تم رفض الكادر (تم دمج المواضيع المتشابهه)

[q8rose]

رد: بعد مارفضتوا الكادر تحملو رفضنا

خواتي باثو وبنات حواء احنا ماقلنا نستهتر ونغيب ومحنا مشتغلين ونقصر بوظيفتنا ومانبي ندرس ؟؟ يعني لما نقط عالمدرسة من فلوسنا جذي نرضي ؟؟؟ لما نصرف من جيبنا جذي نعجب ؟؟؟ لما اقول مانبي نسوي ورش على حسابنا هذا تقصير ؟؟


المقصد انه احنا بنأدي دورنا كمعلماااااااااااات فقط لااااغير طلبتنا وبس مناهجنا وبس مو لزومين بأشياء ثانيه موضروري كل سنة ناخذ المركز الاول وبعدين شنو الاستفادة وماكو مخرجات تعليميه صحيحه


يعني الي درسو عالسبورة والقلم ماطلعو دكاترة ماطلعو مهندسين ماطلعو مناصب ؟؟؟؟؟؟ ليش البهرجة الزايدة على ظهرونا

 

[درة أهل الطولات]

رد: بعد مارفضتوا الكادر تحملو رفضنا

معاكم عدل عدل عدل

ما انقصر بحصصناااااااااااا لكن ما ندفع من جيوبناااا

 

[انسام الكويت]

رد: تم رفض الكادر

اللي زهقانه من التدريس خلاص تحول اداريه وبيحوشها 100

مادري اشفيكم معصبين جذي يبا حمدوا ربكم عالعافيه والصحه غيركم مو محصل معاش مثلكم

روحوا شوفوا بالسعوديه معاش قليل ولا بعد اهي ساكنه بالرياض وادرس بالدمام شوفوا غيركم وشكروا ربكم

والكادر اذا الله كاتبه لكم

بيجيكم بعدين محد قالك تسون لوحات ووورش وغيره محد طقكم عله ايدكم وقالوا لكم تفنتكوا

اشرحوا الدرس وخلاص

 

[ساندريلا]

رد: تم رفض الكادر

^
^
^
حبيبتي احنا مانتقارن بالسعوديه السعوديه كبيره وسكانها ماشالله وايد
احنا نتقارن بالامارات وقطر وشوفي الفرق بالمعاشات بينا وبينهم؟؟
وبالنسب حق سلوى انا ضدها 100% هالحركات الحكوميه موعلينا
بس تبون الصج المفروض مايضمون كادر الاوقاف معانا اهم وزارة ثانيه مالنا شغل فيهم بس الغلط انها تدري من البدايه وسوت روحها مصدومه بس كفكره صح كلامها

 

[N F N F]

رد: بعد مارفضتوا الكادر تحملو رفضنا

لحمدلله ادارتنا عمرهم ماطلبونا نقط فلس على المدرسه ولا يفرق معاهم
اللي تقط وتسوي من اللي ماتقط .. صج يمدحونها بس ماياخذون موقف من
اللي ماقطت او ماسوت بالعكس انا مره كان عندي درس وكنت مزينه الصف
ونادتني الناظره تالي وقالت لي ليش اتخسرين وتدفعين .. ماله داعي ​

 

[N F N F]

رد: بعد مارفضتوا الكادر تحملو رفضنا

خواتي باثو وبنات حواء احنا ماقلنا نستهتر ونغيب ومحنا مشتغلين ونقصر بوظيفتنا ومانبي ندرس ؟؟ يعني لما نقط عالمدرسة من فلوسنا جذي نرضي ؟؟؟ لما نصرف من جيبنا جذي نعجب ؟؟؟ لما اقول مانبي نسوي ورش على حسابنا هذا تقصير ؟؟


المقصد انه احنا بنأدي دورنا كمعلماااااااااااات فقط لااااغير طلبتنا وبس مناهجنا وبس مو لزومين بأشياء ثانيه موضروري كل سنة ناخذ المركز الاول وبعدين شنو الاستفادة وماكو مخرجات تعليميه صحيحه


يعني الي درسو عالسبورة والقلم ماطلعو دكاترة ماطلعو مهندسين ماطلعو مناصب ؟؟؟؟؟؟ ليش البهرجة الزايدة على ظهرونا

حبيبتي كلامج صح وهذا المفروض المعلمه للتعليم فقط
تستخدم الوسائل حسب حاجتها ونظرتها بحيث انه هي ماتقصر
بصفها وتدريسها ابد لكن اللي غيره اصلا من من واجباتها !
​

 

[مدرسة المستقبل]

