حاطه حيلي على امي ومن تنام اتندم! امس قالت لي: روحي الله لايبيحج

[مذهــلــه]

الله يهديج حبيبتي

حرام هذي امج وانتي تقولين كبيرة بالسن يعني ان مو دايمتلج..ألله يعطيها طول العمر

وربي بتتحسفين كثر شعر راسج لو صارلها شي لاقدر الله

تعوذي من ابليس وقعدي معاها احضنيها حسسيها بالحنان عشان هي تبادلج نفس الشعور

وادعي ربج ان شاء الله مايردج

وتذكري رضا الله من رضا الوالدين والجنة تحت اقدام الامهات

 

[كوكي56]

الله يهديج

 

[الا يامطول صبري]

لاحول ولا قوه الا بالله الله يهديج يارب ( الجنه تحت اقدام الامهات) وهذا كااافى وماتحسين فيها الا اذا فقدتيهااا من غير شر

 

[عيش و مرق]

الله يشفيج

 

[نـونا]

السلام عليكم

اول شي بقولج انا كنت اعصب على امي وارفع صوتي احيانا عليها ومرات افشلها جدام الناس وبعدين اتحسف

صدقيني الام غاليه وحسي فيها وابقيمتها قبل لا تروح من ايدج والله ياخذ امانتها بعد عمر طويل

اهي الحين عندج باجر اتروح من هالدنيا بتحسفين على كل كلمه قلتيلها وبتحسفين على كل المعامله الي عاملتيها الام اغلى شي بهالدنيا

ياما بنات وانا اعرفهم امهم ماتت واشكثر متحسفين وصارت فيهم حاله نفسيه وشنو السبب ؟؟؟ متحسفين على المعامله السيئه الي كانو اعاملونهاا فيه

حتى لو ماتعاملج عدل او ماتسمعلج ميخالف تقربي منها مره مرتين روحي حبي راسها وتأسفي صدقيني انتي ابترتاحين
الي امها عايشه تحمد ربها على النعمه الي عندها والله يخليها لكم واخليلي امي يارب والله يهديج ويهدي الجميع

وعلى فكره ( كما تدين تدان )

 

[vi-lady]

رد: رد : حاطه حيلي على امي ومن تنام اتندم! امس قالت لي: روحي الله لايبيحج

ابشرج ربي بيرزقج ببنت عاقه مثلج ومثل ماسويتي بأمج بنتج راح تسويه فيج ان شاء الله اتقي الله فيها
حسبي الله على ابليسج الظاهر انج ناسية انها امج شلون تنامين الليل وانتي مسويه هالمصيبه على الاقل رحمي كبر سنها وعلبالج شطارة انج تقلين ادبج على امج اعوووذ بالله من هالزمن موبعيد باجر تقطينها بدار العجزة .

ولاتنسين كما تدين تدان

اقري واتعظي
قصص من الواقع سمعتها بمحاضرة الشيخ خالد الراشد عن الام .. وقصص بها العبر واتمنى انكم تقرأونها .. لان ام الام والوالدين امر مهم جداً وبه جنه ونار ..القصه الاولى
__
قصة الام الميته
حقيقه لا خيال
مرضت الام العجوز .. فـ اخذها الابن الى المستشفى وتركها هناك ثم ذهب للعمل باحدى المدن
ثم عاد الى قريته فـ سئلوه عن امه فـ اجابهم بانها ماتت ودفنها .. !! ولكن هي على قيد الحياه وبالمستشفة ولكنه كذب
وبعد فتره ذهب احد سكان القريه الى المستشفى لزيارة قريبة له وبالصدفه كانت ام الابن الي نتكلم عنه مع قريبته المريضه بنفس الغرفه
فـ سئلها الرجل بتعجب انتي ام فلان ؟ قالت نعم قال من اتى بك الى هنا منذ متى وانتي هنا
فـ قالت : احضرني هنا منذ عامين ولم اره من حينها
وتقول انها مازالت خائفه عليها رغم كل هذا !! ما احن الام وما اشفقها
رماها نساها .. فـ قام الرجل واخرجها .. فـ قام بوليمه كبيره ودعى كل اهل القريه والح على الابن بالحضور
واثناء الوليمه .. سئل صاحب الوليمه الابن عن امه امام الملأ فـ قال انها ماتت قبل سنتين
وقام الرجل وطلب العجوز واحضرها امام الجميع .. وقال اهذه امك يافلان .. وقال للعجوز اهذا ابنك يا ام فلان
وصعق الابن العاق امام الحضور .. ولم يتكلم انها قصه حقيقيه وليست من نسج الخيال
وهل هذا من الدين ؟

