حاطه حيلي على امي ومن تنام اتندم! امس قالت لي: روحي الله لايبيحج

[ToOoTi]

حبيبتي في الله

العمر كله لك يآرب والطريق والحياة قدآمــك طوويلللة

مومحتاجة لرضا امك عشان ربي يوفقك بأمور حياتكـ..؟ وتذكري دعوة الأم مستجابه

مهما سوت وفعلت لكـ ماتوصل تمدين إيدك عليها

ومثل ماقلتي امك كبيرة بالسن محتاجة للحنان والحب والإنسان كل ماتقدم فيه العمر

احتاج للرعآية أكثر..

غيري من طريقة تعاملك معآها وشوفي ردة فعلها

لاتنتظرين منهآآ حب وانتي بهالجفاء

لاتكونين انتي والدنيا عليها ..حاولي تسمعين لها وتخلينهآ تفضض

لك عن كل شي سواء كان شين أو زين..

وانتي تقولين انك طيبة قلب ياقلبي مع الناس

ليش ماتكونين أطيب قلب مع أقرب الناس لك؟؟

وانا عآرفه انتي محتاجه لأحد بعد يسمعلك

ومالقي عليك كل اللوم لكن اول ماتحسين بهالعصبية

توضي وتعوذي من ابليس وابدأي بتغير نفسك

فسارعي بطلب رضآها قبل فوات الآوان

وتذكري كما تدين تدان وعقوق الوالدين جزاها في الدنيا قبل الآخرة

وانا متأكده ان كل تصرفآتك وعصبيتك ناتجه عن ضغوط نفسية كانت

الوآلدهـ فيها كبش الفدآآء ..

الله يفرج همك عاجلآ غير آجلا ياب العآلمين..

و يحنن قلب والدتك عليك فالقلوب بيد الله واستغفري الله كثيرا ...

وتذكري حبيبتي حديث الرسول قال صلى الله عليه وسلم : (( من اصبح مطيعا
لله في والديه اصبح له بابان مفتوحان في الجنة ، وان كان واحدا فواحدا .
ومن امسى عاصيا لله في والديه أصبح له بابان مفتوحان في النار ، وان كان واحدا فواحدا
.)) فقال رجل : وان ظلماه يا رسول الله قال : وان ظلماه ، وان ظلماه ، وان ظلماه .. رددها النبي ثلاث مرات...

انا معاها بكل حرف كتبته
اختي رمضان جاي وحاولي تتقربين ويا امج
روحوا صلوا مع بعض قعدي وياها سوي جو
وتعوذي من الشيطان اللي يزين لج عقوق امج
وربي يهديج دامج اعترفتي هذا اول الطريج الصحيح

 

[SOKAR MALE7♥]

البنات نصحوج بخصوص امج لكن لاتستغربين من طلبي دامج عصبية لدرجه الجنون وتوصل معاج للطق اشتري لج قفاز الملاكمه والباق مالاتها وحطيها بدارج مو شرط اصليه فيه لعبه او مالت المراهقين علشان لاتطلع لج عضلات وكل ماحسيتي بعصبية روحي لبسيها وكفخي الباق لمن تتعبين ومع الوقت صدقيني راح تخف العصية >>>>>>> عن تجربه وحده اعرفها
وهم ترا ما يمنع تروحين طبيب علشان العصبية

 

[kuwaitya_zoGaa]

حرام عليج هذى اللى تدعى لج
ترا كل شى زين قاعد اييج من دعائها لاتخلينها تغضب عليج
تخيلي الله لا يقوله لو تنام وماتقوم حياتج بدونها شلون بتصير ؟؟؟
انتى مسكي نفسج واعصابج وروحي تسامحى منها وحبي راسها

 

[ام ناصر 2009]

