تذكرون العابنا قبل؟ انا ناسيه تعالو ذكروني :))

[تفاخيه مبطوطه]

اي والله ياجرح صدقتـــــــي .. بس جنه 10 سنين شويه ! خليهم 15 احلى.. واخف هههههههه

هاه بنات ماتذكرون العاب بعد؟

شوفو انا عندي لعبه بالجنجفه ( لغير الناطقين بالكويتيه اقصد الكوتشينه) نسميها (كنت)

اللعبه عباره عن اربع لاعبات كل ثنتين يكونون فريق
لازم كل فريق يتفق على حركه بينهم <-- راح اقول شحقه لاحقاً
المهم وكل وحده تقعد تجابلها البنت اللي معاها بالفريق مالها

يعني يصير شكلهم جذي
X
0 0
X

وتتوزع على اللاعبات اربع اوراق وينقط بالوسط اربع .. كل وحده من البنات لازم تيمع نوع واحد من الأوراق مثلاً رقم 7 .. اذا لقته بين الأوراق اللي مقطوطه بالوسط تاخذه وتقط بداله ورقه ماتبيها .. والأوراق اللي بالوسط تتغير اذا خلصو منهم اللاعبات .. الحين اذا اللاعبه اللي كانت تيمع رقم 7 يمعت كل الأوراق ملوت رقم 7 تسوي الحركه حق رفيجتها اللي جدامها ولازم الفريق الثاني مايحسون .. اذا رفيجتها شافتها تقول (كنت) ويفوز الفريق وياخذ درجه

بس في حالة الفريق الثاني حس بالوضع يقول ستوب واهم ياخذون الدرجه لأنهم جكو الفريق قبل لا يكنت

طبعاً لما نلعبها انواع الصرااخ والتعصب والتنرفز خصوصاً اذا صارت اللي معاج بالفريق غبيه وتسوين لها الحركه وماتقول كنت آآآآآه يالقهر هههههههههههههههه

والحركه تتم معانا مده اذا صارت صعبه انها تنجك .. بس في حركات سهله مثل الغمزه وتحكك الراس <-- حشى جنه فينا يرب ههههههه

جربوها بنات ترى وايد حلوه انصحكم فينا .. انا وبنات خالاتي يتنا فتره ادمناااهاا نلعبها بالساعات

 

[مسك 3]

رد: مشاركة: تذكرون العابنا قبل؟ انا ناسيه تعالو ذكروني )

يالغاية هاللعبة كنا وايد نلعبها بالبر

الله يسلمج عبارة عن فريقين اعدادهم متساوية يقعدون قبال بعض ويغطون ايدهم بكمبل

ويخشون اي شي صخره مثلا او خاتم والفريق الثاني لازم يحزر وين الخاتم واذا ما عرف يرد الدور حق الفريق الاول لمن الفريق الثاني يطيحون عالخاتم

اي هذي اللعبه اسمها محيبس ابوي الله يرحمه كله يلعبنا بالشاليه قبل لا اننام وكله طايحين على اليهال لأنهم يضحكون اذا عندهم الخاتم هههههههههه

 

[Amy Lee]

تذكروون لعبة خرووف مسلسل
الي واحد منا يمسك ريل الثاني من ورا <-- يعني الخروووف
والباجي جدامه
يغني
(( خرووف مسلسل))
واليااهال يردوون عليه
((هدوووه))
ويرد
((تراهو ياكم))
ويردوون
((هدوووه))
ويرد
((ياكل غداكم))
((هدوه))
((في ريله قراحه))
((هدوووه))
((كبر البراحه))<-- ملعب القادسيه مو ريل
((هدوه))
((أهده))
وكلهم يقووولون ((أيه)) ويتزهبووون حق النحشه
ويركض يصيدهم
....

 

[جرح الليالي]

ياكل عشاكم والا غداكم؟؟

اي شي خل ياكل بس لا ياكلنا هههههههههههههه

تذكرون لعبة لبيدة خخخخخخخخخخخخخخ

كنا ننخش باي مكان ما يجي عالخاطر بين الثلاجات وبمخزن المطبخ

ورا النخل

امبيه لمن كبرت حتى اخاف ادش المخزن
خخخخخخخخخخخ

وساعات لعبه الدودة نلف روحنا بالكمبل ونطلع لساننا يعني ميتين ههههههههههههههههههههههههههههههههههههههههههه
لازم مدندل نفس الخروووف

تفاخية حتى 15 شوية

والله ياريت نرد زمان اول :eh_s(16):

 

[غزلان وعيون جنان]

أنا أذكر جم الساعه عمي الذيب ( كنا نوقف بآخر الحوش مجمعة يهال وواحد منا يوقف بالطر الثاني من الحوش ونبدا إحنا نغنيله جم الساعه عمي الذيب ويبدا يقولنا الأرقام وإحنا نحسبها على طابوق الحوش المربعات لين نوصله وبالأخير يقولنا حا وقت العشاء ويبدا يلحقنا لييييييييين يصيد واحد منا ويصير أهو الذيب ):eh_s(6):
وعندنا لعبه ثانيه إنا نكون بغرفه كلنا ونسكر لمبات الغرفه ونغطي عيون واحد منا ويبدا يدورنا وإحنا نحاول ننحاش منه وهكذا :eh_s(6):
أدري طولت السالفه عليكم بس تعمقت بالذكريات معاكم وناااااااااسه

