تعالوا نشيك على( رصيدنا وحسابنا ) بسسسسرعه

[ضــمــاد]

أولا :



الحب الصادق × الحب الكاذب


شنو السر اللي يخلي الرجال يقعون ضحايا علاقات عاطفيه خطره ؟


شنو السر اللي يخلي الرجال يطيحون بعلاقات استنزافيه مع حريم يطمعون بفلوس الرجل ؟



بالمقابل : المرأه لا تقع ضحيه لنفس الامر !


شنو السر ياتُرى ؟


سبحان الله سبحان الخالق ..



المرأه تملك شي لايملكه الرجل


تملك ( الحدس / الحاسه السادسه / الاحساس بالشي)


وهالشي لايملكه الرجل


عشان جذي المرأه تميز بسهوله اذا كان الرجل يحبها حب صادق



او حب كلام وفخ لأهداف شينه مثلا ً علاقه جنسيه عابره او عشان فلوسها


او عشان شي ثاني




بالمقابل .. الرجل مايمتلك هذا الحدس / او مايمتلك هالحاسه السادسه


الرجل يكتفي باللي يشوفه ويصدق اللي يشوفه



فمثلا ً :


- المرأه اللي تبجي/تصيح .. على فراقه بالنسبه له تحبه , حتى لو كان بكاؤها :eh_s(2): لانها ماعندها أحد يدفع لها أجار الشقه اذا فارقها!


- المرأه اللي تقدم له الجنس بشهيه كبيره بالنسبه له تحبه , حتى لوكانت امرأه شبقه والرغبه الجنسيه عندها كبيره (مصابه بمرض السوداء مثلا ً )



- المراه اللي تقدم له فطور شهي , فيه مالذ وطاب من الاكلات تحبه , حتى لو كانت الخدامه اهي اللي مسويه هالفطور !



فالمقابل :



- المرأه اللي تصرخ بالتلفون وتقول ( وييييييييينك ) هذي تكرهه وتحسده وتحقد عليه !
رغم انها فالواقع ( مشتااااااااااااقه له ) وتبي يرجع ويقعد معاها لكن ماتعرف تعبر عن شوقها




- المرأه اللي تكرر كلمة احبك لكنها (ماتعبر)عن هالحب بالفراش هذي ماتحبه وتخدعه
جذي يشوفها لانها لو كانت تحبه راح تستمتع فيه وتخليه يستمتع فيها الخ ..




يعنـــي الرجل لايملك الحدس الذي تملكه المرأه + يصدق ظاهر الافعال ..



فـ ياترى شلون أفعالنا , تصرفاتنا , سلوكياتنا ؟ :eh_s(10):



أكيد تحتاج لـ فورمات




خلاصة هالفقره ..


1: الرجل يصدق ظاهر الافعال

2: الرجل لايمتلك القدره على قراءة ماخلف الفعل ​

 

[ضــمــاد]

ناتشوووو

زين متى الوحدة تعلم زوجها ع حبها ؟

ناتشووو .. سؤالج هذا يخليني أسأل



شنو الحب بالنسبه لج ؟

 

[ضــمــاد]

بنــات كل وحده تدخل تجاوب على هالسؤال :



كلمة ( الحب ) شنو تعني لج ؟


الحب شنو يعني لج ؟


شنو المشاعر اللي تبين تحصلين عليها من الحب ؟

 

[ناتشوو]

شوفي بالنسبة للفقرة اللي فيها
مقارنة بين الحب الصادق والزائف
مااقنعتني١٠٠٪
لان الطرفين ممكن ينخدعون

بس ممكن
نتوصل من الامثلة
الى ان الحب عند الرجل/ الزوج
افعال
وعند المرأة تحب الكلام قبل الافعال

 

[dandooosh]