رد : حاطه حيلي على امي ومن تنام اتندم! امس قالت لي: روحي الله لايبيحج

لا حول وقوه الا بالله ومستانسه بعد مارحمتها من صجج انتي هذي أم تعرفين شنو ام
شنو تعب الحمل والولاده والتربيه مراح تحسين لو أقولج مني لي بكره لين تجربين
ما خفتي ربج بالهضعيفه ومره كبيره تسوين فيها جذي انزين استانستي الحين شفتي غلاتج عندها
كاهي بينت غلاتج عندها تبين تستمرين بمعاملتج لها اختي انتي مريضه والله لو اني امج لتفل بوجهجج لين ونهار
ما تستحقين تعب اللي تعبته عشانج وكل دمعه عين عشانج وكل ضمه خساره فيج وكل السهر حرام علييج اتقي الله
تدرين ليتها أمي والله لأحطها داخل عيوني تدرين اني انا محرومه من أمي ما شفتها من ولادتي وكل يوم ابجي عليها
واهي بدنيا بس ظروف اجبرتنا نفترق ما تعرفين العيشه بدون أم مثل بيت بلااا داار تدرين اني وربي مرت ابوي حيييل
ارحمها وابوس على راسها وربي صج كانت معاملتها شوي قاسيه علي بس وربي الشاهد كنت ابوس على راسها واقول كافي
رضت فيني واليوم يوم كبرت تمشي وتقولي اني اغلا من بناتها وتدعيلي ورربي موفقني بحياتي وانتي امج تدعي عليج
شلون بتوفقين شلون تعيشين حياتج وامج غاضبه عليج وربج بعد ماعرفتي الجنه اقدام الأمهات
عيدي حساباتج وصلي قيام الليل واستغفري ربج وطلبي من الله يحنن قلبج على امج كاسره خاطري امج بعد عمري عمرها
اتخيل شكلها واهي تركض وشايلتج وانتي شكبرج
تخيلي نفسج بدون ام تخيلي يوم شلون بتعيشين وانا عمري كله بدون أم كنت اتمنى بس تحضني اه ما عرفتي معنى الألم العيشه بدون أم
روحي الحين تسامحي منها وبوسيى راسها طلبي ترضى عنج ما تنفعج الدنيا وأمج غاضبه عليج

 

[ريري1]

رد : حاطه حيلي على امي ومن تنام اتندم! امس قالت لي: روحي الله لايبيحج

الغضب من الشيطان
يلعب أعصابج وتطيعينه بالعقوق
يعني شنو أنا عصبيه جدا
بطقااااااااااق المشاكل تهون جدام الأم
تعصبين على أمج عشان رفيجتج خانت
لاحبتي واحد نصاب
ولا سقطتي
انتي سخيفه مالج معنى مدامج عاقه أمج
وضعيفه نفس تتطنزين على أمج
أمج الي ربتج وكبرتج
اكبر مثال راح تشوفين وتحسين معنى عذاب أمج لما تشوفين عيالج.

 

[~ ـشتاتـ ~]

احمــدي ربج انج مو جداااااااااامي ..

والله جان دفنتج بارضج ..

 

[المكسيكيه]

الله يهديج بصراحه

 

[seedo]

حرررررررررررررررررررررررررررررررررررررررررراااااااااااااااااااااااااااااااام


حراااااااااااااااااااااااااااااااااااااااااااااااااااااام


هذي امج يا بنت شنو عصبية؟؟؟؟؟؟؟؟؟؟؟؟؟؟؟ العصبية توووووووووووووووقف عند امج والزمي حدودج

ياويلج من ربج والله ما تتوفقين اذا اهي مو راضية عليج


خافي ربج فكري اذا ماتت بعد عمر طويل منوووووو لج بهالدنيا ؟؟؟؟؟؟؟؟؟؟؟؟غير شوفتها اللي بس ترد الروووووووووووووح ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

والله لو انا اختج جان عطيتج درس لا يمكن تنسينه ودفنتج وانتي حيه بس امج الضعيفة اللي ماحد دافع عنها من بطشج الله لها وربي يهديج يا بنت الحلال

 

[هجووورة]

