{ تجهزي للعام الدراسي الجديد 2011-2012 من ألحين!! } [ خلونا نتسوق مع بعض.. ]

[مـزآج ــــية]

ماشا الله موضوعج اينن و ما عليج من اللي يحبطون فيج

انا ان شا الله الكورس الياي تربية عملية و دخلت موضوعج عشان اعرف شنو لازم اجهز

حبي بسالج عن دفتر التحضير ودي اجهزه من الحين

انا بكون مدرسة لغة عربية

هل للعربي دفتر خاص؟ او كل المواد نفس الدفتر ؟
يمكن تحسين سؤالي سخيف بس تدرين توني تربية عملية و ماعرف بهالسولف وايد

 

[مطيريه ماركه]

منوول جآني صدآآع من آلموضوع
هههههههههههههههههههه
قبل آسآفر كنت مجهزة قمصآن لـ آلدوآم لـ آن مآحب آلبس عبي وتنآنير
آمّآ دفآتر آلتحضير ملوتي كل سنة هي هي مآغيرهآ - تخريم -

ويَ آلله تبعـــــــــــد آلدوآم

 

[...الجوهرهـ...]

^
^
محد طلب رايج حبيبتي..
وبعدين انا ماني خابرة ان لج رد بهالقسم؟ ولا عشان شفتيني تعبانة عالموضوع تبين تخربينه مثلا؟
حبيبتي اللحين الساعة 5 الفير روحي نامي أبرك علشان يمديج تقعدين الظهر..
وممكن تنقطينا بسكوتج أو تفارجين الموضوع أبرك؟
دام ما عجبج شي لي داشة ومتعبة اناملج الذهبية ورادة؟
فوق انج مناشبتني بقسم لوكات المشاهير هم ياية هني بعد تكملين!! مع اني ما أسويلج شي انتي بروحج من نفسج
تتعمدين تحطين ردود مستفزة وبايخة وانا اسكت ولا أرد عليج.. وبعدين اي انا شريت من سنتر بوينت وصورت وايد لكن لما نزلت الصور انمسحوا وظلوا بس الي نزلتهم. ولا كان لي خلق أصور من أول يديد واعتقد سبق ووضحت هالشي بس الظاهر انتي ماقريتي عدل. وبعدين رجاء عندج رد سنع ردي، ماعندج فارجي من غير مطرود ولا توطوطين مواضيعي.. الواحد يسكت مرة واثنين وثلاث.. اكثر من جذي خلاص. وان شفتج رادة على اي من مواضيعي سواء هني او لوكات المشاهير ماتلومين الا نفسج واشتكيج عند الادارة
وعلى قولتج جاو.. لا جاووين

====

سامحوني بنات.. هالعضوة مادري شنو تركيبتها بالضبط... تتعمد تداحرني والسبب مجهول..
فسامحوني ان حمقت وعصبت شوي... لكم كل حب وتقدير

حبيبتي منوووووول دووووووم تعجبيني .. ولاحسيت بملل من التدريس اشوف مواضيعك واتشجع ,,باختصار ..انتي مبدعه ..وماعليك من كلام الجهله ..الكلاب تنبح والقافله تسير

 

[(حكاية قلب )]

حبيت موضوعج حبيبتي
وآآصلوو و

 

[بناتي سكر نباتي]

مشكورة منول عالموضوع الحلو انا بعد ببدا اجهز قبل رمضان مالي خلق فرارة برمضان والي تقول توالناس ترا الوقت يمر بسرعه وانا دايم اجهز قبل الزحمة حتى لبناتي اشتري نفانيف المدرسة وكل شي ماعدا الجناط قبل الدراسة ....تابعي ياروحي متابعين الموضوع بحماس

 

[بعيون مغليك]

تو الناس يا قلب لا تعكرين المزاج خخخخخخخخخخخخخ

 

[اريج الجوري]

لسه بدري يا حياتي ,,,

انا امس وديت عيالي الجمعيه ودشوا المكتبه يبون يشترون الوان ,,,

ويوم شفت الوسايل ودفاتر التحضير ضاق خلقي ,,,

شريت مجله الجميله وطلعت ,,,

ههههههههههههه

الله يعطيج العافيه حياتو ,,,

تحياتي ...

