تعالو اقروا معاي ذكرياتي مع التخرج

[R&N Store]

الله يوفقج

ذكرتيني اب موقف بالجامعه

دق تلفوني بالكلاس و لا حاطه حضرتي اغنيه نوال (طبعا تصروعت)
و
الدكتور مصري

جان يقولي الله دي مين اللي بتغني

لووول قعدنا نضحك و يقولونله البنات هذي نوال

و اقوم اصكه و احط سايلنت
و
من يومها لازم سايلنت و اجيك طول المحاظره

 

[bent 3sal]

كملي

 

[sindrella]

شصار كمليي شوقتينا
؟؟؟؟؟؟

 

[شوق والدمعه]

ونااااااااااااااااااااااااااااسه حلوووو والله نايس امبه وناسه لا يوقف لا يوقف الله يوفقج امبي انا توني متخرجه من الثانويه واار حجيج وانا حدي متخوفه من الجامعه امبي حسيت نفس شعوري حبيتي والله موضوعج حلو:>

 

[sindrella]

ناطرييييييييييييييييييييييييييين


.............................................زز

 

[السماويه]

كملي حبي ..
وانا ناطرين عالخط السريع..
لووول؟؟
يله خلينا نستفيد..
وبعدين شصار؟؟

 

[flowerlife]

حبيبتي كملي شصاااار ..

قاعدين على ناار >> صرت شاعره لووووووووووووووووول :dddds:




نـــــــــــــــــــــــــــــــــاطرين

 

[F.A]

[/url][/IMG]
بسوى تمرين الضغط علي ما اتكملين

[/url][/IMG]

 

[ReMaaas^MLS]

واي ذكرتيني بسنة اولى كانت صج مأساة :eh_s(14):ندرس و ما نييب درجات!!!ماشالله انتيmls انا كنت بدشه بس الحمدلله عالاخير استخرت و دشيت Rs .. ناطرينج

واخيرا في احد معاي بشقااااااااا وانتو بعد الله يعينك دراستك مو شويه حبيبتي انتي تخرجتي ولا بعد؟

 

[ReMaaas^MLS]

شوق المطر
لا تحاتين ترا انشاء الله سهالات كلنا مرينا بالخرعه والخوف وشقااااااااااااا من الدراسه
الله يوفقج

 

[ReMaaas^MLS]

انشاء الله حبايبي المتابعين راح انزل بارت ثاني بعد شوي وانا شاكره متابعتكم الحلوه حق كل الي متابعني وسامحوني عالتاخير

 

[ReMaaas^MLS]

ذكرى سوووده جزء 2

أول ما دشيت الحمام لقيت ماكو احد غيري قمت حطيت اغراضي على الرف وقمت اعدل احجابي واغسل ايدي ( مادري اشفيني اغسل ايدي قبل ما ادش الحمام صج مو صاحيه خخخخخخخخخخخخخ ) المهم رحت ادش اغضي حاجتي من الحمام كان في اربع حمامات 2 منهم عربي و2 منهم افرنجي وكان في واحد بابه مفتوح كنت بدشله ولا اشوف في ماي بالارض وقلت ويليييه اخاف يدمر ملابسي وقلت وين احط الفايل على اساس اني بدخله معاي ولا اروح حق الباب ثاني اشوفه اشويه راد يعني امبطل اشويه واسمع بنفس الوقت صوت خفيف الصراحه انا قلت بلقبي شنو هذا في وحده تبووووول وتخلي الباب امبطل امبيه ما تخاف احد يدش عليها قلت لا ما افتكر يمكن صوت ماي ولا اقرب ما اشوف ظل ولا شي ولا احس بالنفس.. قلت ماكو شي و خفت ادش وتطلع وحده فشله مع انه احس ماكو أحد.. مادري ليش وقتها ما بطلت الباب واطل شنو داخل مادري ليش؟؟؟؟ولا اقول خلني ادش الحمام الي فيه ماي بالارض احسن لي ليش جذي امعذبه عمري وانا بروحي حصرااااانه!!؟ ولا اقول ولييه شسوي بالفايل خلني احطه برف الي عند المغاسل ولا ادش الحمام. تدرون بنات انا مادري قلبي حاس بصير شي ما كنت مرتاحه كلش وكنت متردده وااايد مادري اشفيني وقتها!!؟؟

اوال ما دشيت وقفلت الباب ولا ارد بسرعه افتحه حتى ما سويت شي وانا لما بطلت الباب ولا اسمع صوت ينرقع حق الباب الخارجي للحمام ولا اشوف الباب الي يمي مفتوح كله ولا انصدم واركض اشوف الفايل ويينه؟؟ مو لاقيته امبييه وين راح احس جنه واحد صب علي ماي بارد..

ولا اخترع واقول شنو انبااااااااااااااق ؟؟!! ولا اطلع برا الحمام اطالع يمين ويسار المشكله انا ما اعرف اهي شلون شكلها لاني ما شفتها وكان ماكو احد الا انا بالحمام بس فطنت ان في وحده كانت مخشوشه ورا هذا الباب بطريقه شاطره ولما شافتني ادش طلعت ومشت على طول والدليل باب انفتح كله بعد ماكان امصكر تقريبا،
المشكله يابنات انه اغراضي كلها فيها اولا الفايل كان ماركه وكنت توني شاريته ما تهنيت فيه وغير البحث والنوته و كتاب العملي حق باجر كان عندي امتحان وبوكي وليسن وبطاقتي المدنيه وكل شي حتى كان داخل بوكي صور ارفيجاتي واهلي كلهم حتى تلفوني.. طلعت وانا ما بقى مني شي غير نظارتي لاني كنت لابستها

