حبيب الحب : خالد ونوره ( أول قصه لي بالمنتدى )

[أميرة الحلا]

يسلموووو
لا يوقف

 

[ღ كحلاء العين ღ]

؛
الـــســلآمـ عـلـيـكـمـ و رحـمـة الله و بـركـآتـه

لا يوقف .’,~

و مـــــع السلامــــه ,,,

|~|

 

[ام يوسف 2007]

قلبي عورني على نووووره
وااااي الله يعينها

 

[*مارلين_مونرو*]

البداااية وااااايد حلوه والبارتااات اتينننننن ..

يالله ناااطرين الباارت اليديد ..

واااي مادري ليش اتخيل نووره فيها من ميساء المغربي لـ وووو لـ ..

 

[أميرة الحلا]

لااااا يوقف

 

[بقايا همس]

يــــــــــــــــاااااااااااااااااااااااااااااااي رهيبه هالقصه حدها ممتعه
وحرام والله كاســـــــــــــرة خاطري نويره ويسلموووووو
ناطرينــــــــــــج حبيبـــتي،،،،،،،،

 

[منيرة خالد]

بقايا همس رد: حبيب الحب : خالد ونوره ( أول قصه لي بالمنتدى )

--------------------------------------------------------------------------
يــــــــــــــــاااااااااااااااااااااااااااااااي رهيبه هالقصه حدها ممتعه
وحرام والله كاســـــــــــــرة خاطري نويره ويسلموووووو
ناطرينــــــــــــج حبيبـــتي،،،،،،،،


أميرة الحلا رد: حبيب الحب : خالد ونوره ( أول قصه لي بالمنتدى )

--------------------------------------------------------------------------
لااااا يوقف


*مارلين_مونرو* رد: حبيب الحب : خالد ونوره ( أول قصه لي بالمنتدى )

--------------------------------------------------------------------------
البداااية وااااايد حلوه والبارتااات اتينننننن ..

يالله ناااطرين الباارت اليديد ..

واااي مادري ليش اتخيل نووره فيها من ميساء المغربي لـ وووو لـ ..


ام يوسف 2007 رد: حبيب الحب : خالد ونوره ( أول قصه لي بالمنتدى )

--------------------------------------------------------------------------قلبي عورني على نووووره
وااااي الله يعينها


ღ كحلاء العين ღ رد: حبيب الحب : خالد ونوره ( أول قصه لي بالمنتدى )

--------------------------------------------------------------------------
؛
الـــســلآمـ عـلـيـكـمـ و رحـمـة الله و بـركـآتـه

لا يوقف .’,~

و مـــــع السلامــــه ,,,

|~|


أميرة الحلا رد: حبيب الحب : خالد ونوره ( أول قصه لي بالمنتدى )

--------------------------------------------------------------------------يسلموووو
لا يوقف


q8ya36 رد: حبيب الحب : خالد ونوره ( أول قصه لي بالمنتدى )

--------------------------------------------------------------------------
البارت روعه
لايوقف



دموووع عرباويه رد: حبيب الحب : خالد ونوره ( أول قصه لي بالمنتدى )

--------------------------------------------------------------------------
رووووعه

نتتظر الباقي


yooyoo رد: حبيب الحب : خالد ونوره ( أول قصه لي بالمنتدى )

--------------------------------------------------------------------------
القصه تهبل ناطرينج


سعاد الكويتيه رد: حبيب الحب : خالد ونوره ( أول قصه لي بالمنتدى )

--------------------------------------------------------------------------
ناطريــن البـارت اليــاي .....


يسلمـــــــــــــــــــــو ...

أميرة العود رد: حبيب الحب : خالد ونوره ( أول قصه لي بالمنتدى )

--------------------------------------------------------------------------
يسلمووووووووو ع القصة

ناطررررررررررررررررررررررررينج



الحلامبتليها رد: حبيب الحب : خالد ونوره ( أول قصه لي بالمنتدى )

--------------------------------------------------------------------------
يسلموووو حبيبتي

ناطررررررررررررين البارت اللي بعدوووووووووو

حبيباتي متابعتات أول قصة لي مشاركاتكم ترفع معنوياتي وتزيد من اصراري على المواصلة ، أتمنى أن تكون البارتات القادمة بجمال ما سبق وقرأتموه ............. خالص تحيتي لكم وحبي

 

[منيرة خالد]