___
اما القصه الثانيه فـ هي
قصة

طرد الام

قصة ام عجوز تروي حادثه :
حملته 9 شهور .. وابوه توفى بعد ولادته بشهور .. واعطيته حبي وحناني وعندما بلغ سن الزواج .. زوجته
ببنت احبها .. ولكنه طلقها بعد 5 سنوات .. بعد ان اجنبت له بنت وولد .. طلقها لانه كما يقول ليست متعمله
وتزوج معلمه .. وربيت ابنه و بنته .. من الزوجه السابقه ..
وكنت اخدم زوجته لكونها مدرسه ونفسي راضيه وبعد فتره اصبحت لا تحب طعامي .. وتقول اني لا اعتني بالبيت
وطلبت خادمه وتكفلت بمعاشها .. ولما جاءت الخادمه سرت ضيفه ثقيله على زوجة ابني
اتهمتي بالتدخل في شؤؤن الخادمه واتلفظ بالفاظ لا تليق
ابني اصبح لا يكلمني .. واخرجني .. الى الملحق خارج البيت .. وادخلوا الخادمه مكاني لحاجتهم لها كما يقولون وخوفهم عليها
واما انا فـ انتهت حاجتي ..
و تقول تحملت ورضيت لانه ابني واحبه ولاجل ابنه ووولده من زوجه الاولى
وفي احدى الايام .. ذهبت الى ابنتي التي تعيش بمدينه اخرى وعندما عدت وجدت فراشي واغراضي خارج الغرفه ..
وعندما طرقت الباب عليها .. قالوا انهم يبون الغرفه لتكون مستودع لاغراضهم
وقالت انا اين اذهب ؟
قالت الزوجه : اذهبي اليى اي مكان الا البيت وارض الله واسعه ..
والابن .. يقف خلف زوجته .. لم يتحرك ولم ينطق بكلمه ..
فـ اتجهت الى الجيران فـ طرقت الباب فـ رويت لها ماحدث فـ بكت الجاره ورحبت بها بالمنزل ..
وفي الصباح اتصلت العجوز با ابنتها الاخرى .. طلبت منها ان تاخذني لاسكن عندهم ولكنها اعتذرت لانه زوجها تضايق عندما
جلست عندهم يومان بالسابق واغلقت الهاتف ..
فـ بكيت وبكتب جارتي معي .. وعن طريق احد المؤمنين بالمنطقه .. وفر لها سكن ..
زارني ابناء الحي الا ابني بل اصبت بمرض شديد وزارني اللي بالحي الا ابني !!
وانا انتظر زيارته وقلبي يتقطع علي ..
ولكن والله .. سيدفع الابناء الجزاء بالقريب .. و كما تدين تدان ..
الزوج تذهب .. الزوجه تذهب .. الام من سياتي بغيرها ؟
____

واما الاخيره

ممرضة اسلمت بسبب بر الوالدين

وهذه قصة امريكيه ممرضه.. اسلمت بسبب بر الوالدين ..
تقول بانها كانت تشاهد التلفاز واول مره تسمع عن الاسلام وضحكت عن المعلومات التي عن الاسلام وبعد عام من سماعي كلمة الاسلام
سمعتها مره اخرى ولكن بالسمتشفى حيث اتى زوجان وبصحبتهما عجوز كبيره مريضه
وكنت ارى الزوجه .. حزينه والدموع بعينها .. فـ سئلتها عن السبب
قالت لان ام زوجتي مريضه وهي تدعو لها بالشفاء
وقالت الامريكيه في نفسها اين امي لم ارها منذ اربع اشهر ..
لقد ادهشني حال الزوجين وادهشني اكثر حالة الزوجه لحزنها ودموعها وماشئنها ولماذا تتعب نفسها !!
لم يعد بالي سوى ذلك !
تخيلت نفسي لو انا مكان الام .. يالـ السعاده .. كان الزوجان يجلسان طول الوقت مع العجوز .. وطول الوقت يتلقان اتصالات من البلاد للاطمئنان حول العجوز ..
دخلت يوم غرفة الانتظار .. فـ التقيت بالزوجه وحدثتني عن حقوق الوالدين بالاسلام واذهلني هذا القدر الكبير
وكيفية التعامل مع الوالدين .. وبعد ايام توفت العجوز وبكى الزوجان بكاء كالطفل ..
وبعدها جلست افكر .. وطلبت من المركز الديني كتب عن حقوق الوالدين في الاسلام ..
ولما قراته عشت حلم لا يقظه .. وتخيلت لو انا الام ولو لدي ابناء يخافون علي حتى قبل وفاتي
ولهذا الحلم اسلمت والحمدلله تزوجت من رجل مسلم .. وهي اليوم ام عبدالملك ..

