكت ولا نسمع صوتك لأعطيك عين اخليك تلف حول نفسك وانت تصيح
الكل:ههههههههههههههههههههههههههههههههههههههههههههه ههه
سعد كان جالس يسمعهم يلعبون جسمه معاهم ورورحه راحت معها يوم فارق يده لسمه ايدها وسمعها ربها يقبض روحها حس ان اجزاء منه راحت معاها
زياد لاحظ سرحانه...
زياد يرمي ورقه: انا بطلت..
تحت اصوات اعتراضهم تركهم وراح جمب اخوه ناظر حاله اللي ما تسر الكافر مرت سنه وكان حاله مثل ما هو بعد وفاتها بيوم
زياد قرب منه وحط يده على يده: اذكر الله ياخوي
سعد يتنهد: لااله الا الله
زياد: ياسعد لمتى بتظل كذا
سعد يستعبط: اظل على ايش
زياد: انت فاهم قصدي خلاص الحياه تستمر وزوجتك الله يرحمها وانت كنت وفي لها مده كافيه واالاخلاص والحب مو معناها انك تدفن نفسك وحياتك لا انا اعرفك اقوى من كذا الاخلاص يكون بالقلب بس سنه عايش في الظلام ولحالك تكفي انا عارف ان جاك نقل هنا بس لسى انت ما رديت عليهم
سعد تفاجأ : وشلون عرفت
زياد: ناسي خووي سلطان يشتغل هناك وقالي
سعد بطفش: والمطلوب يا اخ زياد
زياد:المطلوب انك تخلي امك تبدى تدورلك بنت لانك محتاجها وحده في هالوقت تملى عليك حياتك اكثر من أي وقت
سعد واهو يقوم من مكانه: مشكور على النصيحه بس انا اتوقع اني كبير كفايه واعرف كيف ادبر حياتي
وطلع من الخيمه قبل ما يسمح لزياد يجاوبه ...
(((((((((((((*************)))))))))))))
طلع يمشي حس انه مكتوم الكل يضغط عليه امه من جهه بالزواج وابوه من جهه النقل للرياض واهو مو قادر ينساها يتخيلها قدامه في كل مكان حوله في زوايا بيتهم في غرفتهم في المطبخ على الكنبه
مسح دمعته اللي خانته تذكر ملامحها اللي تلونت بلون الدم واشلاء الزجاج المتناثر اللي شوهت ملامحها الجميله صوره ما فارقت خياله لحظه حتى في احلامه مو مرتاح طلع سيجارته وولعها لاحظ لونها في الظلام كيف يتغير والدخان مالي المكان صار يمشي بين الشجر على امل انه يختلي بنفسه بين صوت خطواته والدخان الكثيف اللي حوله واصوات الشجر اللي تتحرك مع مرور الهوا بين اغصانها
سمع صوت بنت تتكلم كان صوتها فيه حنان..
مشاعل بدلع:ايوه حبيبي
حسين : ياحياتي انتي متى بشوف القمر انا
مشاعل بتغلي: لا صعبه ما اقدر
حسين بحبث: وشلون تحرميني من شوفتك اهون عليك تكفين بس لمحه شي اقدر اصبر نفسي فيه
مشاعل بدلع ماصخ: اوكي وش رايك بكرا
حسين ما صدق بيطير : بكرا ياحياتي انتي لوتبيني اجيك القمر يعني انتي جيتك
مشاعل بتميلح:هههههههههههههه اوكي بكرا اقولك المكان
حسين: طيب وش تبين اجيبلك معاي هالمره
مشاعل بخبث: سلامتك بس ابي شوفتك..
حسين : اجل بجيب لك على ذوقي اوكي
مشاعل بدلع: اوكي بااي
حسين بزعل : امداك طفشتي مني
مشاعل: انا اطفش من الناس كلهم الا انت
كان يسمع ومصدوم بس ما كان يقدر يقول أي حرف لانه ماله حكم عليها لا اهو اخوها ولا ولد عمها ولا له أي صله قرابه بها ...
مشاعل: طيب قلبي لازم ارجع قبل ما يفقدوني>>ما اتوقع احد بيفقدك
حسين: اوكي عمري انا ماكنت بسكر بس يوم تأكدت اني بشوفك بكرا بروح انام عشان يجي اليوم بسررررعه
مشاعل: اوكي حبيبي باااي
حسين: باااي
لسى مو مستوعب اللي سمعه ماكان متوقع ان وحده من بنات ابو احمد اوالا ابو متعب راعين مكالمات والا طلعات مع شباب سحب رجليه لمكان يبعد فيه عن كل شي...
جلست على الكرسي وحطت وجهها بين كفوفها اللي اختلطت فيها دموعها وصار لونها اسود حست انها غبيه غبيه
نوف" وشلون لعبو علي الحين وش بيقول بيقول اني ميته عليه انا الغبيه اللي صدقت المفروض اتأكدت بأي طريقه من خالتي ام احمد اهي الوحيده اللي ماراح تكذب علي يالله وش بسوي وشلون بحط عيني في عينه بعد اللي صار"
حست بصوت خطوات تكسر اغصان الشجر رفعت راسها بهتمام وتفاجات بوجوده قامت بسرعه من مكانها ماتبيه يشوف دموعها مره ثانيه لاحظت عليه الابتسامه يعني مستمتع واهو يجرحني ويلعب علي
نوف بقمه العصبيه: ولك وجه جاي تلحقني وخر عن طريقي
كان ساد عليها الطريق وكل ماراحت من جهه يروح معاها والابتسامه على وجهه كل مالها وتكبر
نوف ودها تنفجر كانت مثل البركان الخامد محتاجه كلمه تفجر حممها عليه
احمد بصوت كله حنان: يا بنت اجل تموتين فيني
نوف من الحيا ما عرفت وش تسوي صارت تضربه عشان يوخر عن طريقها واهو ولا تحرك له ولا شعره بالعكس مع ىكل ضربه تحسه يستمتع فيها اكثر
نوف واهي منزله راسها تخفي حقيقه مشاعرها: وخر عني وخر عن طريقي انت انت واحد
احمد يبي يقهرها عشان تتكلم: انا انا واحد ايش
نوف انفجرت: انت واحد تافه وما عندك احساس ايه احبك وش عندك عاجبك عاجبك مو عاجبك اخطب مليون وحده غيري بس انا مو لعبه تلعب فيها انت وخواتك تختبروني فيها انا انا
سكتت ورجعت تبكي..
احمد ابتسم مسك يدها وجلسها : انتي حبيبه قلبي انا ودي افهم شي واحد وشلون خطر على بالك مجرد فكره اني ممكن استغنى عنك وشلون
نوف وبنظره كلها امل: طيب ويوم تقول لا تخرب كشختي مو كنت رايح تشوفها
احمد:ههههههههههههههه الله يهديك بس يعني كلمه وتنقال
نوف بحزن: طيب انا سلمت عليك وانت طنشتني
احمد: والله ما سمعتك يا المجنونه وشلون فكرتي اني اخليك انا حياتي من دونك ولاشي ليش تعذبيني وتعذبين نفسك يا نوف انتي عارفه حياتي مالها طعم من غيرك تكفين ريحيني ريحيني انا تعبت من الانتظار
نوف نزلت راسها مستحيه وقفت ..
احمد وقف وراها وبحزن مصطنع:يعني مو قادره تجاوبيني
نوف قبل ما تمشي لفت : تعال بيتنا مرتاح
وراحت تركض.. احمد جلس يسحب اذنه حسب انه غلطان باللي سمعه لما استوعب بعد دقايق جلس ينطط على كرسي وضحك ضحكه ظن ان كل اللي بالمزرعه سمعوه
اخيراا.. يانوف اخيرا راح تكونين لي يكفي تغلي ويكفي زعل نبي نعيش حياتنا مع بعض اوعدك انك تكونين معاي اسعد بنت في الدنيا...
*******************8
كانت تناظر مي ودها تنكد عليها ما حست بالرضا كفايه كانت تكرههم ما تعرف ليش قربت منها ناظرتها من فوق
مشاعل بحقد:ماقلنالك مبروك
مي رفعت عينها والغضب واصل اعلى درجاته: انتي وش تبين مني اتركيني بحالي ما يكفي افتريتي علي لحد ما خليتي ابوي يغصبني على زواج ما ابيه ارتركيني بحالي
مشاعل بنظره اشمئزاز: شوفي انا اتركك متى ما ابي وانتي يا حياتي براسي الحين وماراح ارتاح لحد ما ادمركم كلكم فااهمه
مي: وش سوينا لك والا صار الحقد والكره مالي قلبك على الكل
مشاعل تضحك بسخريه:هههههههههههههههه عليك نور جبتيها تقدري تسميها اللي تسميها مثل ما تسميها تسميها لعانه كره حقد اختاري اللي يعجبك بس اوعدك وعد بجي ابارك لك وانتي في الكوشه واعطيك بوسه بعد وش رايك
اقول اعصابك اعصابك لا يطق لك عرق بعدين وش نسوي بالمعرس اخذه عنك نقوله عروستك منقع في راسها عرق قولي امين..
مي بدت تفقد اعصابها من طريقتها في الكلام : انتي بتوخرين عن وجهي والا شلون
في شافت اصواتهم بدت تعلى راحت تركض لحد ما وقفت جمب مي.
في بصراخ: وانتي ماراح تفكينا من شرك تراني لحد الحين ساكته عنك وربي لو فضحتك لتندمين طول عمرك فاهمه..
