حاطه حيلي على امي ومن تنام اتندم! امس قالت لي: روحي الله لايبيحج

[غيد مطير]

رد : حاطه حيلي على امي ومن تنام اتندم! امس قالت لي: روحي الله لايبيحج

استغفر اللة العظيم اللة يهديج

لاتنسيه الجنه تحت اقدام الامهات

اتقي اللة بأمج اللي حملت وسهرت وتعبت عليج وربتج مو هذا جزاها

حراااااااااااااام عليج ارحميها وبريها واخدميها

انتي لو تحججين امج على ظهرج ماتلحقين جزاها ولا حتى تسوى طلقه من طلقاتها وهي تولدج

ارجعي لربج وقوي ايامنج بربج وواظبي على صلاتج واتركي كل الامور اللي تبعدج عن ربج

وشوفي اشلون ربي راح يوفقج بدراستج وحياتج ومستقبلج حتى عيالج باجر لاكبرتي يبرون فيج !!

 

[loloالحلوة]

قلتيها حبيبتي امج كبيرة بالسن
هذي امج وحراااااااام اللي قاعدة تسوينه
الله يهدييج

 

[تبطي عظم!]

الله يهديج

وربي صدمتيني

تبين تعرفين قيمة الام...!!

سألني اي وحده متوفيه امها..!!

وتعرفين شنو نعمت ان امج موجوده بالدنيا..

تبين تعرفين قيمة الحياه السعيده والراحه النفسيه والتوفيق....!!

سألي أي وحده عاقه بأمها واولهم أنتي..!! تحسين بالراحه!! تحسين بالمتعه.!! تحسين بالتوفيق..!!

لا والله ولاراح تحسين فيها طول ما انتي مع امج كذا..!!

الله يهديج يارب

 

[غير كل الناس]

هذي الام

اللي توافيق النسان في حياته من بعد رضاها عليه

 

[vi-lady]

حبيبتي الله يهديج يمكن فيج وراثه من الوالد روحي تعالجي عند الطب النفسي ترا موعيب ولا حرام بس اللي تسويته بامج حراااااااام

 

[ريماس21]

هي امج مهما صاااار حاوووولي اذا عصبتي تمسكين اعصابج لانه اعرف الي يعصب يخووورها بالحجي

حاولي اذا عصبتي قبل لا تكلميييييين وتنطقييين بحرف تطلعين من الغرفه الي فيها امج لانه لو قعدتي صدقيني بتخووورينها بالحجي

وحاااااولي تبرين فيها واذا عصبت وحسيتي انه لسانج بينفلت روحي اي مكان غرفتج الحوش اي مكاااااااان ما تطلعين حرتج فيها على احد

وحطي في بالج هالشيء انتي ترضييين انه بنتج تسووويلج جذي تخيلها نفس اطباااعج وتسويلج نفس الي تسوينه بامج
ذييك السااااعه صدقيني راح تحااووووولين تغييرن من نفسج حتى لو الظظرووووف ضدج
انتي الي لازم تغلبين على ظروووفج وتقووووين ايمانج مو تستسلمممين لظروف وتقولين هذي ظرووووفي
عمره الاستسلام ما كان حل لاااي مشكله الحل انج تواجهييين مشاكلج

واتمنى تتقبلين هالنصيحه مني برحاااابة صدر

 

[البرنسيسه سوزي]

اول شى استغفري ربج وانتي الي فيج الحين لاتقولين ابوي موموجود متزوج وموداري عنج او اخوج شكاك او امج ماتعطيج وجه او او او السبب الوحييييييييييييييد هو بعدج عن ربج اصلحي مابينج وبينه شوفي شلووووووووووووون تغير حياااتج تلقين ربي مسخر لج امج وابوج واخوج لان الي فهمته من كلامج بنت صغيرة عمرها 19 سنه متى امداج حبيتي ويخونج وليش اخوج يشك فيج وليش تسوين اسقاطات على امج وتانبينها لانج تعانين من فرااااااااااااااغ وتشتت داخلي ... اختي حبيبتي بلله جاهدي نفسج على الصلاة حاولي تاخذين امج لدروس دينيه ولله الحمد والمنه شكثرها بلكويت او اشتركي بجمعيه احياء التراث او احنا مجبل علينا رمضان روحي انتي وامج وفصلي لها جم دراعه واشتري وياها اغراض رمضان واحرصي كل الحرص انج تحافظين معاها على صلاة التراويح لا تقولين ما اقدر امبلا تقدرين ...حبيبتي اقسم بلله قسم ربي بيحاسبني عليه اذا استمريتي على هلحال بيجي وقت بتبجييين بحرقه وتتمنين ان ربي ما خلقج والا يرجع الزمن عشان تبرين امج على قولتج مرة كبيرة والله يعطيها الصحه والعافيه مابقى من العمر كثر الي راااح بريها وحاولي تكسبينها حتى لو عصبت عليج امج باب من بيبان الجنه الحقيها قبل لاتسكر الله يخليها لج ويهديج

