تعالوا نشيك على( رصيدنا وحسابنا ) بسسسسرعه

[dandooosh]

سألتيني عن نوع الاهتمام اللي أقصده،، يكلمني بين فترة والثانية وهو في الدوام ،، مو كل يوم أنا اللي اتصل
شي ثاني احب اشوف منه فضول يعني يجي يسولف معاي يسألني عن صحتي عن تفاصيل يومي ،، يفتح معاي مواضيع نناقش امور مختلفة في حياتنا ،، يعرف رأيي في مواضيع معينة ،، يعني باختصار يفهم طريقة تفكيري
وبالنسبة للتضحية أكيد في المثال اللي ذكرته توقعت ان يترك اللعبة بس ردة فعله صدمتني :eh_s(2):

 

[زبــــــــدة]

كلامج اثر فيني بصراحه

في اشياء اسويها وبعدين اتحسف ليش سويتها ...

مافكر قبل لا اتكلم ياربي مادري شسوي بروحي

 

[Perfume]

متابعينج حبيبتي

 

[Perfume]

الحب أحياناً يتقنع بقناع القسوة

فعلاً احياناً زوجي يقدم لي نصيحة لمصلحتي
لكن بطريقة قاسية بس الحب موجووود

 

[امـ خــزامـى]

ضماد انت حقا ضماد لجروحنا

حبيبتي كلامك جميل وعلى عيني وراسي
بس انا من البدايه فهمتك انه نتكلم عن علاقتنا فقط انا وزوجي وكيف نزيد ررصيدنا

بس بردك على كلامي جبتي طاري العيال كمثال

انا بردي عن سؤالك وش اقصد بالاهتمام كان كلامي كله عني انا وعلاقتنا الزوجيه وتجنبت الابناء

انا ولله الحمد فيه مشاركه بتربية بنتي وبالبيت هو كل شي على راسه ومايقصر
هو اللي يجيب اغراض البيت هو عليه الحوش ونظافته
اوقات هو يشيل اكله ويساعدني
يمسك بنتي وينتبهلها اذا طلبت منه

بس انا ابيه يهتم لي ولطلباتي
صرحت ولمحت ودائما اقول وش اتمنى واللي بخاطري
وحرام ظليمته شينه فيه اشياء يسويها بس الاغلب لا واصلا يفهم طلبي غلط

اللي اتمنى اشوفه منه واحس فيه انه يتحمس لي ويحاول يفهمني ويسألني ويهتم وش اللي يعجبني واللي مايعجبني عشان يحسن من نفسه ويطور علاقتنا

مثل ماانا اسئله واهتم

وبالنسبه للمبادره نادر جدا يبادر الا اذا كان جوعان ومشتهي يتعشى برى قال
اما انه يبادر ويطلعني للترفيه عن انفسنا لا مايبادر

وشي ثاني مثلا حددنا يوم نطلع فيه بخاطري مره بحياتي يقول فيه مكان حاب تشوفينه وبيعجبك بنروح له تجهزي
داااااااااااااائما انت اختاري يالله وين تبين
يابن الحلال مليتت ابيك انت تختار اي شي ان شاءالله توديني لابو ريالين هههههههههه بس اختار


وفيه اشياء كثثثثثثثثثير بس ان شاءالله بعد مانكمل الموضوع نذكرها

 

[امـ خــزامـى]

والأخيره ( يحب لكن مايعرف مسؤولية الحب ) أهي المنتشره أو ( الشائعه )