لا حول ولا قوة إلا بالله

قــــــــراءة مـمـتـعــة

ْْْْْْْْْْْْْْْْْْْْْْْ

البـــارت ( 13 )
----------------------------​

تمت نوره يومين ما كلمت خالد بس بالرسايل تسأل عنه تعذرت بإنها تبي تنهي ختم القرآن الكريم . كانت نفسيتها حيل تعبانه الكل لاحظ عليها حتى أخوانها ، بالصالة بأول ليلة من العشر الأواخر كانت أم راشد قاعده تنطر نوره تجهز علشان يروحون مبجر للصلاة قبل الزحمه . رن تلفون البيت

ام راشد : آلو

ام بدر : السلام عليكم

ام راشد : وعليكم السلام هلا والله بأم بدر

ام بدر :اشلونج ام راشد عساج بخير

ام راشد : بخير الله يسلمج

ام بدر : ام راشد عندج احد بكلمج بموضوع مهم

ام راشد : لا والله قاعده بالصاله انطر نوره تخلص لبس علشان نروح الصلاة

ام بدر : اقول يا أم راشد انتي وصيتيني على شي ، وانا والله من يومها ومتضايقه على نوره ما بيها تنظلم ، يغربل ابليسج يا نوالوا على اللي بتسوينه ببنت اخوي ، بس الله يرد كيدها بنحرها ونوره الله بينصرها عليها

ام راشد : ام بدر قولي يا وخيتي والله قلبي قام يعورني

ام بدر : لا يعورج قلبج ولا شي نوره مزيونه وجامعيه وكلمن يتمناها بس اخوي فهد الله يهداه اهو اللي عرض نوره عليهم

ام راشد : شنو فهد اهو اللي قال اخذوا نوره

ام بدر : اي يا أم راشد ، فهد عرض نوره على حمد واهو اللي بغاها لولده ، ونوال انقهرت وقالت والله لخليه يملج عليها ونطلقها بس والله ما اخليها ، أبيج تقولين لأبو راشد يتصل على اخوي حمد باجر ويجيب ولده خالد معاه ويردون المهر اللي ما تستحي نوال ما جابته بنفسها دزته مع اخوي حمد ، ويقوله نوره اهي اللي عافت ولدكم مو أنتم اللي رديتوها ، وانا من باجر بروح ازفلج نوالوا ، واحلف على خالد يطلق نوره ، ابج نوره من يعوفها هاذي سميت امي وغاليه علي والله ما تنذل

ام راشد : ام بدر اخاف فهد ما يرضى

ام بدر : ما عليج منه انتي بس قوليله واذا عيى لج مني انا اللي بوقف بوجه

ام راشد : الله يستر يا ام بدر ، عقب ما ارد من الصلاة بكلم فهد وعيالي ونشوف حل مع هالبلوى

ام بدر : خلاص سوي اللي تبينه ، بس انا لج مني ما ني مخليه نوالوا

ام راشد : سترك يا رب ما ابي فهد يخسر اخوه وعيال العم يتباغظون

ام بدر : يا الله مع السلامه أنا بعد بروح الصلاة وباجر يجيب الله خير

ام راشد : مع السلامه

انزلت نوره من السلم وسلمت على امها واتصلت على اخوها طلال علشان يوديهم للمسجد

وبعد ما ردوا من الصلاة ام راشد اطلبت من عيالها يدخلون الصالة الداخلية ونادت ابو راشد فهد

ام راشد : اقعد يا فهد اشفيك واقف

ابو راشد : انتي اللي اشفيج ، ليش مجمعتنا انا والعيال

ام راشد : ان شاء الله خير ، اسمع بنتي نوره تبي تتطلق من خالد

فايز : شنو اهو لعب عيال ، ليش اشفيها

ابو راشد : اسكت يا فايز ، ليش تبي الطلاق

ام راشد : ام خالد تمشي وتسولف تقول ان ابو راشد اهو اللي خطب نوره لولدها وأبو خالد استحى منه ووافق وابلش ولدها ببنتهم ، واهي حالفه انه يطلقها .