 

[لؤلؤية]

رد: مشاركة: تذكرون العابنا قبل؟ انا ناسيه تعالو ذكروني )

أييييييييييييي تفوخ يا حلو ذيك الأيام

وعندج لعبه ما أذكر أسمها يوقفون أثنين ماسكين أيد بعض ويمدونها لي فوق ويمرون

تحتهم باقي اليهال وغنون طاق طاق طاقيه اللص اللص اللصيه

اليوم العيد اتعشينا......اتعشينا فاصوليه واللحمه المشويييييييييييييييييييييييييييييييييييه

والي يمر بهاللحظه يجقدونه ويروحون على كتر يقولون له تختار أي أسم

مثلا الورده الذهبيه ولا الشوكه الفضيه خخخخخخخخخ أسامي ببلاش

ويصفون اليهال قسمين بعدين ما أدري شيصير خخخخخخخخخخ

ولا عنبر طاح وتكسر يا حلاتها

ولا الحيله تهبل

شوقتيني ودي العبهم ألحين

علشان كل شي فيني يختض خخخخخخخخخخخخخ

ياحليلكم بنااااااااات ذكرتونا بالذي مضى ...

الا تعالوا ...للحين يلعبون هالالعااااب ؟؟؟

بناتي الصغار ما يلعبونهااااااااااااااااااا

 

[أسيرة موني]

لعبه ايام الاسبوع الي يحطون ايدهم على بعض ومرة وحده تطق ومرة الثانيه تطق الايد ولازم على يوم اليمعه ما تحوش ايدها خخخ

وطبق حنه وطبق ماش مادري آآش ههههه

العيم يقولون آآش عاد انتو كيفكم :eh_s(20):

ولعبه الي واحد يغمضون عينه بقطعه خام ,, كنا نستخدم الشيلة ,, و يحاول يصيد الي حولينه

هذي كنا نبدع باخوي الصغير ,, مرة طاح عالدفايه ومرة كرفسناه وعليه و اهو بس يبجي واحنا نضحك :////

 

[gumasha]

رد: مشاركة: تذكرون العابنا قبل؟ انا ناسيه تعالو ذكروني )

أيييييييييييييه صح ماشاءالله عليكم تفوخ وفوشيه

ولعبة تلفون خربان تذكرونها

ولعبة صول معكرون صول ميريو.....ميريو ميريو

والله كننا مونسين عمرنا

وانا بعد اذكر هالايام الحلوه وبعد حي الميد ... ​

 

[مسك 3]

أحلى شي حي الميد

 

[محتارة]

اتذكر لعبة شبرا امرا شمس نجوم كواكب مراكب حليب كاكاو !!!!!!!! ماشاءالله علي متذكره اللعبه بس ماذكر شلون كنا نلعبها ...

ولعبة وحدة تلف ويها ع الطوفه وتعد والباجي يتحركون واول ما الرئيسة تلتفت نوقف ... جنه اللي لافه ويها تقول صنم شي جذي

وبعد شنو ممممممممممم .. خشيشة ! ولعبة انا الذيب باكلكم انا امكم بحميكم خخخخخخخخخخخخخخ ... والحيلة !

ولعبى فتاحيه ورده سكاريه ورده ........ ماشفت املق من هاللعبه خخخخخ

بس متذكر خخخخخخخخخخخخخخخخخ مشكورة على الموضوه الحلو

 

[محتارة]

شنو لعبة حي الميد ناسيتها ؟

 

[تفاخيه مبطوطه]

حياكم الله يابنااااات

 

[جروح تبتسم]

رد: مشاركة: تذكرون العابنا قبل؟ انا ناسيه تعالو ذكروني )

ذكرتيني بعلبه مادري اذا قالوها البنات ولا لأ

اللي اهي يوقفون بنات على شكل حرف الU والبنات اللي متاجبلين وحده تسمي روحها فاطمه ووحده عايشه

ويقولون حق بعض يافاطمه .. ياعائشه.. ماتأكلي .. حبة ذره .. ماتشربي .. ماء الهنا.. فتقولها فاطمه تسمحيلي ادخل؟ وتسمع لها عشتو وتخليها تدخل بينها وبين البنت اللي يمها وطبعاً يدشون معاها كل البنات لين اللي يم عايشه تنقلب وتصير معطيتهم قفاها <-- مادري شلون اشرحها

واذا قلبو كل البنات يسكرون الدائره ويدورون حيل لين مادري شيصير فيهم ههههههههههههه واي شرحي مفصل ماشاء الله علي احس مافهمتو شي هههههههههههههه ناسيه اللعبه ما اذكرها عدل!

