تعالوا نشيك على( رصيدنا وحسابنا ) بسسسسرعه

[Perfume]

مشكورة حبيبتي
ناطرينج

 

[Perfume]

حبيبتي انتي
انا فاهمة قصدج عن الغموض
بس بعض الازواج يسألون عن كل شي ويهتمون بالتفاصيل
بس مثل ماقلتي الوحدة تجاوب على قد السؤال
واذا طلب منها التفاصيل تعطيه

 

[Sisyphus]

انتي عجيبة يا ضماد
حيل استمتعت وانا اقرا موضوعج
بغيت اسألج
شسوي مع الزوج الفضولي
اللي يبي يعرف انا شسويت بادق التفاصيل
مثلا يقول شسويتي بهالساعة اللي تركتج فيها
اذا قلتله بس قاعده جذي يحسني بليده
واذا قلتله كنت اسوي جم شغله شغل بنات ( اقصد حف او اهتمام بالجسم)
مادري احسها مو حلوة
ولا ودي اجذب عليه
وينفس الوقت ما يعطيني فرصة للغنوض اللي اهو اساسا طبعي ولا احب كثرة الكلام

الشي الثاني انا اكره كثرة كلامي
احب اسمع واشارك لكن ماحب ابادر
و حاليا بعد سنتين من الزواج احس زوجي صار مثلي
قبل هو يسولف و يبادر بالكلام و يحب الفرفشة وانا احب اسمعله واتكلم على قد الموضوع
لكن الحين لا
تصير بينا حالات صمت رهيبه لان ما عندنا شي نسولف فيه
احاول ابادر مع اني اكرهها عشان زوجي زهق من الصمت
وانا زهقت منه لكن ماكو سوالف لان حياتنا رتيييييبه

فعشان أوصل لقلبه لازم أفكر بأحتياجه كـ رجل .. مو أحتياجي كـ مرأه

ياليت تفصلين اكثر بهالكلام

 

[عيني عليه]

اجلل انا غيييركم يابنااات ... ماشفت منه الا الكلاااام ...

والا افعاااله نقيييضة كلاااامه تماااااااااماااااااا ...

 

[امـ خــزامـى]

دائما الغموض ينفهم غلط يابنات مادري ليش

اللي تقصده ضماد انه خير الامور اوسطها
يعني لاتكونين امرأه ثرثاره ولا صامته
لان بهالحالتين بتكونين مممللللللللللللللللللللله

^^
شرايك فيني ضماد وانا مذاكره وشاطره ههههههههههههههه

 

[خالتي قموش]

واللي مدلله زوجها و هو جدامها عسل
ومن وراها يخونها ويسبها
شنو تسوي الزوجه ساعتها

 

[Perfume]

^^^
تواجهه

 

[خالتي قموش]

واجهته و راحت بيت اهلها وما راح ترجع
حارمها وساكته ما اشتكت
واخر شي تطلع هي بلشينه
وكل مشكلته ليش تفتش
حاقرها ما دق

 

[Perfume]

هذا عيب الرياييل
يقلبون السالفة عليج
مع هذا عندي المواجهة افضل
وتقوله انا غلطانة لاني فتشت
بس خلنا نتكلم بالسالفة الاهم

 

[خالتي قموش]

مو مهم يقلب السالفه
غلطته اكبر

بس الحل انها ما ترجع له ابد
وخله كفوه الفضاله والزباله
مو كفو محترم و راعي بيت

 

[ضــمــاد]

بس الحل انها ما ترجع له ابد

وخله كفوه الفضاله والزباله

مو كفو محترم و راعي بيت​

يعنـــي تتطلق منه ؟

أختي حبيبتي .. مافيه مشكله الا ولها حل بأذن الله​

الخيانه مشكله منتشره بكثره هالايام ..​

وهالمشكله لازم الزوجه تديرها بهدوء وصبر عشان تحلها وتتخلص منها​

وأكبر غلط تستلم الزوجه للمشكله .. وتتصرف بمشاعرها وعواطفها وتغيب العقل​

لانه استسلام الزوجه فيه اهانه لكرامتها ..​

الزوجه لما يخونها زوجها وتروح بيت أهلها .. وبعدين ترجع له​

هذي ماراح تفتك من خيانته وطول عمرها راح يخونها الا لما الله يهديه​

تدرين ليش ؟​

لانه عقابها لـ الزوج سهل ومريح وبسيط ( تروح بيت اهلها )​

لكن لو حاولت تدير المشكله بدون لا تواجه زوجها​

الزوج راح يظل طول الوقت خايف لا ينكشف امره وخايف من العقاب اللي ينتظره
لو زوجته طاحت عليه​