احس الدنيا لفت فيني شسوي وامتحاني باجر والبحث وعقبها امتحان الفيزيه ونوته هذي حاله فيها مسائل كلها وفيها شرح خفيف حق الدكتور احس اني خلاص انتهيت ولا اقعد ابجي.. ابجي.. ااااااابجي.. ماني عارفه شسوي ولا عندي حتى تلفون اقول حق احد :0bee2e8d89: ولا اتشوفني وحده وتساعدني ما قصرت الصراحه عطتني موبايلها ودقيت على اخوي فواز وابجي عنده بس المسكين مو بايده شي ولا يقولي روحي الاداره واشتكي فرحت واشتكيت بس ما يقدرون يسوون شي لانه ما اعرف شكلها والكليه كبيره والناس واجناس يدشون فيها.. في وايد بنات غيري امباقوا وما قدروا يسوون لهم شي.. فطلعت منها بلا حمص مثل ما يقولون

يتبع.. جزء3

 

[bnt_7waa]

وااي هلبااارت

حساافه على الفايل الي ماتهنيتيه فيه

متابعه..

 

[bent 3sal]

شصار بعدين
كملي
شوقتيني

 

[flowerlife]

وييييييييييييييي

الله يسامحها ..




ناطرينج يا قلبي

 

[شوق والدمعه]

امبيه من صجج في بنات جذي اوكي شتبين باغراضي ويعهههههههههط

كملي شصار وياج

 

[جرجيره]

واخيرا في احد معاي بشقااااااااا وانتو بعد الله يعينك دراستك مو شويه حبيبتي انتي تخرجتي ولا بعد؟

لا الحين رايحة سنة ثالثة

 

[.]

امبيه والبحث..؟؟

انا مثلج باغلب المواقف التلفون اللي رن والدعمه ..

اكتب مذكراتي خخخخخخخخخخخ..

مشكوره..

 

[ReMaaas^MLS]

لا الحين رايحة سنة ثالثة

الله يعينج وراج مطبه كبيره بس يالله انشاء الله سهاله وتمر عليج سنه ثالثه على خير لاتحاتين ولو انظغطي شوي ترا لا تيأسين بتمر ايام بسرعه انشاء الله

 

[ReMaaas^MLS]

ذكرى سوووده جزء3

بعدين دقيت على رقمي من تلفون البنت وقلت يمكن ترد علي ( يحليلي منو يرد علي صج كنت غبيه) ولا ادز مسج لها لما ما ردت علي قلت على اقل لما اتشوف المسج وتقراه يحن قلبها علي وكتبت فيه.. للحين اذكر: الله يخليج اخذي كل شي بس عطيني البحث وكتبي قطيهم اي مكان وانا اخذهم عندي امتحان باجر راح اضيع حرام عليج،
بس ماكو فايده شفتها صكرت الجهاز ولا ردت علي حسيت مو بايدي شي ما قلت الا حسبي الله عليها الله يوريها انشاء الله وما تتهنا بالاغراض ودعيت عليها دعوه بوقتها بس بعدين مع مرور الايام وسنين استغفرت وقلت الله يسامحها.
المهم قلت ماكو فايده خلني اروح حق الدكتور واقوله موضوع البحث واشوف اذا بيعطيني وقت ولا لأ؟
بس الله يسامحه طلع اهو والزمن علي وقالي حدج لباجر اتيبينه لي لانه اخر يوم حق بونص واذا ما قدرت سلميه بعدين عادي بس مااااااكو بونص والمشكله الي قاهرني انه لما اقوله اشوفه يطالعني بنظره اني جذابه او امؤلفه القصه يطالعني بنظره جنه يقول لي خلصيني اشتبين الحين.. بلا افلام اتسويلي.. صج موتني قهر:eh_s(14): :eh_s(14):

فرحت وقتها المختبر وراجعت امتحان من غير نفس وبالي مشغول حده وبس ارفيجاتي ما قصروا معاي وقفوا يمي وساعدوني وعطوني اصور كتاب المختبر حق امتحان باجر
رديت البيت وانا حالتي حاله الكل يعاتبني ويزفني ويقولي غلطتج تحملي اهو صج انا غلطانه بس الحين مو وقتها انا الي فيني امكفييني وراي امتحانات وبحثي بروح اطبعه وانسقه من اول ويديد واقعد اعدل لانه اخر تعديلات ما حفظته.. حرام عليهم هذا بدال ما يخففون علي !!؟؟
المهم اخوي فواز راح طلع لي خط بدل فاقد وعطاني واحد من موبايلاته واي كان تلفون بشار القديم صج كان تحفه كنت اعد الايام علشان اروح اشتري لي واحد ثاني لانه لوع جبدي :cxxxp: كان كل ساعه يعلق ويطفي.. الله يهديه اخوي ماعطاني الا هذا جنه متحسف يعطيني واحد جديد علشان لا يبوقونه مني لووووووووووول :dddds:
وامي بعدين اتقولي خلاص ميخالف المهم ركزي بدراستج وكل شي فدوه للراسج
انا سكت ودرست بس مادري شلون درست هذاك اليوم اصلا شلون نجحت ماني عارفه بس الحمد الله كل شي راح وصار ماضي وعطاني خووش درس اني ما اترك اغراضي كلش..أصلا بعد هذي سالفه صار فيني وسواااااس مو طبيعي صرت ما احط اغراضي حتى عند ارفيجاتي الا عند اهلي وصرت كل شوي اجيك على اغراضي اذا ما انبقت ولا فقدت شي :0bee2e8d89:

الله يسامح الي كان سبب
للحديث بقية..