رد: بعد مارفضتوا الكادر تحملو رفضنا

من اليوم وراااايح لااا للقطيات لااا للصرف عالمدرسه لاااا للمعارض والورش على حسابنا الخاص لاااا للوسائل خل يصرفون من الميزانيه الي سنين وبنين نسمع عنها ومانشوفها وين تروح ؟؟؟؟:bbbiu:

ماكو وسائل مو مشكلتنا ماكو مسابقات ومراكز اولى بالطقاق

حالنا حال الباجي فلوسنا بجيبنا كيفنا منو له شي عندنا ؟؟؟؟؟

معاااااااااااج 100%


من يوم ورايح راح أدرس بالوسايل الي توفرها المدرسة بس

ولا راح يشوفون مني فلس حمر لا بالقطيات ولا بالوسايل ولا شي


والخوات الي يقولون ضمير ما ضمير

حبيبتي احنا وظيفتنا تدريس المنهج وايصال المعلومات للطالب بالامكانيات الي توفرها الوزاره

بس الي قاعد يصير ان احنا قاعدين نقط من جيوبنا علشان نوفر الامكانيات الي مقصره وزارة التربية بتوفيرها

ومع هذا في ناس حاسدينا على معاشاتنا ويحاربون كادرنا

ليش خير ان شاء الله ؟؟ اخاف بس انتو الي تشتغلون بضمير ولا تقطون فلس واحد حق دواماتكم ؟ (كلامي للي يعارضون كادر المعلمين)


سوري صاحبة الموضوع اشتطيت وايد

 

[ام حنااين]

رد: بعد مارفضتوا الكادر تحملو رفضنا

انا معاج برايج

اما التصحيح لو بلاش بصحح لان جزء من شغلى

 

[أبله^زوزو]

رد: بعد مارفضتوا الكادر تحملو رفضنا

والله اقط فلوسي على طالباتي وافيدهم احسن ماقطها على ورش وحفلات وريوق وخرابيط المدرسه

المدرسه مهما تسوين لها مايبين شيييييييييي

 

[Miss Cherry]

رد: بعد مارفضتوا الكادر تحملو رفضنا

والله انتوا يالمدرسات ماعندكم ما عند جدتي

بس تتحلطمون وبالاخير تشتغلون شغل مو لكم .. وحده معاي بالمدرسة مرسله لي برود كاست لا للدروس الريادية لا للورش حملة خل كادرهم ينفعهم .. واهي اكثر وحده تشتغل للادراة سوري على الكلمة بس حـ ... مكده ماعندها كرامة وماتستحي مرسله هالبرود كاست هههههههههههههههههههههه

انا اقول وكنا ومازلنا ممسوح بكرامتنا الارض .. فخلاص لا تقولون ماراح نسوي شغل مو شغلنا .. حنا اصلا بالمدارس اكثر المهام اللي نسويها مو من صميم شغلنا

انا وحده من تعينت ماعمري سويت درس نموذجي بيحضرون يشوفون دروسي ويحاسبوني عليها خير وبركة غير جذي ظروفي ماتسمح انا ام عندي عيال وعندي طفل من الاحتياجات الخاصة والله مالقى وقت احك راسي وانا مفهمتهم ظروفي من قبل صج اهم مايقدرون بس بالطقاق اللي يطقهم اهم شي مريحه ضميري والباجي يسطفلوااا على قولة السوارنه هههههههههههههههه

 

[Miss Cherry]

رد: تم رفض الكادر

اللي زهقانه من التدريس خلاص تحول اداريه وبيحوشها 100

مادري اشفيكم معصبين جذي يبا حمدوا ربكم عالعافيه والصحه غيركم مو محصل معاش مثلكم

روحوا شوفوا بالسعوديه معاش قليل ولا بعد اهي ساكنه بالرياض وادرس بالدمام شوفوا غيركم وشكروا ربكم

والكادر اذا الله كاتبه لكم

بيجيكم بعدين محد قالك تسون لوحات ووورش وغيره محد طقكم عله ايدكم وقالوا لكم تفنتكوا

اشرحوا الدرس وخلاص

اكاد اجزم انج مو مدرسه

واقولج اللي ايده بالماي مو مثل اللي ايده بالنار

فيه ناس على بالها انه المدرس حط رجل على رجل بس يقدم درسه ويمشي ولا على كيفه محد بيحاسبه .. ياقلبي التدريس هم ماحاشني الضغط الا منه تعطين بضمير من صحتج ووقتج وبالاخير يطلعون ناس مو من السلك التربوي ولا يعرفون عن طبيعة شغلنا شي ويتكلمون عننا .. على بالهم كل الوظايف مثل وظايفهم