والحـــل انه زوجة الخاين ..​

أتسوي نفسها ماتدري عن الخيانه مؤقتا ً ​

و تبتدي تدرس الخلل في علاقتهم .. تدرسه بعمق .. يعني لاتفكر وتقول انا أكشخ​

واتزين وانا حلوه وانا ناعمه ..​

لالالا الموضوع اعمق من هالامور​

الزوج احيانا يخون زوجته مع الخدامه وهالخدامه غير جميله بعكس زوجته ملكة جمال​

وهالخدامه ماتلبس الغالي والماركات بعكس زوجته اللي تلبس الماركات والغالي​

وتتجمل بالاكسسوارات لكن رغم هذا خانها مع خدامتها ؟ لانه لقى عند الخدامه
اللي يبيه ..​

وكذالك بعض الازواج ممكن يخون زوجته مع وحده أكبر منه ومثقفه​

لانه لقى حاجته لقى اللي فاهمه الحياة لقى المثقفه اللي تضيف له ويضيف لها​

والبعض يخون مع وحده كبر أمه او جدته لانه لقى حاجته لقى فيها الحنان​

وممكن يكون الزوج طلع من بيئه امه وأبوه منفصلين​

ومن صغره محروم من الحنان والعطف يعني عاش طفوله قاسيه​

فالبعض يخونون عشان يعوضون هالنقص اللي عندهم من طفولتهم​

وهالنوعيه لها وضع خاص .. وتتطلب جهد من الزوجه أكثر من باقي الخيانات​

فدراسة الخلل واعادة الحسابات تحتاج من الزوجه العمق بالتفكير​

أنا ضد انه الوحده تتنازل عن زوجها .. بسبب خيانته​

الدنيا دار اختبار والانسانه لضعيفه المستسلمه قليلة الحيله ماراح ترتاح بدنيتها​

ثبتي لنفسج انج انسانه ناجحه وقويه وماتعرف الهزيمه​

لانه الانهيار يبتدي من كثرة الاستسلام ..​

لما وحده تاخذ زوجج .. وأنتي تقررين انج ما راح ترجعين لزوجج أبدا ً​

هذا يعني انج ماراح تنجحين بـ ولا زواج ثاني​

هاللي تاخذ ريال متزوج .. تتوقعون انها ماتبذل اي مجهود عشان تكوش على قلبه ؟​

هاللي تاخذ متزوج تبذل مجهود من كل قلبها عشان تفوز فيه رغم انها ما تستحقه​

وأنتي زوجته ولج الحق فيه .. منو الأولى انها تحارب أنتي ولا الدخيله ؟​

أزواجنا يستاهلون نحارب عشانهم لانه يدورون الحــب ..​

فنصيحتي لكل زوجه تعرضة للخيانه .. لاتستلمين أنتي تستاهلين كل خير​

ليش تخلين الخير يروح لغيرج وتتنازلين عنه بسهوله​

خالتي قموش ​

على شانج بوقف جزئية الغموض .. وراح أبتدي بجزئيه تهم كل وحده مرت بالخيانه


وكل وحده حابه تحافظ على بيتها وزوجها من شبح الخيانه​

　​

​

 

[ضــمــاد]

^^
شرايك فيني ضماد وانا مذاكره وشاطره ههههههههههههههه

ياعيني ياعيني تعجبني الطالبه الشاطره لوووول


Sisyphus

لي عوده بأذن الله لسؤالج


عيني عليه

اجلل انا غيييركم يابنااات ... ماشفت منه الا الكلاااام ...