فالغالب تشوفين الزوج يحب زوجته لكن مايهتم لأحتياجاتها

لانه سبق وحب أمه اللي أهتمت بكل أحتياجاته وسهرت عشانه

وقدمت كل التسهيلات لحياته عطت وبذلت ووووو سوت كل هالاشياء

بدون لا تطلب منه يتحمل مسؤولية الحب اللي تقدمه له

وبدون لا تطلب مقابل مثل الاهتمام لأحتياجاتها

كذالك الزوج يمكن بحياته ماعبر لأخوانه أو امه وابوه عن حبه

لكن يعرف انهم يحبونه ومتأكد أنه يحبهم




^^^^^^^^^^^^^
جدا اقنعني كلامي

زوجي طبعه خجول ويحس انه الزوجه مثل الام تعطي وهو يتفرج بس بالازمات يكون حولها
طبعا هذا بالبدايات حاليا تغير وتحسن الحمدالله بس انا اسعى للافضل

وان شاءالله اوصل

 

[ضــمــاد]

حبيبتي كلامك جميل وعلى عيني وراسي
بس انا من البدايه فهمتك انه نتكلم عن علاقتنا فقط انا وزوجي وكيف نزيد ررصيدنا

أنتي صح .. وفهمج لقصدي صح 100%

الجزئيات فقط عن الزوجه والزوج واستثمار الرصيد

وموضوع لعيال ذكرته بالرد .. بس كمثال بأمكانكم تقيسون عليه امور كثيره

كلامج اثر فيني بصراحه

في اشياء اسويها وبعدين اتحسف ليش سويتها ...

مافكر قبل لا اتكلم ياربي مادري شسوي بروحي

تابعيني وراح تعرفين شتسوين بأذن الله ^.^

سألتيني عن نوع الاهتمام اللي أقصده،، يكلمني بين فترة والثانية وهو في الدوام ،، مو كل يوم أنا اللي اتصل
شي ثاني احب اشوف منه فضول يعني يجي يسولف معاي يسألني عن صحتي عن تفاصيل يومي ،، يفتح معاي مواضيع نناقش امور مختلفة في حياتنا ،، يعرف رأيي في مواضيع معينة ،، يعني باختصار يفهم طريقة تفكيري
وبالنسبة للتضحية أكيد في المثال اللي ذكرته توقعت ان يترك اللعبة بس ردة فعله صدمتني :eh_s(2):

ماعطيتيه مجال انه يبادر !

ولا عطيتيه مجال يشتاق لج !

احب اشوف منه فضول

راح تشوفين فضوله لما تكونين غامضه .. بأذن الله الجزئيه الخامسه راح تكون عن الغموووض


وقوة تأثيره على الرجل .. وأي نوع من الغموض نقصده


لانه في حريم يفهمون الغموض × .. فـ تخلي زوجها يشك فيها بسبب غموضها الخاطأ


بأذن الله باجر راح نتزل أول جزئيه بأساسيات الحب بين الزوج وزوجته


ومثل ماقلنا الحب أشكال وأنواع .. وحب الزوج مختلف عن أي حب ثاني
​

 

[امـ خــزامـى]

منتظرينك على احر من الجمر

 

[Perfume]

ناطرينج ضماد

 

[نهى الأحمد]

فعلا موضوع مميز من انسانه مميزة

ويستحق المتابعة للاستفادة


:eh_s(7)::eh_s(7):

 

[ضــمــاد]

ثـــــالـــثـــــــــــا ً





الغمـــــــوض


غموض المرأه .. وتأثيره القوي على الرجل


هناك دراسات نفسية أثبتت بأن الرجل يبحث ويحتاج للغموض كنوع من التجديد في حياته...

وان المرأة الغامضة تثير لديه الرغبة في اكتشاف هذا اللغز وفتح خزينة أسرارها...

وانه كلما أصبحت المرأة غامضة... زاد بالمقابل اهتمام وحنان الرجل لها...

فـ الرجل بطبيعته يحب حل المسائل الصعبة وتستهويه الألغاز والمسائل الرياضية

بينما النساء تتفوقن في اللغات وسرعة البديهة...

لذا نستنتج بأن الرجل يعشق الأمور الصعبة، الألغاز والغموض...