 

[منال القلب]

يعطيكم ألف عافية بنات على التواصل والتشجيع. انا ان شالله يوم الجمعة راح أروح المحاميد >> ههه وأخيرًا.. واذا مداني دخلت رامز وأكيد راح أصورلكم ان شالله. .

 

[درة أهل الطولات]

ماشا الله موضوعج اينن و ما عليج من اللي يحبطون فيج

انا ان شا الله الكورس الياي تربية عملية و دخلت موضوعج عشان اعرف شنو لازم اجهز

حبي بسالج عن دفتر التحضير ودي اجهزه من الحين

انا بكون مدرسة لغة عربية

هل للعربي دفتر خاص؟ او كل المواد نفس الدفتر ؟
يمكن تحسين سؤالي سخيف بس تدرين توني تربية عملية و ماعرف بهالسولف وايد

راح يعطونج مرحلة وحدة فدفتر واحد
ماله دفتر خاص اللي يعجبج اشتريه​

 

[درة أهل الطولات]

تقرير منال القلب عن : [ مكتبة العجيري - حولي ] 15-7-2011 (الجمعة)

بــاك مرة ثانية.. >> باك ومعلمة عربي!! ماينفع حبيبتي
أمس رحت مكتبة العجيري مع أختي فطوم وموقعها صاير في منطقة حولي مقابل سوق النقرة الشمالي.. أنا رحت هناك وصورت وشريت بعض الأشياء.. يعني 70% كنت رايحة علشان أصورلكم و 30% علشان أشتري، شفتوا شلون اني مكافحة ؟ لول

ميزة هالمكتبة ان فيها كل شي واسعارها مناسبة يعني فيه الغالي والوسط والرخيص. وما تخليني هالمكتبة أتعنى وأروح حق مكان ثاني.. لأن فيها كتب الطبخ ومذكرات حق كافة المراحل من اولى لحد 12 وغير وسائل واغراض المكتبة والقرطاسية ووووو... إلخ


المهم صورتلكم بعض الشغلات المهمة ونفس ماقلت قبل ان هالمكتبة تحتوي على طابقين:
الأرضي: مكتبة كاملة مكملة
الأول: مخصوص للوسائل وكل احتياجات المعلمة

أخليكم مع الصور:

وسائل ملونة: كرتون + فلين + انواع الخرائط حق معلمات التاريخ والاجتماعيات تلقونهم في الطابق العلوي وغير فيه بعد لوحات حق الابتدائي مثل غسل اليد وتعليم الصلاة أو الأعداد والجمع والطرح والضرب والقسمة

بطاقات تعليمية لمختلف المواد: علوم - انجليزي - اسلامية - عربي - رياضيات

باجات وشعارات وأعلام وكبابيس عن الكويت حق الدروس الريادية أو مشاريع معينة.. موجودين وفي وايد خرابيط من هالنوع

في ركن كله ألعاب أطفال الي يخطر والي مايخطر على بالج ومعداد مال الرياضيات وصناديق فاضية كبيرة وصغيرة على كافة الأشكال والاحجام

آلات تغليف الحراري + آلات حق التغليف الحلزوني واسعارهم تترواح من 15 لي 20 لي 40 في أحجام وأنواع واسعار مختلفة.. وكذلك شفت خرامة الورق الكهربائية الي تخلي الورق الي ماتبينه مثل الخيوط.. وفي أجهزة وايد حلوة وسعرها معقول بهالسكشن

طقم مكتب .. عجبني الوردي حيل فيه: كرسي للموبايل + للاوراق الصغيرة + ادراج صغيرة للاشياء البسيطة + حافظة اقلام وفيه منه الوان وايد: ازرق واخضر وفضي

وايد حبيت هالأدرج السلفر: عددهم أربع ادراج ووزنه خفيف وسعره 12د.ك حلو حق تنظيم الخرابيط من مقوص وافلام وصموغ واوراق صغيرة وستيكرات >> مقوص= جمع مقص >> خوش معلمة عربي والله

أوراق ملونة بألوان فاقعة وفيه بألوان هادية + واوراق ملونة على ورد وأشكال أخرى..