والا افعاااله نقيييضة كلاااامه تماااااااااماااااااا

لما يتكلم هل تسمعين كلامه مثل ماهو ؟ ولا تحاولين تفسرين ماورى الكلام ؟

 

[خالتي قموش]

السالفه اكبر من الخيانه
تجريح كبير بحقها
ليش تسكت
ما عندها كرامه

 

[mrs.abk]

رجعت للموضوع يا ضماد ..

شفت أشياء ملخبطة في طرح البنات ..

بس لفت نظري كمن شيء .. موضوع الغموض أولها ..

الغموض موب معناه أبدا إني أخبي على زوجي أشياء مصيرية، أشياء ممكن تأثر على علاقته معاي .. أنا وزوجي علاقتنا مبنية على الصدق لاشيء غير الصدق .. أقدر أحلف إني ما خطيت خطوة وهو ما يعرف وين.. أبدا أبدا .. يعرف ريولي وين تمشي .. هالشيء يريحه ويريحني أنا .. لكن مع ذلك هو للحين ما يقدر يقدر ردود أفعالي .. وهذا هو الغموض


الغموض هو التنوع .. والله أعلم ما أتعمده .. هو موجود في شخصيتي .. وأعتقد إن البنت مهما كانت سلسة وواضحة تظل لغز بالنسبة للريال .. ما يعرف رد فعلها ..

أحيانا يخون الزوج زوجته لكنه يخبي .. خوفا من رد فعلها .. وأنا من هواة إن اللي تعرف بخيانة زوجها ما تواجهه .. لسبب خوفه من إنها تكشفها يضغط أعصابه أكثر من معرفتها ومعرفة رد فعلها قدامه ..

كون المسألة سر عنها يخليه يداري أفعاله ويدرك في أعماقه إن هالشيء غلط .. مع الوقت تنتهي اللعبة .. إما بانفصاله عن الخيانة أو بتحوله لخيانة يديدة بعد فترة هدوء ... إذا كان ممن في دمهم العلاقات الهابطة


أنا أنصح كل حرمة إنها ما تركز (في هل زوجي يخوني أو لا ) هذا هاجس موجود فطرة فينا .. خاصة في الزمن اللي نعيشه .. بس الشاطرة اللي تخلي زوجها واضح .. ما تنبش وراه .. ما تدور .. ما يهمها الرقم السري لتيلفونه ,, ما تريد تشوف مسج يكتبه وهي جنبه .. تبين له احترامها لحياته .. هالشيء موب خوف ولا قلة عقل .. هالشيء يخلي الريال يرتاح أكثر لشريكة حياته .. يرجع للبيت وهو حاس بالأمان موب حاس إنه رابط كلب بوليسي بيشمشمه اول ما يوصل ..

وكلي أمرج لله .. ودايما قولي ( اللهم من أراد بي سوءا رد كيده إلى نحره ) بقناعة ورجا كااامل وأي شيء غامض مصيره ينكشف



النقطة الثالثة اللي لفتت نظري في ردود البنات .. رد الأخت اللي تقول إنها تهاوشت مع زوجها وطولت لسانها عليها . .


أختي أختي أختي .. أبدا صوتج لا يعلى على ريال .. أيا كان .. لا يعلى على إنسان أيا كان .. لأن هذي أول نقطة ترميج من برج الانوثة للأرض .. الصوت العالي .. الألفاظ المتلاحقة .. الكلمات الجارحة .. فما بالج إنها لأقرب إنسان لج .. زوجج


بالنسبة لي طبعي ما أعلي صوتي على أي شخص .. لو بهزء شخص .. أهزأه باحترام .. وتعلمت إني أقول لزوجي لما يعلي صوته بنبرة ثقة ( إحنا نتناقش ما نغلط على بعض .. أرجوك كلمني بنفس نبرة صوتي .. خلك هادي وسمعني وجهة نظرك) ..

ومن معرفتي لزوجي .. في البداية كان يصارخ بزيادة .. مع الوقت صار أهدئ .. ومن فترة سمعته يقول نفس الجملة وهو يتناقش مع شخص على الفون!!!! يعني تعلمها مني ..


