تعالوا نشيك على( رصيدنا وحسابنا ) بسسسسرعه

[ضــمــاد]

السلام عليكم


خواتي وحبيباتي ..


أكيد كلنا عندنا حساب فالبنك .. لكن نختلف بطريقة ادارتنا لحساباتنا .. مثلا ً ..



1: في وحده تفتح لها حساب توفير .. وكل شهر يدخل بحساب التوفير مبلغ معين ومع الوقت تستثمر المبلغ
وهالاستثمار يدر عليها ارباح وخير


2: في وحده تفتح حساب للتوفير .. لكن ماتعرف تمسك ايدها عن الكماليات
وان شافة شي يعجبها راحت تسحب من هالحساب .. هذي سحبها الدايم , بـ يقطها على صخر !



3: في وحده ماتعرف من التوفير غير اسمه .. اهي بوادي والتوفير بوادي !




و في حياتنا الزوجيه .. كل وحده فينا عندها حساب ورصيد مع زوجها


لكن .. هل قاعدين ( نودع ) في رصيدنا ونستثمر مع الزوج ؟

او كل شوي نسحب من رصيدنا ؟


و عالرايحه والراده قاعدين نتحلطم ونقول لأزواجنا


أنا سويت , أنا ضحيت , أنا صبرت , أنا وأنا وأنا


المن ..


لما الوحده تمن على زوجها .. اهي بكل بساطه قاعده تفسد رصيدها


لما تقولين أنا وأنا وأنا .. يمكن يكرهج قبل لايشوف أنتي شنو سويتي


لانج قعدتي تتكلمين وتمنين وماعطيتيه مجال يشوف بنفسه اللي سويتيه



فأحنا محتاجين نراجع حساباتنا .. وهل صرفنا أكثر من توفيرنا أو العكس ؟


هل رصيدنا فيه شي او مصفر !!



الحـيــــــــــــــــــــن


شلون يزيد رصيدنا مع الزوج :


1: الحنان – اللمسات – حسن المعامله – التقدير – المعاشره الحميميه – الحوار والمشاركه – المؤازره


الابتسامه – النظرات – الكلمه الطيبه – الهدايا – الثناء – التقدير التقدير التقدير – الشكر - المجامله في بعض الامور



مثال ً :




أحمد .. شاف نفنوف عجبه وحب يشتريه لزوجته .. فـ لما عطا زوجته نور النفنوف


نور : وي قصة النفنوف ماتناسب جسمي !

أو

نور : لو عطيتني قيمته جان شريت على ذوقي واللي يناسبني !

أو

نور : ممم حلو بس هـ لستايل قديم


للأسف التعليق السلبي مايشجع الزوج على العطاء


للأسف بعض الحريم مبدعين بمجاملة الصديقات والاهل


لكن مايعرفون يجاملون أزواجهم .. مع انه الزوج اولى بالمجامله


للأسف الأسلوب الخاطئ يخفس بالرصيد ..


ويخلي الزوج ما يفكر يشتري شي بالمستقبل لزوجته



2: التركيز على حسنات وايجابيات الزوج..


سبحان الله .. احنا نركز ع الامور اللي ماتعجبنا .. وهالشي يأثر بنفسيتنا ويأثر بطريقة تعاملنا


فـ الصح انه نركز على ايجابيات وحسنات الزوج



3: تقديره و معرفة طريقة حبه


مثال :


نور : أحس انك ماتحبني مثل اول


أحمد : ليش تقولين جذي ؟ بالعكس


نور : لأنك ماتقولي أحبج مثل اول زواجنا


أحمد : نور .. أنا مو قاعد اقصر معاج ... وقاعد احترمج .. وأقدرج وطلباتج اغلبها مجابه


نور : أي .. بس انت ماتقولي كلام حلو نفس اول ولاحتى تعبر لي عن حبك !


أحمد : واللي أسويه عشانج شنو ؟ أنتي ماتقدرين يانور !



نلاحظ : أنه نور تعتبر الحب اهو الكلام المعسول .. حالها حال أي زوجه


تحتاج انها تحس انها مرغوبه ومحبوبه وزوجها يغرقها بكلمات الحب


وهذي طبيعة المرأه انها عاطفيه ربي خلقها جذي عشان تأدي واجب الامومه بأكمل صوره


بالمقابل ..