مشاعل بخوف ممزوج بغضب: اصلا ما عندك غير التهديد وانتي اخر وحده تتكلم يا راعيه الشباب فاهمه
في ما قدرت تمسك نفسها كانت بتمد يدها وصلت يد مي عليها قبل ما توصل لمشاعل
في واهي ميته قهر: اتركيني والله انها ما تربت وانا اللي بربيها شوفو من يتكلم انا ما احب افضح الناس فخلني ساكته لا وربي لخليك تعضين الارض اللي تمشين عليها ندم فاهمه
ومشت وتركتها قبل ما تتهور وتمد يدها لا هذا اسلوبها ولا هذي طريقتها في التعامل بس كلامها أي وحده مكانها ما تتحمله
البنت مالها غير سمعتها الطبيه وممكن كلمه غلط تطلع على لسان شخص حاقد ممكن انها تتصدق وتنتشر ظلم..
مها كانت مثل المجنونه تمشي بعد ماراحت ولبس عبايتها وصارت تدور تتمنى انها تشوفه عشان تبي ترتاح من الهم اللي شايلته بقلبها اهي ما غلطت انها حبت تساعد ولد عمها واختها بس كلمه منها انفهمت غلط وخالد قطع الوسيله الوحيده انها تتفاهم معاه وما صار يرد على مسجاتها حاولت تتركه فتره يهدى وحانت اللحظه انها تبي تعترف له انها مظلومه..
صارت تلف المزرعه ميه مره بالدقيقه لمحته جالس يضحك ويلعب ورق جلست على اقرب كرسي بس كانت تقدر تشوفه من دون ما اهو يشوفها
سمعت صوت شخص يكلم بالتلفون عرفته على طول لفت طرحتها على راسها وجلست تنتظر خالد يطلع لانها وعدت نفسها ما تتطلع اليوم الا متفاهمه معاه..
شافها ..
عبد الله يناظرها واهي باين انها سرحانه
عبد لله: انشاء الله ما اكون قطعت عليك افكارك
مها انتبهت لوجوده: هلا لا ماقطعت شي
عبد الله لازال واقف: اخبارك يا مها؟؟
مها تستحي منه بشكل غريب: الحمد الله
عبد الله ما تحمل يسكت اكثر من كذا: مها ولمتى وانتي تعامليني كذا
مها تتغابى: وش قصدك وشلون اعاملك اعامك مثل متعب وزياد والكل
عبدالله بحزن: ايه انا ما ابيك تعامليني زيهم لمتى ماراح تحسين فيني
مها تبي تقطع كل حبال الامل عنده: عبد الله انت خطبتني وانا رفضت خلاص الزواج قسمه ونصيب
مها" لو تدري اني اموت على تراب رجلين اخوك ما ادري وش بيصير فيك"
عبدالله كانت عزه نفسه فوق كل شي ممكن يتنازل لحظات لأجل ناس يحبهم بس كرامته ورجولته ما تسمح له انه يترجى بنت دخلت قلبه من دون اذن كان معجب فيها والاعجاب تطور مع الوقت يسمع عنها وحبها من كلام غيره مع احيانا الكلام اللي يوصله مو كلام حلوو بس كان يظن ان لها شخصيه غامضه وغريبه ومحتاجه شخص يبين جوانبها الحلوه..
عبد الله يحاول يحافظ على نبره صوته: مها انا عند كلامي لك فكري زين واستنى ردك النهائي
مها بطفش: عبد الله قلتها لك مره انا اسفه انشاء الله تلقى اللي تعوضك عني وتكون احسن مني
عبد الله بحزن: ما اظن بس مهما صار ومهما كان بيننا راح تظلين عزيزه وغاليه وبنت عمتي وعلى راسي وانا الحين اخليك على راحتك
لف ومشى كان وده يسمع رايها يتغير في لحظه بس كانت خطواته تطول والامل يقل ترك كل احلامها معاها كان يتمنى مها بجمالها تكون له عروس بس تجري الرياح بم لاتشتهي السفن..
في هالوقت ..
كان خالد طالع يشرب مويه مر من نفس المكان وسمع كل الكلام فتح فمه من الصدمه عبدد الله يعني كل احساسي امس كان صح مها نفسها مها اللي عمري متعلق فيها حتى لو كانت خاينه
احبها بخيانتها احبها بحقدها احبها بعيونها بجمالها بلمسه ايديها بدمعه في عينها بهمسه من صوتها برقه انفاسها بعذوبه صوتها ولذه ضحكتها
كانت لما تضحك يحس الدنيا كلها حوله تضحك بس ما تحمل صدمتين ان اخوه اخوه اللي طول عمره مغرق نفسه بالشغل وشلون ومتى حب مها كانت غازيه كل اشعاره كان يقراها من دون تركيز مها كانت موجوده في كل بيت في كل كلمه في كل حرف
وصفها بحنانها وطيبتها وصفها
حسد اخوه على الموهبه اللي يتمناها عشان يوصف لها مشاعره بقصيد والا حتى ببيت يكتب فيه احبـــــــــــك يامها وحياتي من دونك مالها أي لون..
لاحظت حركه ورى الشجر قامت بسرعه تشوف مين
وقفت بسرعه وبصوت اقرب للهمس: خالد
خالد عيونه كانت توصف كلام كثير بس كلامه يوصف عكس كل شي بقلبه: نعم
مها ببعيون كلها ترجي: ليش ما ترد على مساجاتي على الاقل عطني فرصه اشرح اللي صار مو معقوله كذا
خالد بعتاب : وش تبين تقولين لي لك وجه تتكلمين بعد اللي سمعته حبيبي روحي لحبيبك وانا انسيني لان اللي بيننا انتهى
حطت يدها على فمها: خالد
كان ساكت يدور أي شي يحط عينه عليه عشان ما يحط عينه بعينها ويحن قلبه عليها كان جايب سمعه عذر عشان ينهي اللي بينه وبينها لانه مستحيل يرتبط سعادته بتعاسه احد وكيف اذا صار اخوه راح يبديه على نفسه..
مها والدموع بدت تتجمع بعينها: خالد الله يخليك لا تقول كذا والله ما سويت شي هذا كان ولد عمي فهد
خالد ناظرها نظره كرهت فيها نفسها
خالد: بعد ولد عمك يعني تشتغلين على الحبلين
مها واهي تبكي: لاااا والله لاااا استنى بشرح لك كل شي
خالد: انا اسف ما عندي وقت مع السلامه
وراح وتركها منهاره ما صدقت هذا خالد نفسه اللي حبته وحبت فيه تفاهمه لها ولشخصيتها حتى ما عطاها فرصه تبرر نفسها وتبرر موقفها تركها من اول مشكله صارت بينهم حطت في بالها شي مستحيل تتنازل عنه
مها"خالد انت لي مهما صار انت لي ولا راح تكون لغيري والوقت راح يثبت لك هذا الشي"
مي رجعت بعد ما تنرفزت من مشاعل عند الحريم
حصه تستفز: هلا وغلا بعروستنا
مي مالها خلقها: هلا
مي جلست جمب امها: يمه متى بنروح البيت تراني طفشت
ام احمد تناظر ساعتها: يله نمشي
مي : ايه تكفييين
بعد ما جت الساعه 12 الكل قرر يروح لانهم تعبو ....
في سياره ابو احمد
ابو احمد كان يدور طريقه يقولهم ان الملكه تقدمت اسبوع قبل موعدها الاصلي
ابو احمد بجديه: مي
مي كانت شبه نايمه فما ردت
ابو احمد عصب يحسبها قاصده تطنشه
ابو احمد صرخ: ميي
مي قامت مرتاعه: هانعم نعم
ابو احمد: من بكرا تروحين تدورين لك فستان
مي بستغراب: ليش ؟؟
ابو احمد: لان الملكه الخميس الجاي
الكل شهق اولهم ام احمد وفي وبدر كان راجع مع احمد..
ام احمد التفت عليه: صدق يا رجال ما يمدي ليش قدمتها اسبوعين كانت شويه وشلون اسبوع ما يمدي نسوي شي
ابو احمد: اللي بتشترونه في اسبوعين تشترونه في اسبوع بلا كثر كلام ابوي يبي كذا وانا ما اقدر ارفض له طلب
في : وجدي وش دخله بعد في الموعد
ابو احمد عصب: جب ولا كلمه انتي لا تتدخلين
مسكت نفسها عشان ما ترد على ابوها وسكتت
مي اللي كانت مرتاعه: يبه حرام عليك
ابو احمد: كلام في هالموضوع ما ابي اسمع فاهمين
ولا احد رد....
وصلو البيت واهي ودها تنفجر ودها تنحاش تسوي أي شي ما بقى على ملكتها الا اسبوع مافي امل يصير شي يفكها من هالزواج خطرت في بالها فكره مجنونه فكره ممكن يا تنقذها ياتنهي احترامها لنفسها خذتها الافكار شوي توديها وشوي تجيبها فكرت في اخر شي تنسى الفكره وتستسلم لربها ...
&&&اليوم الثاني&&&&
في الشركه...
كان يكلم على التلفون..