ابو راشد : من قالج هالحجي

ام راشد : أنا أول شي سمعته من نوره وجذبتها واتصلت على اختك ام بدر واهي اللي جابت العلم الأكيد

ابو راشد : لا حول ولا قوة إلا بالله ، بس انا قايل لأخوي الزواج مو غصب للولد

طلال : يمه لا تستعجلين يمكن هذا كلام مرت عمي بس خالد ما ندري عن رأيه

راشد : اي صح مو كل كلام الحريم نصدقه والا جان كلمن تطلق

فايز : انا بعد اقول جذي يبه اتصل باجر على عمي حمد وانشده

ابو راشد : بيستحي مني اخوي وبيغصب ولده يجذب

ام راشد : والحل

طلال : عندي الحل انا انشد خالد من غير ما يدري عمي واذا طلع صج نقوله يطلقها

راشد : اي والله يبه ما نبي نخسر عمي حمد ولا نفشله ، نخلي الطلب من نوره

ابو راشد : وشنو عذري وقتها

ام راشد : نقول ان البنت جتها نفس وكله تصيح وتصارخ قرينا عليها وما كو فايده

فايز : خلاص هذا احسن حل ، والله يا يبه سعد كان شاريها بس انت الله يهداك

ابو راشد : قدر الله وما شاء فعل ، طلال اتصل عليه اللحين ورد لي الخبر

طلال : يبه الساعه 2.00 من الليل

ابو راشد : يابوك ، خلنا نخلص والله اني متضايق على نوره ، انا اللي بعتها برخيص جانه الخبر صج ، اتصل الناس رمضان ومحد ينام هالحزه

طلال : ان شاء الله يبه >>> طلال يتصل بك

خالد كان توه راد من الصلاة ومسك تلفونه ظن نوره اللي تتصل ، وإلا طلال يتصل عليه

خالد : السلام عليكم

طلال : وعليكم السلام ، عسى ما قعدتك من النوم

خالد : لا والله ما قعدتني توني راد من الصلاة وما تسحرت

طلال : خالد ودي اني اسألك سؤال وابيك تجاوني بصراحه

خالد : آمر يا ولد عمي

طلال : ما يأمر عليك عدو ، ابي اعرف انت عمي حمد اجبرك على الزواج من نوره

خالد >> سكت : .........................

طلال : خالد جاوبني علشان نخلص من هالسالفه وأنا ما بي احطك بموقف محرج مع عمي اذا غاصبك قول وإحنا بنخلي الطلاق يجي منا

خالد : والله يا طلال بنت عمي ما تنعاف وودي على نسبكم بس والله الشي مو بيدي وأنا من يومها محرج بين رضى ابوي وزعله وووووووو

طلال : خلاص يا خالد الوجه للوجه ابيض ، لا تكدر خاطرك ترا محنا زعلانين منك ، خطأ اللي صار وإحنا اللي نبي نصلحه وتراك تبقى ولد عمنا وعزيز علينا

خالد : تسلم يا طلال والله اني ما لي ويه ، منحرج من عمي

طلال : لا تنحرج ولا شي وان شاء الله ما يصير إلا الخير ، مع السلامه

خالد : مع السلامه

التفت طلال لأبوه : يبه الولد منغصوب عليها من عمي ومتفشل لا يقول وخايف على رضى ابوه

ابو راشد : دام جذي خليها تجي منا ولا منه ، باجر اتصل على اخوي واخليه يجي ونتفاهم معاه ، ام راشد حطي لنا السحور ونادي نوره ابي اشوفها .

أبو راشد كان يبي يشوف نوره على السحور بس ما قدر يكلمها كانت خانقته العبره ما هقى الرفض يجي من ولد اخوه وعقب الملجه آآهــ كان خاطبها منه سعد بس اهو اللي استعجل وكلم حمد .................... يفرجها الله

=============================

ثاني يوم بعد الفطور اتصلت ام بدر على أخوها حمد وقالته انها بتمره البيت لا يطلع وخل خالد يكون موجود وام خالد بتشوفهم ضروري ، ووصلت لهم بعد صلاة التراويح .