لماذا ينجذب الرجل للغموض؟


لأنه منذ صغره اعتاد على اللعب بالألعاب المعقدة، تعلم أن يركبها ويفكها بنفسه

كلعبة البناء والسيارات...


بالاضافة إلى لعبة التخمين التي كانت تشجعه على حب


الاستطلاع وتخمين ما بداخل الصندوق... هذه تركيبته التي خلقه الله عليها

لذا المرأة الغامضة تثير فيه حب الاستطلاع​

فتكون كاللغز الذي يعشق الرجل فك طلاسمه ورموزه


الرجل لا يقر له قرار دون أن يعرف كل ما يدور حوله...

لأن تفكيره يتجه نحو الهدف دون لف أو دوران...


وان لم يجد طريقة فك هذه الرموز يكون تفكيره منشغلاً بهذا اللغز


(أنتي أيتها الأنثى الغامضة)...

بينما تركيبة عقل الأنثى مختلفة...

فهي تستطيع ان تصبح غير مباشرة في حديثها وتصرفاته


لذا بإمكان الأنثى أن تكون بارعة في دور الغموض متى شاءت ذلك...

الرجل بطبيعته سريع الملل...

الدراسات الحديثة أثبتت بأن أية علاقة بين اثنان (رجل وامرأة) لها دورة....

تكون في أوجها وقمتها أقصاها لمدة سنتان... بعدها تأخذ العلاقة شكلاً آخر...
( راح أقولكم سر الاختفاء في جزئيه الأركان الأساسيه بالعلاقه الزوجيه التي تؤدي الى الحب )

بطبيعة الحال تصبح أقوى... لأن المودة والرحمة والعشرة تطغى على العلاقة

بينما يقل فيه الانجذاب الجسدي المغناطيسي...

لهذا السبب تبدأ المشاكل بين الزوجان الغير واعيان لما يجري...

يبدآن في الاعتقاد بأن الحب انتهى وانكشفت عيوب الآخر...

من عرف سرك تملكك


لذا لا تجعليه ان يتملكك... كي لا يملّك...

خلافات كثيرة قد تحدث بين الرجل وزوجته... لأنها تخلت عن غموضها


وباحت له يوماً عن مشاكل عائلتها ,,

أو شطارة زميلتها في الطبخ ,,


أو مشكلة جارتهم مع زوجها ,,


مثل هذه الامور ليست من الضروره انه تخبري الزوج بها




- كلما ازددت غموضاً ازددت جاذبية...

- كلما جردت الأنثى من غموضها جردت من جاذبيتها...

- كلما زاد غموضك قل تسلطه وتحكمه فيك...
لأنه لن يجد زر الريموت كونترول الذي يضغط عليه ليغيظك...
زر الريموت كونترول كناية عن ايجاد الرجل لنقاط ضعف المرأة (ما يغيظها) إن وجد هذا الزر، سيكرر محاولاته في الضغط على هذا الزر الذي يغيظها...




الغموض يثير اهتمام وخيال الرجل وتأكدي بأن لا انجذاب من غير غموض....



لن تمثلي أية جاذبية إن تجردتي من غموضك...



بالنسبة للرجل ما اكتشفه لا يثير اهتمامه...



لأن الرجل خيالي بطبعه... يثيره ما هو مخفي....


ويسعى لاكتشاف ما هو مكنون...



ولا أقصد بالغموض الصمت المطبق...


الغموض يعني بأن تجعلينه في حالة تخمين...


لا يتوقع ردود أفعالك دائماً لأنها قد تكون مختلفة من وقت لآخر...

مثلاً بأن تعملي بعض التغييرات في مظهرك أو ديكور المنزل دون أن توضحي الأسباب


وإن سألك إبتسمي فقط... الرجل يعشق الإسلوب المحير... ويكون عقله مشغولاً بك وبفك لغزك..


حاولي أن تغيري ردود أفعالك في المواقف...