انا بالنسبة لي الاهتمام والسؤوال والتضحية هذه الشغلات تبين لي ان يحبني

لان انا عن نفسي افتقد هالشي مع ان يطلعني بس بالبيت 24 ساعة مقابل يا الاب توب او مباراة على التلفزيون
مرة تحديته كان يلعب لعبة على الكمبيوتر قلت له اذا صج تحبني سكرها الحين واقعد معاي،، حسيته توهق واحتار بس بعدين اختار ان يكمل اللعبة وتركني ،، انصدددددددددددددمت ،، وبالمقابل مرة انا كنت قاعدة اتابع مسلسلي المفضل ومندمجة جان يتحداني نفس التحدي وسكرت التلفزيون على طول واثبت له ان هذه الشغلات تافهه واكيد بفضل القعدة معاه على التلفزيون او اي شي ثاني يشغلني

 

[خالتي قموش]

صح لسانج
مرات ابليس يوسوس فينا
مو مخلينا بحالنا
وهم في مرات مشاكل غيرنا تاثر فينا
الله يلعن ابلييس

 

[امـ خــزامـى]

ضماااااااااااااااد اتحفينا ونورينا وياليت نساعد بعض

بالنسبه لي من ردي الاول زوجي دايم يشتكي ان انت ماتحبيني ؟
وانا كل يوم اوضح له باهتمامي وشوقي ورمسجات حب وكلام حلوو

بس بعد انت ماتحبيني ؟؟؟ مادري وش الحب بنظره


اما الحب بنظري اهتمام واحترام

 

[ضــمــاد]

أم خزامى + دندوش ​

اتفقتوا على ان الحب بالنسبه لكم​

- اهتمام واحترام​

- سؤال وتضحيه​

سؤالي لكم : ​

1: شنو نوع الاهتمام اللي تقصدونه ؟ او شنو الأهتمام اللي تبونه ؟​

2: التضحيه .. عطيني مثال .. تمنيتي أنه ريلج يضحي فيه عشانج او عشان حبج ؟
وبالنسبه لـ هالموقف

مرة تحديته كان يلعب لعبة على الكمبيوتر قلت له اذا صج تحبني سكرها الحين واقعد معاي،، حسيته توهق واحتار بس بعدين اختار ان يكمل اللعبة وتركني ،، انصدددددددددددددمت

لو ترك اللعبه وقعد معاج .. هل راح تعتبرينه ضحى و بداج او قدمج على وناسته ؟​

3: السؤال .. شنو تقصدين فيه ؟ هل مثلا اذا طلعتي وتأخرتي يتصل يتطمن ؟
او اذا كنتي تعبانه يسألج شلون الحين ويطمن عليج ؟​

:eh_s(7):​

ناتشووو ...​

شوفي بالنسبة للفقرة اللي فيها

مقارنة بين الحب الصادق والزائف

مااقنعتني١٠٠٪
لان الطرفين ممكن ينخدعون​

انزين جم بـ % اقتنعتي فيها :eh_s(10):​

كلامج صحيح الاثنين ممكن ينخدعون .. راح نعرف متى ينخدعون​

بس صبرج علي .. بالفقره الثانيه او الثالثه ..​

خالتي قموووش × ناتشووو​

ماجاوبتوا ع السؤال :eh_s(4):​

الحب بالنسبه لكم شنو ؟​

هل أهتمام / تضحيه / أحترام / يفتح قلبه لكم / او شنوو ؟​

​

 

[ضــمــاد]

قاعده أدور الموضوع وصلت للصفحه الرابعه بالقسم


وقاعده اتحلطم .. قلت ماكو الا ادخل بروفايلي واشوفه



وأتفاجأ انه مثبت

:ggdw:


شكرا ً للتثبيت :eh_s(7):


ويارب الكل يستفيد من الموضوع

​

 

[ناتشوو]

ضماد
شوفي اتوقع تعريف
الحب عند الحريم
بيختلف
حسب السن
وحسب عدد سنين الزواج
كلما زادت عدد سنوات الزواج وكثرو العيال ومسؤولياتهم
تحتاج الى الافعال اكثر
واللي زوجها جاف بالكلام
تبي كلام حلو
واللي علاقتها مو طيبة باهل زوجها
وحمولتها من النوع اللي يشيشون او
عالاقل يحشون
بتحس ان الحب
ان يوقف بوجههم ويدافع عنها بغيابها
وحضورها
اللي اقصده
ماراح نلقى جواب واحد عند الحريم