والله انت اللي تبين طق مو امج ولو كنت جدامي جان زنطتج
والله عيب امج تعرفين شنهو ام المثل يقول (اللي امه بالدار علومه كبار) واليتم يتم الام مو الاب
خااااااااااااافي ربج وغيري اسلوب حياتج شنهو وااااااااااحد احبه ما احبه ويييييين قاعدين تعطين الغريب اللي يقص عليج ويه ووقت ومج مااااااتحملينها
انت حس بالج هذا يحبج حشا هذا من هالوحوش الهايته واللي ما لقى غيرج وامثالج يقص عليهم بكلمتين
الام هي الاساس والبر فيها سبب التوفيق تبين توفقين بري بأمج وغيري اسلوبج ودشي دورات تطويرذات يمكن تساعدج واسمعي القران وشوفي النتيجة
الله يهديج ويصلح

 

[حجيه هيونه]

يعني باعترافج انتي انها مو مقصره معاج وانها لما طحتي شالتج

يمكن اهي ودها تهتم فيج اكثر بس من اسلوبج ماتقدر


تعوذي من ابليس وترا كل شي تسوينه الحين عيالج راح يسوونه فيج بس تكبرين

خليها تسامحج ترا ماكو مثل الام اهي الوحيده الى بتحبج ايا كان حالج وبتظل شايله همج بدون ماتكون تبي منج شي

 

[أسيرة_أحزاني]

الله يهداج وبعد الله يهداج وبعد الله يهداج ويهداني !

 

[lovely jojo]

حبيبتي اذا كنتي معصبة تعوذي من ابليس ووخري عن اللي جدامج ..
اقري قران واجد..

 

[nandeny]

امك ثم امك ثم امك

 

[عجهرس]

كررررررررررررررررررررررررررهتج احد يسوي بامه جذي توج بعد باب من ابواب الجنه تدرين ان في حديث بما معناه انه يبدا يتحاسب ابن ادم عن اعماله ان توفا والداه ياويلج من عقاب ربج ياربي قصص البر لاتعد ولانحصى ودي اقولهم كلهم لج تاكدي اذا انتي مو متوفقه فهو من عقوقج بامج الله يهديج ويهديني معاج ياااااارب الصراحه ضايقتيني كل شي اتحمله الا العقوق

 

[بحور الصمت]

اول شي اكيد تعرفين ان عقوق الوالدين من اكبرر الكبائر
وخاااصة الام

بقترح عليج خطوات عملية
اول شي توبي الى الله توبة نصوحا
قومي الحين توضي وصلي ركعتين واستغفري ربك
واطلبي منه ان يجعلك بارة بامك وان يرضيها عنك

ثاني شي
رووحي راضي امك وايااااك تتركينها غضبانة عليك
""وقضى ربك الا تعبدوا الا اياه وبالوالدين احسانا اما يبلغن عندك الكبر احدهما او كلاهما فلا تقل لهما اف ولا تنهرهما وقل لهما قولا كريما واخفض لهما جناح الذل من الرحمة وقل رب ارحمهما كما ربياني صغيرا"

لا تقولي اف!! وانت تهزئين بامك وتبين تضريبينها! تبين ايي يوم بنتك تفعل فيك نفس الشي؟؟
لا تنهرهما
قل لهما قولا كريما
اخفض لهما جناح الذل من الرحمة

تدرين شنو الاحسان؟؟
الاحسان انك مو بس تقابلي الاحسان بالاحسان
لا بل حتى تقابلي الاساءة بالاحسان
فما بالك وامك احسنت اليك عمرها كله

ادعي الله ان يجعلك بارة بها وان يرضيها عنك
قولي يارب اعني على البر
يارب رضها عني
يارب اصلح مابيني وبين امي
يارب لا تكلني الى نفسي طرفة عين

الزمي الدعااااء في كل سجدة وبين كل اذان واقامة وفي كل وقت

اقرئي سيرة الصالحين وشوفي شلون كانوا يبرون امهاتهم

اسال الله العظيم رب العرش العظيم ان يرزقنا البر بوالدينا وان لا نحرم هذا الخير العظيم

 

[يا حبنـي له..}]