راشد: هلا ابو احمد
ابو احمد: هلا فيك اوراق المناقصه الاخيره عندك
راشد بخبث: ايه عندي
ابو احمد: اتبه يا راشد هذي الاوراق اهم اوراق لو تسربت منها ورقه وحده لأي شركه ثانيه راح تروح علينا وانت اعرف
راشد: ايه عارف عارف
&&&&&&&&&&&&&&في بيت ابو فهد
نوف جالسه لها ساعه تترجى امها تخليها تروح مع مي السوق ورافضه
نوف شوي وتصيح: يمه حرام عليك المفروض انتي اللي تقولين لي روحي مو تعيين ابي اروح
ام فهد طفشت من الصجه: خلاص روحي روحي الحين اهم بيروحون مع مين
نوف: يمه مع مين يعني السواق الله يسلمه
ام فهد: طيب خلاص روحي مع خويلد خليه يوصلك بيت عمك ويرجعك فاهمه
نوف: فاهمه فاهمه بس وينه ولدك الحين
راحت تدوره في كل البيت لقته في غرفته جالس على السرير وماسك جواله ويقرى بس مو عارفه ايش
تطق على بابه: خلوودي
خالد وعينه لازالت على الجوال: نعم
نوف قربت وجلست على السرير: ابيك توديني بيت عمي ابراهيم
خالد: ليش
نوف: مي تبيني
خالد رفع عينه من الجوال وصلح جلسته: ليش
نوف: تبيني اروح ادور معاها فستان للملكه الخميس
خالد حاول يعود نفسه خلاص راح تصير لغيره واخلاقه ما تسمح له انه يفكر فيها اكثر من انها بنت عمه وصارت زوجه صاحبه مستقبلااا
صوره صعبه عليه يتخيلها بس شي صار مقدر مكتوب قوى قلبه وتذكر مها اللي راح يتنازل عنها لأخوه حس انه ضايع ووحيد لمتى بترك سعادتي على جمب لمتى
خالد بزهق: يله لك دقيقتين تخلصين فاهمه
نوف:انا لابسه بس بجيب عباتي
خالد: يله اطلعي خليني البس
نوف: يله
****************************88
ام احمد راحت تدور مي تبي تقولها ان نوف جايه تاخذها السوق
في: وش فيك يمه تدورين من الصبح انحولت
ام احمد: وين اختك دورتها في كل مكان يله نوف بتجي عشان تروحون تدورون فستان ما بقى وقت..
في: يله بقوم البس وبروح لها شفتها جالسه قدام المسبح
في راحت لقتها منزله رجليه في المويه وتحركهم بعبث من دون مغزي وباين انها سرحانه
كان المكان من تصيميم في ابوها اوكل لها المهمه في تزين المكان حولته لغابه اسوائيه جدران والسقف كلها اعشاب استوائيه بس مو حقيقه ما تقدر ترق بين الحقيقه والا صناعيه
بين الاعشاب كان موجود سماعات تطلع اصوات عصافير في النهار والحشرات بالليل واضواء ملونه معطيه المكان جمال وروعه
في جلست جمبها ورفعت بنطلونها ونزلت رجليها في المويه: وش رايك تقومين ورانا دوران في السوق
مي واهي تناظر رجليها اللي تدورها في المويه: ماودي اروح
في: مي لاتجلسين تعاندين استخيري يمكن خيره لاتصيرين عنيده ويله قومي معاي خلينا نلبس ونروح البنت جايه في الطريق حرام ضاربه مشوار ونسحب عليها
مي بستسلام: طيب بقوم اسبقيني
في: اكيد
مي بطفش: اكيد
&&&*******************************&&&
في الشركه ...
كان سعد رايح يزور ابوه في الشركه..
سعديطل من ورى الباب:السلام عليكم
ابو سعد من دون ما يرفع نظره من الاوراق: وعليكم السلام تفضل
كمل: وش سر الزياره..
سعد:هههههههههه افا شكلك ما ودك تشوف خشتي
ابو سعد:ههههههههههه لا مو كذا بس انت ما تجي الا ما يكون وراك شي لايكون غيرت رايك في موضوع الزواج
سعد نزل راسه:يبه لو سمحت لا تفتح هالموضوع الحين مووقته ابد
ابو سعد: طيب وش تشرب
سعد: اانا مو جاي اتضيف بس كنت قريب من هنا وقلت امر اسلم على عماني مين اللي موجود
ابو سعد: مافي غير راشد وانا اليوم ابو احمد عنده شغل برا الشركه وراح يخلصه وابو فهد راح يشوف لولده بيت عشانه بيجي من الشرقيه وابو متعب مرريض
سعد واهو يقوم: يله خلني اروح اسلم على راشد وارجع البيت
ابو سعد : بسلامتك
سعد: مع السلامه..
طق الباب: السلام عليكم
راشد وقف من مكانه:هلا وعليكم السلام وشلونك ابو سعيد
سعد: بخير الحمد الله وشلونك انت
راشد يأشر على الكرسي: بخير تفضل وش سر الزيارتك المصونه
سعد حط يده على راسه: وش فيكم انتو علي الكل ما وده يشوفني
راشد:ههههههههههههههههه نمزح معاك يا وجه الخير اخبارك بس؟
سعد: بخير الحمد الله اجل مداوم اليوم
راشد: ايه والله الشغل كثير والكل طالع مافي غيري وابوك وعندي اوراق ابي اوديها بعد لسى مطول
سعد: بما اني فاضي ليش ما اعرض عليك خدماتي وين تبي تودي الاوراق
راشد: لا ما نبي نتعبك
سعد: اقول لا تعب ولا شي بس عطني عطالي بطالي خلني اسوي شي مفيد اليوم
راشد: خلاص اجل خذ هالملف الاحمر اللي قدامك ووصله بيت ابو متعب تدله
سعد يناظر الملف: ايه ادله بس اعطيه ياه يعني اهو في البيت
راشد: ايه مريض وجالس
ابو متعب لاكان مريض ولاشي بس ما جا الشركه عشان يلقى راشد سبب انه يطلع الملف معاه لو احد شافه على اساس ان ابو متعب المسؤول عن حفظ اوراق المناقصات واخفاءها لحد ما تصير..
سعد يوقف: اجل يله مع السلامه
راشد: مشكور يا سعد تعبناك
سعد: ولا يهمك تعبك راحه مع السلامه
راشد: مع السلامه
.................................................. .......
خالد: يله انزلي متى تبيني امرك
نوف: يعني 12 كذا
خالد: يووه ناويه تطول العمه الساعه 11 بجي
نوف : طيب 11 خلاص لا تعصب
*******نزلت وفتحت لها وعد**
وعد: يووه هذا انتي وين اخوك ما جبتيه
نوف مطيره عيونها: والله انك وقحه
وعد: اقولك شيلي عيونك من الارض بس لا يطق لك عرق
نوف : ترا بصفقك كف يدوخك وخري عن الباب لاطعتني ساعه وبعد تسأل عن سلطان ما جبته ماااجبته طقي راسك بالجدار
جتهم في بعد ما سمعت الجرس
في:ههههههههههه ياربي بزران وحاطين روسهم ببعض
نوف: اختك ذا الخبله
وعد: انتي الخبله
نوف: انتي
وعد: انتي
في عصبت: اسكتو وانتي ادخلي شوفي مي وخلينا نروح يله الساعه 9تأخرنا
نوف تتافف: طيب
**************في بيت ابو متعب***************
جلس يرن الجرس له اكثر من خمس دقايق بدى يطفش لما لف فتح له الباب وكان يتثاوب
متعب حاط يده على فمه: هلا سعد
سعد: هلا لا اكون ازعجتكم
متعب: لا بس عارف عطله ونومي متلخبط وامي طالعه وابوي نايم وخواتي عجازات عشان كذا ما فتحنا الباب تفضل
دخله المجلس....
متعب: دقيقه اقوم ابوي
سعد: لالا تزعجه
متعب: لا ماعليك اصلا اهو المفروض يصحى الحين
سعد: طيب استناه
طلع متعب وجلس سعد يناظر حوله طفش من الانتظار راح يدور في المجلس وبعدها جا بيطلع من الباب يوم لمح بنت واقفه عند باب الشارع الصغير اللي في الزاويه رجع بسرعه
كان يتخلس النظر من لحظه للثانيه كانت تضحك ومتحمسه وكانت طالعه بقميص نوم قصير استحى انه جالس يناظرها استغفر ربه شافها تاخذ كيس وسكرت الباب رجع بسرعه وجلس...
مشاعل كانت تاخذ الكيس من حسين اللي ماخافت مع وجود ابوها في البيت انها ما تقابله صار قلبها متحجر وما تخاف من احد طلعت من باب المجلس لانه اقرب للبيت من باب المطبخ الخلفي دخلت من الباب وفجأه انطفى الكهرب في كل البيت
خافت حست نفسها ضايعه تضرب في قطعه اثاث من هنا والكرسي من هنا
واهو وقف فجأه ما عرف وين يروح ظلام دامس حتى ما كان يشوف يده
سمعت خطوات خافت راحت تركض جوا المجلس وضربت فيه وطاحت عليه على الكنبه
وفجاه شافت كل شي رجع الكهرب وفي هاللحظه دخل ابو متعب
ابو متعب: مشااااااااااعل
*وش رايح تكون رده فعل ابو متعب على اللي شافه؟؟
*ايش مصير خالد ومها وهل هذي نهايتهم؟
*وهل مي بدت تتقبل موضوع زواجها من نواف؟
ردت على نوف: وش صار
في بطفش: سكرت الغرفه وما تبي تفتح لأحد
نوف: حتى لك
في: اولهم انا انا بنام الحين وبخليها ترتاح وبكرا لكل حادث حديث
نوف: حسبي الله عليها اللي كانت السبب
في: الله يهديها بس ليش وش سوينا لها تسوي كذا
نوف: مدري عنها وحده حقوده ونجسه وما قد شفت اسود من قلبها ليش ما طلعت مثل مها
في: اه بس الله يهدي ابوي
نوف:امييييييييين اشوفك بكرا
في: انشاء الله مع السلامه
نوف: مع السلامه..
جلست تفكر صدق من شاف هموم الناس هانت عليه همومه بس همها اكبر من انه احد يتحمله حبه الاول والاخير ضاع منها بكلمه غلطت بس ما حست انها ندمانه كثير لانها اكتشفته على حقيقته مع انها مو مصدقه كل اللي صاراحمد ما يحب يجرح احد وشلون يجرحني انا وشلون...
&&&&اليوم الثاني الساعه خمس&&&&
بيت ابو احمد صججه والكل مشغول بنفسه لان العزيمه كبيره وابو نواف اول المعازيم على سلامه زياد اللي صارت حديث العايله وكيف كان ربي حافظ زياد وبمعجزه نجى..