 

[pure-poison]

رد : رد: حاطه حيلي على امي ومن تنام اتندم! امس قالت لي: روحي الله لايبيحج

حراااااام عليج شنو مجرمه انتي تبين اقول لج شاللي خلاج توصلين هالمرحله اهي طيبة امج معاج لو انها عصبيه وموريتج العين الحمره جان لزمتي حدودج وعرفتي من تكلمين شنو بتطقينها وتتطنزين عليها جدام خواتج صج ماتستحين ومو كفو ولو انا من امج وجذي تسوين اطردج بالشارع اخلي ابوج يربيج لانج مو كفوو حشيمه العلاج انج تحترمين نفسج وتتكلمين عدل مثل الناس انتي منو وشنو عشانن تتطنزين على امج روحي عرفي نفسج عدل ومقدارج عدل ولاتصدقين نفسج وايد وعبالج قويه وعبالج شاطره لما سكتت عنج وطوفتلج وتأكدي انج ماراح تتوفقين بولا شي وبييلج زوج يعاملج اسوء معامله وعيال نفسج يطلعون عينج الا اذا تبتي وسنعتي عمرج لين يغر الله مابقوم حتى يغيروا مابأنفسهم

اي والله صاجه

 

[فوشية...]

تخيلي باجر تقعدين من النوم وتلقين امج ميته ..!!
تخيلي الموقف صج .. وقولي شنو بيكون شعورج ..!!


اقووول قوومي حبي راسج امج وتقربي من ربج اكثر ..
هاذي امج جنتج ونااارج ..
ربتج وكبرتج وصرفتج عليج وتعبتج عشانج بالاخير انتي تقومين وتمدين ايدج عليها ..!!
حسافه انها يابتج والله انتي ماتعرفين قدر الام وشكثر تحترق الام على عيالها ..
وماتعرفين قدر الام عند الله شنو ..!!
لانها الوحيده اللي متحملتج ومتحمله سخافتج تماديتي معاها
لكن لو كانت دايسه عليج ولاعنه خيرج مثل غيرها جان سكتي وتحملتي وطلبتي رضاهااا ..
قومي حبي راسج امج وابجي على ريولها خل تسامج هاذي الدنيا حياة وممات ماتدرين منو يومه قبل الثاني ..
الواحد يلقط حسنات بالتفق وانتي جنتج ونارج مأذيتها ..؟؟

كلامج عين العقل

الله يهداج بس

 

[ام طلال]

رد : حاطه حيلي على امي ومن تنام اتندم! امس قالت لي: روحي الله لايبيحج

ابشرج ربي بيرزقج ببنت عاقه مثلج ومثل ماسويتي بأمج بنتج راح تسويه فيج ان شاء الله اتقي الله فيها
حسبي الله على ابليسج الظاهر انج ناسية انها امج شلون تنامين الليل وانتي مسويه هالمصيبه على الاقل رحمي كبر سنها وعلبالج شطارة انج تقلين ادبج على امج اعوووذ بالله من هالزمن موبعيد باجر تقطينها بدار العجزة .