السلوك الجيد قابل للتعليم حتى مع الوقت .. والصوت العالي أول معول يهدم حياتج الزوجية .. بالنسبة لي دخلت مسألة الزواج وأنا عندي عزم كاااامل إني ما أنفصل نهائيا عن زوجي إلا بالموت .. وإن بيتي يظل عااامر بالمحبة والمودة على طول ..

مسألة زواجي بالنسبة لي هي تأسيسي لحياة نموذجية إن شاء الله .. حياة أرتاح فيها من تعب عمري اللي راح .. حياة عقلانية محاطة بورود المحبة .. وأريد يبقى بيتي داءما وأبدا مكان الراحة اللي من أوصله أبتسم وينغسل قلبي وقلب زوجي ..


مستحيل أعيش حياتي كاملة بدون مشاكل .. لكن أريد أترك القوة في وقت المشكلة لزوجي .. وأكون ضعيفة بلا قرار .. لحد ما تهدى ذروة المشكلة .. ساعتها وبكل هدوء أدير دفة الموضوع .. وبكل محبة أوصل لقرار يرضيه ويرضيني .. شيء يريحني

وما عندي أي عزم إني أترك مشكلة بدون حل .. لازم تنحل وتنحسم وينتهي أمرها وما تنفتح مرة ثانية نهائيا..


أتمنى كلامي يكون فاد العضوات

 

[أم دوينة]

انا فيني وايد سلبيات ساعات لما افكر فيها قلبي يعورني على ريلي وصايرة ما اركز الا على سلبياته وهالشي يخليني جااااااااااااافة اغلب الاوقات بس احس بتأنيب الضمير واحاااول كثر ما اقدر اتدارك الوضع وأليين شوي ..

الله يهدينا ويسخرنا لأزواجنا ويسخر ازواجنا لنا يارب

 

[أمونيتا ~]

حبيبتي جزاااااااااااااااااااااج الله خيـــر

 

[امـ خــزامـى]

اخر جزئيه ياضماد جدا جميله
اننا نحارب عشان ازواجنا

ياليت نستفيد كلنا منها واحب اضيف اننا مو بس نحاول ونضحي عشان الخيانه بس
لازم نحاول قبل لانتعرض للخيانه ونبعد كل شر نقع فيه قدر المستطاع

بالنسبه لي انا هذا نظامي طول الوقت بجهاد
احاول اكسب ثقة زوجي
واحاول اكون مو بس زوجه وحبيبه ابي اكون اخت وصديقه

يعني تقدرين تقولين عني طول الوقت احاول البس درع الحمايه وماشيله مني
وطبعا لابد من فترات الممل والانكسار بس يارب لك الحمد بسرعه اقوم ورجع احاول

وان شاء الله العمر قدامي وربي يخلي لي زوجي ويبين تعبي فيه

 

[أم دوينة]

ام خزامي
ماشاءالله الله يتمم عليج وياليت تشرحين لنا بتفصيل اكثر عن طريقة جهادج عشان زوجج .. ومنكم نستفيد وممكن تلفتون نظرنا لشي احنا غافلين عنه ..

 

[امـ خــزامـى]

ياقلبي انت شجعتيني وخجلتيني بنفس الوقت

مادري هالموضوع بتستفيدين منه اكيد تابعي معنا وبنتعاون ان شاءالله

اسلوبي مناسب لزوووجي
وممكن مايناسب زوجك ولا يناسبك بعد

زوجي صغير ومنفتح يحب يجرب كل شي وملوووووول
وانا اجاريه بكل شي
اي غلط يسويه انا اكون بارده واعصابي هاديه

وغيرت شوي من شخصيتي صرت انانيه اكثر
ودائم اوضحله ان سعادتي اهم شي


كثيييييير اشياء مااعرف اقولها او ماتحضرني

الا شي واحد طولة بال ولسان حلو وشوية انانيه وهدوء اعصاب


حاولت افيدك لو بشي بسيط

 

[دانة_ دبي]

مشكلتنا نركز بالامور السلبية مع ان الايجابيات تكون واضحة
و هذا معظمنا يغلط فيه

ما ننسى تقدير الطرف الثاني باستمرار