الرجل يعبر عن حبه بطريقه عمليه .. انه يلبي طلبات الزوجه .. ويحاول مايخلي عليها قاصر


وهذي طبيعة الرجل .. الرجل يعتبر نفسه مسؤول عن عايلته , عن حماية اسرته , عن الامان وتوفير مايلزمهم ماديا .. وبالنسبه للرجل يعتبر هالشي ( أكبـــــــــــــــر تعبير ودليل على حبه )
لانه الرجل يعبر عن حبه ( بالفعل والعطاء )



وكل اللي يحتاجه بالمقابل التقدير والثناء





أترك المايك لكـــم



كل وحده تتحفنا بفكره وطريقه ممكن انها تزيد وتضاعف رصيدنا



بأذن الله الموضوع راح يكون متجدد وبين فتره والثانيه بضيف له




أنطلقووووووووووو



:d​

 

[بكيزة هانم]

upup

 

[ضــمــاد]

8
8


الله يرفع قدرج


جاااااااااااري انتظاركم

 

[((غلاي))]

مشكووووووووووووووووره:eh_s(17):

 

[Um Tuki]

وايد حلوالموضوع

كل الحريم جذي
دخلي على مواضيع هالقسم بتشوفين كل الحريم يتشكون من رياييلهم و يمكن رياييلهم وايد زينين بس الحريم دايم يشوفون الشي المو زين و يجلبون فيه
حتى انا خخخخخخخ
مع ان بيني و بين نفسي ادري ان ريلي يمووووووت فيني و مو مقصر معاي و ان كل انسان فيه عيوب و يمكن عيوبي اكثر من عيوبه بس ما يتكلم مو نفسنا احنا الحريم
دايم لوكلوكلوكلوكلوك مانعرف نسد حلجنا شوي خخخخخخخ
نتصيد الغغلط على الريال المسكين
و كلنا نشوف الحب بالكلام قبل الفعل لان احنا جذي
عكسهم
فلازم الريال بعد يراعي هالشي مثل ما الحريم لازم يراعون نقطة ان الريال فعل مو قوووول

الله يسخر لكم رياييلكم


&

انا من تزوجت تغيرت وايد يعني قبل عند ابوي كنت مدللة وايد و كل طلباتي مجابة
طبعا ابوي ميزانيته تختلف عن زوجي
زوجي على قدة
انا اشتغل بس راتبي و راتب ظوجي واحدمافي فرق
بس مرة سمعت ريلي يتكلم مع رفيجة و كان يقول له انا زوجتي تراعيني وايد
حتى اني بديت انحرج لما اشوفها ماتاخذ اللي بخاطرها عشان مايقصرنا شي بالظروريات

استانست لما حسيت هالشي يبين بعينه

عمري ما عايرته بشي

بس دايم امن عليه خخخخخخخ

انا ماطلع منحبسة معاك ومع ولدك انت تطلع تستانس و انا انحكر
انا يدي تشوهت بسبتك ( لاني مرة كنت متهاوشة معاه ايام الخطوبة و سويت حادث بليغ وايد و يدي تشوهت )
دايم اقول له بسبتك دعمت خخخخخخ احسسه بالذنب

بس بيني و بين نفسي ادري كل شي ربي كاتبه لنا


سوري طولت عليكم

 

[Perfume]

مشكورة حبيبتي الموضوع رااائع
انا امن عليه احياناً واهوا نفس الشي بس بدون قصد ونتدارك الموضوع
مثل ماقلتي مهم التعبير عن الشكر والامتنان والحب
انا اعبر عن حبي بس مو بشكل دائم وزوجي دايم يقولي : حبج لي مو باين
عشان جذي احاول ابين له بالكلام الحلو والتقدير والشكر
مثل عبارات الله لا يحرمني منك ، تسلم الله يخليك حتى لو كان شي بسيط عشان يحفزه انه يعطيج اكثر

 

[بنك بااستا]

خوووش موضووع مشكوره

 

[ضــمــاد]

Um Tuki

حمدلله على السلامه وخطاج السوو
اييييه احنا مشكلتنا هاللسان .. لكن ماعليه ان شاء الله
بهالموضوع بـ نريح لسانا وبشتغل على امور ثانيه مفعولها اقوى من الكلام