ام بدر : السلام عليكم

ام خالد وأبو خالد : وعليكم السلام

ابو خالد : يا حيا الله ام بدر ،

ام بدر : الله يحيك ، اقعد ياخوي بكلمك بس وين خالد

ام خالد : ليش ؟؟

ام بدر : ولد اخوي وابي اشوفه فيها شي

ام خالد : لا ما فيها شي اللحين ادق عليه ينزل طلع فوق يريح عقب ما يا من الصلاة

ام بدر : وين ريم وداليا

ام خالد >> تتصل على خالد : ريم وداليا بغرفهم

خالد : هلا يمه

ام خالد : تعال تحت عمتك ام بدر تبيك

خالد : ان شاء الله

ابو خالد : والله يا ام بدر منتي خليه اشفيج مناديتنا كلنا عسى ما شر

ام بدر : ما كو إلا الخير انطر بس خل خالد ينزل

خالد : السلام عليكم حيا الله عمتي زارتنا البركة

ام بدر : الله يحيك لو لي غلا جان مريتني ببيتي مو بالسنه حسنه

خالد : مشغول والله يا عمه بس ان شاء الله ابشري لج منى ازورج كل اسبوع اشرايج

ام بدر : بلا كلام ما تنفذه ، اسمع يا خالد وانت يا أخوي أنا جايتكم بموضوع مهم ما أبيك تزعل منه ولا تأخذ بخاطرك ولا أبيك تزعل من اخوك فهد >>> وتطالع ام خالد بنص عين

ابو خالد : عسى ما شر يا ام بدر والله خرعتيني اشفيه اخوي فهد

ام بدر : والله يا ابو خالد نوره بنت اخوي فهد تبي الطلاق وطلبتك يا خوي لا تردها خل خالد يطلقها

أبو خالد وام خالد >>> الصدمه بوجيهم

ابو خالد : شنو ، ليش ؟ شاللي صاير ؟

ام بدر : مدري اهو يقولك ، وتكفى يا حمد اذا اتصل عليك لا ترده >> ولفت على خالد : هاا يا خالد تطلقها

خالد >>> ما صدق على الله : اذا هذا اللي تبيه نوره وعمي أنا ما اردهم متى ما بغوني اطلق اطلقها

ام خالد : شنو اهو لعب عيال يملجون متى ما بغوا ويطلقون متى ما بغوا

ام بدر >> تصر على اسنانها : اي يا ام خالد >> واغمزت لها

ام خالد >>> حست الحركه اللي سوتها ام بدر لها معنى وسكتت

ابو خالد : اذا اخوي فهد اتصل علي وطلب هالشي لا والله ماني راده ولا أبي اخسر اخوي اللي يبه يسويه ، بس بعرف السبب .

ام بدر : خلاص توقع منه اتصال اليوم >>> ما كملت حجيها وإلا ابو راشد يتصل

ابو خالد : السلام عليكم

ابو راشد : وعليكم السلام يا بو خالد اشلونج ان شاء الله طيب

ابو خالد : الحمدلله ، بشر عن حالك

ابو راشد : طيب يا جعلك طيب ، بغيتك تمرني اليوم ومعاك خالد ضروري يا بو خالد

ابو خالد : ان شاء الله يا بو راشد جايك بالطريج مع خالد

خالد : أنا بقوم البس

وقام ابو خالد وراح لداره واهو متضايق ليش يخسر نوره وكان وده انها تكون ببيته تمنى وحده من بنات اخوانه تصير زوجه لولده خالد ويأخذ من اهله استغفر الله وراح يلبس

بعد ما قام ابو خالد وخالد التفتت ام بدر : شوفي يا ام خالد ما كو شي يتخبى بالديره

ام خالد : يعني شنو ؟؟

ام بدر : سوالفج اللي تقولينا لأهلج توصلنا مو علشان احنا اصلنا بدو يعني ما نعرف الحضر لا نعرفهم ومناسبينهم . وانتي كنتي تبين خالد اهو اللي يطلق نوره ، والله رد كيدج وخلا نوره أهي اللي تعوف ولدج وما تبيه . يالله مع السلامه
================================= ​

 

[noara]

قصتج روعة ماشاءالله عليج ياأختي كملي لوسمحتي--

 

[منيرة خالد]

البــارت ( 14 )
----------------------------​

بفيلا ابو راشد : كانت نوره قاعده بغرفتها حدها متضايقه من قالت السالفه لأمها ولا كلمتها بالموضوع >> طق الباب

نوره : منو ادخل

ابو راشد : أنا يا بوج

نوره : هلا يبه >> حبت رأسه وما قدرت توخر عنه وحضنته كان ودها ترد نوره الصغيره

ابو راشد >> اخنقته العبره : يا بوج يا نوره ، ما يصير خاطرج إلا طيب مثل ما زوجتج اياه اللحين بطلقج منه ............ لا تزعلين ولا تكدرين خاطرج والله يرزقج بالرجال الصالح اللي احسن منه

نوره >> من اسمعت كلام أبوها صاحت وبجت وكانت تنتفض بين ايدين ابوها وأهو يمسح على رأسها : آآآآآآآآآهـــــــــــــ يبه يبه سامحني

ابو راشد : خلاص يا بوج لا تقولين شي ولا ني زعلان منج .