 

[manoooram]

فعلا موضوع يستحق التثبيت

 

[mrs.abk]

مرحبا صبايا

مع اني داشة من البلاك بيري لكم اهمية الموضوع خلتني احط رد


بالنسبة لي زوجي هو اللي علمني هالمعلومة من غير ما يقصدونه كان متدخل لحل خلاف بين اختي وزوجها في ايام خطوبتنا ويومها فعد يكلم اختي عن ( العشم ) وهو الاسم اللي سمى فيه نظام التوفير هذا

قال ان الزوجين تخلق العشرة الطيبة بينهم عشم وهن باسم هالعشم ينتظرون غفران الزلات احيانا


يومها فهمت ان هالرصيد يتعبا نقطة نقطة يوم ورا يوم وموقف ورا موقف واحيانا تنحط فيه نقطة وحدة كل اسبوع بس لكنه يوم ينصرف ينسحب مرة وحدة

احيانا جهد سنين من المواقف الطيبة ينصرف بموقف واحب سيئ واحيانا موقف ينصرف بموقف


مثال بسيط

يوم



انا عروس من كمن شهر وايد الحج الماضي كان اول عيد لي مع زوجي لكن لظروف عائلية تخصه انا قعدت عند اهلي وهو قعد في بيت اهله والله يعلم كنت راضية ولا ضاربت ولا ناقشت لان كنت مقدرة الوضع وطول اسبوع العيد شفته بس صباح العيد ورابع يوم العيد لاني مرضت وياني المستشفى



مرت السالفة وانا ماعندي اي مشكلة بالقصة




هالاسبوع امي سافرت للعلاج بدون لا اطلب بروحه اقترح علي اروح اقعد عند اخواني الصغار وهالموضوع ما كنت متوقعتنه وكنت مترددة اطرح الفكرة اساسا




بس هو قال لي انا اقدر اللي يقدرني وانتي قدرتي ظروف اهلي مع انج عروس وايام عيد كيف ما اقدر ظروف اهلج وهن مسافرين للعلاج




هذا مثال العشم للرصيد اللي ندخر فيه مشاعرنا ونستند عليه في الظروف الخارجة عن ارادتنا او في اللي وغلط فيها بدون قصد



مثل ما قالت اختي ضماد العشرة الطيبة والمحبة ومعاملة الحمولة بالحسنى والكلام الطيب يبعيد عن المن والغيبة واحترام رجولة الريال تصنع *الفرق بالرصيد

 

[امـ خــزامـى]

1: شنو نوع الاهتمام اللي تقصدونه ؟ او شنو الأهتمام اللي تبونه ؟

الاهتمام اللي ابيه واقصده
يسمعني ويحاول على الاقل يفهمني
ويهتم بحياتنا الزوجيه ويطورها للاحسن
يفكر كيف يرتقي فيها
ويخفف من اخطاءه
لان بصراحه تعبببببببت انا شايله كل شي على راسي
تدرون عاد اتمنى مره بس مره يقولي انت مقصره بحقي
ليش ماتسوين او ليش ماتهتمين لي او هالتصرف ماعجبني
يحسسني انه مهتم ومركز معي ويعاتبني

طفشت من نفسي دايم اطلب واقترح واسوي اشياء تكسر روتينا
انا اهاوش انا انتقد انا اعاتب انا ابادر انا انا انا

​

 

[Perfume]

ام خزامى
انا مثلج اتمنى منه المبادرة
اشياء وااااااااااايد تصير اتمنى يبادر فيها
لازم انا ابدا واقترح

 

[Perfume]

الحب بالنسبة لي التقدير والاهتمام بالطرف الآخر وحتى بأدق الامور
التضحية والتنازل من الطرفين
المبادرة من وقت للثاني بحركة لطيفة او اقتراح جميل
التعبير عن الحب والامتنان من وقت للثاني بكلمة طيبة او هدية
المشاعر اتوقع الكل يبي مشاعر الحب الصادق والاحترام

 

[ضــمــاد]