مثال:
إن كان معتاداً منك أن تغضبي من تصرف ما... لا تهتمي هذه المرة واصمتي... ستحيرينه صدقيني...





هنا ستصبحين شخصية غير متنبأة بردود أفعالها...



اكسري الروتين في تصرفاتك... أي حاولي أن تغيري بعض عاداتك...

كأن تقفلي الغرفة... وتبدأين بتطبيق التأمل


(هناك الكثير من الأقراص المدمجة التي بها تأملات صوتية تتبعينها – بالاضافة

إلى برامج شركة أبل في الآي فون)


كل هذا دون أن تخبرينه بما تفعلينه طوال الوقت... التأمل سيفيدك كثيراً في


مختلف جوانب حياتك بأن تصبحي هادئة وتتخذي قرارات صائبة بالاضافة إلى


انه سيحتار فيما تفعلينه ما يشغلك عنه!

لكن ان كان زوجك من النوع الشكاك راجعي نفسك قبل أن تتصرفي..



مثال:


إن كنت تستيقظين صباحاً وتتجهين بشكل مباشر للمطبخ... اخرجي مع صديقاتك...




وفي طريقك اطلبي الغداء من المطعم... (لا أعني هنا بأن تهملي منزلك)،


لكن كنوع من التغيير الذي لم يعتده منك... وإن سألك ما هذا التغيير إبتسمي أيضاً...



كوني غير متوفرة أحياناً... بخروجك... اشتركي في دورات ونواد رياضية...


هنا ستشعرينه بأنك منشغلة عنه وغير متوفرة له وقتما يريد... فالرجل يحب ما ليس بمتوفر... سترين التغيير والانجذاب في تصرفاته...

مثال آخر:
إن كنت معتادة على الرد على هاتفه دائماً.. توقفي عن ذلك.. اجيبيه بعد عدة ساعات بأعذار مقبولة نوعاً ما...



ان كنت معتادة على ان تتكلمي معه عما حصل معك يوماً بيوم...

أو عندما تشعرين بالحزن والضيق تذهبين إليه وتشتكين...



توقفي عن هذه العادة... ستجدين بأنه من سيبادر بذلك... ويجرى خلفك كي يعرف ما حصل معك...

أحيانا عندما يسألك سؤالاً لا تريدين الاجابة عليه ابتسمي ابتسامة ماكره...

الابتسامة الماكرة هي ابتسامة جانبية مع نظرة نفاذة... تدربي عليها... انها بالفعل تحير الرجل...

تأكدي بأنه بعد فترة من الزمن سيسألك ذلك السؤال مرة أخرى
​

لانك ستبقين أنت والسؤال عالقين في ذهنه..

أحياناً قد يحدث خصام بينك وبين زوجك (يستحيل أن يخلي منه أي زواج)... قد يسألك بعد


المصالحه إن شعرت بالحزن أو ما شابه.. إصمتي ولا تكشفي كل أوراقك...


نظمي أحياناً إجازه بدونه.. مع صديقاتك مثلاً.. بالطبع هذا سيثير التساؤل لديه...

غيري من ستايلك.. طريقة مكياجك أو لبسك.. حتى وان كان من النوع الذي لا يلاحظ..

لكنه في عقله اللاواعي سيكون هناك شعور داخلي بأنك تغيرت..

أن تكون لك مساحتك الخاصة... لا يجب عليه ان يعرف ما يدور بينك وبين صديقاتك...

وما يجري في منزل أهلك...


ولا تفاصيل ما ستفعلينه في الصالون..


الغموض فن تتقنينه بالممارسة... لأنك ستستمتعين جداً بالنتيجة...

ستكتشفين يوماً بعد يوم كم نجحت في إثارة خياله والحصول على اهتمامه...

انها لعبه مسلية للرجل الصياد الذي يستمتع بالبحث عن مفتاح اللغز المحير... لغز الأنثى....