ولاتنسين كما تدين تدان

اقري واتعظي
قصص من الواقع سمعتها بمحاضرة الشيخ خالد الراشد عن الام .. وقصص بها العبر واتمنى انكم تقرأونها .. لان ام الام والوالدين امر مهم جداً وبه جنه ونار ..القصه الاولى
__
قصة الام الميته
حقيقه لا خيال
مرضت الام العجوز .. فـ اخذها الابن الى المستشفى وتركها هناك ثم ذهب للعمل باحدى المدن
ثم عاد الى قريته فـ سئلوه عن امه فـ اجابهم بانها ماتت ودفنها .. !! ولكن هي على قيد الحياه وبالمستشفة ولكنه كذب
وبعد فتره ذهب احد سكان القريه الى المستشفى لزيارة قريبة له وبالصدفه كانت ام الابن الي نتكلم عنه مع قريبته المريضه بنفس الغرفه
فـ سئلها الرجل بتعجب انتي ام فلان ؟ قالت نعم قال من اتى بك الى هنا منذ متى وانتي هنا
فـ قالت : احضرني هنا منذ عامين ولم اره من حينها
وتقول انها مازالت خائفه عليها رغم كل هذا !! ما احن الام وما اشفقها
رماها نساها .. فـ قام الرجل واخرجها .. فـ قام بوليمه كبيره ودعى كل اهل القريه والح على الابن بالحضور
واثناء الوليمه .. سئل صاحب الوليمه الابن عن امه امام الملأ فـ قال انها ماتت قبل سنتين
وقام الرجل وطلب العجوز واحضرها امام الجميع .. وقال اهذه امك يافلان .. وقال للعجوز اهذا ابنك يا ام فلان
وصعق الابن العاق امام الحضور .. ولم يتكلم انها قصه حقيقيه وليست من نسج الخيال
وهل هذا من الدين ؟

___
اما القصه الثانيه فـ هي
قصة

طرد الام

قصة ام عجوز تروي حادثه :
حملته 9 شهور .. وابوه توفى بعد ولادته بشهور .. واعطيته حبي وحناني وعندما بلغ سن الزواج .. زوجته
ببنت احبها .. ولكنه طلقها بعد 5 سنوات .. بعد ان اجنبت له بنت وولد .. طلقها لانه كما يقول ليست متعمله
وتزوج معلمه .. وربيت ابنه و بنته .. من الزوجه السابقه ..
وكنت اخدم زوجته لكونها مدرسه ونفسي راضيه وبعد فتره اصبحت لا تحب طعامي .. وتقول اني لا اعتني بالبيت
وطلبت خادمه وتكفلت بمعاشها .. ولما جاءت الخادمه سرت ضيفه ثقيله على زوجة ابني
اتهمتي بالتدخل في شؤؤن الخادمه واتلفظ بالفاظ لا تليق
ابني اصبح لا يكلمني .. واخرجني .. الى الملحق خارج البيت .. وادخلوا الخادمه مكاني لحاجتهم لها كما يقولون وخوفهم عليها
واما انا فـ انتهت حاجتي ..
و تقول تحملت ورضيت لانه ابني واحبه ولاجل ابنه ووولده من زوجه الاولى
وفي احدى الايام .. ذهبت الى ابنتي التي تعيش بمدينه اخرى وعندما عدت وجدت فراشي واغراضي خارج الغرفه ..
وعندما طرقت الباب عليها .. قالوا انهم يبون الغرفه لتكون مستودع لاغراضهم
وقالت انا اين اذهب ؟
قالت الزوجه : اذهبي اليى اي مكان الا البيت وارض الله واسعه ..
والابن .. يقف خلف زوجته .. لم يتحرك ولم ينطق بكلمه ..
فـ اتجهت الى الجيران فـ طرقت الباب فـ رويت لها ماحدث فـ بكت الجاره ورحبت بها بالمنزل ..
وفي الصباح اتصلت العجوز با ابنتها الاخرى .. طلبت منها ان تاخذني لاسكن عندهم ولكنها اعتذرت لانه زوجها تضايق عندما
جلست عندهم يومان بالسابق واغلقت الهاتف ..
فـ بكيت وبكتب جارتي معي .. وعن طريق احد المؤمنين بالمنطقه .. وفر لها سكن ..
زارني ابناء الحي الا ابني بل اصبت بمرض شديد وزارني اللي بالحي الا ابني !!
وانا انتظر زيارته وقلبي يتقطع علي ..
ولكن والله .. سيدفع الابناء الجزاء بالقريب .. و كما تدين تدان ..
الزوج تذهب .. الزوجه تذهب .. الام من سياتي بغيرها ؟
____