ناتشووو

اللي زوجها جاف بالكلام تبي كلام حلو

مو ضروري يكون الكلام الحلو دليل على الحب
في أزواج كناري , يغردون , بالكلام الحلو وبالنهايه يخونون
هذا مثال ما اعمم
وفي ازواج ممكن يكونون جافين بالكلام الحلو
لكن يحبوووون حريمهم

أختصرها لكم .. اذا بتعرفون الريال .. شوفوا أبوه شلون يعامل أمه
شوفوا بيئته .. البيئه الجافه اللي مايدور عندم الكلام الحلو
الناتج من هالبيئه :
( بنتهم لما تتزوج ماتعرف تعطي زوجها لسان حلو او ريج حلو لانها ما تعودت على هالشي )
فما بالج بالرجل ! لا والرجل الشرقي بعد !
فممكن الزوج يحب زوجته لكن مايعرف يعبر لها بالكلام .. فالتعبير بالكلام مو دايما مقياس للحب !



ناتشووو

أتمنى تكونين معاي عالخط لما ينتهي الموضوع..
مداخلاتج تسعدني وتضيف لي وتثري الموضوع



:eh_s(17):



manoooram


من ذوووقج :eh_s(7):




:eh_s(17):




mrs.abk

ياهلا فيج يالغاليـه الله يهنيج ياقلبي

هذا مثال العشم للرصيد اللي ندخر فيه مشاعرنا ونستند عليه في الظروف الخارجة عن ارادتنا او في اللي وغلط فيها بدون قصد

عيل لاتخلين .. فيدينا .. امانتا ً استانست على كلامج ..



:eh_s(17):


أم خـــزامـى

طفشت من نفسي دايم اطلب واقترح واسوي اشياء تكسر روتينا
انا اهاوش انا انتقد انا اعاتب انا ابادر انا انا انا

سلامتج من التعب .. أنتي بس خلج ريلاكس
وتابعينا وبأذن الله تتطور علاقتكم للأحسن والأفضــل



:eh_s(17):


Perfúme


أغلبكم ذكرتوا الأهتمام واغلب اذا مو كل الزوجات يقولون الأهتمام
وحتى انا أيام الدوره قلت مثلكم الأهتمام ..
بس الأهتمام مو مشاعر ..




البارت القادم قيد الانشاء خلكم بالقرب




b r b​

 

[ضــمــاد]

ثــــــــانيــــــــــــــــــــــاً



ليش نحتاج للحب ؟

لانه الانسان بدون حب يموت .. الحب شي وجداني .. وكلمة وجداني مشتقه من الوجود

وعكس الوجود العدم .. وكل شي وجداني أساسي لبقاء الانسان بحاله طبيعيه وأساسي

لتكوينه النفسي

والأنسان اللي يفتقر للحب يكون معرض لأمراض نفسيه وجسديه

مثل الصداع / الزكام / الاكتئاب .. هالامور تصيب ا للأنسان اللي يتعرض للمقاطعه

مع الأشخاص اللي يحبهم او فقدان شخص يحبه ..

الحــب طاقه, تصلب طول الانسان بالحياة ..



:eh_s(21)::eh_s(21)::eh_s(21):


ومن وين نحصل على الحب ؟


الحب موجود دايما وفي كل مكان حولنا .. لكن مانقدر نحصل على الحب

اذا ما ( ترجمناه ) بصوره صحيحه .. هالشي ضروري نفهمه عدل

( الحب موجود لكن يحتاج لمترجم ) .. لسبب .. وهو انه الحب يأتي

بأشكال متعدده و أوضاع مختلفه و طرق ملتويه أحيانا


مثال : الشخص اللي يحبج حب صادق ..
يمكن ينصحج نصيحه تزعجج .. فتعتقدين انه هالشخص يكرهج

والشخص اللي يكرهج يمكن يشجعج على خطأ أنتي مقدمه عليه
ويجرج الى هالخطأ فتعتقدين انه يحبج ويحب لج الخير !