هذا جزء من أحد الدورات


وللحديث بقيه عن الغموض


هالجزئيه أهداء للكل :eh_s(7):


وأهداء خاص لـ
(dandooosh)

 

[امـ خــزامـى]

الغموض فن الاغلبيه ماتتقنه
وبنفهم بطريقه غلط

 

[do0ora]

جزاج الله خير على طرحج لهذا الموضوع

هالفترة امر بظروف وصحيتيني منها الله يجعله بميزان حسناتج​

 

[كتكوته عسوله]

صباح الخير ... عاد امس من الظهر لي الليل هواااااش متواصل انا وزوجي على الطباخ انا ارد من دوامي تعبانه والاخ المناضل يقوللي ابي جذي وابي جذي وانا ما ادري انه مريض امس عاد جان انهد فيه وبدعت بلساني ورد يبي يراضيني وانا مستمره فالهواش اخر الليل كسر خاطري قام يصرخ صراخ موطبيعي ويبجي اول مره اشوفه يبجي يقوللي شتبين فيني كسر خاااااااااطري جان اراضيه وسويتله مساج خفيف اهو يموت عالمساج ونمت والحين قاعده بمكتبي انافخ ومتضايقه حدي بس من قريت موضوعج اختي صج صج صج احسه كسر خاطري مع اني كنت متحلفه فيه بس بعد موضوعج راح اصير مسالمه وارد البيت مثل اي زوجه مناضله واسويله احلى غدا ههههه

 

[ضــمــاد]

صباح الخير ... عاد امس من الظهر لي الليل هواااااش متواصل انا وزوجي على الطباخ انا ارد من دوامي تعبانه والاخ المناضل يقوللي ابي جذي وابي جذي وانا ما ادري انه مريض امس عاد جان انهد فيه وبدعت بلساني ورد يبي يراضيني وانا مستمره فالهواش اخر الليل كسر خاطري قام يصرخ صراخ موطبيعي ويبجي اول مره اشوفه يبجي يقوللي شتبين فيني كسر خاااااااااطري جان اراضيه وسويتله مساج خفيف اهو يموت عالمساج ونمت والحين قاعده بمكتبي انافخ ومتضايقه حدي بس من قريت موضوعج اختي صج صج صج احسه كسر خاطري مع اني كنت متحلفه فيه بس بعد موضوعج راح اصير مسالمه وارد البيت مثل اي زوجه مناضله واسويله احلى غدا

صباح الورد :eh_s(17):


عيل تقولين متضايقه حدج هاااااااه


شوفي كتكوته عندي لج طريقه حلوه .. :eh_s(15):


سوي جدول لوجبات الغدا من الاحد للخميس ..


وسوي غداج من الليل ..


وبالويك أند .. off .. يا تطلبون أو تتغدون برى وتغيرون جو

مسالمه وارد البيت مثل اي زوجه مناضله واسويله احلى غدا

بما أنج بدعتي بلسانج ^.^ .. اليوم لاتعتذرين وتقولين آسفه .. خلي افعالج اليوم تبين أسفج

1- مثل ماقلتي سوي اكله يحبها

2- أنتي قلتي ريلج مريض .. مثلا ً لو حراره وسخونه
*عالمغربيه سويله عصير برتقال .. أو ليمون بالنعناع وزيني لقلاص

*مري الصيدليه في لزقات الحراره اللي تحطينهم على يبهة/جبهة الياهل اذا مسخن
عشان ماترتفع حرارته واهو نايم .. اخذيهم وبالليل وقت نومكم واهو منسدح تعالي بكل هدوء
وحطيها له .. ان علق او قال ماحب شيليها .. قوليله عشان ماترتفع حرارتك وانت نايم


او اذا بلاعيمه ..