وهنا ختام القصه ونسئل الله الثبات لهم ..

جــــــــــــــزاج الله الف خير ورحم الله والدينج ان شالله وجزاج الجنه والله كلامج عين العقل والله نزلتي دموعي يالله ارزق امي العمر الطويل عشان ابرها وارد جميلها ولو ماراح اقدر اوفي جميلها ​

:eh_s(17):

 

[miss$cute]

امبيــه جنـــج انـــا .. و انا هم عمري 19.. بس بصراحــه انا امــي عليهـا لســان يترفز

مع انها طيبــه ..

 

[جوري وبنفسج]

السلام عليكم

أمبي أمج اللي فيها مكفيها يعني بتلقاها منج ولا من أبوج اللي كاشت فيها

تدرين أنا لو واحد من عيالي يطول لسانه علي قسماً بالله أطقه طق وأخليه يندم على الساعة اللي غلط فيها علي

ومع هذا عيالي يركضون وراي ويحبون أيديني وريولي ويطلبون مني السماح ويتضايقون لزعلت عليهم .


عرفتي الحين شلون أن أنتي محظوظة بأمج الطيبة

وبعدين لو قدر الله أمج صار فيها شيء أو أنتي صار فيج شيء وهي مو راضية عليج تحرم عليج الجنة

روحي لأمج وطيبي خاطرها وحبي ريولها وأيدينها علشان ترضا عليج .



وبقولج شغلة أحنا يوم كنا صغار أمي حدها عصبية وتطقنا طق وتخانقنا وساعات ما نكون غلطانين ومع هذا كنا نحترمها ولا نحط عينا بعينها

وللحين أحنا كبار ومتزوجين ومعيلين ومع هذا تعصب علينا وتغلط علينا وساعات تفشلنا أو تحرجنا عمرنا ما قلنا لها خلاص كبرنا والله للحين نحترمها ونحتسب الأجر عند ربالعالمين ​

 

[Tom ♥ Jerry]

.


الله يهديج يارب
استغفر الله =) !!!


هاذي آمج و اذا تلعنينهآ و تسبينهآ و تبينهآ تحبج !؟
شلون يعني آبي أفهمـ

حطي نفسج مكآنهآ شنو رآ’ح تكون رده فعلج
اذا دريتي أنه بنتج تلعنج :| !

لا حول و لا قوة الا بالله العلي العظيمـ ..
الله يهدي الكل يارب ..

و الله يوفقج .. و حبيبتي لا اتزعلين أمج ..
ترا يمكن سنه سنتين ثلاث و ان شاء الله تروحين بيت ريلج ..

و هاذي آمج لا اتيننينهآ طول هالـ سنين الي بتقعدين عندهآ
ترا محد يعوض الآم ..

.

 

[بيبي بدر]

ياويلج من الله خافى ربج
الجنة تحت اقدام الامهات
عسى الله يهديج

 

[moone GRL]

استغفر الله

والله مادري شقولج .. كل الكلام انقال

بس تذكري ترا مثل ما تسوين بامج بيسوون فيج عيالج لما تكبرين والله هذا دين

انا شفت شكثر ناس من اهلنا واللي حوالينا ايام شبابهم غرتهم صحتهم واستقووا على والدينهم بالأخير يوم كبروا حشاج طاحوا مثل الجلاب عيالهم ما دروا عنهم مقططين بالمستشفيات والله محد يدري عنه