فـ لازم نعرف انه للحب لغات مختلفه ووسائل تعبيريه متعدده


مثال 2 :


ساره ربة بيت :

تعتقد انها وحيده وانه زوجها مشغول طول اليوم عنها ومايحس ففيها

وتعتقد انه ( أم وأبو زوجها) يتضايقون من ازعاج أطفالها اللي اهم عيال ولدهم وأحفادهم

كذالك قللت زيارتها لبيت أهلها لانها تعتقد انه ( أمها وأبوها ) مايعطونها أهتمام مثل خواتها

ساره .. عندها 4 أطفال .. مزعجين , أهي تنظف وأهم يحذفون , يشخبطون على البيبان

تشتري لهم الألعاب تبي تونسهم بالمقابل يكسرون بهالالعاب ولا يحافظون عليها

تحس ساره انه محد يحبها ومحد يحس فيها



ساره ببساطه مو قادره تقرا لغات الحب من حولها :

- على سبيل المثال .. ساره متأكده مليون % انه عيالها يحبونها ومالهم غنى عنها

لانه كل الاطفال يحبون امهاتهم .. لكن مايعرفون يعبرون عن حبهم بالشكل الصحيح

لانهم يقلدون امهاتهم بالسلوكيات ,, لو ساره بدت تبوس / تقبل أطفالها وتضمهم

جان ببساطه قدرت تقرا حبهم ..


- بالنسبه لأمها وأبوها .. يحبونها ,, مهما كانوا يحبون خواتها ,, فهم بعد يحبونها

ولو قررت أنها تعبر عن حبها لهم ( لأستطاعت ببساطه ان تلمس حبهم لها )


- بالنسبه لزوج .. فهو يشقى ويتعب عشان يوفر لها حياة كريمه فهذي تعتبر من والوسائل التعبيريه للحب .. ولو فكرة شوي ( لـ وجدت انه يعبر عن حبه وتقديره بلغته الخاصه )


:33_1185028183:


بعــــــــــــض رموز الحب :


الطفل لما يصيح / يبكي ,, بصوت عالي ويتقلب عالارض كل ما كنتي مشغوله
الطفل يحبج ويبي منج بعض العنايه و الاهتمام أو عالاقل ( بوسه وضمه )


الزوج اللي يكشر ويصد عن زوجته ان شاف زوجته تبي تطلع و حاطه ميك آب او اكسسواراتها وايد .. هذا يحبها ويغار عليها ويحاول يوصل لها رسالته بهالطريقه


أمج اللي تعصب عليج بشكل مبالغ فيه أحيانا , وتلومج وتحسسج بتأنيب الضمير احيانا ,, او تقارنج بفلانه وعلانه .. تحبج وتخاف عليج لكن ماتعرف وسيله افضل للتعبير عن حبها لج


أبوج .. اللي يصر على رجعتج لبيت زوجج الخاين او البخيل او العصبي او القاسي
يحبج ويخاف عليج من لقب مطلقه اللي يعتقد انه أشد قسوه عليج



اذا كانت هذي اللغات اللي يعبر فيها اغلب اللي حولج عن حبهم لج ..

فمن الطبيعي انج تحسين بالوحده والغربه رغم تواجدهم لانج ماتفهمين لغتهم ,,

وحتى انتي تعبرين وتفهمين عن حبج بلغه ( مطلسمه ) نفسهم


:bbbiu:



- تصرخين على ولدج بأعلا صوتج ويمكن تمدين ايدج عليه او تحسسينه بالاستنقاص
وتبدين مقارنه بينه وبين مثلا عيال خواله او عمامه لما تكتشفين انه راسب رغم انج تحبينه


- لما تحرمين زوجج من السفر مع اصدقائه لدوله سمعتي انه تكثر خرابيط الشباب فيها
تحرمينه وأنتي تحبينه وتتجنبين خسارته


- تقللين زياراتج لبيت أهلج لانج تدرين انه ابوج مثلا ينزعج من صيحة ولوية عيالج



:nbvppw:


اذا .. الحب موجود لكن يتقنع احيانا بقناع القسوه واحيانا بقناع الجديه واحيانا الكره !



فـ ضروري ان نفهم الحب ونميز بينه وبين المشاعر الثانيـه

:eh_s(21)::eh_s(21)::eh_s(21):



في هالموضوع .. راح نتعلم الحب مع الزوج فقط ..


