تذكرون العابنا قبل؟ انا ناسيه تعالو ذكروني :))

[كندية]

واااااااااااااااااااااااااااااااااااااااااي شخباري لعبة الوان ...اتذكر كنا نخترع اسماء الوان هههههههههههههههههههه يعني بنصعب الامور....
او لعبة عواميد هههههههههههههههههه...خو الحليه الصبح كل وحده ماسكه صخره وترسم...
في لعبه طاق طاق طاقيه ههههههههههههههه واللي تفر تكون نذله وتكفخج على راسج ....

والله ذكورتني كنا نلعب شركة وبنت عمي كل المديرة مع ان انا الكبيره هههههههههههه وطول الوقت بس ننقل يعني شغل..
او عرس انا كل المعرس وهي العروس ههههههههههههههه والباجي طقاقات
ونقعد في الدوانيه وكل وحده صينيه هذول ملوت قبل المدوره يعني طار ونقعد انغني انسوي صفيه ونغني كان ودي نلتقي ههههههههههههههههههههه
او يوم يمعتنا كنا انسوي اوبريت ....
حتى لعبة لص جلاد هذي شكثر لعبناها في الغزو لان كان بس انا واختي وخالي وكل نغش انا وخالي ونصير اختي اللص وتنطق هههههههههههههههه واللي قصف جوي واحنا نلعب مصيده وحي الميد حد الفراغه.....


سوري طولت بس والله ذكروتونا

 

[عذاري80]

رد: مشاركة: تذكرون العابنا قبل؟ انا ناسيه تعالو ذكروني )

ذكرتوني كنت اموت على لعبة الحيله

 

[الداعية]

إالله ذيج الأيام ياحلوه كنا تزاور مع الجيران بدون خوف ولأ القرقيعان المنطقه كلها نحوسها بس الحين أعوذ بالله كل خطف وبوق
علي طاري الألعاب عندج لعبة عنبر الكوره والصخر الي فوق بعض تونس وبعد طاق طاق طاقية ريرر يا جرس والثعلب فات فات وبيدينه سبع لفات الخ
هههههههههههه ذكريات الطفولة ههههههههههههه

 

[om yousif]

الحيلة ,,, واييييييييييييييي تينن احلى لعبة ,,, بر بحر ,, ذكرتينا بايام الطفولة

 

[~ miss NERD ~]

وااي أتذكر كنا نلعب صيدة مصيدة ..و حي الميد ..و الغميضة..و ألوان و الشيطان..و العواميد و بر وبحر

 

[شجرة الكرز]

الللللللللله ذكرتيني بطفولتي ويمعتنه بيوم الخميس مع عيال الاهل ونلعب ,,بس عاااد مواي شي ’’ البنات الي عمرهم مقارب يلعبون مع بعض , اما الي اصغر منهم مايخلونهم يلعبون >>> انه كنت اصغر من خواتي وبنات العايله فكانوا يطردوني من العابهم ويخلوني العب بروحي -_-، كنت انقهههههههههههر وابجيييي بس بعض المرات يخلوني العب معاهم هالالعاب الي ذكرتوها كلها بييييييييييييييييه والله ونااسه >>> ليلحين اذكر بيت يدي الله يرحمه والصاله الي لهبنه فيها والحووش الكبير دور مدار البيت ياااااااحلووووووووووو ايام الطفوله ------>>> ألا ليت الطفولة تعود يوما ,,, هههههههههههههه اي صج اكو لعبه اسمها >> ملك , جلاد , لص , مفتش هذي تنلعب باوراق تتصفط وتتناثر عالارض ويختارون الاربع الاعبين كل واحد ورقه وووووو مممادري شنو تكملة الشرح سووووووري بس اعتقد تذكرونها ,,, وبعد اكو لعبة القميييييظه هذي رووووووووووووووووعه طقينه الرقم القياسي بمرات اللعب فيها هههههههههههههههههههههههه وبعد برووووووووي هذي اللعبه اغراض مطبخ لا بعد مو اي مطبخ كل وحده عندها ذاااااك المطبخ الكبير الي فيه جوله واكل ومعلبات و غير البيت الباربي كل وحده ودها يكون عندها البيت الكبير وسيارة الباربي وعيال الباربي نقعد نصف الاغراض عالارض ونلعب >> بس خل اييييي ياااااهل ويخرب العابنه يويييييييييييييييييييييييييييله ههههههههههههههه اظن صادفكم موقف جذي ,,, بيييييييه اشكثر سولفت يله اطلب منكم السموحه ^_^

 

[f6oooma]

الله ألعاب الطفولة تينن ألوان والشيطان صاجة كندية ننقي ألوان جهنمية يعني كلش بنحلي اللعبة ونصعبها
.. اللي تقول أبي لون جوهري واللي تقول بصلي واللي تقول خشبي هههههه

ولا الغميضة وحي الميد وصيده مصيده طبعا كله انصاد والا شرطي حرامي تذكرونها؟؟

وووو بعد في لعبة نصف صفتين الصفة الأولى نقول صبحكم الله بالخير ياهل العمال العمالية ..مساكم الله بالخير ياهل العما العمالية..اليوم جينا نخطب بنتكم الحلوة المزيونة...ما نعطيكم اياها الا بالف ومية.......نسيت بعدين شنو