اليوم وانا اقلب القنوات شفت ابو عيده على العداله يقول صارله موقف هو شخصي انه عنده مراجعة بالشئوون ودخل على مكتب ولا الموظفات يسكرون الباب اللي متنقبه تلبس نقابها واللي منسدحه هههههههههههههههههه يقول طلعت شوي ورجعت بفتح الباب جان يقولون اصبر شوي فيه موظفه تتسنن ورا الباب :bbbiu:

من زود الديانة يعني الكل يدري فيه ناس موظفه وماتنتج وحنا اللي مكروفين ونشتغل ونصرف من جيوبنا على المدارس فوق كل هذا ماكو تقدير والكل حاسدنا

يخلون الواحد غصب يكره وظيفته .. انا ماهمني الكادر بس اشوف اقتراح الوزير اقتراح غبي راح يخلي الادارات تذلنا

خلاص مانبي لا كادر ولا بونص واقتراح الوزير يبله ويشرب مايه

 

[PuPa^^SWeeT]

رد: تم رفض الكادر

انشام الكويت

من قالج انه من كيفنا انسوي ورش و شغل


حبيبتي مو من كيفج غصبن عليييج

احنا توجييهنا طالب مناا وسايل بالكمبيوتر و داتا شو و باور بوينت


وقايل اللي ماتسوي جذي ماتاخذ الامتياز و الاعمال الممتازة


حبيبتي انتي مو مدرسة فا ماتدرين بالموضوع

واذا انتي بالسعودية مدرسة يمكن انتو نظاامكم احسن


بس احنا كل من يحاسبج

ناظرة وكييلة رئيسة قسم


حتى اخصائية نفسية اتحاسبج ( مرة يتني ولية امر و انا عندي احتياط طبعا الاخصائية عصبت اتقول حبكت الحيين تاخذ احتياط شنو ماتبي اتقابل الولية الامر ؟؟؟؟؟؟؟؟؟؟؟؟؟؟؟؟؟ظ)




انكمل اللي يحاسبون

ولية امر

طالبة

مدرسات اللي من الاقسام الثانية ليش جدولي صار جذي مو حلووو ( ماينلامون بس همن انا بعد ابي ارتاح )


بعد وييين

من بقى مايحاسبني

اي التوجيييه

ايي التوجييه بعد عنده حركة

يشوفون موجه مريح ابلاته يقومون يشيشون علييه رئيس الموجهين يقولونله هالمدرسة ماتسوي ورش ولا شغلهم عادي ولا وسايلهم جذيي


حبايبي اي مجال الحريم غالب عليه يفشل



انا اقوولكم اذا شهر 10 ما اقرو الكادر

اقولكم حلوو المجلس لأنه هالمرة اربع حريم


بعدين 8

بعدين 16

بعدين 32

بعدين المجلس مايكون فيه الا ريالين ولا يتنقبون مفتشلين ولا مايبون احد يدري عنهم علشان مايشيلونهم

 

[PuPa^^SWeeT]

رد: بعد مارفضتوا الكادر تحملو رفضنا

شفتي انهم مايقدرووون مس شيري


عندنا ابلة مثل حالتج

ولدها عنده كلية مادري شنو الكلمة واقفة ضامرة مادري و الكلية الثانية اللي فهمتها انها تعبانة

مسكيينة الولد اباالها بتسويله العملية بالصيف

علشان التدريسو والمنهج و التصحييح اجلت كل شي


الله يعييينهم والله

 

[كااامل الزين]

رد: بعد مارفضتوا الكادر تحملو رفضنا

والله يا بنات حنا اللي شاقين عمرنا الواحد يحلل معاشة وحريمتهم المدرسة فلس حمر ما يشوفون اشرح احضر ااؤدي شغلي بما يرضي الله الله فوقنا يا بنات ( ومن يتق الله يجعل لة مخرجا ويرزقة من حيث لا يحتسب ) مو مكلوفيين بامدرسة عندهم ميزانية الله لا يهينهم وفلوسنا لنا ولكشختنا وعيالنا

 

[جيتك تعال]

رد: بعد مارفضتوا الكادر تحملو رفضنا

نعم للتدريس بضمير " وهذا الحمدلله كلنا نسويه والله شااهد علينا مو الاوادم "
بس فلووس وتبذير على درس ولا عشان موجهة لا يباا
كل التزماتك ملزومة رئيسة القسم الي تاخذ الميزانية تييبها من دفتر التحضير لاقلام السبورة للورق للاحبار لكل شي
والشرح علينا وخلاص هذا الي لهم عندنا