رد : حاطه حيلي على امي ومن تنام اتندم! امس قالت لي: روحي الله لايبيحج

انتي من صجج اتكلمين

هاذي امج؟؟تدرين شنو يعني امج؟؟

يعني الجنه تحت اقدامها

بدال ما تبارينها وتهتمين فيها اتسوين فيها جذي

انتي والزمن عليها

استغفر الله استغفر الله


اشلون طاوعج قلبج اتسوين جذي


وتبين ربي يوفقج؟؟؟؟

اشلون يوفقج وانتي اتعاملينها جذي


وووين خوانج وخواتج عنج


استغفر الله

 

[عسل وردي]

بقولج كلمه وحده باجر بعد عمر طويل
لا راحت امج عن الدنيا اهني بتندمين قد شعر راسج
وبتقولين اه يا يمه وينج عني ويا ريت ويا ريت
عصبيه ولا اتطقين على احساب امج غيري هالحجي
وغيري شخصيتج كلها ديري بالج من غضب الله حطي هشي جدام عينج
والله يهديج

 

[BNT KWT]

حبيبتي خافي اللله هذي جنتج ونارج رضى الله من رضى الوالدين شلون بترضين ربج وانتي عاقه بامج

باجر وراج زواج وراج عيال ترضين احد من عيالج الي سهرتي عليه وربيتيه وتعبتي بولادته يعقج ويصارخ عليج ويتطنز عليج

تدرين دعوة الوالدين ماتنرد تدرين اذا امج دعت عليج تستجاب دعوتها حبيبتي كل شي تتأجل عقوبته الا عقوق الوالدين تشوفين عقوبتها بالدنيا و الاخره

تدرين المشاكل الي تمرين فيها يمكن عقاب من اللله على عقوقج بامج حبيبتي اذا مابريتيها واهي عايشه متى بتبرينها اذا راحت عنج واهي مو راضيه عليج والله ماراح ترتاحيين طول عمرج

لجألي لله و اقري قرآن و حافظي على صلاتج و قومي اعتذري للامج و بوسي ريلها و صدقيني قلب الام مايشيل ولا تخلين ابليس يغلبج هذي امج الي حملت فيج وتعبت عليج وربتج و من ترضى عليج امج كل امورج بتتعدل

والله يهدييج يارب

 

[اميرة-الاحجار]

تخيلي باجر تقعدين من النوم وتلقين امج ميته ..!!
تخيلي الموقف صج .. وقولي شنو بيكون شعورج ..!!


اقووول قوومي حبي راسج امج وتقربي من ربج اكثر ..
هاذي امج جنتج ونااارج ..
ربتج وكبرتج وصرفتج عليج وتعبتج عشانج بالاخير انتي تقومين وتمدين ايدج عليها ..!!
حسافه انها يابتج والله انتي ماتعرفين قدر الام وشكثر تحترق الام على عيالها ..
وماتعرفين قدر الام عند الله شنو ..!!
لانها الوحيده اللي متحملتج ومتحمله سخافتج تماديتي معاها
لكن لو كانت دايسه عليج ولاعنه خيرج مثل غيرها جان سكتي وتحملتي وطلبتي رضاهااا ..
قومي حبي راسج امج وابجي على ريولها خل تسامج هاذي الدنيا حياة وممات ماتدرين منو يومه قبل الثاني ..
الواحد يلقط حسنات بالتفق وانتي جنتج ونارج مأذيتها ..؟؟

 

[شعلة مضيئة]

الله يهديج بس ..

ما ني قايلة أكثر من اللي قالوه البنات ... لكن ما يكفي انج تعرفين ان محد بالدنيا أبدا أبدا أبدا يحبج مثل ما أمج تحبج !!!

صدقيني ... محد يحبج و لا أحد راح يحبج بالدنيا كثرها ... لا صديقات و لا زوج و لا خوات ... أمج الوحيدة اللي بتكون مستعدة تفديج بروحها ...

و صدقيني ... آنا لو أمي تصبحني بطراق و تمسيني بطراق ... بقول حاضر و ان شالله و أحطها فوق راسي ...
كفاية انها باب من أبواب الجنة ...