ابو احمد لازال يفكر بقراره ولازال معند وعند كلمته وراح يوصل موافقه البنت اليوم لأبونواف
ام احمد دخلت على مي اللي كانت لسى مو لابسه وتوها صاحيه
رحمتها وحست انهم ظلموها بس حكم القوي على الضعيف : ها اشوفك ما لبستي؟!
مي من دون ما تناظرها: ماابي اروح
ام احمد: اقول ما نبي مشاكل مع ابوك روحه وبتروحين مافي جلسه في البيت لحالك
مي مدمعه عيونها: ما يكفي بتغصبوني على زواج ما ابيه وبعد تبوني اروح اقابل ناس ما ابيهم ودوني عند خالتي نوره
ام احمد حن قلبها وراحت حضنتها: يا بنتي تكفين ابوك معصب اكسري الشر والبسي تكفين وانا بحاول مع ابوك مره ثانيه
مي وكلها امل: بتحاولين اكيد
ام احمد تبتسم: اكيدين يله البسي
مي فرحت: انشاء الله
راحت فتحت دولابها تدور شي جديد تلبسه لقت تنوره اوف وايت قصيره من جهه تنسحب بخيط على فوق وترتفع مخصره جسمها وبدي بيج وعليه بلوزه قصيره لونها بيج بقبعه
رفعت شعرها ذيل حصان بطريقه حلوه وميك ناعم لونه بينك..
^^^^^^^^^^^^^^^^^^^اما في كانت لابسه على غير العاده فستان ابيض غجري قصير مع اكسسوار ذهبي مبين نعومتها وتاركه شعرها كيرلي على طبيعته مع اكسسوار ذهبي فيه..
مشو للمزرعه اللي كانت في الخرج كبيره وفيها من الخضار اللي تشتهيه وفيها احصنه للبنات لانهم يحبون الفروسيه..
وصل الكل ....
الرجال في المجلس والشباب راحو الخيمه اللي برا
اما البنات منتشرين في كل مكان اللي تكلم بجوالها من جهه واللي تسولف من جهه
واللي منعزله لحالها بجهه واكيد عرفتوها
جلست تدور تفكر بطريقه تتخلص فيها من هالزواج بس بدت تفقد الامل لما شافت ابوها وكلامه
مها جلست جمبها: وش في الحلو متضايق
مش ابتسمت لذوقها : سلامتك بس اتوقع عارفه
تنهدت: المشكله عارفه عندي اخت اللي يهديها بس
مي: حرام انا وش سويت لها وش سويت
مها : ماعليك ما اتوقع خالي ينفذ كلامه
مي ضخكت: اجل انتي ما تعرفين ابوي لو حط براسه شي حط براسه شي
مها: انشاء الله هالمره غير هذي فيها زواج مو لعبه
مي بيأس: مدري والله
نوف كانت تمشي مع في.....
نوف تحاول تكون طبيعيه: وش صار مع اخوك راح يشوفها
في: ايه راح وعجبته
وقفت في مكانها : عجبته
في وصلت عند مي اللي كانت لحالها وجلست جمبها : ايه عجبته ليش انتي مهتمه
نوف نزلت على ركبها وبدت تصيح بشكل جنوني: تكفوووون تكفون قولو انكم تكذبون علي تكفون
مي وفي خافو من رده فعلها
كملت صياح وترجي فيهم:تكفون اذبحوني اقتلوني بس قولو انكم تكذبون الله يخليكم قولو انكم تكذبون ارحموني الله يخليكم تعبت
رجعت مها وشافت نوف وشلون تصيح كانت رايحه تجيب كوفي لمي عشان تهدى وتروق شوي
نوف قامت بسرعه تمسح دموعها وراحت تمشي تبي تبعد على قد ما تقدرمن الكل وصلت عن جهه الاسطبل تمشي لحالها خافت من المكان وظلمته ضمت يديها ببعض
وصارت تدور طريق الرجعه سمعت صوت شخص يتكلم بالجوال
: هههههههههههههههههه ايه نشوفك بكرا في الاستراحه ههههه انشاء الله مع السلامه
راحت تركض تدور مصدر الصوت لانها عارف صاحبه
احمد : نوف
نوف بخوف: هذا انت
احمد:ههههههههههههه ما ودك تشوفيني اجل
نوف بدت تبكي: وليش اشوفك وانت رايح تخطب وشايفها امس
&&&&&&&&&&&&&
جالسه بغرفتها رجعت تقرى الورقه للمره المليون كاتب فيها
((انا قررت اتوب لرب العالمين في شي شفته فيك خلاني اتغير وراح تكون بدايه توبتي اني اطلعك من جحيم وليد واتمنى انك تسامحيني
ابراهيم((
*ايش راح يكون رد احمد على كلام نوف؟؟!
*وكيف راح تحل المشكله الصعبه اللي طاحت فيها مها مع خالد واللي ممكن تنهي علاقتهم؟؟
*وهل ابو احمد بيظل معند على موضوع زواج مي من نواف؟؟
وصارت تدور طريق الرجعه سمعت صوت شخص يتكلم بالجوال
: هههههههههههههههههه ايه نشوفك بكرا في الاستراحه ههههه انشاء الله مع السلامه
راحت تركض تدور مصدر الصوت لانها عارف صاحبه
احمد : نوف
نوف بخوف: هذا انت
احمد:ههههههههههههه ما ودك تشوفيني اجل
نوف بدت تبكي: وليش اشوفك وانت رايح تخطب وشايفها امس
احمد مو مستوعب اللي تقوله: ايش تخطب وايش شايفها
نوف بدت تطلع عن طورها: انت تستهبل معاي
وراحت تركض وتحاول تجمع اشلاء كرامتها اللي حست انها ضاعت باللي سواه معاها احمد
راح يركض وراها: استني
لفت عليه كانت نظراتها كلها حقد: اتركني واشوفك مره ثانيه مكلمني فاهم
تركته مصدوم عن ايش تتكلم أي خطبه واي بنت وش السالفه حس ان وحده من خواته يمكن يكون لها يد بالموضوع...
اتصل على في اللي كانت جالسه مع مي بعد ما هدت شوي ..
في: هلا حموود
احمد بنبره جديه: وش قايلين انتو لنوف
في ببرائه: ولا شي
احمد مو فاضي لمزحها: اقول بتتكلمين والا وشلون تراني مالي خلقك
في خافت من طريقه كلامه: طيب طيب بقولك
جلست تقوله لقصه كلها وشلون خطرت الفكره في بالها احمد من صدم من تفكير اخته الجهنمي كذا ماراح تقدر نوف تنكر حبها لأحمد وخوفها من خسارته لانها انهارت وقدام مي وفي يعني ماراح تقدر تنكر أي كلمه او فعل قالته لما سمعت كلام مجرد كلام ان احمد ممكن يخطب بنت غيرها فرح من قلبه على رده فعلها دليل حبها الكبير له وزاده اصرار انه ما يستغنى عنها ولا عن حياته وسعادته معاها...
احمد والفرحه مو شايلته: يقطع بليسك بنت من وين طلعتي هالفكره الجهنميه.
في بعصبيه مصطنعه: وانت تو تبي تصفقني هااا
احمد يتميلح: انا انا اصفقك نور عيني بس مشاء الله عليك عمري ما فكرت انك ذكيه وراعيه خطط وافكار كذا
في بغرور: عشان تعرف قميتي وقيمه افكاري
انتبهت لنوف اللي جايه من بعيد باين انها لازالت منهاره وتحت ضغط الصدمه
في بعجله: يله يله هذي نوف جت باي
احمد بحماس: لاا تكفين استني خلي السماعه مرفوعه ابي اسمع كلامها
في بطفش: ياشين اللي يعطي العلل وجه
احمد: علل في خشتك اقول خليها مفتوحه وانتي حرمه
في تنزل الجوال: طيب طيب وما ابي اسمع نفسك جوالي صوته عالي ترا ننفضح
حطت الجوال بينها وبين مي اللي كانت معاها جسد بلا روح تفكر حل لمصيبتها اللي طيحتها فيها مشاعل يمكن كان في امل ابوها يهون او يحن عليها قبل ما تألف الكذبه اللي راح تدمر حياتها من دون ذنب راح تعيش نواف تعيس وتعيش اهي تعيسه معاه
في التفت على مي: اقول خلي موضوعك لبعدين خلينا نخلص موضوعك اخوك وهالخبله نووفوه
مي ببرود: طيب
جتهم بعد ما مشت مسافه طويله بين الاسطبل والمكان اللي جالسين فيه البنات مثل مكان مغلق من فوق بمثل المظله الكبيره ويتخللها انواع الشجر والأعشاب المتسلقه والورد اللي معطي جمال للمكان
راحت تركض لحد ما طاحت عند ركب في بترجي كانت تتمنى الخبر يطلع كذب بكذب عرفت ان حياتها من دونه ولاشي لا معنى ولا هدف طول عمرها كانت له وطول عمرها راح تكون له
فكره صعب عليها تتقبلها الا مستحيل تفكر فيها حتى انها تشوفه في الكوشه مع وحده غيرها
بكت ودموعها مثل انهار وسيول على خدودها اختلط فيها لون الكحل الاسود : تكفين يا في الله يخليك ريحيني وقولي ان السالفه كذب انا ما اقدر استغنى عنه اهو حياتي اهو عمري كله قد شفتي شخص يستغنى عن قلبه وكل ما يملك في ما اقدر اتخيله مع وحده ثانيه والله امووت اموووت اذبحه واذبحها وبعدها اذبح نفسي لان الحياه من دون راح تكون مالها طعم ولا لون بعيني
كان يسمع منصدم من درجه حبها كان باين انها تحبه بأخلاص حب طفولي امتد مع الوقت لحب عذري طاهر تمنى تكون نهايته النهايه الصحيحه لأي علاقه ولأي حب هي الزواج يسمع كلماتها الطاهره ويبتسم
احمد" لها الدرجه تحبيني يا نوف ما اكنت اتوقع انك تحبيني اكثر من ما انا احبك بس بعد اللي سمعته انتي ما راح تكون لأحد غيري لو اضطريت احارب هالدنيا كلها فدى عيونك ولا اشوف فيها دمعه من دموعك الغاليه
كملت بصوت يختنق من الصياح: خلاص انا موافقه بس لا يخطبها لا يشوفها تكفووون تكفين
في رحمتها صدمتها درجه حب نوف لأحمد خافت انها تحقد عليها على اللي سوته بس كانت عارفه ان نوف قلبها ابيض مستحيل تشيل بقلبها على احد وخاصه عليها اهي لأنها تعرف معزتها بقلبها
مسكت كتفها ورفعت وجهها : نوف انا اسفه سامحيني
نوف سمعت هالكلام وتغيرت تعابير وجهها كله الحين بتأكد لها ان خطبت احمد حقيقه وواقع اسود لازم تتعامل معاه حست بدمار شل كل عرق نابض فيها سكتت تستنى في تخلص كلامها..