سويله عالمغربيه زنجبيل و عشان تحلينه حطي عسل .. وقوليله
ترى زين لبلاعيمك.. والعشى سويله شوربه



يعني اليوم أعتذري لكن بأفعالج .. ولاتفتحين موضوع أمس ولا تبررين تصرفج وعصبيتج



موفقه يارب :eh_s(17):

 

[ضــمــاد]

جزاج الله خير على طرحج لهذا الموضوع
هالفترة امر بظروف وصحيتيني منها الله يجعله بميزان حسناتج

بعد قلبي .. عسى الله يهون عليج ظروفج ..

فعلا موضوع مميز من انسانه مميزة
ويستحق المتابعة للاستفادة

أشكرج نونو على هالكلام الحلو

الغموض فن الاغلبيه ماتتقنه
وبنفهم بطريقه غلط

لكن أنتوا بأذن الله راح تتقنونه ..

بس أهم شي تكون عندكم رغبه في اتقان الغموض

وترى الغموض بسيط وسهل .. لكن يبيله ممارسه عشان يصير طبع وعاده

والغموض يعني الصمت .. يعني قبل لاتقولين شي فكري باللي بتقولينه

هل اللي بتقولينه له داعي ؟

مثلا ً ..

- سويتي كيكه وماضبطت معاج .. او احترقة طبختج .. ماله داعي الزوج يعرف
لانه سالفه مثل هذي ماراح تضيف لرصيدج شي ايجابي ..


- رديتي من عزيمه او عرس .. لاتقولين شي .. ان سألج شلون العرس أو شلون العزيمه
قولي والله وناسه .. لاتقولين شفت فلانه و مسكينه ريلها ميننها ,, ولا فلانه معانات خدامتها انحاشت ووووالخ .. نهائيا ً لاتتكلمين عن الحريم .. لانه الريال .. ياخذ ظاهر كلامج ويبتدي يتخيل
ويمكن تكسر خاطره ويتعاطف معاها .. وكذالك اللي تسولف لزوجها عن الناس .. هذي لاتتوقع انه
زوجها بيفتح لها قلبه .. لانه ماراح يثق في لسانها .. فيظل ساكت معاها

​

 

[ناتشوو]

مرات الصمت يكون له نتيجة عكسية
اشلون؟
لما يكون الزوج من النوع اللي يقول كل شي لزوجته
ومرته ماتقول له شي
دايما يسمع الاخبار من الاخرين
حتى لو شغلات سخيفة
ملجة طلاق ،،الخ
بيقول ليش انا قرقة؟
ليش انا الرجل اللي معروف بالصمت انكلم
ومرتي ماتقول لي شي؟
ويمكن بعد تاخذه الافكار
يقول ماتحبني
ماتثق فيني،، الخ

رغم ذلك
انا افضل الصمت والكتمان

 

[Perfume]

انا زوجي مثل ما قالت ناتشوو
قرقة ويعطيني تقرير مفصل شنو سوى في الشغل
انا اتكلم معاه عن الامور بشكل عام
وشنو سويت واذا رحت زوارة شصار وشسوينا
بس ما اتطرق للخلافات في بيت اهلي
او السوالف اللي مالها معنى
ما يحب اكون ساكتة
او اذا سألني لازم يبيني ارد
مايحب اعطيه ابتسامة ماكرة لوووول

 

[ضــمــاد]

ليش انا الرجل اللي معروف بالصمت انكلم
ومرتي ماتقول لي شي؟

هذا تفكيرنا .. لانه المراه تعتبر الكلام والسوالف وسيله للتواصل


لكن الرجل غير ..


عنده ( التواصل الجسدي/ التواصل النظري/ التواصل المعنوي/ التواصل النفسي ) أهم من التواصل بالكلام


تحتاج المراه للي تتكلم معاه ,, و يحتاج الرجل لأمراه / زوجه هاديه قليلة الكلام

وتعرف تعبر بطريقه جذابه عن اللي تبيه بصوره مباشره بدون لف ودوران

عشان جذي .. أي استشاري /استشاريه مختصيين بالعلاقه الزوجيه

لما تشتكي الزوجه من صمت زوجها .. يسألونها عندج صديقات ؟

لانه السيناريو معروف ..