دفتر تحضير مزخرف وجاهز سعره 4.450 د.ك

دفتر تحضير آخر .. أنا عن نفسي باخذ جذي، مابي أقعد أتصل على مادري
منو تقعد تفنتقلي وتزين حق المدرسة كفوهم هذا وزيادة بعد لول

دفاتر تحضير أخرى لكافة المواد العلمية: علوم - انجليزي - بدنية - رياضيات - عربي وووووووو...

اطار شهادات التقدير سعره 1.300 دك كنت شايفة نفسهم برامز
على نص دينار لأني كنت ماخذة نفسهم أمس ورحت رامز قبل العجيري ولا لقيتهم

بمساعدة فطوم أختي لقت لي شهادات تقدير سعر الحبة 350 فلس
وفيه ألوان متعددة وأحلى من الي فوق شكلهم حلو وستايل وشرح
وخذيت منهم 30 حبة هذيلاك احسهم مقموتين وبايخين..

باجات اوراق ملونة فيها خيط للتعليق ولها ألوان: أبيض - وردي - اصفر - اخضر - برتقالي مادري حق شنو بس حلوين حق الطلاب وخاصة اذا بتكتبين عليهم شي ما شيات.. مثل درجات امتحان تسوين لهم نوع من الغموض والتحدي >> لول

أكياس ملونة وباحجام مختلفة..

أوراق شفيفة لجهاز العرض.. وكل مستلزمات الطابعة من أوراق بسمك مختلف راح تلقونه..

====

هذي كانت جولتي في مكتبة العجيري وأكيد لي روحة ثانية بعد + بروح المحاميد بشوف شنو فيه علشان بعدين بشتري عدل وافتك قبل رمضان، طبعا انا من العجيري طقطقت وشريت شوي من هني ومن هناك..

وسلامتكم..

واااااااااااااااااي حياااااااااااااااااااااااااااتي مشكورة

صج اعجبتني الادراج السلفررررررررر رووعه​

 

[منال القلب]

نورتي درور حبيبتي.. اي الادراج وايد حلوين وعمليين وانا شلته بإيد وحدة من كثر ما هو خفيف..

 

[درة أهل الطولات]

بس تتوقعين في احجاااااااام ابي واحد صغير احطه تحت مكتبي لدفاتر الاملااااااااااااء​

 

[منال القلب]

درور: انا شفت بس هذا ماكان فيه احجام بس اذا تبين شي بسيط وعملي تحت مكتبج تحطين فيه دفتر الاملاء. ليش ماتخذين سلة فيه مساكة من الاطراف انا اسوي جذي واحط داخلها دفاتر الاملاء واحطه تحت المكتب يبيعون هالسلام داخل المحاميد شكثرهم وبألوان بعد..

مزاجية: دفتر تحضير العربي عادي مافيه دفتر معين ومحدد مثل ما قالت درة.. ويعطيج ألف عافية على كلامج وموفقة يارب

 

[مـزآج ــــية]

درة اهل الطولات

منال القلب

يزاكم الله خير ع الرد فديتكم

 

[منال القلب]

^
نورتي حبيبتي

 

[مبرووكه]

يعطيج العافيه على الموضوع.

 

[درة أهل الطولات]

نورتـــي يا الغاليـــة أي مساعدة في العربي احنااا حاضريــن

 

[بنات حواء2]

ليش الموضوع نايم و الله انه مفيد و حلو بس ماشوف في احد يساهم عمومن انا اليوم بجمع لكم شغلات و راجعه لكم فيها

 

[بنات حواء2]

بالنسبه حق اعادة تدوير كل شي اسويله اعادة تدوير حتى قواطي الشامبو و العصير احنا نستخدمهم حق السعه والحجوم
تدرين رياضيات

وايد حلو ليش لا
شفتي هلعلبه

مسويه منها بلاوي
مسويه منهم شكل جوله

 

[بنات حواء2]

فديتكم بنات وتسلمون على الردود ويعطيكم ألف عافية:


بنات القوا نظرة على

= مجمع سندس في وايد محلات وتلقون وااااايد من اللي تبونه سواء تنانير أو بلايز طويلة وعملية حق المدرسة
= النقرة الشمالي والجنوبي عدي وخربطي تلقين وايد وايد وشوف عيني

اوافقج الراي منوله
صج الشمالي كله احسه مال مدرسات بس وايد صاير غالي