في بنفس نبره الاسف: احمد ما خطب أي بنت
وقفت على حيلها متفاجأه توقعت انها ما تسمع صح كانت تبي تتأكد من اللي سمعته: اييش
في ونبرتها قلبت الى نبره خوف من رده فعلها: احمد ما خطب وكل السالفه كانت مزحه..
نوف عيونها كانت تفضخ مشاعرها مشاعر الغضب من أي احد يلعب فيها او يتهاون بقلبها: في انتي وشلون تسوين فيني كذا
في بأسف: والله اسفه ما كنت متوقعه الموضوع يكبر كذا وانتي يصير فيك كذا
نوف بعتاب: انتي شاكه اني احب اخوك مثلااا وحابه تتاكدين انا مو لعبه يا في ويا مي اللي ساكته من الصبح وكأنك مو في الدنيا زواج وراح تتزوجي ممثل كل البنات لاتسوين فيلم هندي
جرحتها الكلمه جرحها انها كانت طالعه من نوف اعز صديقه لها وبنت عمها اكتفت انها تناظرها نظره حزن وقلب مكسور ومشت وتركتها
اما نوف تضايقت من نفسها مي مالها دخل في اللي سوت كل شي واحط حرتي فيها..
رجعت نظرها لها: بس للأسف يا في ما توقعتها منك ابدا
ومشت وتركتها من دون ما تسمع رد او تبرير كانت فرحانه من نتيجه اللي سوته ومتضايقه انها جرحت اعز الناس لها نوف بس عرفت ان نتايج اللي سوته بتظر قريب ولازم تعتذر من نوف على اللي سوته فيها
تذكرت الجوال اللي على الكرسي رجعت تشوف اذا الخط ما انقطع
في بترقب: الووو الووو الوووو
احمد بهدوء: هلا
في: سمعت كل شي
احمد بنفس الهدوء: كل حرف وين راحت
في: راحت من نفس ما جت
احمد: يله باااي
في: باي
&&&&&& في جلسه الحريم**
كانو جالسين يسولفون وكل وحده وجمبها اللي تسولف معاها
ام فهد: يعني خلاص ابو احمد مصر
ام احمد بحزن على حظ بنتها ماكانت تبيها تتزوج مغصوبه تبيها تكون موافقه واراغبه بهاالزواج: مو انتي كنتي تبين كذا افرحي صار اللي تبينه والرجال معند ولا في أي امل انه يغير رايه
ام فهد: اانا ابي لمي شخص اخلاق وادب ومال وجمال وكله بنواف هذا جزاتي يعني
ام احمد: انتي ما قصرتي بس بنتي ما تبيه والزواج مو غصب بس بعد اللي سوته بنت اللذين اللي ما تتسمى ابراهيم عند راسه وشكله صدق الكلام عن بنته او يمكن انه كان مستنيها تجي من ربه وجته بارده مبرده وللي قاهرني الوقحه جايه اليوم وكأنها ما سوت ولا كانها امس افترت على بنات الناس لولا اني محترمه امها كان شافت مني شي عمرها ما شافته
ام فهد تبي تهديها: ماعليك منها انتي لوتدرين ان حصه كانت مخططه على الولد لواحد من بناتها بس حامض على بوزها
ام احمد بستغراب: وانتي وش دراك
ام فهد: ادري وبس انا افهمها على الطاير بس الحين قولي بدت تجهز نفسها للملكه راح تكون كبيره في المزرعه هنا المكان خطير ومعارف ابو نواف كثار والكل بيجي لازم تطلع قمر
ام احمد تتنهد: خليها تستوعب الموضوع وبعدها بمسكها وبوديها السوق تفصل فستان مع اني ما اتوقع الوقت يكفي انتي اخبر لازم قبل شهر واحنا ما قدامنا الا اقل من اسبوعين..
ام فهد: ان شاء الله تلحقو تشترون كل شي
حصه لفت على ام احمد: الا اقول خلاص صارت الملكه رسمي بعد اسبوعين
ام احمد ودها تقوم عليها : ايه رسمي يعني فصلي لك فستان
حصه بغرور: لا مايحتاج واللي مالي دولابي ايش اختار أي واحد والبسه كلها حلوه
ام فهد بقرف: تقطعينها بالعافيه
ام فهد حبت تغير السالفه: الا اقول ام سعد
ام سعد: هلا
ام فهد: ما فكرتي تخطبين لسعد من بعد ما توفت زوجته لها سنه خلاص المفروض يتزوج
ام سعد بهم وحزن: انا لو علي زوجته اليوم قبل بكرا بس اهو يرضى اول
ام فهد بلقافه: ليش اهو مو موافق يعني
ام سعد: ايه يقول بعد رحيل ماراح يتزوج انتي عارفه انه اخذها واهو يحبها ويموت فيها وش سوى وتحدى اهلها كلهم لحد ما اخذها وسنه وراحت منه
االكل حزن على حال سعد اللي كان ملاحظ حبه لرحيل لما يكونون حولهم قلوبهم على بعض نظرات حبيبين ما تغيرت حتى بعد زواجهم
ام فهد: انتي اقنعيه وخلي زوجته علي انا اشوف له وحده
ام سعد: خليه يوافق اول وبعدها دوري براحتك
طرفه اللي كانت مشمأزه من الوضع كارهتهم كلهم حاسه انها غريبه بينهم ما انها عاشت معاهم سنين بس عمرهم ما حسسوها بقدرها عندهم والا حتى اهميتها ابو ابراهيم معتبرها زياده عدد بعد زوجته الاولي صالحه كانت له اول زوجه حبه الاول والاخير وتزوجها بعدها بس عشان تربي عياله بس كانت بعيده عنهم واهم صغار وبعدو عنها واهم كبار
دخلت ام احمد المطبخ لقتها سرحانه وماسكه دله القهوه في يدها
ام احمد: محتاجه مساعده
طرفه ابتسمت من دون نفس: لا مشكوره يا بنيتي بس شيلها عني ركبي متعبتني
ام احمد بكل رحابه صدر: من عيوني..
***********************في مجلس الرجال*****
ابو متعب يتكلم مع راش على انفراد في زاويه مجلس الرجال الفخم مساحته كبيره جدا مجهزه ابو ابراهيم لعزايمه الكبيره كل اسبوع ديكوراته البيج مع الذهبي معطيته فخامه والاثاث باللون العنابي والبيج ماليه المجلس بالقطع الاثريه والنادره..
ابو متعب بصوت اقرب للهمس: وش صار على الاوراق
راشد: لو تدري عارف هالصفقه يا ترفعنا فوووق فوووق يا تنزلنا اسفل السافلين بس لو اخذتها من شركه اخواني راح تتدمرهم بس انا عارف عندهم في البنوك اللي يغطي الخساير اما انا مسكين هذي اول صفقاتي وابي اربح
ابو متعب والأبتسامه تشق الوجه: اتخيل اني جالس في مكتبي في الشركه الجديده
راشد : قريب انشاء الله بس اسنتى علي
ابو متعب بحبث: نشوف وش بتسوي يا ولد طرفه
راشد: اقول على تبن لا تجيب طاري امي لأشق حلقك فاهم
ابو متعب بخوف: فاهم
في زاويه اخرى من المجلس ابو ابراهيم كان جالس معصب من اللي سواه ولده لازم يفهم السالفه كلها ..
االجد منصور بهدوءه وحكمته المعتاده : ابراهيم تعال معاي برا ابيك بموضوع
قام واهو عارف ان مرت ابوه ما تخلي شي الا وتقوله له: سم يبه تفضل
جلسو على دكه قريبه من المجلس حولها كله شجر جلس بعد ما سند نفسه على عصاه
الجد منصور: ابي اعرف وش صار ببيتي امس وكل الكلام اللي سمعته صح والا لا
ابو احمد : وش سمعت يبه
الجد منصور: انك تبي تغصب بنتك على الزواج من شحض ما تبيه يبه احنا ماربيناك على هالاسلوب وهالطريقه في التربيه والتعامل وخاصه مع بنتك وفي موضوع مثل الزواج كل شي في الغصب حل الا الزواج
كان يسمع محاضره ابوه بصبر بدى يقل: يبه انا اعرف مصلحه بنتي اكثر من أي احد
الجد منصور عصب: وش قصدك بنتك مو بنتي
ابو احمد يحاول يمتص غضبه: مو قصدي يبه بس انا ماراح اغصبها على شخص ما يستاهلها يبه انت تعرفه
بستغراب: اعرفه
ابو احمد: ايه ولد ناصر نواف
استانس : كفووالله
ابو احمد ارتاح شوي: شفت يبه والبنت معنده دلع بنات انت عارف انشاء الله ما يصير الا اللي تبيه انت وترضى فيه
الجد منصور بنظره غريبه: تبي ترضيني
ابو احمد بترقب: رضاك هدفي يا يبه
الجد منصور: قدم الملكه للأسبوع الجاي
ابواحمد اندهش من كلمته: الاسبوع الجاي
الجد منصور: ايه الاسبوع الجاي والا ودك تعارض
ابو احمد بستسلام: لا ليش اعارض كلمتك اهي اللي تمشي الاسبوع الجاي الاسبوع الجاي
الجد منصور كان عارف ان بنته مي ماراح تتزوج أي شخص هذا نواف اللي الكل يمدح فيه وبأخلاقه وبشهامته يدرس ويساعد ابوه في شغله شايله فوق راسه بار بوالديه وهذا شي واضح .