دخل عليهم أخوها فايز >> وراح لنوره وبأس رأسها : نوره لا تخافين بنطلقج منه غصبن عليه وهالشي اضمنيه وترا انتي بس بينج وبينه ملجه حتى عدة ما لج قال الله تعالى (يا أيها الذين آمنوا إذا نكحتم المؤمنات ثم طلقتموهن من قبل أن تمسوهن، فما لكم عليهن من عدة تعتدونها، فمتعوهن وسرحوهن سراحًا جميلاً) (الأحزاب: 49). نوره من سمعت كلام أخوها فايز زادت بالبجي والصياح وقاموا يهدونها يحسبونها منحرجه لأنها بتطلق ، واهي تبجي من قرب الفراق ،

=============

نزل أبو راشد للديوانية وتم عندها فايز وأتصل على تهاني تجي تقعد عندها وراح للديوانية

ابو راشد : هلا والله بأبو خالد >> سلم عليه وقرب منه خالد وحب رأس عمه

ابو خالد : الله يحيك يا أبو راشد

ابو راشد : اقلط يمي : يا أبو خالد أنا زوجت نوره لخالد وكنت أتمنى اليوم اللي اشوفها ببيتك لكن قدر الله ما شاء فعل ، البنت من الملجه واهي تبجي وجايتها حاله الله يعلم فيها وأنا أبي منك طلب ما تردني مثل ما طلبت منك أول مره خالد يأخذ نوره أبيه يطلقها

ابو خالد >> حز بخاطره اللي صار : والله يا بو راشد ما ودي بالطلاق لو نصبر علي العيال شوي ونشوف نوره يمكن الله يهداها

ابو راشد : ما يحتاج يا بو خالد احنا ما خلينا شي ما سويناه أبي منك بس ورقة طلاقها ودامها بس ملجه نحسبه جنه شين ما صار ، والله يوفق بنتنا ويوفق ولدنا خالد

ابو خالد : لا حول ولا قوة إلا بالله والله ما ودي اسمع هالكلام بس لي طلب ابي أنا وخالد نشوف نوره ونسمع منها هالكلام

ابو راشد : طلال اتصل على نوره وقولها >>> طلال اتصل على نوره وقالها قامت تصارخ وتبجي مابي اشوف خالد فكني منه ما ابي اشوفه >>

طلال : عمي نوره تقول ما تبي تشوف خالد

ابو خالد : خلاص انا اشوفها

طلال : نوره خلاص لا تبجين انزلي بس عمي يدخل الصاله ويشوفج

انزلت نوره >> سلمت على عمها وعيونها تصب الدموع

ابو خالد >> انصدم من منظر نوره وبجيها كل اللي سواه حب رأسها وقالها ما يصير خاطرج إلا طيب >> كان يظن انه بهالحاله من الملجه

رد للديوانيه ابو خالد وطلال وتكلم ابو خالد : ابو راشد والله اني بقول لخالد يطلق نوره وأنا ما ودي على هالشي بس عقب شوفة نوره بهالحاله بخليه يطلقها بس مو باجر آخر يوم برمضان : خالد تروح أنت وطلال بآخر يوم برمضان المحكمة واطلق نوره

خالد >> كان طول المده ساكت مو قادر يحس بالفرح مع انه يتمنى هالشي علشان حبيبته نوره : ان شاء الله يبه اللي تأمر عليه >> وقام حب رأس عمه : سامحني جان جا مني خطا

ابو راشد : لا يبوك ما جا منك خطا وأنت ولدي مثلك مثل طلال

وعدى الوقت عليهم وغيروا السالفه إلى مواضيع السياسة والتجارة واحوال العالم علشان ما يحسون انهم تغيروا على بعض .
طلع أبو خالد وخالد من الديوانيه وراحوا البيت يريحون قبل صلاة القيام خالد >>>>> حان الوداع يتصل بك

