{ تجهزي للعام الدراسي الجديد 2011-2012 من ألحين!! } [ خلونا نتسوق مع بعض.. ]

[منال القلب]

اخت اخوانها: يعطيج الف عافية واحنا ناطرين تقرير تسوقج.. ولو يكون مدعم بالصور يكون أحلى وأحلى.. مشكوره حبيبتي

ميلي: حبيبتي انتي والله نورتي بأي وقت..

 

[درة أهل الطولات]

بنات اللي تحصل قمصان طويلة تقولنــااا

تدرون الدوام كلشي ممنوع

 

[ذكريات عشاق]

موضوووووووووووع روعه

بنات انا فصلت عبي وخلصت منهم بس للحين ما طلعتهم
وانشالله الاربعا بروح الافنيوز بكمل اغراضي
وبصراحه اغراض المكتبة مادري محتارة للحين لان انا توني تعيين يديد فمادري شنو نظام المدرسة اللي بكون فيها



ومناال القلب الله يوفقج وتسلممممين على الموضوع الحلوو واللي اكيد كلنا راح نستفيد منه

 

[om mariam]

يعطيج العافيه
تدرين هاذي اول سنه مااجهز شي لا رمضان ولا قرقيعان ولا عيد ولا مدارس والكل مستغرب :×
يمكن مليت ؟
او مشغوله بخلص من البيت علشان اسكن
او مو حابه الاداره
الله كريم ويهون السنه علينا ان شاء الله

 

[om mariam]

بالنسبه حق اعادة تدوير كل شي اسويله اعادة تدوير حتى قواطي الشامبو و العصير احنا نستخدمهم حق السعه والحجوم
تدرين رياضيات

 

[زمزم @]

مشكورة منولة على هذا الموضووع الروعة

انا أغراض مدرسة ماأعرف وشو اشتري لأني يديدة بس يبدأ الدوام :RoadRunner:على رامز اللي بالدمام وبشتري لأنه حيل رخيص ليش البئزئة على المدرسة واذا صار تقدير لنا بعد


أما المشتروات من ملابس لسى شريت لي جم شغلة بس تكتمل تجهيزاتي بحطها بالصووور

 

[miele]

بنات انا احب ستايل التنانير صراحة .. احسها انييقه .. رحت الافنيوز .. بس مالقيت الا بمانغو .. والموجودين خاماتهم عمليه وحلوة .. بس ابي غير ستايل للتنانير .. وانا مااا احب القصات بالتنانير. ..وين الاقي بعد .. ابي شي ذرب وحلو*

 

[منال القلب]

فديتكم بنات وتسلمون على الردود ويعطيكم ألف عافية:


بنات القوا نظرة على

= مجمع سندس في وايد محلات وتلقون وااااايد من اللي تبونه سواء تنانير أو بلايز طويلة وعملية حق المدرسة
= النقرة الشمالي والجنوبي عدي وخربطي تلقين وايد وايد وشوف عيني

 

[عسولتي]

يعطيج الف عافيه عالمبادرة الحلوة اتمنى الكل يستفيد موضوع مفيد جداا بارك الله فيج ...

 

[منال القلب]

حياج حبيبتي عسولتي ماقصرتي والله ونورتي حبيبتي

 

[cuteya1986]

up

up

 

[زمزم @]

منال القلب أبي تدليني على محلات الأثاااث لغرف النوم تكون كلاسيكة ورخيصة عشان تكون عند المعلمات الجدد المغتربات فكرة
عن هالمحلات ولاتروح للمحلات التى تضرب بالسعر وتتوهق وتضطر تشتري لأنها ماتعرف وين الأماكن اللي فيها أشياء مناسبة

 

[منال القلب]

اذا تبين أثاث رخيص:

- العيسى للمفروشات: صاير يم سنتر بيونت الشويخ
- ايكيا: صاير داخل مجمع الافنيوز عندهم أثاث رخيص وفوق هذا عملي وجودته عالية.
-بنتا : هم عندهم غرق نوم رخيصة ومكانهم بالشويخ

 

[e.ngland]

حبيبتي انتي صاحيه ولا بمخج شي ترا احنا بعطله
وبعدين ما شفنا اللي شريتيه بالبيت رايحه السوق وتصورين اهناك
والتنانير اشلون صايره ما عجبوني
انا اشوف ابلاتي شحلات لبسهم ما شفت ابلات كويتيات يلبسون جذي
صج انهم رخاص بس مو كل رخيص ينلبس ​

thX mnaloooH loveich XD​

 

[منال القلب]

^
^

اكو أسلوب أرقى من هالأسلوب حبيبتي
وبعدين انا كيفي انزل الموضوع بالعطلة انتي شحارج؟
دامج طالبة وماتعرفين بسوالف الأبلات خلاص حبيبتي لا تتدخلين بهالأمور..
واذا انتي ماعجبج الي مصورته في غيرج راح يعجبه
لأن لولا اختلاف الأذواق لبارت السلع.
وبما انج طالبة ليش داشة قسم المعلمات؟
انا هالمرة بسامحج وبطوفها لج

 

[سكارلت]

يعطيج العافية ​

يامنال اشهد انج سنعة وجيدة وهبة ريح ​

ما شاء الله عليج :rerrerek:​

عندي سؤال بس منحرجة منه​

ماتدرين انتي او اي وحدة من الشقرديات عن احسن مكان تقدر مدرسة اللغة الأنجليزية​

تتسوق منه وتشتري غريضاتها عشان تونس وريعاتها الطالبات
يوم اني عملي قسمي ميت ووسائلهم تجيب المرض وانا بصراحة
ما احب جذيه ودي اونس نفسي وطالباتي واخلي الحصة حلوووة
بس طبعاً ابي مكان حلو ورخيص<<<<تتشرطين بعد خخخخخ
ادري ان اغلبكم مو معلمات انجليزي بس قلت كود انكم تعرفون زميلاتكم معلمات
الأنجليزي بمدارسكم وتنشدونهم​

ويعطيكم العافية كلكم​

 

[منال القلب]

سكارلت: هلا فيج حبيبتي وتسلمين على كلامج الطيب مثلج.
إذا تبين وسائل واغراض تختص بالانجليزي >> مكتبة العجيري بحولي + محاميد بو 100 فلس + رامز + طيور الجنة بتلقين وايد وايد شغلات ببالج ومو بالج والاحلى انهم رخاص يعني لو تودين معاج 40 دينار تشترين أغراض حق كورسين كاملين..

 

[سكارلت]

يعطيج العافية والله ماتقصرين راعية فزعة ونخوة
بس العجيري رحت لها وغالية شووي لأني يوم كنت عملي
شغلي واااجد واحب الفناتق وهالشي فلسني مع الأسف!!
وبالنسبة للمحلات الثانية بجربها ان شاء الله قريب قبل رمضان

ادري بتعبج معاي بس والله اخر سؤال خخخ
ماتدرين شنو ارخص واحسن مكتبة بالكويت حق التصوير والطباعة والتغليف وهالسوالف
وياحبذا لو تكون بالرابعة

ما ابي السنافر وطقتها اسعارها ناااااااار وشغلها الكل شايفه ويعرفه!!

 

[منال القلب]

لاعادي حبيبتي اخذي راحتج بالاسئلة. بالنسبة حق الرابعة مادري والله.. وانا ما اتعامل بمكان معين حق التصوير والطباعة ف ما اقدر أفيدج.. وان شالله البنات يقدرون يساعدونج.. واب لعيونج

 

[سكارلت]

ماتقصرين يا السنافيه واتمنى بنات الرابعة يردون علي