تفاخيه انا فهمت اللعبه هذي واذكرها عدل
بس على مانخلص الا ايدنا تعووورنا ههههههههههههههه

والله ذكرتووووووووووووووووووووووووني بأيام فبل اخييييييييييه

انا وخواتي ماشاءالله من نرد من مدارسنا لي المغرب واحنا بس نلعب كل الالعاب اللي قلتوها

أهلييييييييييييييييييييييييين مثاليه أسفرت وأنورت فقدناااااااااااااااااااااج

رنين يعني التهمه لازقه فينا

بس أيام الصراحه حلللللللللللللللللللوه تذكرين لما كنا نغطس بدار الباربي فوقونلعب بالساعات

ونرتب الدار كللللللللللها ونوزع الاغراض حمام سباحة الباربي بصوب وجزيرتها بصوب وستديو الأخبار بصوب والبيت بصوب وسيارتها الورديه بصوب

وأذا نزلنا ويينا ثاني يوم الا الخدامه شايلتهم كلهم وحاطتهم على كتر فوق بعض

ونروح آنا وياج نتشكى عند امي عليها ههههههههههههه

وأذكر بعد يتني أيام أسوي أعمال فنيه أقلد برنامج كان يطلع بالعراق قبل<<<قبل قناة العراق تطلع عندنا

وأذكر ما كان يهمني شلون يطلع الشكل كثر ما كان يهمني صوت الاظافر يطلع على الورقه مثل ما تسوي

المذيعه بالبرنامج ههههههههههههه

بعد بو عرقه اظافرها شطوووووووووووولهم قطع ويطلعون صوت أذا مسكت الأوراق فكنت أبي أسوي مثلها

أمبيه تفوخ خليتيني اطلع سوالف عمري ما قلتها حق أحد!!!!!!!!!!!!!!!

وااااااااااااااي نفسنا والله

انا وخواتي كنا نلعب بالباربيات واللي نمل منها نقص شعرها وعلى قوله جووووولي نسويها خدامه ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
وقسما بالله ايااااااااااااام

اهم شي لمن خدامتنا تخيط لنا هدوم الباربيات
ونرقصها ونيمها يمنا جنه صج خخخخخخخخخخخخ

انا كانت لعبتي المفضله

الحيله


لما ننط على مربعات الكاشي ونحذف صخره ولا بعد نيمع صخر زين موبطقه خخخخخخخخخخخخ


استغفر الله اللي يقول رمي الجمرات هههههههههههههه


مشكوره تفوووووووخ موضوع ينن ياقلبي:eh_s(17): :eh_s(17): :eh_s(17): :eh_s(17):

 

[DLOOL]

انا عندي لعبه غير شكل
تتذكرون الكراتين الكبيره لما تخرب وتبطل من الجنبين
وتقعدين داخله وتزوين دحرجه اماميه او خلفيه اللي يطلع نمعاج
ويتعلق الشعر بالدبابيس اللي بالكرتون
واي مشكله
هذي لعبه فرديه بحته ما نطلب فيها قوانين غبر التشيحط بالمسافه اللي عبرتيها دون توقف بالكرتون
ااااااااااااااااااه
يا تفيخه اشسويتي هيضتي المشاعر المدفونه

 

[تفاخيه مبطوطه]

جرووح اي مغرب صلي على النبي ! من نرد من المدرسه ليييي العشى واذا مو اكثر واحنا نحوس بالحووووش ! حتى اوراق الشير قصصناها وحطيناها بجدر في ماي يقال انه نسوي مرقه ههههههههههه

وحتى انا كنت اموت بالحيله بس قميضه نسيت قوانينها


-----------------------


لووووووووووووووووووووووووول

اهم شي يا دلوووووووووووول سالفة الكرتوووون

عاد في ناس يبيلهم كراتين ثلاجات مطاعم هههههههههههه

خوش لعبه

ذكرتيني بلعبه بعد

الا وهي :

نييب اسفنج وياحبذا يكون عليه نايلون لمزيد من المتعه .. ونحطه بأول الدري من فوق ونقعد عليه وندزه ونزللللللللللق لي آآآخر الدري

ياسلااااام مايحتاي مدينه ترفيهيه ! خلاص سكرت بيبانها هههههههههه

 

[بنوته كيوت]

اتذكرها بس غير احنا نقول ؟.,&^

الام والذيب
وباقي الشرح نفس الشي

بس يقول ابغا بيضه

يقلون وشي الون

ويختار اللون

صج يهال لوووووووووووول

 

[تفاخيه مبطوطه]

حياااج بنوته كيوت .. نورتي

يااحلو البنت اللي حاطتها صوره تحت اسمج ملللح تبارك الرحمن

يلا ناطرين باجي العابج

 

[DLOOL]

التزحلق على الدرج لعبناها بعد بس على كرتون بعد بس عجيبه ولمزيد من المتعه لما يخرب حمام السباحه البلاستيكي نزلق على الدرج وقوه في الاندفاع رهيبه

 

[تفاخيه مبطوطه]

الكراتيين تحجي في بيتكم يا دلول ههههههه

خوش شي

تصدقين احلى شي انه على ايامنا نسوي من كل شي لعبه!!!

 

[Harmony]

فوشية احب اللعبة اللى قلتى عنها حركه حركه ستوب بس احنا ما كنا نقول جذى احنا كنا نقول فريز لوووول حركه حركه فرييييييييييز freez