الزوجه تسولف وتسولف والزوج ساكت او ماسك موبايله يطقطق او يغير بالقنوات

وبعدين تقول الزوجه ليش ماتسولف ليش ماتتكلم ليش وليش وليش ؟

الزوجه بالذات تحتاج لصديقه قريبه منها او صديقه ترتاح لها عشان تسولف معاها عن

مواضيع عامه ومواضيع الاطفال والتربيه والبيت والدوام والفاشن والمولات الخ ..


وتبتعد عن الحديث عن الزوج

مع الزوج في اساليب ثانيه للتواصل غير الكلام

النظرات , العلاقة الجنسية، السوالف الودية القصيرة،

الرسائل العاطفية هالامور يفهمها أكثر من الكلام وتأثيرها اقوى من الكلام



تدرون شنو مشكلتنا .. ان نقيس الامور ونتصرف بأحتياجاتنا ..


وننسى انه المرأه مختلفه عن الرجل وكلن له أحتياجاته


فعشان أوصل لقلبه لازم أفكر بأحتياجه كـ رجل .. مو أحتياجي كـ مرأه

 

[ضــمــاد]

انا زوجي مثل ما قالت ناتشوو
قرقة ويعطيني تقرير مفصل شنو سوى في الشغل
انا اتكلم معاه عن الامور بشكل عام
وشنو سويت واذا رحت زوارة شصار وشسوينا
بس ما اتطرق للخلافات في بيت اهلي
او السوالف اللي مالها معنى
ما يحب اكون ساكتة
او اذا سألني لازم يبيني ارد
مايحب اعطيه ابتسامة ماكرة لوووول

ردي بس بدون تفاصيل

واذا تكلم عن الشغل .. وشنو سوا .. عطيه جرعة تشجيع او مدح



:eh_s(17)::eh_s(17)::eh_s(17):




بنات ترى مو معنى الكلام انه الزوجه تكون عالصامت


او تفهم الغموض على انه تسكت طول الوقت ..


لانه حتى اللي تسكت طول الوقت .. هذي راح يمل منها ويدور وحده يتكلم معاها


كل اللي عليج أنج قبل لاتتكلمين فكري : :eh_s(10):


- هل الموضوع اللي بتقولينه له داعي ولا ماله داعي

يعني في وايد حريم يتكلمون لمجرد الكلام ! وهذا غلط



- اذا له داعي .. قوليه بدون تفاصيل .. الا اذا طلب

وهذا الطريقه الصحيحه مع الرجل سواء مديرج زوجج ابوج الخ ..

.. اذا تبينه يسمعج .. عطيه الزبده أول .. و بعدين التفاصيل لو طلبها منج




واللي لها نيه تتدرب على الغموض احب اقول لها


الغموض مو بس مع الزوج .. الغموض يكون مع الكل



الغموض يضيف جاذبيه للشخص ..


* يعني احيانا نصادف ناس كلامهم قليل .. وله معنى

ودنا انهم يسولفون أكثر ويطولون بالسوالف

ودنا نسمعهم اكثر ودنا نعرفهم اكثر واكثر ..

رغم انهم ممكن يكونون من الأهل لانه غموضهم جذبنا لهم


* وفي ناس سوالفهم كلها تشكي يتشكون وعايشين بدائرة هم وحزن

يمكن فالبدايه نسمعهم ونهتم لكن مع الوقت يقل اهتمامنا فيهم ونمل من سوالفهم


* وفي ناس يعيشون دور الضحيه ماعندهم الا قال وقيل

ومديري بالدوام وام زوجي وحماتي واليهال والخدم بكل مره نشوفهم نفس الموال ينعاد



كثرة الكلام تقلل من هيبة الشخص وجاذبيته :eh_s(15):