Perfume


صح صح صح طريقتج .. انا لما اسويها اشوف ردت فعل تعجبني




غـــلاي × بنك باستا



وكل البنات يسمو عالمرور


وأبي الكل يشارك عشان كلنا نستفيد من بعض

 

[mira]

صحيح احنا نشووف عيوب الزوج اكثر ونتكلم لكن الرجال مايعبرون عن شيء ابداً ولاهو بعاجبنا !! ههههههههههه

الحين افكر بنفسي فيه مية شغله يقدر زوجي يعاتبني عليها لكن مايقول شيء ولاتهمه الامور هذي !!
اكتشفت انو احنا إللي مايعجبنا شيء وكلااامنا وتشكينا اكثر
نفسي اشوف بيوم منتدى وقاعدين الرجال مسوين قسم وكل مواضيعهم مثلنا زوجتي ماتحبني مثل قبل اوو عطوني فكره استقبل فيها زوجتي اذا جت من عند اهلها !! بس احنا اللي مضيعين حياتنا بالتفكير فيه وهو ولاداري بشي

موضوووع روعــه

 

[قنــــــــــوت]

ابدااااع ومبلحظات دقيقه ... واخطاء تصير يوميا وماندري انها خطا .... وخسارة رصيد ....



....


...


متابعه ....

 

[فدوووش]

يعطيك العافيه

مشكلتنا يالحريم اللسان بس شلون نمسكه

 

[احلا المزايين]

ضماد الموضوع روعةوايد حريم عندهم غفله من هالناحية
علاسبيل المثال ريلي يابلي جنطة
طرت فيها حيل وحيل شكرته هاذا بالكلام
الجنطة ماقطيتها لي شهر كل يوم البسها بالدوام
بيني وبينج اهي ذربه وعمليه هاذا السبب الاساسي
عاد ذاك اليوم سألني انتي معلقه علا هالجنطة
قلت يبعد عمري هاذا احلا جنطة كافي انها منك والله مالبس غيرها
خخخخخخخ استغليت الموقف عاد الريال استااانس

 

[ناتشوو]

متأكدة كل وحدة فينا
مرات تتصرف بغاية الحكمة
ومرات في غاية ،،، الغباء
( مالقيت كلمة اخرى)
وهم الوحدة من كثرماتسمع تخاف تضحي بشي
مهم
وماتلقى التقدير
بس بشكل عام
احس الرجل يبين بعينه اكثر من الزوجة
اللي بطبعها تتمنن حتى بواجباتها
واي شي يسويه الزوج نقول
هذا واجبك
عالعموم
انا احس الطرفين بحاجة للتقدير من الطرف الاخر
خلاف
العبارة الشائعه
بان المرة تبي كلمات الحب اكثر من التقدير
يكملون بعض الحب والتقدير

متابعتكم
صايرة احب المواضيع السلمية
لتطوير العلاقة
واحب اقراها
تهديني
وتخليني
اتصرف بحكمة وهدوء

 

[ليان ليون]

شكرا لك نورتي بصيرتي ع اغلاطي احيانا الواحدة منا محتاجة بين فترة واخرى حد يذكرها ب اغلاطها

 

[*مطبخ الذواقة*]

شنسوي هذا حال الحريم ....


سبحان الله أكثر شب نركز عليه في الزوج هو النقاط السلبية
لو كل وحده تمسك ورقه وتسجل ايجابيات زوجها بتكون أفضل من انها تكتب السلبيات ...




والله يوفقكم ...



مشكورة اختي على الموضوع القيم ...

 

[امـ خــزامـى]

موضوع جميييييييييييييييييييييييل والاجمل منه ضماد

انا حاليا جالسه ازيد من رصيدي بالمدح
وجالسه احاول ارفع من معنويات زوجي وثقته بنفسه
تقريبا كل يوم او يومين اقوله ان الحمدالله انت مو مثل زوج فلانه لانك صديقي وحبيبي مو بس زوجي
ياحلوك دايم احب اخذ رأيك وتعجبني لانك فاهم بكل شي
ومره اقوله الحمدالله ماتلاحظ ان علاقتنا كل سنه احسن من اللي قبلها يارب تتم علينا ويخليك لي