جني قرقت وايد يالله اذا ذكرت شي ارد باي

 

[لميــاء]

وييييييييييييييييييييييييييييييه ويييييين طلعتـــــي بلـوووووووووووووووووووو

أنـــا كنـــت من عشــــاق لعبـــة عنبـــر اللـــي نركــب الصخــر فوووق بعـــــض

كلــها حركـــات و آكـــــشن ))))

 

[مناوي الكويت]

الله ذكرتونا بلي مضى
طاق طاق طاقيه رين رين ياجرس والثعلبفاتفات
بايدينو سبع لفات

 

[عذبة** الأطباع]

وناسه قبل اهم شي لعبة بروي (امهات) اذكر نلبس كعب ونحط اشياء والجنطة لي ريولي وعباية كل شوي دابغة على ويهي لما سوتلي امي عباية صغيره والبيبي شايلته بيدي وتراجي امي وخاتم امي وشابنه ايدي عشان لايطيح الخاتم ومن كثر ما انا رافعه ايدي تصير صفره وااااااااااااااااااااااااااااااااااااي وناسة

 

[orangeya]

السلام عليكم

شلونكم بنوتاات؟

هذاك اليوم كنت منبطحه وافكر <--- ماكو شغل

المهم جرني التفكير .. وتم يجرني ليييييييين وصلت الى لعبة ( الوان شيطان) تذكرونها؟

يا سلااااااااااام عليج :ggdw::ggdw::ggdw:
والله انج خطيره

وانا قاعده اعصر مخي من ذاك اليود جود اذكر قوانين اللعبه اللي ماذكر غير اسمها وكان فيها ركض!!!

بس ما ميش

وصدفه طحت على موضوعج الفلّه

شرحج كان كافي ووافي


واااااااااي صج صج صج ريحتي اوفااااااااااااااادي
(يعني فؤادي=قلبي)

حلفي والله؟ لووول


وااااااااي حدي مستانسه على قولة مريم الغضبان :

أناااااااسه :dddds: الله يرحمها

 

[orangeya]

أنا سندبآآآآآآآد
أصلي من بغداد
أختي ياسمينأأأأأ
فتاة جميلـــــهـ
عمي علي باباآآ
رئيس العصابـــهـ
فتحت كتاب الدين
رأيت علاء الدين
فضربته بالسكين




:dddds::dddds::dddds:




وااااااي صج ايااااام !

 

[~RouNa~]

لوووووووووووووووووووووووووووووووووووووول

ونااااااااااااااااااااااااااااااااااسه

ما قريت كل الصفحااات

بس تذكروون لعبة

صبااح الخير يا عمي حسين

صباح النور يا عيال حسين

فين كنتو ؟

على البستان

شو اكلتو ؟

خوخ و رماان

شنقل منقل هيه صحن كبابي هيه

اول حرف { بعدين نختاار فاكهة و نقول اول حرف }

و اذا جاوب يلحقناا و يصيد واحد فيناا

و هكذاا

 

[MaZyOoOoNa]

الله ليت الطفووله تعووود يوما :\ ياحلووو برائتنا والعابنا ماكنا نعرف شي ولا فينا خبث

 

[snfora]

رجعتي لي الذاكره

لوووووووووووووووووووووووول

موضوعج ابدااااااااااااااااااااااااااااااااااااع

 

[الصابرة المحتسبة]

اشرايكم تمرون ركن أولياء الطلبة وتقرون موضوع( أخذوا اللحم وخلوا العظم) بتذكرون كل شي حلو....

 

[تفاخيه مبطوطه]

لووووووووووووووووووووووووووووووووووووووووووووووووووووووووووول


ردودكم ابدااااااااااااااااااااااااااااااااااااااااااااااااااااااع


كملو كملو بعد طلعو المستخبي

 

[رافعه الحاجب]

انا اذكر لعبة الحلوى
مادري ليش هذا اسمها هذي نلعبها لا فجينا ومتنا حر من الحوش ندش داخل ونلعبها اهدى لعبه لوول
مادري اذا احد قالها قبلي ماقريت كل الردود
اهيا نكون فريقين ورئيسة او رئيس كل فريق يسمي فريقه ويخليهم يقعدون طابور بالارض
ويقوم رئيس واحد من الافرقه ويوقف معطي ويهه الطوفه ومغمض عينه
ورئيس الفريق الثاني يقول لفريقه اطلع يااااااا ( اي اسم من اسماء فريقه ) مثلا اطلع ياااا استكانه لوول
ويقوم هالاستكانه ويطق ظهر اللي واقف عالطوفه ويرد يقعد مكانه
عقب ما يستقر بمكانه يلف هذاك ويقول منو اللي طقه
وطبعا يصير في غشششششش لي الراس لووول ​

 

[سكون الريح]

الدامه



يسلموووووووووووووووووووووو

 

[بنوته عـ س ـل]

واي ذكروتنا بايام اليهال