يعني مابي أشوف سيره لأهل الزوج , أهل الزوجه , الشغل , الأبناء , المشاكل مع الزوج


أنتي و الحب و زوجج وبس



:eh_s(21)::eh_s(21)::eh_s(21):



​

 

[ضــمــاد]

نقاط مهمه



- الحب لا يحتاج لتضحيه من الزوجه بل يحتاج لأن تتعلم فن الاغواء واثارة الاعجاب من جديد



- الزوجه الذكيه لاتقاتل من أجل الحب , بل تزرعه في فناء المنزل كشجرة بلوط كبيره لاتهزها ريح



- الزوجه الذكيه لاتقاتل لأجل الحب بل تهتم بذاتها حتى تصبح شمس حب دائمة الأشراق
لايحتمل زوجها الفراق




- الحب يأتي تلقائيا ً ولا يأتي بالغصب .. بل بهدوء ورويه , فكلما فكرتي بأن تستعيدي حبه
كلما رحل بعيدا ً وكلما فكرتي في أن تكوني محبوبه كلما حلق حولك كنحله تستجدي العسل



- كثير ما تعتقد النساء ان التضحيه هي الطريق الى الحب الابدي لكن الواقع اثبت العكس
فالتضحيه ليست دائما ً طريق آمن وقد تكون أقصــــر الطرق لفشل الزواج والحب


- التضحيه أمر جيد ولكن بضوابط وقوانين فبعض التضحيات تقودنا لفقدان الهيبه
والتقدير في قلوب الاخرين




مما دونته في مذكرتي من أحد دورات
الاستاذه ناعمه الهاشمي ..

نصيـحه : مني لكم , خصصوا لكم نوته او دفتر , وأي شي تحسون انه مهم حتى لو أنكم عارفينه من قبل , سجلوه بالدفتر , أي فكره تعجبكم سواء لنفسج او لزوجج او لعيالج او لبيتج وترتيبه او أي شي سجلوه .. لانه هاللي بتسجلونه راح أيي يوم وتستفيدون منه وتحتاجونه وراح يدعمكم

 

[ناتشوو]

سبحان الله
في مثال
عن وسائل التعبير عن الحب
اللي ممكن تنفهم بشكل خاطئ
لقيت نفسي
ابتسم غصبن عني
فعلا من تصرفات زوجي

مع اني مؤمنه
ان كثير من سلوكياتنا
لها اكثر من تفسير
يعني فعل واحد وله اسباب كثيرة لفعله تختلف
من فاعل لي اخر



عطيني مثال
عن الافكار اللي ندونها

 

[ضــمــاد]

عطيني مثال
عن الافكار اللي ندونها

الافكار بأذن الله راح تكون بالبارتات القادمه
فـ جهزوا النوته والقلم لانه راح تحتاجون تسجلون اسماء
بعض العطور الخاصه و الكريمات وشي من هالقبيل *.^

واذا هي تشوفه او تعتقد انه يحبها ؟

أشقصدج بتعتقد انه يحبها ؟ يعني يحبها بس مايعبر ؟
عموما ً .. بعد فتره من الزواج .. الحب يكون موجود وواثق من نفسه أكثر
وكل واثق من نفسه مايعلن عن نفسه طول الوقت *.^

يسمعني ويحاول على الاقل يفهمني
ويهتم بحياتنا الزوجيه ويطورها للاحسن
يفكر كيف يرتقي فيها
ويخفف من اخطاءه
لان بصراحه تعبببببببت انا شايله كل شي على راسي
تدرون عاد اتمنى مره بس مره يقولي انت مقصره بحقي
ليش ماتسوين او ليش ماتهتمين لي او هالتصرف ماعجبني
يحسسني انه مهتم ومركز معي ويعاتبني

تقصدين المشاركه ؟

وأنه يفهم أحتياجاتج ؟

هل هالأمور اذا سواها الزوج لزوجته دليل على حبه ؟

أغلب الأزواج يحبون زوجاتهم الأمر يتوقف عند ( شخصية ) الزوج وتعبيره

الزوج المحب ..