ياليت امي حيه لو تطقني ولا تنرفزني والله عسل على قلبي .. الله يرحمها بس صج الواحد ما يحس بشي الا لما يفقده الحمد لله لما توفت وانا باره فيها حتى بمرضها انام وأقوم عندها وهذا اقل شي اسويه .. انا بعرف بس شلون قلبج يطاوعج تغثين أمج .. أمج هذي تعرفين يعني شنو أمج

لا تقولين صغيرة مره انتي ترا بيني وبينج جم سنة بس .. وإذا بهالعمر سويتي جذي لا كبرتي شنو بتسوين فيها .. الله يهديج بس هذا اللي أقدر أقوله

لا تبررين لنفسج اللي تسوينه غلط لو أمج كافره حتى انتي ملزومه تبرينها .. بس تخيلي لو يصير فيها شي انتي اول وحده بتبجين عليها بس شنو بينفع إذا لا سمح الله ماتت وهي مو راضيه عليج ..

أقول ياليتي مكانج والله لاقوم وابوس رجول امي وايدينها لو شنو مسويه لي تبقى أمي .. ا

 

[يمة يادلبي]

حتى انا امي اتنرفزني فوق ماتتصورين بس هم هذا مايعطيني الحق اني ألعن أبو اخماااسها مهما كان هذي امي وفوق هذا عشان لا احوشلي كف على ويهي

 

[* الوردة *]

الله يهديج بس ... ليشششش تعاملينها جذي ،، حتى لو أمج قاسية معاج وجافة بطريقتها معاج لاتسوووين اللي سووويتيه ؟؟؟؟

هذي أمج تعرفيين معنى أمج ،، وياما ناس أمهاتهم قاسية معاهم وماكانت تدري عنهم وأعتمدوا على نفسهم ....

الله يهديج الله يهديج ،،

 

[مناوى 99]

رد : حاطه حيلي على امي ومن تنام اتندم! امس قالت لي: روحي الله لايبيحج

كل اللى تمرين فيه عقوبه من الله
اذا امج مو راضيه عليج لا تتوقعين ربج بيرضى عليج
وترا تقل توافيقج بهالدنيا
راجعى نفسج وارحمى امج ترا رضى الرحمن من رضاها
وكل ما عصبتى تعوذى من ابليس

 

[دلوعة أبوهآ]

حسبي الله ونعم الوكيل ..
تشتميها وتلعنيها .!!!!!!!!!!!!
هذي أمك تعرفين شنو يعني أمك
والله العظيم غيرك يتمنى أم يتمنى حضن وحنان الأم يتمنى حس الام حتى لو كانت اسوأ مخلوق في العالم
يكفي انها تكون الأم
حرام اللي تسويه فيها حرام
الله ماراح يوفقك في دنيتك ولا في آخرتك
وتأكدي اللي تسويه فيها راح تشوفيه في يوم من عيالك


غيري الطبع اللي فيكِ
واكسبي رضاها قبل لايجي اليوم اللي تبكي فيه دم وماينفعك شي ..
كل ماتعصبي منها تعوذي من ابليس و ورحي غرفتك وصلي ع النبي كثير ..
ومهما سوت تبقى أمك واحترامك لها واجب عليك وأمر من ربك ..

وشي طبيعي ياقلبي انها تفضل اخوانها عليك دامك تعاملينها بهالاسلوب
الله يهداكِ بس

غيري معاملتك معها وراح تشوفي شلون هي غيرت معاملتها معك


الله يهديكِ ويصلحك

 

[فيونكه فوشية]

رد : حاطه حيلي على امي ومن تنام اتندم! امس قالت لي: روحي الله لايبيحج

لاحول ولا قوة الا بالله

ماعليه حبيبتي انا عارفه انتي تمرين بضغط نفسي ومن الطفووولة والسبب اكيد مشاكل امج وابوووج

للأسف عادةً الاهل يعقدون عيالهم

وصدقيني لما تدرين ان هالشي غلط هنيه بداية العلاج ..

انتي اكيد ومن كلامج انج بعيدة عن الله ..