************************&&
كانو الشباب يلعبون بلوت في الخيمه وحماس
خالد واهو ينطل ورقته:واطللللللللللع
زياد متنرفز: اقول بس ناظر ورقتك اول يا الدلخ
خالد يناظر انه حاط ورقه غلط:هههههههههههههههههههه معليش غلطه مطبعيه خخخخخخ
عبد الله: والله انا من يوم ما شفتك تغمز انت وهالعيون تقول لمبات سياره وانا غاسل يدي
خالد خاف: اقول قل مشاء الله
احمد:هههههههههههههههههه اخوان كل واحد عينه احر من الثانيه
زياد: عاد الكبير عينه مركزه عينه والقبر
الكل:ههههههههههههههههههههههههههههههههههههههه
عبد الله: اشوى انك عارف اجل اسكت ولا نسمع صوتك لأعطيك عين اخليك تلف حول نفسك وانت تصيح
الكل:ههههههههههههههههههههههههههههههههههههههههههههه ههه
سعد كان جالس يسمعهم يلعبون جسمه معاهم ورورحه راحت معها يوم فارق يده لسمه ايدها وسمعها ربها يقبض روحها حس ان اجزاء منه راحت معاها
زياد لاحظ سرحانه...
زياد يرمي ورقه: انا بطلت..
تحت اصوات اعتراضهم تركهم وراح جمب اخوه ناظر حاله اللي ما تسر الكافر مرت سنه وكان حاله مثل ما هو بعد وفاتها بيوم
زياد قرب منه وحط يده على يده: اذكر الله ياخوي
سعد يتنهد: لااله الا الله
زياد: ياسعد لمتى بتظل كذا
سعد يستعبط: اظل على ايش
زياد: انت فاهم قصدي خلاص الحياه تستمر وزوجتك الله يرحمها وانت كنت وفي لها مده كافيه واالاخلاص والحب مو معناها انك تدفن نفسك وحياتك لا انا اعرفك اقوى من كذا الاخلاص يكون بالقلب بس سنه عايش في الظلام ولحالك تكفي انا عارف ان جاك نقل هنا بس لسى انت ما رديت عليهم
سعد تفاجأ : وشلون عرفت
زياد: ناسي خووي سلطان يشتغل هناك وقالي
سعد بطفش: والمطلوب يا اخ زياد
زياد:المطلوب انك تخلي امك تبدى تدورلك بنت لانك محتاجها وحده في هالوقت تملى عليك حياتك اكثر من أي وقت
سعد واهو يقوم من مكانه: مشكور على النصيحه بس انا اتوقع اني كبير كفايه واعرف كيف ادبر حياتي
وطلع من الخيمه قبل ما يسمح لزياد يجاوبه ...
(((((((((((((*************)))))))))))))
طلع يمشي حس انه مكتوم الكل يضغط عليه امه من جهه بالزواج وابوه من جهه النقل للرياض واهو مو قادر ينساها يتخيلها قدامه في كل مكان حوله في زوايا بيتهم في غرفتهم في المطبخ على الكنبه
مسح دمعته اللي خانته تذكر ملامحها اللي تلونت بلون الدم واشلاء الزجاج المتناثر اللي شوهت ملامحها الجميله صوره ما فارقت خياله لحظه حتى في احلامه مو مرتاح طلع سيجارته وولعها لاحظ لونها في الظلام كيف يتغير والدخان مالي المكان صار يمشي بين الشجر على امل انه يختلي بنفسه بين صوت خطواته والدخان الكثيف اللي حوله واصوات الشجر اللي تتحرك مع مرور الهوا بين اغصانها
سمع صوت بنت تتكلم كان صوتها فيه حنان..
مشاعل بدلع:ايوه حبيبي
حسين : ياحياتي انتي متى بشوف القمر انا
مشاعل بتغلي: لا صعبه ما اقدر
حسين بحبث: وشلون تحرميني من شوفتك اهون عليك تكفين بس لمحه شي اقدر اصبر نفسي فيه
مشاعل بدلع ماصخ: اوكي وش رايك بكرا
حسين ما صدق بيطير : بكرا ياحياتي انتي لوتبيني اجيك القمر يعني انتي جيتك
مشاعل بتميلح:هههههههههههههه اوكي بكرا اقولك المكان
حسين: طيب وش تبين اجيبلك معاي هالمره
مشاعل بخبث: سلامتك بس ابي شوفتك..
حسين : اجل بجيب لك على ذوقي اوكي
مشاعل بدلع: اوكي بااي
حسين بزعل : امداك طفشتي مني
مشاعل: انا اطفش من الناس كلهم الا انت
كان يسمع ومصدوم بس ما كان يقدر يقول أي حرف لانه ماله حكم عليها لا اهو اخوها ولا ولد عمها ولا له أي صله قرابه بها ...
مشاعل: طيب قلبي لازم ارجع قبل ما يفقدوني>>ما اتوقع احد بيفقدك
حسين: اوكي عمري انا ماكنت بسكر بس يوم تأكدت اني بشوفك بكرا بروح انام عشان يجي اليوم بسررررعه
مشاعل: اوكي حبيبي باااي
حسين: باااي
لسى مو مستوعب اللي سمعه ماكان متوقع ان وحده من بنات ابو احمد اوالا ابو متعب راعين مكالمات والا طلعات مع شباب سحب رجليه لمكان يبعد فيه عن كل شي...
جلست على الكرسي وحطت وجهها بين كفوفها اللي اختلطت فيها دموعها وصار لونها اسود حست انها غبيه غبيه
نوف" وشلون لعبو علي الحين وش بيقول بيقول اني ميته عليه انا الغبيه اللي صدقت المفروض اتأكدت بأي طريقه من خالتي ام احمد اهي الوحيده اللي ماراح تكذب علي يالله وش بسوي وشلون بحط عيني في عينه بعد اللي صار"
حست بصوت خطوات تكسر اغصان الشجر رفعت راسها بهتمام وتفاجات بوجوده قامت بسرعه من مكانها ماتبيه يشوف دموعها مره ثانيه لاحظت عليه الابتسامه يعني مستمتع واهو يجرحني ويلعب علي
نوف بقمه العصبيه: ولك وجه جاي تلحقني وخر عن طريقي
كان ساد عليها الطريق وكل ماراحت من جهه يروح معاها والابتسامه على وجهه كل مالها وتكبر
نوف ودها تنفجر كانت مثل البركان الخامد محتاجه كلمه تفجر حممها عليه
احمد بصوت كله حنان: يا بنت اجل تموتين فيني
نوف من الحيا ما عرفت وش تسوي صارت تضربه عشان يوخر عن طريقها واهو ولا تحرك له ولا شعره بالعكس مع ىكل ضربه تحسه يستمتع فيها اكثر
نوف واهي منزله راسها تخفي حقيقه مشاعرها: وخر عني وخر عن طريقي انت انت واحد
احمد يبي يقهرها عشان تتكلم: انا انا واحد ايش
نوف انفجرت: انت واحد تافه وما عندك احساس ايه احبك وش عندك عاجبك عاجبك مو عاجبك اخطب مليون وحده غيري بس انا مو لعبه تلعب فيها انت وخواتك تختبروني فيها انا انا
سكتت ورجعت تبكي..
احمد ابتسم مسك يدها وجلسها : انتي حبيبه قلبي انا ودي افهم شي واحد وشلون خطر على بالك مجرد فكره اني ممكن استغنى عنك وشلون
نوف وبنظره كلها امل: طيب ويوم تقول لا تخرب كشختي مو كنت رايح تشوفها
احمد:ههههههههههههههه الله يهديك بس يعني كلمه وتنقال
نوف بحزن: طيب انا سلمت عليك وانت طنشتني
احمد: والله ما سمعتك يا المجنونه وشلون فكرتي اني اخليك انا حياتي من دونك ولاشي ليش تعذبيني وتعذبين نفسك يا نوف انتي عارفه حياتي مالها طعم من غيرك تكفين ريحيني ريحيني انا تعبت من الانتظار
نوف نزلت راسها مستحيه وقفت ..
احمد وقف وراها وبحزن مصطنع:يعني مو قادره تجاوبيني
نوف قبل ما تمشي لفت : تعال بيتنا مرتاح
وراحت تركض.. احمد جلس يسحب اذنه حسب انه غلطان باللي سمعه لما استوعب بعد دقايق جلس ينطط على كرسي وضحك ضحكه ظن ان كل اللي بالمزرعه سمعوه
اخيراا.. يانوف اخيرا راح تكونين لي يكفي تغلي ويكفي زعل نبي نعيش حياتنا مع بعض اوعدك انك تكونين معاي اسعد بنت في الدنيا...