واما الاخيره

ممرضة اسلمت بسبب بر الوالدين

وهذه قصة امريكيه ممرضه.. اسلمت بسبب بر الوالدين ..
تقول بانها كانت تشاهد التلفاز واول مره تسمع عن الاسلام وضحكت عن المعلومات التي عن الاسلام وبعد عام من سماعي كلمة الاسلام
سمعتها مره اخرى ولكن بالسمتشفى حيث اتى زوجان وبصحبتهما عجوز كبيره مريضه
وكنت ارى الزوجه .. حزينه والدموع بعينها .. فـ سئلتها عن السبب
قالت لان ام زوجتي مريضه وهي تدعو لها بالشفاء
وقالت الامريكيه في نفسها اين امي لم ارها منذ اربع اشهر ..
لقد ادهشني حال الزوجين وادهشني اكثر حالة الزوجه لحزنها ودموعها وماشئنها ولماذا تتعب نفسها !!
لم يعد بالي سوى ذلك !
تخيلت نفسي لو انا مكان الام .. يالـ السعاده .. كان الزوجان يجلسان طول الوقت مع العجوز .. وطول الوقت يتلقان اتصالات من البلاد للاطمئنان حول العجوز ..
دخلت يوم غرفة الانتظار .. فـ التقيت بالزوجه وحدثتني عن حقوق الوالدين بالاسلام واذهلني هذا القدر الكبير
وكيفية التعامل مع الوالدين .. وبعد ايام توفت العجوز وبكى الزوجان بكاء كالطفل ..
وبعدها جلست افكر .. وطلبت من المركز الديني كتب عن حقوق الوالدين في الاسلام ..
ولما قراته عشت حلم لا يقظه .. وتخيلت لو انا الام ولو لدي ابناء يخافون علي حتى قبل وفاتي
ولهذا الحلم اسلمت والحمدلله تزوجت من رجل مسلم .. وهي اليوم ام عبدالملك ..

وهنا ختام القصه ونسئل الله الثبات لهم ..

 

[( المـلاك )]

حبيبتي الجنه تحت اقدام الامهات
مهما كانت تسوي امج لو شنوو انشالله حتى لو تسويه حرام بحرام
انتي مجبورة انج تبرينها و تبارينها و هذا واجبج

حطي هالجمله ببالج
وانشالله تنحل مشكلتج

 

[@البتووول@]

إقري قرآن يلين الصخر

وإستمري عليه


وتذكري إنه كل شي تسوينه بأمج بيسونا عيالج فيج


الله يهديج ويحنن قلبج عليها

 

[بنت عطا]

اعووذ بالله

الله يهديج

 

[الماسه.80]

انتي ماتوفقين ........ ايـــــــــــــــه لا طالعيني جذي>>>>>>>>>>>>>>>ادري اسلوبي صارم بس من الحره عليج


تدرين ليش لانج عاقه بامج الي واصى عليها الرسول


>صلى الله عليه وسلم >





مايجي الخير والتوفيق في الحياة الا من رضى الوالدين ودعواتهم..ماتكسر خطرج ماترحمين ادموعهااالما تدعي عليج كل أنسان منا تطغى عليه ظروف الحياه ....
والانسان ليس خالي من المشاعر..بل يوجد في قلبه الكثير من المشاعر


فوائد بر الوالـدين:


برالوالدين من أحب الأعمال إلى الله

رضا الله فى رضا الوالدين

الوالدين أحق الناس بالمعاملة الحسنة

بر الوالدين أفضل من الجهاد

إذا كنت باراً فأنت حاج ومعتمر ومجاهد

الجنة تحت اقدام الامهات-

بر الوالدين يُطيل العمر ويوسع الرزق

من بر والديه فقد قرب نفسه من الجنه

من بر والديه بره أولاده جزاء وفاقا

بر الوالدين يجعل لك بابين مفتوحين من الجنه


انســـــــــــــــي الماضي بحذافيره وفتحي صفحه جديــــــده بقلب امج وابجي وشوفي السعادة >>وشوفي التوفيق من رب العباد

 

[دانه_83]

الله يهديج هذا امج بعدين اشلون تبين احن عليج واتعزج نفس اخوانج وانتى قاعد اتعاملينها جذى الله يهداج وين الله يوفقج

 

[خوآطر خفوقي]

والله قريت كلامج يوم قلتي ودي اطقها شهقت

تكفيييييييييييين لآآآآ مو لهدرجه هذي امج جنتج ونارج

شالتج 9 شهور وماقالت آآهـ . . ربتج سنين لي صرتي طولهـآ وتقولييييييييييين جذي . .

حرآآآآآآآم عليييييييييج ,, رووحي بوسيها وتآسفي منهـآ . . ودآريهـآ ترى محد نافعج بدنيتج غيرهـآ . .

الجنـه تحت اقدام الامهـآت ,, ماتبيييييييييييييييين الجنــــــــــــــه ؟؟

لاتعذرين بعصبيتج ,, عصبيتج طلعيها على اللي تبين الا أمج ... مو عذر هذي امج لو تذبحج ماتعصبين عليهـآ . .

