Leann
New member
- إنضم
- 24 يونيو 2010
- المشاركات
- 320
- مستوى التفاعل
- 0
- النقاط
- 0
السلام عليكم بنات انا مو مدرسة بس وايد جذبني نقاشكم و حسيت فيكم
شخصيا انا اعرف وايد مدرسات دخلوا هالمهنة حق المعاش و العطل و اظن " هالفئة" القليلة اهي اللي تسئ للمعلم الكويتي لان الشر يعم و يمكن هالفئة اهي اللي خربت عليكم كادركم
انا احب اعرض تجربتي لما درست و تربيت بامريكا
بنات المدرس الامريكي معاشة تقريبا 44 الف دولار بالسنة و هذا اللي عندها بكالوريوس بس . و يقعد بالمدرسة من 9 لي 3 بس ما عمري شفت مدرس صرف من حسابه على الوسايل او اي شي انتوا تقولونه كان عندنا وسايل و كمبيوترات و بور بوينت بس اظن المدرسة اهي المتكفلة فيه لان احنا كطلبة قاعدين ندفع فلوس عشان ندخل المدرسة
و احب انوه لكم ان من احسن المدرسين اللي جذبوني بشرحهم كان فيهم صفة مميزة تدرون شنو ؟؟
يعشقون التدريس
بعظهم كان يستخدم الوسائل السمعية و البصرية و البعض الاخر كان يعتمد على صوته و شرحه بس بالنهاية العامل المشترك فيهم انهم يحبون التدريس و يحبون يفهمون الطلبة و يحبون يدرسونا
فنصيحتي اهيا اذا تبون تقطون فلوسكم على وسائل و هالاشياء كيفكم انتوا و طريقتكم ممكن ما تقطون ولا فلس او ممكن اتييبون لاب توباتكم الشخصية تستخدومنها حق الطلبة
بس بالنهاية تذكروا الابتسامه و طريقة الشرح الحلوة مع الضحك اهي اللي تخلي الطلبة ينجذبون و يستمتعون بالدرس و المعلومة تدش
يوم رديت الكويت مروا علي ابلات كويتيات يمشون الطلبة بزف و كلامهم كله صراخ و زف و اللي ما تنتبه اييلها كف على راسها !! اشدعوة اشدعوة ليش احر قلبي اللي يبي ينتبه كيفه اللي ما يبي انا سويت اللي علي
على العموم ان شاء الله يراضونكم بكادر حلو او ينصفونكم بشكل ثاني لاني معاكم انتوا ما المفروض تصرفون من معاشكم الشخصي حق المدارس
