تذكرون العابنا قبل؟ انا ناسيه تعالو ذكروني :))

[تفاخيه مبطوطه]

ياعيني يااهرمونييييييييي والله كنتو تتحجون لغات بعد هههههههه

 

[DLOOL]

قوه تفيخه مبطوطه
شفت الموضوع اندثر قلت اعيد ذكراه
صراحه
حرام محد يرد الى الان
لانه مره حلو

 

[تفاخيه مبطوطه]

مشكوره يادلاااااااال من طيبججج

 

[مسك 3]

لووووول اي والله حرام
انزين احنا كانت عندنا لعبه ما أدري اذا كتبتها من قبل والا لأ
أيام ما طلعت مسرحيه سوق المناخ
كنا ندبس أوراق وانا كنت منصور بوحظين هههههههه
أمبييه أيام وما عندنا الا كلمه 3 ملايين اعتمد هههههه

 

[تفاخيه مبطوطه]

ايي مسك .. انا واختي كان عندنا لعبة الشركه .. ماعندنا الا آله طابعه وجك جك جك يكون يعني نطبع !! وندق بهالتلفون تعال اخذ المعامله ههههههههههه

كل شي نسوي منه لعبه .. صج كنا مستانسيين

 

[malak_alroo7]

لووووووووووووووووووووووووووووووووووووووووووووووووووووووووووووووووووووووووووووووووووووول
يا حلوج يا تفاخيه صج موضوعج عجيب ضحكتينى والله على لعبة الشيطان وااااااااااااي وناسه ابي العبها
عاد ما قريت كل الصفحات و تذكرت لعبه فتاحى ياورده غمضى ياورده .. انا فله انا ياسمينا.. على بابا على بابا عدو ليما العشره ..
مادري من وين نييب الكلمات يا حلونا و يا حلو لعبنا

اوه صح تذكرت لعبة ( يا عمى جم الساعه ) تعرفونها؟
و لعبه بلووووووه كنا نلعبها بالمدرسه ههههههههههههههه

 

[ألوان الطيف]

ملكة الروووح آنا أذكر لعبة جم الساعة ياااااااااا ذيييب ويقولون لنا ليما يوصل الساعة 12

يقول حان موعد عشائي ويرررررررررررررررركض ويصيد وحده يعني يااااكلها ههههههههههه

واااي كان وناااسه

وكنت أمووووووووت على لعبة برووووووووووووووووي

 

[تفاخيه مبطوطه]

اي ملكة الروح اذكرهاااااا وااي ياحلو العابنااااا

الوان الطيف .. ياحلو هالمروووور حياااج

وناسه انعشتووو الموضووووووووووع كان مغبببر

 

[ضوى العيون]

وايد العاب في لعبه يااهل العمال عماليه للي يخطبون بنتهم

وفي لعبه فاطمة وعائشه

 

[ضوى العيون]

وكان عندي لعبه الجوهرة

نحط اوراق في المروحه ونشغلها وللي يجمع اكثر اوراق اهو الفايز


وعندنا لعبه بيت الاشباح

 

[تفاخيه مبطوطه]

ضوى العين .. لعبة الجوهره مستوحينها من كرستل ميز صح؟ ههههههه

حياج الله

 

[ام السلمي]

اتذكر لعبة كنا نلعبها بس ناسيه اسمها !!
فيها ملك وجلاد ووزير ولص
كنا انقول منو المفتش؟
ارد:انا المفتش!
اقولة الملك: اعرف لصك من جلادك
يعني الص او المفتش كانوا الي ينطقون بالمسطرة مساكين

ولعبة الورقة المسطرة خانات اسم بنت, اسم ولد, جماد, حيوان ,بلاد,حرف
ولي خلص اقول استوب

وتقريبا نفسها بس انسفط الورقة مثل المهفة ووحدة تختار حرف ونكتب كل شي يبدي بهالحرف

ولعبة هم بالورق انسوي لورقة مثل الوردة وانحط اصابعنا فيها ونسال جم كرة وجم الرقم وفيها اظن طلب بس ما اذكرها عدل

وصول معكرون , وانا سندباد , سي لاصول بربمبم فوق وبربمبم تحت امبيييييييييييييييييييي كان وناسة , وسيدي بيلبس كعب واطي واستي بتلبس كعب عالي بمبم بمبم بمبرلا سنسن سنسن سندرلا
هههههههههههههههههههههههههههههه

صراحة احنا عشنا طفولة والعاب طفولة مو الحين كلة هالكمبيوتر

 

[honey bee]

واااااااااااي ذكريات انا ويني عن هالموضوع من أول؟؟

تذكرت لعبة حلوة كنا نلعبها مع بنات المدرسة بالفرصة

او مع بنات خالاتي بالزوارة

ومادري اذا قلتوها من قبل لأني ماقريت كل الردود ... ما شاء الله وايد

الله يزيدهم ان شاء الله



تذكرون لعبة يافاطمة ياعائشة ؟؟؟؟؟

كنا نتماسك كلنا بصف واحد

والبنتين اللي على الطرف ما يمسكون بعض

وحدة منهم نسميها فاطمة

والثانية عائشة >>>>> مو عايشة

الأولى تقول : يافاطمة

ترد عليها : يا عائشة

- ما تأكلي؟

-- حب الذرة

- ما تشربي؟

-- ماء الهنا

- هل تسمحين لي بالدخول؟؟؟

-- تفضلي

وبعدين الأولي والثانية يرفعون ايدهم فوق وهما متماسكين

وتدخل عائشة بين الفتحة اللي سووها ووراها باجي البنات

فــ فاطمة واللي يمها راح تنلف ايدهم

ويقولون حق اللي يم فاطمة : ياويلج يا فلانة ياويلج يا فلانة

وهكذا ......