بريــهـآ تكفييييييييييييين ..
صدقيني من تربينها كل مشاكلج بتنحل اصلا بتحسين ان ماكو شي يستاهل عصبيتج وضيقتج ,,
عسى الله يهديج

 

[واثقة بجمالها]

الله يهديج ياررب

 

[غ ــلا الــروح]

رد : رد: حاطه حيلي على امي ومن تنام اتندم! امس قالت لي: روحي الله لايبيحج

لا حول ولا قوة الا بالله

الـظاهر كل المشااكل اللى تصير لج من عقوووقج بأمج

مهما كااااان حاااولي تعدلين اسلوبج مع امج >>> ياكبرها عند ربج تكلمين امج بهالاسلوووب ترى ربج ماراح يوفقج اذا كانت هذي طريقتج مع امج يعني اذا انتي عصبية تمالكي اعصااااابج قد ماتقدرين واذا ماقدرتي روحي اي ماكان مافيه امج وفكري بينج وبين نفسج انا اللى اسويه صح ولالا >>> طبعا لا وبعدين راح تردين لها وتفهمين ان اللى تسوينه غلللط
وبعدين اذا انتي تقولني امي تعطي خواتي وتحب خواتي وووو فأنتي غلطانه لان الام عيالها مو شي سهل عندها لاتضنين جذى يمكن انتي غيرانه منهم لان حتى لو تميزج فاا انتي وخواتج نفس الشي لاتحاولين تغيرين من اى احد لان مرد الغيرة فرقت ناس واجد

بسس ديري بالج من عقوق الوالدين >>> ترى عقابهم مو سهل وترى ربج ماراح يوفقج انتي بس استغفري واذكري ربج وصلي والله يهددددديج

 

[دانه ابوها]

رد : حاطه حيلي على امي ومن تنام اتندم! امس قالت لي: روحي الله لايبيحج

حبيبتي المثل يقول اسال مجرب ولا تسال طبيب اوكي
اسمعي حكايتي انا كنت مثلك احس امي ما تحبني و تحب خواتي اكثر وتمنعني من اشياء كنت وقتها اشوفها صح وهي غلط و و و و و و

بس في الاخير والحمد لله صحيت وعرفت ان في هالدنيا مستحيل مستحيل مستحيل تلقين احد يحبك ويخاف عليك كثر امك وصدقيني امك تحبك زي ماتحب اخوانك اصلا مافية ام تكره اولادها بس تحب كل واحد بشكل وبطريقه

بعدين امك تحبك وتسوي لك كل شي تبينه من دون ماتاخذ مقابل وانت مستخسره فيها كلمه حلوه لا وكمان تطاولين عليها
حبيبتي ابي اقولك كلمه هي قاسيه بس تحمليني لو امك ماتت وهي زعلانه منك وش بيكون شعورك
الله يطول في عمر امك وامي وامهات المسلمين
نصيحتي لك روحي وطيحي عند رجول امك بوسيها وتسامحي منها قبل فوات الاوان الله يخليها لك

 

[يا ليل مطولك]

لا حول ولا قوة الا بالله

حبيبتي انتي اعترفتي انج عاقه بامج ... والاعتراف بالحق فضيله

الحين انتي كتبتي مشكلتج هني ليش .. اكيد انتي مو مرتاحه من نفسج وودج يتغير حاااالج انا اقوووووووولج

احنا ما نقدر نسوي لج شي .. انتي الي غييييري من نفسج

انتي عاهدي نفسج انج تتوبين عن العقوق والحين شهر رمضان الفضيل بيجي بعد جم يووم

استغلي الفرصه غيري معاملتج مع امج وتذكري كما تدين تدااااان بكره عيالج بيسون لج اضعاف ما سويته لامج

وترا عقوبه العقوق تطلع بالدنيا .. وين بتتوفقين وانتي هذي معاملتج مع امج .

تذكري هالكلااام زين غييييري من نفسج

صدقيني بتحسين براحه وبتروح من العصبيه

واذا على قولتج كلما شفتي امج تعصبين وما تطيقينها نغووووذي من الشيطاااان .. وقولي شراح يكون حالي من غير ام

صدقيني حبيبتي الام نعمه من ربي وما يحس فيها الا الي فاقد هالنعمه

صلي تقرررربي من ربج ولا تخلين مشاكلكم تأثر على علاقتج بامج

حتى لو هي ما تفهمج ولا تتقرب منج انتي بااااااااااااادري

سوي الاشياء الي تحبها طبخه ... ترتيب مطبخ .. ترتيب البيت

وعسى الله يهدي سرج وتتحسن علاقتج مع امج يااااااااااارب ..