*******************8
كانت تناظر مي ودها تنكد عليها ما حست بالرضا كفايه كانت تكرههم ما تعرف ليش قربت منها ناظرتها من فوق
مشاعل بحقد:ماقلنالك مبروك
مي رفعت عينها والغضب واصل اعلى درجاته: انتي وش تبين مني اتركيني بحالي ما يكفي افتريتي علي لحد ما خليتي ابوي يغصبني على زواج ما ابيه ارتركيني بحالي
مشاعل بنظره اشمئزاز: شوفي انا اتركك متى ما ابي وانتي يا حياتي براسي الحين وماراح ارتاح لحد ما ادمركم كلكم فااهمه
مي: وش سوينا لك والا صار الحقد والكره مالي قلبك على الكل
مشاعل تضحك بسخريه:هههههههههههههههه عليك نور جبتيها تقدري تسميها اللي تسميها مثل ما تسميها تسميها لعانه كره حقد اختاري اللي يعجبك بس اوعدك وعد بجي ابارك لك وانتي في الكوشه واعطيك بوسه بعد وش رايك
اقول اعصابك اعصابك لا يطق لك عرق بعدين وش نسوي بالمعرس اخذه عنك نقوله عروستك منقع في راسها عرق قولي امين..
مي بدت تفقد اعصابها من طريقتها في الكلام : انتي بتوخرين عن وجهي والا شلون
في شافت اصواتهم بدت تعلى راحت تركض لحد ما وقفت جمب مي.
في بصراخ: وانتي ماراح تفكينا من شرك تراني لحد الحين ساكته عنك وربي لو فضحتك لتندمين طول عمرك فاهمه..
مشاعل بخوف ممزوج بغضب: اصلا ما عندك غير التهديد وانتي اخر وحده تتكلم يا راعيه الشباب فاهمه
في ما قدرت تمسك نفسها كانت بتمد يدها وصلت يد مي عليها قبل ما توصل لمشاعل
في واهي ميته قهر: اتركيني والله انها ما تربت وانا اللي بربيها شوفو من يتكلم انا ما احب افضح الناس فخلني ساكته لا وربي لخليك تعضين الارض اللي تمشين عليها ندم فاهمه
ومشت وتركتها قبل ما تتهور وتمد يدها لا هذا اسلوبها ولا هذي طريقتها في التعامل بس كلامها أي وحده مكانها ما تتحمله
البنت مالها غير سمعتها الطبيه وممكن كلمه غلط تطلع على لسان شخص حاقد ممكن انها تتصدق وتنتشر ظلم..
مها كانت مثل المجنونه تمشي بعد ماراحت ولبس عبايتها وصارت تدور تتمنى انها تشوفه عشان تبي ترتاح من الهم اللي شايلته بقلبها اهي ما غلطت انها حبت تساعد ولد عمها واختها بس كلمه منها انفهمت غلط وخالد قطع الوسيله الوحيده انها تتفاهم معاه وما صار يرد على مسجاتها حاولت تتركه فتره يهدى وحانت اللحظه انها تبي تعترف له انها مظلومه..
صارت تلف المزرعه ميه مره بالدقيقه لمحته جالس يضحك ويلعب ورق جلست على اقرب كرسي بس كانت تقدر تشوفه من دون ما اهو يشوفها
سمعت صوت شخص يكلم بالتلفون عرفته على طول لفت طرحتها على راسها وجلست تنتظر خالد يطلع لانها وعدت نفسها ما تتطلع اليوم الا متفاهمه معاه..
شافها ..
عبد الله يناظرها واهي باين انها سرحانه
عبد لله: انشاء الله ما اكون قطعت عليك افكارك
مها انتبهت لوجوده: هلا لا ماقطعت شي
عبد الله لازال واقف: اخبارك يا مها؟؟
مها تستحي منه بشكل غريب: الحمد الله
عبد الله ما تحمل يسكت اكثر من كذا: مها ولمتى وانتي تعامليني كذا
مها تتغابى: وش قصدك وشلون اعاملك اعامك مثل متعب وزياد والكل
عبدالله بحزن: ايه انا ما ابيك تعامليني زيهم لمتى ماراح تحسين فيني
مها تبي تقطع كل حبال الامل عنده: عبد الله انت خطبتني وانا رفضت خلاص الزواج قسمه ونصيب
مها" لو تدري اني اموت على تراب رجلين اخوك ما ادري وش بيصير فيك"
عبدالله كانت عزه نفسه فوق كل شي ممكن يتنازل لحظات لأجل ناس يحبهم بس كرامته ورجولته ما تسمح له انه يترجى بنت دخلت قلبه من دون اذن كان معجب فيها والاعجاب تطور مع الوقت يسمع عنها وحبها من كلام غيره مع احيانا الكلام اللي يوصله مو كلام حلوو بس كان يظن ان لها شخصيه غامضه وغريبه ومحتاجه شخص يبين جوانبها الحلوه..
عبد الله يحاول يحافظ على نبره صوته: مها انا عند كلامي لك فكري زين واستنى ردك النهائي
مها بطفش: عبد الله قلتها لك مره انا اسفه انشاء الله تلقى اللي تعوضك عني وتكون احسن مني
عبد الله بحزن: ما اظن بس مهما صار ومهما كان بيننا راح تظلين عزيزه وغاليه وبنت عمتي وعلى راسي وانا الحين اخليك على راحتك
لف ومشى كان وده يسمع رايها يتغير في لحظه بس كانت خطواته تطول والامل يقل ترك كل احلامها معاها كان يتمنى مها بجمالها تكون له عروس بس تجري الرياح بم لاتشتهي السفن..
في هالوقت ..
كان خالد طالع يشرب مويه مر من نفس المكان وسمع كل الكلام فتح فمه من الصدمه عبدد الله يعني كل احساسي امس كان صح مها نفسها مها اللي عمري متعلق فيها حتى لو كانت خاينه
احبها بخيانتها احبها بحقدها احبها بعيونها بجمالها بلمسه ايديها بدمعه في عينها بهمسه من صوتها برقه انفاسها بعذوبه صوتها ولذه ضحكتها
كانت لما تضحك يحس الدنيا كلها حوله تضحك بس ما تحمل صدمتين ان اخوه اخوه اللي طول عمره مغرق نفسه بالشغل وشلون ومتى حب مها كانت غازيه كل اشعاره كان يقراها من دون تركيز مها كانت موجوده في كل بيت في كل كلمه في كل حرف
وصفها بحنانها وطيبتها وصفها
حسد اخوه على الموهبه اللي يتمناها عشان يوصف لها مشاعره بقصيد والا حتى ببيت يكتب فيه احبـــــــــــك يامها وحياتي من دونك مالها أي لون..
لاحظت حركه ورى الشجر قامت بسرعه تشوف مين
وقفت بسرعه وبصوت اقرب للهمس: خالد
خالد عيونه كانت توصف كلام كثير بس كلامه يوصف عكس كل شي بقلبه: نعم
مها ببعيون كلها ترجي: ليش ما ترد على مساجاتي على الاقل عطني فرصه اشرح اللي صار مو معقوله كذا
خالد بعتاب : وش تبين تقولين لي لك وجه تتكلمين بعد اللي سمعته حبيبي روحي لحبيبك وانا انسيني لان اللي بيننا انتهى
حطت يدها على فمها: خالد
كان ساكت يدور أي شي يحط عينه عليه عشان ما يحط عينه بعينها ويحن قلبه عليها كان جايب سمعه عذر عشان ينهي اللي بينه وبينها لانه مستحيل يرتبط سعادته بتعاسه احد وكيف اذا صار اخوه راح يبديه على نفسه..
مها والدموع بدت تتجمع بعينها: خالد الله يخليك لا تقول كذا والله ما سويت شي هذا كان ولد عمي فهد
خالد ناظرها نظره كرهت فيها نفسها
خالد: بعد ولد عمك يعني تشتغلين على الحبلين
مها واهي تبكي: لاااا والله لاااا استنى بشرح لك كل شي
خالد: انا اسف ما عندي وقت مع السلامه
وراح وتركها منهاره ما صدقت هذا خالد نفسه اللي حبته وحبت فيه تفاهمه لها ولشخصيتها حتى ما عطاها فرصه تبرر نفسها وتبرر موقفها تركها من اول مشكله صارت بينهم حطت في بالها شي مستحيل تتنازل عنه
مها"خالد انت لي مهما صار انت لي ولا راح تكون لغيري والوقت راح يثبت لك هذا الشي"
مي رجعت بعد ما تنرفزت من مشاعل عند الحريم
حصه تستفز: هلا وغلا بعروستنا
مي مالها خلقها: هلا
مي جلست جمب امها: يمه متى بنروح البيت تراني طفشت
ام احمد تناظر ساعتها: يله نمشي
مي : ايه تكفييين
بعد ما جت الساعه 12 الكل قرر يروح لانهم تعبو ....
في سياره ابو احمد
ابو احمد كان يدور طريقه يقولهم ان الملكه تقدمت اسبوع قبل موعدها الاصلي
ابو احمد بجديه: مي
مي كانت شبه نايمه فما ردت
ابو احمد عصب يحسبها قاصده تطنشه
ابو احمد صرخ: ميي
مي قامت مرتاعه: هانعم نعم
ابو احمد: من بكرا تروحين تدورين لك فستان
مي بستغراب: ليش ؟؟
ابو احمد: لان الملكه الخميس الجاي
الكل شهق اولهم ام احمد وفي وبدر كان راجع مع احمد..
ام احمد التفت عليه: صدق يا رجال ما يمدي ليش قدمتها اسبوعين كانت شويه وشلون اسبوع ما يمدي نسوي شي
ابو احمد: اللي بتشترونه في اسبوعين تشترونه في اسبوع بلا كثر كلام ابوي يبي كذا وانا ما اقدر ارفض له طلب
في : وجدي وش دخله بعد في الموعد
ابو احمد عصب: جب ولا كلمه انتي لا تتدخلين
مسكت نفسها عشان ما ترد على ابوها وسكتت
مي اللي كانت مرتاعه: يبه حرام عليك
ابو احمد: كلام في هالموضوع ما ابي اسمع فاهمين
ولا احد رد....