ومقصرة بصلاتج وبالاذكار والمعوذات والقرآن

صدقيني الحل تلقينه بالقرآن مو هنيه بالمنتدى

اقري البقرة يومياً .. صدقيني بتتغير نفسيتج حتى اخوووج الشكاك ما شك منيه والطريق

هو شاب ويعرف البنات وسوالفهم ماتطوفهم شي وانتي بنفسج قلتي ان كانت لج علاقة سابقة مع واحد لا حول ولا قوة الا بالله

الله يستر علينا وعليج

هدي هالطريق الي ما وراه الا المصايب وكافي الي امج فيه

فكري فيها ترى هي تعاني اكثر منج واكيد علاقتها بالسابق مع ابوووج كانت جحيييم

انتي على بالج هذي شي بسيط

شوفي انا بعطيج حل .. لا تكلمين امج ولا تلجأين لها بالوقت الحالي لان انتي اصلا نفسيتج تعبانه

ونصيحة لا تفضفضين لأحد عندج كلام بتقولينه

افرشي سجادتج وصلي وبالسجووود طلعي كل الي بخاطرج

قولي كل شي لله وادعي بإلحااااح وبإيمان ان اللع بيفرج همج

جربيها وبتدعين لي انا متاكده

ترى الدعاااااء مو لازم كلام منمق وبالفصحى لأ ..

قولي كل الي بخاطرج لله

لأن هو الاعلم فيج وبطبعج لكن البشر ممكن تفضحج ممكن تاخذ عنج انطباع

والشكوى لغير الله مذلة

لما تحسين انج ارتحتي طبعا اقعدي شهر كامل .. لاتقولين واجد وصعب

حافظي على الصلاة بوقتها واقري سورة البقرة يوميا مع اذكار الصباح والمساء .. والمعوذات والكرسي

وشووفي حالتج وربي شي غريب انتي بنفسج بتشوفين

وتعالي قولي لنا شنو صار معاج

وامج مثل ماقلت لج اتركيها هالفترة لا تدخلين معاها نقاشات لانج بتخربينهااا

 

[eman84]

حطي حيلج بامج ميخاالف !! بس تذكري بيي اليوم اللي اعيالج يحطوون حيلهم فيج وعقاب
عقوووق الوالدين البني آدم يشوفه في الدنيا و بالاخره سبحان الله

تدرين لو انتي بنتي جان لويت لج ذراعج وادبتج

خافي الله شهالزمن الوصخ !! امج هذي اللي شاطره عليها اهيا اللي سوتج ويابتج بالدنيا وكبرتج وخلتج مره !! ومومقصره معاج بشي !!
هذي اللي شالتج في بطنها 9 شهووور عمرررررررج ماراح تحسين فيهم الا ليما تحملين وتتعبين وينهد حيلج ! وطول هالتسع شهور ماخذه عافيتها !! واهيا اللي طلقت فيييج وتعبت ,آآآآآآخ على الطلق اللي هم راح تجربينه وتعرفين انج بدونها ولا شي !! وتقولين شلون صبرت علي
هذا غير وانتي بالاربعين حنه ورنه وسهر بس علشانج انتي وكبرتج ودلعتج وآخر شي يايه حضرتج تقولين هالحجي !!

انا ماحسيت بقدر امي الا لما حملت وجربت الولادة والتربية والله ثم والله لو تبي عمري اعطيها ابووووس ترابها لو تدووس ابطني وتلعن خير خيري اقوول مسمووحة وابوس راسها

ماراح تنصلح امووورج وحياتج بتصير اسوأ طوول ما انتي تتصرفين وانتي ماشاءالله كبيره مو محتاجه نصايحنا غيري بنفسج من داخلج واستغفري ربج وتوبي (واحنا على ابواب شهر العبادة والتوبه )عسى الله يغفرلج اللي فات و يثبت قلبج على حب وطاعة امج

وسامحيني اذا ردي قاسي بس ميخالف هذي امج وملزوووووم تحترمينها وماتنام الا واهيا راضية عنج

 

[*سوسو ستار*]

الله يهديج يآآآآآرب


حبيبتي احمدي ربج امج عايشه وانتي مالج بالدنيا الاهي شبتسوين بالدنيا بدونها بريها قبل لاتروح عنج وهي غضبانه عليج وقتها بس بتصحين و تبندمين وبتشبعين ندم بس ماراح يفيدج شي ..!!

 

[رهام الكويت]

الله يهديج

اسفه أبسألج سؤال ( أنتي تصلين )
لا تبعدين عن ذكر الله ودائما اسأليه الهداية والغفران

 

[قبلة الغيد]

الله يهديج بس الله يهديج والله بجيت من مواقفج هذي امج حلوة اللبن ترى كما تدين تدان والله انشاالله يسامحج ويغفرلج