تستمر دورة الحياة ..

قصدي اللعبة​

 

[تفاخيه مبطوطه]

حياااكم الله يا بنات

اي والله ياحلو طفولتنا وبرائتنا والعابنا قبل .. صج عشنا احلى طفووله

بس ماتدرون يمكن جيل اليوم يقول نفس الحجي لي كبرو ماتدرون شنو بيطلع باجر !! الدنيا كل مالها للأسوأ

 

[بوران]

اذكر كنا نلعب لعبة مل صيده ماصيده بس اسمها كهربا
اذا الي بغا يصيدنا قرب نصرخ و نقول كهرببببا و بعدين كلنا نوقف على اخر حركة كنا عليها

 

[تفاخيه مبطوطه]

اي تهبل هاللعبه بوران .. فيها نشاط وحركه ووناااااااااسه كنت احبها

اذا تيمدتي نسيت شلون تردين طبيعيه؟ في واحد من اللاعبين ينحط يحرر الباجي ولا شالسالفه؟

 

[ضوى العيون]

ضوى العين .. لعبة الجوهره مستوحينها من كرستل ميز صح؟ ههههههه

حياج الله

صح كلامج وفيه العاب وايد مايخطرون على بالي

 

[aBoOoRa]

انا احب العب حيله امووووووووووووت عليها

وكنت احب العب مسرحيات ان نمثل ونلبس لبس خاص وكل شي ونااااااااسه

ماكنت احب البوراربي وايد مادري ليش

احب العب لعبه الطبخ نقص خياره وطماطه يعني سوينا اكله خخخخخخخخخخخ

والله يهال مو الحين مجابلين هالسوني وبلعه هذا لعب يعني الله يخلي ايام زمان

 

[miss-Kuwaiteya]

لووووووول شخباري لعبة الالوان اي اذكرها كنا واااايد نلعبنا وصيده مصيده لوووول وحماكور طاح بالتنور مادري شنو يعني :\ وطاق طاق طاقيه

 

[MissChoco]

لوووول بنات انتو شنو غبار والله ياحلو ايامنا كل العابنا بالسكه برا مو الحين من صغرهم بي اس بي وقيم بوي ومادري شنو

عيل انا فبالي لعبه مادري شسمها اذكر ايام الابتدائي كنا نلعبها ... يصفون البنات صفين متجابلين ويغنون اغنيه احاول اذكر كلماتها... صبحكم بالخير ياهل العمال عماليه >>> والله في هالكلمات والله يابتهم من مخباتي لووول
يردون عليهم مساكم بالخير ياهل العمال عماليه .. عطونا بنتكم الحلوه المزيونه.. مانعطيكم اياها الا بألف وميه .. جينا على داركم ونكسر ابوابكم وهذي عروستنا
عقب ياخذون اي بنيه من المجموعه الثانيه وبس
انشالله فهمتوني ويكون في احد ماره عليه هاللعبه العبيطه اللي مادري من اي تراث يايه

لووووووووووول ياحلوووج والله هذي اللعبه شلون ما اذكرها كنا بيت حموله احنا انزين وبنات عمي وايد مشالله الله يخلينا كنا 8 بنات وبعد كنا نلعب الاوان والذيب وكنا نلعب هذي جرس لووول وناسه وهمن كنا نلعب الي نقعد دائره ونقول الي يفتح عينه اهوا حمار لوووووووول


بس في شغله بنات مادري انتو تسوونها ولا لا لانه احنا نسويها واهيا مو لعبه بس تعتبر لعبه لوول مادري شلون اقولها المهم كان في مسلسل مكسيكي شلة السبعه عرفتوه؟؟ كنا احنا نسوي نفسهم لوووووول انا كالوليتا بس هذي الي حافضتها لول والثانيه مادري منو وجذي والخدامه مالتهم كنه نسمي خدامتنا مالت يدي باسمها لوووووووووووول وكانت عندنا غرفه بالسرداب كله نروح الغرفه والله يابنات كنا نسوي نفسهم والاصبيان الي بالمسلسل كانو ولد و ولد عمتي شياطين لول وتخيلو حتن بنت عمي كانت تنام بالدار هذي لوول فيها كرفاية يهال مادري منو كرفايته قاطينها تحت لانه هالغرف مالت مثل ماتقولون مخزن لووووووول والله ايام


وبنات كنا قبل نروح البقاله نشتري بربع دينار مثل الشي عصير ككاو بطاط وحلاو ونفرش الجيس وتقعد كل وحده وجدامها وحده لوووووول كنا نشووق حيل والله كان يكفينا ربع الحين نص دينار مايكفوهم


الله يرحم ايام قبل ( ..بس بنات صراحه انا مرات العب حيله ليلحين صراحه لاني امووت امووووووت فيها حيل احبها لوول ومادري أألف قوانين من عندي :>


ويلا بنات حدي طولت عليكم جاااو