وصلو البيت واهي ودها تنفجر ودها تنحاش تسوي أي شي ما بقى على ملكتها الا اسبوع مافي امل يصير شي يفكها من هالزواج خطرت في بالها فكره مجنونه فكره ممكن يا تنقذها ياتنهي احترامها لنفسها خذتها الافكار شوي توديها وشوي تجيبها فكرت في اخر شي تنسى الفكره وتستسلم لربها ...
&&&اليوم الثاني&&&&
في الشركه...
كان يكلم على التلفون..
راشد: هلا ابو احمد
ابو احمد: هلا فيك اوراق المناقصه الاخيره عندك
راشد بخبث: ايه عندي
ابو احمد: اتبه يا راشد هذي الاوراق اهم اوراق لو تسربت منها ورقه وحده لأي شركه ثانيه راح تروح علينا وانت اعرف
راشد: ايه عارف عارف
&&&&&&&&&&&&&&في بيت ابو فهد
نوف جالسه لها ساعه تترجى امها تخليها تروح مع مي السوق ورافضه
نوف شوي وتصيح: يمه حرام عليك المفروض انتي اللي تقولين لي روحي مو تعيين ابي اروح
ام فهد طفشت من الصجه: خلاص روحي روحي الحين اهم بيروحون مع مين
نوف: يمه مع مين يعني السواق الله يسلمه
ام فهد: طيب خلاص روحي مع خويلد خليه يوصلك بيت عمك ويرجعك فاهمه
نوف: فاهمه فاهمه بس وينه ولدك الحين
راحت تدوره في كل البيت لقته في غرفته جالس على السرير وماسك جواله ويقرى بس مو عارفه ايش
تطق على بابه: خلوودي
خالد وعينه لازالت على الجوال: نعم
نوف قربت وجلست على السرير: ابيك توديني بيت عمي ابراهيم
خالد: ليش
نوف: مي تبيني
خالد رفع عينه من الجوال وصلح جلسته: ليش
نوف: تبيني اروح ادور معاها فستان للملكه الخميس
خالد حاول يعود نفسه خلاص راح تصير لغيره واخلاقه ما تسمح له انه يفكر فيها اكثر من انها بنت عمه وصارت زوجه صاحبه مستقبلااا
صوره صعبه عليه يتخيلها بس شي صار مقدر مكتوب قوى قلبه وتذكر مها اللي راح يتنازل عنها لأخوه حس انه ضايع ووحيد لمتى بترك سعادتي على جمب لمتى
خالد بزهق: يله لك دقيقتين تخلصين فاهمه
نوف:انا لابسه بس بجيب عباتي
خالد: يله اطلعي خليني البس
نوف: يله
****************************88
ام احمد راحت تدور مي تبي تقولها ان نوف جايه تاخذها السوق
في: وش فيك يمه تدورين من الصبح انحولت
ام احمد: وين اختك دورتها في كل مكان يله نوف بتجي عشان تروحون تدورون فستان ما بقى وقت..
في: يله بقوم البس وبروح لها شفتها جالسه قدام المسبح
في راحت لقتها منزله رجليه في المويه وتحركهم بعبث من دون مغزي وباين انها سرحانه
كان المكان من تصيميم في ابوها اوكل لها المهمه في تزين المكان حولته لغابه اسوائيه جدران والسقف كلها اعشاب استوائيه بس مو حقيقه ما تقدر ترق بين الحقيقه والا صناعيه
بين الاعشاب كان موجود سماعات تطلع اصوات عصافير في النهار والحشرات بالليل واضواء ملونه معطيه المكان جمال وروعه
في جلست جمبها ورفعت بنطلونها ونزلت رجليها في المويه: وش رايك تقومين ورانا دوران في السوق
مي واهي تناظر رجليها اللي تدورها في المويه: ماودي اروح
في: مي لاتجلسين تعاندين استخيري يمكن خيره لاتصيرين عنيده ويله قومي معاي خلينا نلبس ونروح البنت جايه في الطريق حرام ضاربه مشوار ونسحب عليها
مي بستسلام: طيب بقوم اسبقيني
في: اكيد
مي بطفش: اكيد
&&&*******************************&&&
في الشركه ...
كان سعد رايح يزور ابوه في الشركه..
سعديطل من ورى الباب:السلام عليكم
ابو سعد من دون ما يرفع نظره من الاوراق: وعليكم السلام تفضل
كمل: وش سر الزياره..
سعد:هههههههههه افا شكلك ما ودك تشوف خشتي
ابو سعد:ههههههههههه لا مو كذا بس انت ما تجي الا ما يكون وراك شي لايكون غيرت رايك في موضوع الزواج
سعد نزل راسه:يبه لو سمحت لا تفتح هالموضوع الحين مووقته ابد
ابو سعد: طيب وش تشرب
سعد: اانا مو جاي اتضيف بس كنت قريب من هنا وقلت امر اسلم على عماني مين اللي موجود
ابو سعد: مافي غير راشد وانا اليوم ابو احمد عنده شغل برا الشركه وراح يخلصه وابو فهد راح يشوف لولده بيت عشانه بيجي من الشرقيه وابو متعب مرريض
سعد واهو يقوم: يله خلني اروح اسلم على راشد وارجع البيت
ابو سعد : بسلامتك
سعد: مع السلامه..
طق الباب: السلام عليكم
راشد وقف من مكانه:هلا وعليكم السلام وشلونك ابو سعيد
سعد: بخير الحمد الله وشلونك انت
راشد يأشر على الكرسي: بخير تفضل وش سر الزيارتك المصونه
سعد حط يده على راسه: وش فيكم انتو علي الكل ما وده يشوفني
راشد:ههههههههههههههههه نمزح معاك يا وجه الخير اخبارك بس؟
سعد: بخير الحمد الله اجل مداوم اليوم
راشد: ايه والله الشغل كثير والكل طالع مافي غيري وابوك وعندي اوراق ابي اوديها بعد لسى مطول
سعد: بما اني فاضي ليش ما اعرض عليك خدماتي وين تبي تودي الاوراق
راشد: لا ما نبي نتعبك
سعد: اقول لا تعب ولا شي بس عطني عطالي بطالي خلني اسوي شي مفيد اليوم
راشد: خلاص اجل خذ هالملف الاحمر اللي قدامك ووصله بيت ابو متعب تدله
سعد يناظر الملف: ايه ادله بس اعطيه ياه يعني اهو في البيت
راشد: ايه مريض وجالس
ابو متعب لاكان مريض ولاشي بس ما جا الشركه عشان يلقى راشد سبب انه يطلع الملف معاه لو احد شافه على اساس ان ابو متعب المسؤول عن حفظ اوراق المناقصات واخفاءها لحد ما تصير..
سعد يوقف: اجل يله مع السلامه
راشد: مشكور يا سعد تعبناك
سعد: ولا يهمك تعبك راحه مع السلامه
راشد: مع السلامه
.................................................. .......
خالد: يله انزلي متى تبيني امرك
نوف: يعني 12 كذا
خالد: يووه ناويه تطول العمه الساعه 11 بجي
نوف : طيب 11 خلاص لا تعصب
*******نزلت وفتحت لها وعد**
وعد: يووه هذا انتي وين اخوك ما جبتيه
نوف مطيره عيونها: والله انك وقحه
وعد: اقولك شيلي عيونك من الارض بس لا يطق لك عرق
نوف : ترا بصفقك كف يدوخك وخري عن الباب لاطعتني ساعه وبعد تسأل عن سلطان ما جبته ماااجبته طقي راسك بالجدار
جتهم في بعد ما سمعت الجرس
في:ههههههههههه ياربي بزران وحاطين روسهم ببعض
نوف: اختك ذا الخبله
وعد: انتي الخبله
نوف: انتي
وعد: انتي
في عصبت: اسكتو وانتي ادخلي شوفي مي وخلينا نروح يله الساعه 9تأخرنا
نوف تتافف: طيب
**************في بيت ابو متعب***************
جلس يرن الجرس له اكثر من خمس دقايق بدى يطفش لما لف فتح له الباب وكان يتثاوب
متعب حاط يده على فمه: هلا سعد
سعد: هلا لا اكون ازعجتكم
متعب: لا بس عارف عطله ونومي متلخبط وامي طالعه وابوي نايم وخواتي عجازات عشان كذا ما فتحنا الباب تفضل
دخله المجلس....
متعب: دقيقه اقوم ابوي
سعد: لالا تزعجه
متعب: لا ماعليك اصلا اهو المفروض يصحى الحين
سعد: طيب استناه
طلع متعب وجلس سعد يناظر حوله طفش من الانتظار راح يدور في المجلس وبعدها جا بيطلع من الباب يوم لمح بنت واقفه عند باب الشارع الصغير اللي في الزاويه رجع بسرعه
كان يتخلس النظر من لحظه للثانيه كانت تضحك ومتحمسه وكانت طالعه بقميص نوم قصير استحى انه جالس يناظرها استغفر ربه شافها تاخذ كيس وسكرت الباب رجع بسرعه وجلس...
مشاعل كانت تاخذ الكيس من حسين اللي ماخافت مع وجود ابوها في البيت انها ما تقابله صار قلبها متحجر وما تخاف من احد طلعت من باب المجلس لانه اقرب للبيت من باب المطبخ الخلفي دخلت من الباب وفجأه انطفى الكهرب في كل البيت
خافت حست نفسها ضايعه تضرب في قطعه اثاث من هنا والكرسي من هنا
واهو وقف فجأه ما عرف وين يروح ظلام دامس حتى ما كان يشوف يده
سمعت خطوات خافت راحت تركض جوا المجلس وضربت فيه وطاحت عليه على الكنبه
وفجاه شافت كل شي رجع الكهرب وفي هاللحظه دخل ابو متعب
ابو متعب: مشااااااااااعل
*وش رايح تكون رده فعل ابو متعب على اللي شافه؟؟
*ايش مصير خالد ومها وهل هذي نهايتهم؟
*وهل مي بدت تتقبل موضوع زواجها من نواف؟