نوره : هلا حبيبي >> كانت بغرفتها علشان تغسل وتلبس للصلاة

خالد : هلا حياتي ، هانت يا قلبي ما بقى للقانا شي

نوره : خير بشرني

خالد : نوره بنت عمي اطلبت الطلاق

نوره : ليش ؟

خالد : مو مهم ، المهم انج صرتي لي قريبه

نوره : متى بتطلقها

خالد : اتفق ابوي وعمي بآخر يوم برمضان اروح انا وولد عمي للمحكمة واطلقها

نوره >> يعني ما اقدر اكلمه إلا هالاسبوع : حبيبي انا بقوم اتوضوه للصلاة عقب ما ارد من المسيد أبي اسهر معاك

خالد : غالي والطلب رخيص وهذا مناي يا نوره أشم ريحتج على مخدتي واسمع صوتج يا غلا

نوره : حبيبي لو يسألوني شنو اسم الحب والله لأقول خـــــــــــــالـــــد ... مع السلامة

خالد : أحبج ............ مع السلامه

============================

كانت هالليله أطول ليله بحياة .............نوره وخالد ، كثر ما خالد كان مستعد للطلاق كان حاس بغته ما يدري ليش كل ما لها وتزيد .................وخاصه ان نوره طول الأسبوع اللي كان يكلمها فيه كانت تتكلم بهدوء وتبجي من غير سبب ...................... وإذا سألها قالت إنه أبوها تعبان وهذا اللي مضايقها .................... وكانت كله تتكلم عن الفراق واذا أحد وقف بينهم وفرقهم شنو راح يسوي خالد

خالد : حبيبتي اشفيج والله ما راح اتخلي عنج وهانت يا عمري بس باجر الصبح أطلق بنت عمي وبالليل اخطبج

نوره : لا خالد شنو بنفس اليوم ، اصبر لي بعد العيد

خالد : حاس إنج بتضيعين مني يا نوره ليش أحس هالأحساس ، إنتي فيج شي ليش ما تعلميني

نوره : ما فيني شي بس ابوي تعبان وأبيك تنطر لين يتشافى

خالد : براحتج يا نوره ، بس لا تيبين طاري الفراق والله ما اقدر اسمع هالكلمة منج

نوره : حبيبي كل حبيبين نهاية قصتهم إما الزواج او الفراق

خالد : ونهايتنا الزواج ، ثقى فيني نوره ما راح اتخلي عنج ابد مهما صار

نوره : حبيبي لو دارت فينا الايام وتفرقنا بشي صار غصبن علينا طلبتك يا خالد لا تردني اذا تزوجت ويبت بنت سمها ................. نوره

خالد : الله لا يفرقنا وتحملي طلبج بتزوجج واذا الله رزقنا ببنت بسميها بسمج وأصير زوج نوره وأبو نوره

نوره >> ما تحملت اصراره على انه يبي يتزوجها واهو باجر بطلقها وبجت : آآآآآآآآآآآهاااااااا آآآآهــ

خالد : اشفيج نوره ، منتي عاجبتني هالأسبوع كلش ضايق خلقج وكله تبجين

نوره : خالد ، بس ابوي مريض ومتضايقه عليه وخايفه الفراق حاسه فيه قريب مدري ليش

خالد : إلا قولي لقانا يا نوره

وتموا يسولفون لي الأذان الاول واستأذن خالد علشان يصلي ويرتاح وبعدها يروح لمحكمة العدل للطلاق .


الساعه 12.00 الظهر اوصلت لنوره رسالة

{ كان المفروض اليوم اطلق بنت عمي واخطبج بس الوالد حلف علي انطر بعد شهر..... قهر يا نوره مدري شسوي }

افتحت نوره الرسالة وقرأتها ، شنووووووووووووو على طول اتصلت >> نوره يتصل بك

خالد : هلا حبي عسى ما قعدتج من النوم

نوره : خالد ...... حبيبي هالمره فراقنا ما راح يكون منك أنا اللي بفارقك

خالد : نوره انتي شنو تقولين ؟؟؟؟؟

نوره : أنا مثلك مثل ما أنت انغصبت على بنت عمك أنا بعد انغصبت على ولد عمي واليوم ملجتي ، حاولت ارده ما قدرت ......... إدعيلي خالد ولا تكرهني

خالد : نوره ، لا تقولين هالكلام ليش ما تكلمتي جان خطبتج ليش نوره ليش

نوره : اعذرني خالد حاولت اني ارده بس ما قدرت هذا المقدر والمكتوب مع السلامه

خالد : نوووووووووووره

وباست الشاشة ودمعت عينها وبعدها فتحت التلفون وطلعت الشريحه وكسرتها وخذت تلفونها الاصلى ودزت رساله لأماني
{ اتصلى على صاحب المحل اللي شريت منه الخط وخليه يفصله عن الخدمه }

واستسلمت لنوبة بجي وصياح .