 

[كــلــ أمــل ــي]

رد: بعد مارفضتوا الكادر تحملو رفضنا

لاحول ولا قوة الا بالله

الله كريم يابنات

 

[بنات حواء2]

رد: بعد مارفضتوا الكادر تحملو رفضنا

يبا لا تسوون ورش و لا معارض و لا لكم شغل بشي مو لكم بس لا تقصرون على عيالنه و تبون الصج ها الغلط لو كل مدرس يرفض ان يأدي عمل مو عمله ماكان كل شي يطيح على راسه و بنفس الوقت بصير له هيبه بس للاسف بعض المدرسات تتفلسف و تنافق على حساب زميلاتها و الا احنه شكو بورش و معارض و بوفيهات هذا كله احنه مالنه شغل فيه احنه مسمانى الوضيفي معلم بس يدرس ماله شغل بغير هشي لا احتياطات لا مناوبات اذا يبون احد يسوي هشي خيشوفون لهم خدم و لا حراس احنه معلم و بس
اما بنسبه للردود الي انكرت انها ماراح تقصر او شي من هلقبيل فاقولها اني ادرى في ادائج و المعلم لمن يدخل الحصه بقلم بس حاله حال المعلم الي يدخل بوسائل مايتساوا الاثنين لا من حيث مستوا الحصه و لا الاستمتاع بالحصه و لا من حيث فهم الطلبه يعني كل شي يطور من حولنه و انتي يا اكاديميه مطلوب انج تطورين مع ما حولج
وبنسبه للاخت الي قالت قلم و سبوره مع احترامي لج صح طلعوا اجيال بس اي جيل هذا هقوتي جيل الستينا او اقدم حبيبتي احنه الحين سنه 2011 الطالب صار عنده بدال الماده و الاربع مواد درازن الحين الحياه غير و بين كل ماده و ماده 5 دقايق و المناهج بطليها و شوفيها فوقه فوقه اشلون بيحب الحصه و بيتابع و ياج و انتي يايته بقلم اكيد مايبي و لا يحب و لا راح ينتبه و ليش اقصر و كل الاسباب موجوده عندي القضيه ماهي قضيت ماده القضيه قضيه ضمير يا عرب ضمير و بنفس الوقت لا تنسون في رب فوقكم انتوا تنيازون وياه
بس انا حبيت اذكركم من باب فذكر فان الذكرا تفيد المؤمنين
و احنا اليوم بعصر التكنلوجيا و لاوسائل ماتكلفج فتحي النت احسن فيديو و صور اخذي منها بس دام ان الاهمال و العيز موجود و قرناه بالكادر لا بالله ضاعت الاجيال
مدرسة المستقبل اسمج يبعث الامل بس من وصل لي كلمت
والخوات الي يقولون ضمير ما ضمير
عرفت ان الضمير له مقياس خاص فيج لاكن واثقه تماما انه ماله وزن فيه مع تحياتي لج

و انا هني اكلم الضمير الحي اما الميت فعليه السلام
لانه الامام علي عليه السلام يقول حب الشيء يعمي و يصم و بعض المرات حب الماده يعمي عن الحق و يصم الضمير
فيالاعجبي
اما بنسبه للكادر غسلوا يدكم بكلور جان فلسطين تحرر ت كادرنه يقرونه
انا قلتلكم العمليه كلها على بعضها مامنها امل انتو شايفين الكادر الي حاطينه تعجيزي اشكره ماراح يقرونه بس السالفه ومافيها انهم بيسوون اكشن لا اكثر و لا اقل
و صار اكشن و كوميدي بعد بنفس الوقت يقولكم رولا ماتت ضحك ههههههههههه

 

[بنات حواء2]

رد: تم رفض الكادر

(كويتيه عسل)
حبيبتي توني اشوف ردج سوري
ورق عنب انا ماحب مال المطاعم بس الرومي حلو الي بحولي ورق عنبه شوي مثل مال البيت
الحين بقولون ام زنوب داشه تمتنه
ههههههههههههههههههه
اي عندي ايفون

 

[بنات حواء2]

رد: تم رفض الكادر

الوضع مزري و الردود تعور القلب صج حرام عليهم سوو جذي
لازم تشوفون لكم حل جذري و بالقوه انا برايي اعصموا و اخذوا حقوقكم حالكم حال غيركم

 

[اريج الجوري]

رد: تم رفض الكادر


خلاص يا حلوين الكادر بااااح ,,,

وحتى شهر 10 ماكو ,,,

لان قراررفض الكادر صدر من فوق وخلص واذكروا كلامي ...