يحب لكن مايعرف شلون يعبر عن عن حبه
أو يحب لكن أسلوبه بالتعبير مختلف
او يحب لكن مايعرف مسؤولية الحب


والأخيره ( يحب لكن مايعرف مسؤولية الحب ) أهي المنتشره أو ( الشائعه )

فالغالب تشوفين الزوج يحب زوجته لكن مايهتم لأحتياجاتها

لانه سبق وحب أمه اللي أهتمت بكل أحتياجاته وسهرت عشانه

وقدمت كل التسهيلات لحياته عطت وبذلت ووووو سوت كل هالاشياء

بدون لا تطلب منه يتحمل مسؤولية الحب اللي تقدمه له

وبدون لا تطلب مقابل مثل الاهتمام لأحتياجاتها

كذالك الزوج يمكن بحياته ماعبر لأخوانه أو امه وابوه عن حبه

لكن يعرف انهم يحبونه ومتأكد أنه يحبهم

فلما يتزوج .. يشوف الزوجه تعطي وتعطي وتعطي وتهتم

ويمكن تضحي .. اهو يدري انها تحبه لانها قاعده تعطي وتهتم وووو

فـ أحيانا من كثر العطاء .. توصل الزوجه لمرحله تقووول هذا مايحبني

أنا قاعده اتعب واهتم وشايلته وشايله عياله .. واهو ولا معبرني ولا يحس فيني

مشكلة الزوجه لما تشيل كل شي على راسها .. انها تاخذ دور الزوج بالبيت

وبعدين تتشكى !

مثل ما الزوجه تحب المشاركه .. الزوج كذالك يحب زوجته تشاركه ولكــــــــــــــــــــــــن
المشاركه اللي ( ترجع عليه بالفايده )

يعني مو مشكله انه يهتم معاج بالتربيه (من وقت لـ وقت ) وبعد ما يشاركج ,

يرجع لدور البطوله

عرفتي قصدي

يعني يكون محور الحب والاهتمام

فإذا ماشاركتيه أنشطته الخاصه , راح ينعطف بعيد , يدور عن مسرح .. غير مسرحج

اللي مايقدر يمارس فيه دور البطوله .. لأنج أنتي اللي شلتي كل شي على قلبج

وأنتي اللي خذيتي دور البطوله منه

وخليتي زوجج كومبارس او ممثل ثانوي .. تعال نربي لعيال , تعال نهتم فيهم , تعال نخليهم مميزين

فيشاركج أحيانا .. وبعدين يفكر ويقول : وبعدين شنو بقى لي أنا وحياتي ؟!!!

مكتوب علي احيا واموت عشان اليهال !!! وأنا توني بعز شبابي ونشاطي وحيويتي !!

لكن الزوجه جُبلة على التضحيه .. فـ ماتستوعب هالشي ..

وهذا مو معناه ان الرجل مهمل

الزوج مايقصد انه يهمل عياله لكن بالمقابل مايدفن نفسه عشانهم

من حقه انه يعيش حياته .. وعياله بعدين بيكبرون ويصيرون رياييل ويعيشون حياتهم

وبناته بيصيرون حريم ويعيشون حياتهم

ويهتم بحياتنا الزوجيه ويطورها للاحسن
يفكر كيف يرتقي فيها
ويخفف من اخطاءه

الكلام المباشر معاه ما يفيد


حطي في بالج .. تصرفات الزوج تنبع من

1: شخصيته + قناعات + موروثاته + تربيته ( وهذي غالبا )

2: موقف الزوجه

3: رايه في العلاقه الزوجيه

اذا نجحت المرأه في تغيير أفكار الزوج عن الزوجه والزواج

اذا نجحت المرأه في تطوير مشاعره اتجاهها واتجاه علاقتهم

أن قدرت الزوجه توصل لمعتقدات الزوج وتعيد تنظيمها

وقتها تقدر توصل للي تبيه وأكثر



وهذا الهدف من الموضوع

اذا نجحت المرأه في تطوير مشاعره اتجاهها واتجاه علاقتهم

وأي تعليق او استفسار لايردج الا كيبوردج

​