كل يوم اغير بلاسلوب بس اهم شي امدددددددددددددحه واوضح اعجابي فيه وانه احسن زوج
واني سعيده معاه

واتبعت هالاسلوب لان اول كثير اركز على عيوبه واعاتبه واقول انت مقصر معي ليش ماتسوي وليش وليش
حسيت ان هالاسلوب تعب نفسيته قبل نفسيتي خصوصا ان زوجي حسااااااااااااااااااااااااس

وخلاص قلت استوب وجلست معه جلسه هاديه وتكلمت معه بس عنه يعني سألته يمكن مليون سؤال وش يحب ويتمنى ويفضل ’’’’’’’’’الخ

واتضح لي انه يهمممممممممه الكلام الحلو والاعجاب فيه واميزه عن الناس وامدحه


والحمدالله بديت وشفت انه راااااق وحسيته مرتاح ونفسيته حلوه
لدرجه يقول اني رحت احلق والحلاق قال وجهك مشرق وقلت له ايه مرتاح نفسيا

انا طرت من الفرحه وانبسطت بس سويت نفسي عادي وقلت الله يديمها عليك راحه يمكن عشانك صرت تنام زين
قال لا مو عشان كذا وسككككككككت


يارب تتم علي واواصل ومااتكاسل ويتحقق اللي ببالي

واهم شي يزيد رصيدي ههههههه


مشكوره حبيبتي ومتابعتك

 

[نيسان مورانو]

وايد حلو يعطيكي العافية

 

[manoooram]

كلام جميل وعطر صراحه
الله يجزاج ألف خير على الموضوع

 

[ضــمــاد]

بــــــــــــآك


:eh_s(17):




فالبدايه .. وقبل كل شي .. أحب أذكر نفسي وأذكركم بنقطتين حيــــل وجدا مهمين :


1:
كل شي تسوينه وتتعلمينه سواءً لج أو لزوجج او لبيتج او لعيالج
أحتسبي فيــه الاجـر
عن حصين بن محصن عن عمته
قالت : أتيت رسول الله (صل الله عليه وسلم)
فقال : ((أذات زوج أنتِ؟))
قلت : نعم
قال : ((فأين أنتِ منه ؟)),
قالت ما آلوه إلا ما عجزت عنه
قال : ((فكيف أنت له فإنه جنتك ونارك ))
جنة أو نار ... شقاء أو نعيم ..
سبحان الله لو كل زوجه تستشعر هالحديث جان / كان خافة على نفسها
وجان / كان .. هان عليها جفا الزوج وتصرفاته وتقصيره
والأهم ماراح تتحسرعلى اللي سوته لزوجها لو جحدها
لانه كل شي سوته كانت محتسبه الاجر .. فلو الزوج نسى ونكر المعروف
ربي ماراح ينسى .. يعني تعبج ماراح يروح هبائاً منثورا ً
فـ لاتنسون أحتساب الاجر




2:
قليل منا اللي تفكر شلون تخلي زوجها يحبها
اغلب الأزواج حصلوا على حب زوجاتهم بكل سهوله وبساطه وبدون تعب
والزوجات قدموا الحب على طبق من ذهب
يعني الزوج ماتعب شوي عشان يحصل حب زوجته .. بعكس الزوجه اللي
تسوي المستحيل عشان بس يحبها وبالنهايه يا يخون او مقصر او او او الخ
بهالموضوع .. راح نشتغل على هالنقطه ..
يعني بدال ما نقدم حبنا على طبق من ذهب وبكل سهوله
وبدون لايتعب الزوج بالحصول على حب زوجته
راح نكسر القاعده
ونتعلم فنون الحب .. شلون أخلي زوجي يحبني .. شلون أقدر أأثر عليه
وعلى حواسه كلهم وأحببه فيني ..



:eh_s(17):
​

 

[ناتشوو]

يالله
يا ضماد
علمني فنون الحب
شرقني وغربني
معك يا زين دوخات الهوى
وياحلو مشواره!!!
لحظة لحظة من اين هذه الاغنية ؟؟؟
واظن نص الكلمات بدلية

زين متى الوحدة تعلم زوجها ع حبها ؟
واذا هي تشوفه او تعتقد انه يحبها ؟
او السالفة تجديد و اطمئنان؟
طمنينا ياضماااد