أماني : ألوووووووو

نوره >> صوتها رايح من كثر البجي : هلا أماني

أماني : نوره اشفيج ، شنو صاير

نوره : ابيج تفصلين الخط ، المفروض اليوم يطلقني مثل ما وعد ابوي ، وعمي قاله يأجل الطلاق شهر ما تحملت يعني يلعب بحياتي بدون ما يحسب لي اي احساب بس ابوه قاله تزوج تزوجني وقاله اجل الطلاق طاعه جني بيده لعبه خلالالالالاص اماني تعبت

أماني : واي نوره والله قلبي يعورني عليج ليش جذي جان قلتيله ، وخلصتي من هالسالفه اللحين بيقعد يدور ويسأل عنج

نوره : لو دره ما راح يطلقني وبيخسر امه وهالشي ما أبيه ما ارضاه على أمي إشلون ارضاه على ام غيري ، وبعدين انا قلته ان اليوم ملجتي على ولد عمي وغصبن علي بتزوجه مثل ما أنت كنت مغصوب على بنت عمك .

أماني : واييييييييي بعد فيها زواج غصب ، وبعدين أنتي ما تدرين يمكن يقدر خالد يقنع امه

نوره : خلاص يا أماني الطلاق وبعد شهر وتصكرت ستارة المسرحية خلصت القصة

أماني : وقلبج بينسى اشلون وخالد بتهقين ما راح يدور وراج وبيعرف منو انتي

نوره : ما راح يدور لأني بنظره تزوجت .

أماني : شوفي نوره لو خالد سأل أحمد عنج والله لأقوله كل شي ما اقدر اجذب

نوره : أماني لا الله يخليج أنتي بس عطيهم اسمي اللي حفظتج إياه وقولي هذا اللي اعرفه عنها وخلاص

أماني : ما ادري يا نوره والله خايفه

نوره : لا تخافين ولا شي بينساني خالد بسرعه ، بيعتبرني تجربه فاشله وانتهت بالفراق .
============================= ​

أتمنى إن البارتين اعجبوكم / وأحب اقرى نقدكم على القصة وتوقعاتكم ...............أختكم منيرة خالد​

 

[ღ كحلاء العين ღ]

؛
الـــســلآمـ عـلـيـكـمـ و رحـمـة الله و بـركـآتـه

بعد نبي بــآرت بلييييييييييز ..’,~ < أدري مصخــنــآهــآ

إبــدآآآآآآآع والله إبــدآآآآآع ..’,~

و مـــــع السلامــــه ,,,

|~|

 

[سعاد الكويتيه]

البــــارت عجيـــــــــب ...


بس كســرت خـاطــــــــــري نــــــــــورة مسكيـــنه ..

 

[سعاد الكويتيه]

البــــارت عجيـــــــــب ...


بس كســرت خـاطــــــــــري نــــــــــورة مسكيـــنه ..

 

[سعاد الكويتيه]

البــــارت عجيـــــــــب ...


بس كســرت خـاطــــــــــري نــــــــــورة مسكيـــنه ..

 

[سعاد الكويتيه]

البــــارت عجيـــــــــب ...


بس كســرت خـاطــــــــــري نــــــــــورة مسكيـــنه ..

 

[ام يوسف 2007]

رووووووووووووووعه
س نووووووره اكسرت خاطري حييييييييييييييييييييييل
وحقدت على ام خالد

 

[q8ya36]

واي البارت عجيب
والله يبجي البارت ونوره ماتستاهل

 

[الحلامبتليها]

لا يوقف

 

[ريـ’ـآنـهـ‘]

زين تسوي نورا مسكييينه ما تستاهل
بس بعد خالد ما يستاهلها وااي قطيعه كرهته اهوا وامه ما احبه

انا اللي كاسر خاطري ابو خالد والله مسكين بتلش بمرته

بدت تشوق القصه

ولا تخلين نورا ترضا بخالد
ناطرينج

 

[الحلامبتليها]

منيره منيره منيره منيره منيره


بليييييييييييييييييييييز نزلي البارت اللي بعده


كرهتجججججججججججججججج ييييييييييييا نووووووووووووووووووووووووالووووووووووووووووه